122
ayağının torpağı da ola bilmərəm» (111, 433) təkrirləri
ilə dəqiq məqamında məsələyə münasibəti ifadə edərək
bəyin mənəviyyatsızlığını emosional şəkildə nəzərə çat-
dırır.
Konkret vəziyyətdə konkret bir psixoloji anın
əhval-ruhiyyəsinin dəqiq ifadəsi təkrirlərlə hər tipin öz
danışıqlarına uyğun seçilir. Məsələn, «Taxıl həkimi»
əsərində kəndlilərə kömək üçün gələn taxıl həkiminin
erkək ətinin kababını və Qarakənd şərabını içdikdən
sonra nə məqsədlə gəldiyini unudaraq getməsi təsvir
olunur, «Xudahafiz, salamat qalınız, sağ olunuz, allah
ömür versin, salamat qalınız, xudahafiz, xudanasir»
(111, 543) – deyə axıra kimi tamamlaya bilmədiyi vida -
laşma mərasiminə kəndlilərin «A gədə! A gədə! Həki-
min qurdu qaldı!.. Taxıl qurdu qaldı!.. A gədə!.. Ay ha-
ray, qaçın həkimin dalınca!.. Qaçın avtomobilin dalıy-
ca!..» (111, 543).
Müəllif təkrirləri həkimin və kəndlilərin öz
danışıqlarında, öz üslublarında ifadə etməyi daha
məqsədəuyğun hesab etmiş, həkimin fəaliyyətini, kənd-
lilərin əl-ayağa düşməsini, nigarançılığını daha dəqiq və
müfəssəl aça bilmişdir.
Nəticə olaraq onu qeyd etmək lazımdır ki, bədii
təsvir və ifadə vasitələrindən istifadə ədibin satirik üs lu-
bunda – a) konkret hissi obrazlılıq, b) bu və digər vasi-
tələrdən istifadənin estetik orijinallığı, d) gerçəkliyin
dərk edilməsində müəllifin xüsusi bacarığının ifadəsi
kimi diqqəti cəlb edən başlıca cəhətlərdəndir.
123
2.2. Şifahi xalq ədəbiyyatından qaynaqlanan
ifadə üslubu
Cəlil Məmmədquluzadə ümumxalq dilindən sənət-
karlıqla istifadə etmiş, ona yeni həyat və fəlsəfi məna
verərək bədii təfəkkürün poetik ifadəsini yaratmışdır.
«Burada bütün dil vasitələri elə bir monolitlik yaradıb
ki, morfoloji əlamət, sintaktik biçim gözə girmir, oxucu
yazıçının çəkdiyi lövhəni bütün detalları ilə görür,
obrazın düşüncələrindəki ağrıları, acıları, sevincləri,
birər-birər yaşayır... Burada söz söz xatirinə deyilmir,
sözün üstündə həyat psixologiyası dayanır. Bədii söz öz
axarında olduğu üçün, xalq dilində kökləndiyi üçün
doludur, şirəlidir, canlıdır, hərəkətlidir (153, 160).
Ədibin nəsrində xalq deyimlərindən istifadə üsul-
ları müxtəlifdir. Bu müxtəlifliyi bir sıra ideya-bədii
keyfiyyətinə görə üç əsas mərhələdə – a) nağıl və das-
tanların üslub əlamətləri, b)atalar sözü, məsəllər və ide -
omatik ifadələr, c) alqış və qarğışlardan istifadə üsulu
kimi daxili əlaqə, irsi rabitə və ardıcıllıqla qruplaşdır-
maq olar.
Nağıl və dastan rəvayətlərinin özünəməxsus çərçi-
vələri var. Burada daha çox cəmiyyətin ibtidai təsəvvür
və təxəyyülü, zaman və məkan sonsuzluğu nəzərə çarpır.
Milli həyat tərzi, milli məfkurə ilə zəngin olan Cəlil
Məmmədquluzadə əsərlərinin üslub fərdiliyində diqqəti
cəlb edən əsas cəhət şifahi xalq ədəbiyyatımızın qədim
nümunələrindən olan nağıl və dastanların üslub xüsusiy-
yətlərini yazılı bədii nəsrdə realist formada əks
124
etdirməsidir: «O şəhər ki, bu əhvalat orada vaqe olub,
Araz çayına yavıq Azərbaycan şəhərlərinin biridir. Və
necə ki, dindar İran torpağının qonşusu, bu şəhərin
əhalisi də iman əhillərindən bir zərrə qədərincə geri qa-
lan deyillər: demək olar ki, əhalinin küllisi allah-təala
təyin etdiyi ibadət və rəyazətində bərqərar, namazi-
yomiyyə öz vaxtında; hətta nafilə namazları və sairə
sünnəti namazlarını cabəca edən müqəddəs bir camaat-
dırlar» («İki ər»), (111, 589).
