Tashkent Medical Academy
Volume 4 | TMA Conference | 2023
Integration of Science, Education and Practice
in Modern Psychology and Pedagogy:
Problems and Solutions
Zamonaviy psixologiya, pedagogikada fan,
ta’lim va amaliyot integratsiyasi:
muammo va yechimlar
710
May 6
https://tma.uz/ International Scientific and Practical Conference
Kechikuvchi shartli refleksni tez-tez hosil qilish mudrashga, uyquchanlikka va, ba’zan,
fiziologik uyquga sabab bo‘ladi. Bu yoshda qiyosiy tormozlanish
qiyinlik bilan vujudga
keltirilib, asta-sekinlik bilan mashq yordamida takomillashadi. Masalan, qizil koptokka
nisbatan shartli refleks qilingan bo‘lsa, koptokning rangi yoki hajmi bir oz o‘zgartirilganda
qiyosiy tormozlanish hosil bo‘ladi.
O‘qutuvchi dars berishda taqqoslash, solishtirish va boshqa usullardan foydalanadi.
Masalan, qo‘shishni
ayirish bilan, o‘lik va tirik tabiatdagi hodisalarni o‘zaro qiyoslash
usullaridan foydalanib tushuntiradi. Mashq yordamida qiyosiy tormozlanish ortib,
ikkinchi
signal sistemasi birinchi signal sistemasi asosida shakllana boradi.
A.G.Ivanov-Smolenskiy bolalarda birinchi bog‘lanishning rivojlanishini sxematik
ravishda quyidagi bosqichlarga bo‘lgan:
1.
Birinchi signal sistemasining bevosita shartli reflekslari. Bunda tashqi bevosita
ta’sirlovchilar (ko‘rish, eshitish, sezgi organizmda harakat yoki vegatativ reaksiyalarii
paydo qiladi. Ikkinchi signal sistemasi shakllanmaganidan shartli reflekslarda so‘z
ishtirok etmaydi. Bunday reflekslar bola hayotining birinchi oylarida kuzatiladi.
2.
So‘z ta’sirida bevosita shartli reflekslar hosil qilish. Masalan, bolalar tili chiqishidan
ancha oldin atrofdagi odamlarning so‘zlariga vegatativ shartli
reflekslar yordamida
javob qaytaradi. Bunday shartli reflekslar bola 6 oylik bo‘lganda, ayniqsa yoshiga
to‘lganda hosil bo‘ladi.
3.
Bevosita so‘zga shartli refleks hosil bo‘lishi. Bunday shartli reflekslar kishilar va
narsalarning nomlarini va hodisalarni bola ma’lum so‘zlar bilan bog‘lashga o‘rganishi
natijasida vujudga keladi. Bola yuqorida aytib o‘tilgan ikki guruh shartli reflekslarga
uchinchi shartli reflekslar guruhini bog‘laydi.
Bolalarda nutqning rivojlanishi. Bola katta kishilar va
tengdoshlari bilan bevosita
muloqotda bo‘lar ekan turli so‘zlarni eshitib, nutqni o‘rgana boshlaydi – bolada nutq
rivojlanadi va shakllanadi. So‘zlar avval shartsiz ta’sirlovchilarning signallari, so‘ngra shartsiz
reflekslarning signallari sifatida ta’sir etadi va asta-sekinlik bilan shartli hamda shartsiz
ta’sirlovchilarning o‘rnini bosadi.
Bola 5 oyligida so‘zlarga
tushunadi, so‘zning intonatsiyasiga qarab turli reaksiyalar
namoyon qiladi. So‘z ohangi va imo-ishoralarga nisbatan bolada shartli harakat reflekslari
hosil bo‘ladi. Bir yasharlik bola 10-30 ta so‘zni ayta oladi, 1,5 yoshdan boshlab so‘z boyligi
orta boradi va 3 yoshda 700 atrofida so‘zni biladi. Bolaning so‘z
boyligi mashq qilishga,
tarbiyaga va nerv sistemaning o‘ziga xos xususiyatlariga bog‘liq.
Хulosa qilib shuni aytish joizki,
bolalar nerv sistemasining
xususiyatlari va nerv tiplari ularning hayoti mobaynida o‘zgarib boradi.
Masalan, xolerik temperamentiga ega bo‘lgan bola tarbiya ta’sirida