82
II FƏSİL
CƏLİL MƏMMƏDQULUZADƏ NƏSRİNDƏ
GÜLÜŞÜN ÜSLUB RƏNGLƏRİ
2.1. Satirik üslub
Cəlil Məmmədquluzadə qələmə aldığı hadisələrə,
insanlara bəslədiyi münasibətdən, əhvalatları necə şərh
etməsindən asılı olaraq satirik üsluba, satirik boyalara
müraciət edir. Bu boyalar təsvir və təhkiyədən, obraz-
ların taleyindən və ya ictimai mövqeyindən asılı olaraq
müxtəlif çalarlarda üzə çıxır. Satirik təsvir zamanı hə-
min boyalar tündləşib ətrafı və insanın varlığını qəm
pəncərəsindən süzülən qaranlıqların doğurduğu qara,
qırmızı, tünd və boğuq rənglərlə çulğalayırsa, yumo-
ristik təsvir və təqdimdə C.Məmmədquluzadənin vətən-
daş qəlbinin nəvaziş və işıq saçan nurlu çalarları ruhu-
muzu oxşayır. Bu rəng çalarları hər əsərdə, h ər obrazda
özgün cizgilərlə üzə çıxır. Ədibin satirik üslubu əsl
həyat anlayışına, yeniliyə, mütərəqqi ideyalara zidd olan
köhnə fikirləri, mənəviyyatsızlığı ifşa etdiyi kimi,
yumoristik üslubu sanki şəfaverici məlhəm şəklində üzə
çıxır. Professor Məmməd Məmmədovun yazdığı kimi:
«C.Məmmədquluzadənin realizmində həyatın dərin, real
təsviri tənqidi başlanğıc ilə üzvi surətdə birləşir. Satirik
gülüş, yumor ictimai hadisələrin əsl mahiyyətini açmaq
vasitələrindən birinə çevrilir.
Formaca müxtəlif, rəngarəng olan yumor, gülüş
83
özünün ən yüksək ifadəsini, komik qüvvəsini yalnız
satirada tapır… Satirada hiddət ilə yumor, nifrəti ilə
mənalı gülüş birləşir…
C.Məmmədquluzadə hekayələrinin təsir qüvvəsi
həyatiliyində olduğu kimi, onun gülüşünün də gücü real-
lığında, obyektivliyindədir. Bu gülüş obyektiv olmaqla
bərabər, ifadəcə xeyli müxtəlifdir. Ədibin hekayələrində
rəngarəng komizm üsullarından istifadə olunmuşdur
(132, 103-104).
Ümumiyyətlə, «üslub sənətkarlığın ən vacib məsə-
lələrindəndir… Üslub heç də yalnız texniki üsulların,
bədii ifadə vasitələrinin cəmi və formal yığını deyildir.
Üslub bunların hamısının üzvi birliyi, sənətkarın həyat
və sənət baxışları, əsərin ideya mündəricəsi ilə şərtlən-
miş təşkilidir. Bitkin və orijinal üslublar bir tərəfdən
real varlığı kəşf edirsə, digər tərəfdən müəllifin öz
varlığını rəsm edir» (130, 207).
Ədibin nəsrində ictimai mətləbləri ifadə etmək
üçün satirik üslub forma və məzmunca dəyişir. Bu üslub
həyatın, insan xarakterinin mənfi təzahürlərinə qarşı
tənqidi münasibətin ən şiddətli formasıdır. Həmin iki
istiqamətlilik üçün səciyyəvi xüsusiyyətlər bunlardır:
a)hüzn, təəssüf, qəzəb intonasiyası;
b)satirik və sarkastik intonasiya.
Qeyd olunan bu iki motiv bəzən tam müstəqil
şəkildə epizodlarda, bəzən də qovuşuq, müştərək təsvir
olunaraq bütün süjet xətti boyunca inkişaf etdirilir.
Ədibin zahirən hər hansı bir əhvalat təhkiyəsində
müxtəlif insanların başına gələn baməzə işlər göstərilir,
84
sonda isə gülməli hadisələr ciddi sosial problemlərə
yönəlir. Belə gülməli əhvalatın tənqid obyektinə müəllif
münasibətində təəssüf, qayğı daha çox olduqda oxucuda
qəzəb, nifrət yox, kədər hissi doğurur. Məsələn: «Poçt
qutusu»nda təsvir olunan əhvalat zahirən sadə, bəlkə də
gülməlidir. Hekayəni nəzərdən keçirdikdə ədibin Nov-
ruzəlinin saflığını hər şeydən yüksək tutduğunu görürük.
