Таянч тушунчалар: Педагогик кадрлар, касбий малака, педагог кадрларнинг касбий малакаси, педагогик кадрлар малакасига қўйиладиган талаблар, таълим жараёнининг дидактик моҳияти, таълим парадигмалари, педагогик тадқиқот методлари

Avtomobil yoʻllari ‑ muxandislik inshootlari kompleksi boʻlib, hisobiy yuk va belgilangan tezlikda avtomobillar harakati uzluksizligini, xavfsizligini va qulayligini taʼminlashga xizmat qiladi. Yoʻlning muhandislik inshootlari kompleksiga yoʻl poyi, yoʻl toʻshamasi, koʻpriklar, quvurlar va boshqa sunʼiy inshootlar, yoʻl jixozlari va himoya qurilmalari, avtoservis, yoʻl va avtotransport bino va inshootlari kiradi. Yoʻl va uning inshootlari elementlari holatini va oʻlchamlarini yoʻlning texnik va foydalanuv holatlari ifodalaydi.

• Yoʻlning texnik holati – yoʻl va uning inshootlari doimiy (ekspluatatsiya jarayonida oʻzgarmaydigan yoki faqat rekonstruksiya va taʼmirlashdan keyin oʻzgaradigan) koʻrsatkichlarining (yoʻl poyi va qatnov qismi loyihaviy kengligi, toʻgʻri va egri uzunligi, tik kutarilish va tushish joylari nishabligi va uzunligi, koʻtarma balandligi va oʻyma choʻqurligi, koʻprik va yoʻl oʻtkazgichlar gabariti va yuk koʻtarishi, jixozlanish elementlari) meʼyoriy talablarga muvofiq kelish darajasi hisoblanadi. Yoʻlning ekspluatatsion holati–yoʻlning oʻzgaruvchan koʻrsatkichlarini va tavsiflarini (yoʻl toʻshamasi mustaxkamligi, yoʻl ustki yuzasi holati, qatnov qismi va yoʻl cheti haqiqiy foydalanuv kengligi, qoplama ravonligi va tishlashish sifati, yoʻl belgi chizigʻi, muxandislik jixozlari holati) transport vositalari va meteorologik sharoit taʼsiridan, hamda saqlash darajasiga bogʻliq ravishda meʼyoriy talablarga muvofiq kelish darajasi hisoblanadi.

• Yoʻl va uning inshootlarini texnik va ekspluatatsion holatini zarur boʻlgan darajasini taʼminlash uchun yoʻllarni taʼmirlash va saqlash xizmati tashkil qilinadi. Yoʻllarni taʼmirlash va saqlash xizmatining asosiy maqsadi - harakat jadalligi va yuklarni oʻsib borishiga muvofiq ravishda yoʻlning texnik va ekspluatatsion holatini oshirish hamda taʼminlab turish, shu bilan birga avtomobillar ish samaradorligini va unumdorligini oshirish, yuk tashish tan narxini pasaytirishdan iborat.

•