Tabiatshunoslikni o`qitish jarayonida boshlangi`ch sinf o`quvchilarining moddiy dunyoqarashi asoslarini shakllantirish reja

Mehnat madaniyatini tarbiyalash.
Inson faoliyati asosan uch turga bo’lib o’rganiladi. Bularning birinchisi o’yin, ikkinchisi ta’lim faoliyati va uchinchisi mehnat foaliyatidir.
Aqli zaif bolalar o’yin orqali o’qish va mehnat foaliyatlariga tayyorlanib boradilar. Aqli zaif bolalarning turli mehnatga qatnashishlari orqali, ularda karreksion ishlarni amalga oshirish orqali ularni keyingi hayotga tayyorlab borishdan iboratdir. Tarbiya vositasi shunday mehnat bo’lishi kerakki, bunda ma’lum tarzda, ma’lum maqsadda mehnat tarbiya prosessining bir qismi sifatida tashkil etilgan .
Mehnat madaniyatini tarbiyalash aqli zaif o’quvchilarning eng oddiydan boshlab, individual va ayniqsa jamoa bo’lib o’quv ishlari bajarishlarida mo’ljallanadi.O’quv mehnati sharoitlarini tashkil qilish to’g’risidagi masala birmuncha aloxida turadi.
Mehnat madaniyatini tarbiyalashda, birinchi navbatda maktab binosiga, o’quv jihozlariga o’quvchilar munosabatini tarbiyalamoq lozim.
Mehnat madaniyati ko’nikmalari o’quvchilar tomonidan xar bir topshiriqni bajarishlarida rivojlanadi.o’qitish jarayonida bu ko’nikmalar sistemali tarzda shakllantirib boriladi.
Maktabda olingan mehnat madaniyati ko’nikmalari sistemali tarzda shakllantirib boriladi.
Maktabda olingan mehnat madaniyati ko’nikmalarini ishlab chiqarish amaliyotida va ijtimoiy ishlar bajarilayotganda dalalarda ham o’tkaziladi.
Mehnat madaniyati estetik tarbiya bilan chambarchas bog’liq.

Estetik tarbiya.
Estetika – go’zallik elementlari,sharoitlari va qonunlari to’g’risidagi fandir. Estetik tarbiya go’zallik hissi, tuyg’ular, badiiy didni rivojlantirishga qaratilgandir.
Estetika mehnatda, ijtimoiy va shaxsiy hayotda o’z atrofida go’zallik barpo etishga intilishni vujudga keltiradi. Go’zallikni ko’ra bilish,idrok qilish, barpo etish va chiroyli ish ko’rish-tarbiya vazifalaridan biridir.
Tabiatshunoslikni o’rganish tabiat go’zalligini estetik xis qilish bilan bevosita bog’liqdir,bu chuqur tarbiyaviy va idrok qilish ahamiyatiga ega.
Tabiatni idrok qilishning estetik tuyg’usini qabul qilish, tabiatga qiziqishni rivojlantirish va oqibatda vatanga muhabbat tuyg’usi bilan bog’liqdir. Estetik idrok qilish – bu faqat mushohada va tabiat go’zalligi, chiroyli narsalar, san’at asarlari bilan zavqlanishgina emas balki tabiatga, fanga, mehnatga, o’rab olgan hayotga munosabati hamdir.
“San’atdagi go’zallik o’zining manbai bilan tabiatdagi go’zallikdir va unga taqlid hamda uni ideallashtirishdir;tabiatdagi go’zallik san’atdagiga qaraganda dastlabkiroqdir. Shuning uchun ham aqli zaif o’quvchilarda tabiatga nisbatan estetik ta’sirlanuvchanlikni, har holda eng oddiy va sirli bo’lmagan narsalar bilan rohatlanish qobilyatini uyg’otish g’oyat muhimdir.
Tabiatshunoslik darslarida o’qituvchi tirik o’simliklarning go’zalligini ochib beradi. Bunga o’qituvchi kuzda gul va mevalrni o’rganish bilan bog’liq holda dastlabki tabiatshunoslik darslarida o’quvchilar e’tiborini qaratadi.
O’quvchilar e’tiborini o’simlikning tashqi go’zalligiga qaratib, yashirin go’zallikni, uning hayotini, muhit bilan xarakterli uyg’unlashtirishni, uning vatanini, kelib chiqishini insoniyat madaniyatidagi rolini idrok qilishga o’rgatmoq, ya’ni faqat chiroyli gulnigina emas balki o’simlikni, unga bog’lik bo’lgan masalalarni butun majmuasida qarab chiqish lozim.
Estetik tarbiya qo’llanishiga ko’ra quyidagi vazifalarni o’z ichiga oladi:

• 
  go’zallikni ko’rish va idrok qilishga, chiroylini xunukdan farq qilishga, bu bilan estetikani idrok qilish bilan bog’lashga:
  
• 
  tabiatda, mehnatda o’z atrofida – shaxsiy va ijtimoiy hayotda go’zallikni o’rnatish va himoya qilishga, estetikani mehnat va turmush madaniyati bilan bog’lashga;
  
• 
  chiroyli ish tutishga, estetikani etika bilan bog’lashga o’rgatishdir.
  

Tabiatshunoslikni o’qitish jarayonida estetik tarbiya ko’p qirrali bo’lishi mumkin va o’quvchilarning tabiat va tirik obyektlar bilan muloqotda bo’lishlarining barcha shakllarida rejali ravishda olib boriladi.
Estetik tarbiyada tabiatga uyushtiriladigan ekskursiyalar shubxasiz birinchi darajali ahamiyatga ega. Bu ekskursiyalarda mavzudan qat’iy nazar fasllarning - bahor, yoz, kuz, qishning, shuningdek, o’rmon burchaklari, yaylov, botqoqlik va nihoyat ayrim o’simliklarning mavsumiy xususiyatlarini qabul qilish o’rin olmog’i lozim.
Tabiatshunoslik o’qituvchilari imkoniyat bo’lganda o’quvchilarni tabiatning badiiy tasviri bilan tanishtirish uchun suratlardan foydalanadilar. Bu o’z navbatida kelgusi bahor va kuzdagi ekskursiyalarda tabiat go’zalligini idrok etishga tayyorgarlik bo’ladi.
Tabiatning go’zalligi, tasviriy san’at va eng asosiysi, ilmiy izlanish romantikasi, tabiatdagi go’zallikni ko’ra olishga o’rganishda namuna bo’ladi.
Hayotni estetik idrok etish, o’rab olgan hayotga ta’sir ko’rsatish, kishining tabiiy ehtiyoj tarbiyani faqat bolalik yoshdan boshlab rejali va tizimli ravishda olib borish orqali vujudga kelishi, mustahkamlanishi va rivojlanishi mumkin. Estetik etika bilan chambarchas bog’liqdir.
Hozirgi zamon pedagogikasida o`qituvchining faoliyati hamda o`quvchilar bilish faoliyatining xarakteri didaktik tamoyillar bilan belgilanadi. Quyida tabiatshunoslikni o`qitishda foydalaniladigan didaktik tamoyillar keltirildi.