Müəllif poçt qutusunun nə olduğunu bilməyən bu avam
kəndliyə deyil, onun əməyinin məhsulunu mənimsəyən,
amma güzəranının qayğısına qalmayan xana qəzəblənir.
«Poçt qutusu» hekayəsini diqqətlə nəzərdən keçirən hər
kəs bu nəticəyə gələcəkdir ki, Molla Nəsrəddin maraqlı
bir sərgüzəşti yazıb, oxucunu güldürmək istəmişdir.
Bizim heç birimiz Novruzəliyə sona qədər gülə bilmirik,
bunu biz istəsək də bacarmırıq, çünki Novruzəlinin
vəziyyəti yalnız zahirən gülməlidir. Əslində isə
ağlamalıdır» (109).
Ümumi məzmunundan hasil olan nəticə avam, sadə
Novruzəlilərin acınacaqlı aqibəti haqqında kədərli,
hüznlü düşüncələrə aparır.
«Usta Zeynal»da usta Zeynallar, «İranda hürriyyət»
əsərində Kərbəlayı Məmmədəlilər, Pərinisələr, «Saqqalı
uşaq» hekayəsində Kəblə Əzimlər satirik üslubun eyni
intonasiya çalarında qayğı, can yanğısı ilə oxucunu
təəssüf hissi keçirməyə sövq edir.
Ədibin hüzn, təəssüf, qəzəb intonasiyalı satirik
üslubu ictimai ittiham məzmunlu lirika ilə vəhdətdə
götürülür. «Əslində ictimai ittiham məzmunlu lirika şi-
fahi xalq ədəbiyyatımızdan başlamış, həmişə Azərbay-
85
can nəsri üçün səciyyəvi olmuşdur. Nəsrimizin ən
görkəmli abidələrindən olan «Kitabi-Əskəriyyə», «Rəşid
bəy və Səadət xanım», xüsusən «İbrahim bəyin səya-
hətnaməsi» əsərlərində bu lirikanın gözəl nümunələrinə
rast gəlirik… Satira ilə müxtəlif xarakterli lirikanın belə
uğurlu müştərəkliyi sonrakı nəsrimizdə qüvvətli şəkildə,
novatorcasına inkişaf etdirilmişdir... Cəlil Məmməd-
quluzadənin «Danabaş kəndinin əhvalatları» povestində
satira ilə lirika tam qovuşuq halda, növbələnmə tərzində
bir-birini tamamlamaqla çox cazibədar və kamil sin -
tezini tapmışdır» (147, 127) – deyə doğru olaraq şərh
edən müəllif nədənsə Füzulinin Azərbaycan dilində
yazdığı və ictimai satiranın ilk nümunəsi olan «Şikayət-
namə» əsərini qeyd etməyi lazım bilməmişdir. Bu
fikirlərə istinad edərək onu da qeyd etmək lazımdır ki,
Füzulinin «Şikayətnamə» əsəri də ictimai ittiham
məzmunlu lirika ilə vəhdətdə götürülən bir əsərdir.
Əsərin giriş hissəsində yazıçının məğrur ruhu, onun
sultanlara müraciət etməkdən peşmançılığı, nəticədə isə
böyük sənətkara, şeirə, sənətə və sənətkara necə
münasibət bəsləməsi təəssüf hissi ilə məharətlə göstəril-
mişdir. Bütün maaşlar, təqaüdlər verildikdən sonra
heyvanların yem pulları, nökərlərin cirəsi, hətta gəzinti
və təmir xərcləri ödənildikdən sonra bir şey artıq qalarsa
mənə təqaüd verilsin, bu artıq o deməkdir ki, sultan
mənə mərtəbəmi göstərir, özümü hamıdan artıq təqaüd
almağa layiq hesab etsəm də, onun yanında, hətta daş və
torpaq qədər belə qiymətim olmadığı fikri lirik fonda
iztirabla söylənilir.
Dostları ilə paylaş: |