Sadəlik, təbiilik, obrazlılıq və reallıq burada çox
qüvvətlidir. Nağıl və dastanlarda olduğu kimi səmimi
deyim tərzində adi söhbət intonasiyası güclüdür. Belə
maraqlı söhbət tərzli rəvayətlər oxucunu nəql edilən
hadisələrə daha çox cəlb edir, bu hadisələrin özünə də
təbiilik və reallıq gətirir. «İndi keçək nağılımıza»
(«Saqqallı uşaq») (111, 552), «On-on iki il bundan
qabaq bir allah bəndəsi yaşıyırdı ki, onun ismi Hacı
Ramazan idi» («İki ər»), (111, 589), «Günlərin bir günü
Məhəmməd Həsən əmi sübh tezdən yuxudan durub, ge-
yinib, namaz qılıb çıxdı bir həyəti dolandı» («Danabaş
kəndinin əhvalatları»), (111, 267), «Keçmiş günlərin bir
günü qış fəsli idi. Gecədən üç-dörd saat keçmişdi»
(«Danabaş kəndinin əhvalatları»), (111, 290) və s.
Bəzən ədib nağıllarda olduğu kimi bir hadisədən başqa
hadisəyə keçid yaratmaq üçün obyektiv təsvirlərdən
istifadə edir, həyatın doğru, tipik inikası reallıqla
qədimlərdən gələn və davam edən bir keyfiyyət fonunda
bədii obrazların, hadisələrin təsvirini tamamlayır.
«Məhəmməd Həsən əmi eşşəyi gətirməkdə olsun, görək
125
pəs bu şəxs kimdir və nəçidir» («Danabaş kəndinin əh-
valatları»), (111, 269). «Hələ Xudayarbəy şəhərdə
qalmalı olsun, keçək Danabaş kəndinə və Zeynəbin
matəmindən başlayıb, deyə-deyə gələk çıxaq başa»
(«Danabaş kəndinin əhvalatları»), (111, 288), «Vallahi,
billahi, Məhəmməd Həsən əminin eşşəyinin itməkliyi bir
qəribə əhvalatdır ki, nağıl edim, siz də qulaq verib
ləzzət aparasınız» («Danabaş kəndinin əhvalatları»),
(111, 264).
«Bədii nəsrimizin inkişafı tarixində xalq dastan və
nağıllarının kompozisiya xüsusiyyətlərindən bu şəkildə
istifadənin ilk nümunəsini İ.Qutqaşınlı vermişdir (132,
27). Məsələn, əsərin başlanğıc hissəsində ədib bizə
Səadət xanımdan danışarkən birdən-birə «Bəyin ailəsini
dərvişin yolunu gözləməkdə qoyaq», yaxud «indi sizə
kimdən deyim, Əsgər ağanın atası Kazımdan» – deyə-
rək, Azərbaycan xalq nağıllarında və dastanlarında ol du-
ğu kimi, gözlənilməz bir dönüşlə yeni bir hadisənin
izahına keçir» (43, 144). Xalq sənətkarlarının əsrlər bo-
yu seçib işlətdiyi formalar cilalanmış bir üslubda Cəlil
Məmmədquluzadə nəsrində də əhvalatların bədii emos-
sional təsirini artırmış, əsas hadisələri reallaş dıraraq
əsərlərin emossionallığını daha da qüvvətləndirmişdir.
Ədibin yaradıcılıq yolunda irsiyyət və davamiyyəti,
yəni nağıllarda əsrlər boyu sabitləşən ənənəvi forma
komponentlərindən məharətlə istifadəni aşkar görə bili-
rik. Nağıllar, bir qayda olaraq, müqəddimə ilə başlayır.
«Bu hissə pişrov adlanır» (44, 189). Xalq sənətkarları
bacardıqca müqəddiməni maraqlı qurur, çox təsirli
Dostları ilə paylaş: |