20
Nüvə partlayışı enerjisinin təqribən 50%-i zərbə dalğasının, 55%-i işıq
şüalanmasının, 4%-i nüfuzedici radiasiyanın yaranmasına, 10%-i yerin
radioaktiv zəhərlənməsinə və 1%-i elektromaqnit impulsunun yaranmasına
sərf olunur.
Zərbə dalğası
Zərbə dalğası partlayış mərkəzindən hər tərəfə çox yüksək sürətlə
yayılan çox güclü sıxılmış hava, torpaq, su qatından ibarətdir. Zərbə
dalğasının zədələyici təsiri sursatın gücündən, partlayışın növündən və
partlayış mərkəzinədək olan məsafədən, yerin relyefindən və s. asılı olur.
Nüvə silahından qorunmaq üçün düzəldilmiş sığınacaq və
daldalanacaqlar adamları zərbə dalğasının təsirindən qoruyur. Bu məqsədlə
xəndəkdən, yeraltı binalardan, habelə yerin relyefindən də müəyyən dərəcədə
istifadə etmək mümkündür.
Zərbə dalğası özünün yayılması istiqamətində rast gəldiyi binaları və
başqa yerüstü tikililəri dağıdır və zədələyir.
İşıq şüalanması
İşıq şüalanması nüvə partlayışı zamanı meydana çıxan od kürəsinin
saçdığı gözə görünən ultrabənövşəyi və infraqırmızı güclü şüalanma selidir.
Təsir müddəti nüvə yükünün gücündən asılı olaraq 10-20 saniyə olur. İşıq
şüalanmasının zədələyici təsiri işıq impulsundan, yəni işıq şüalarına nisbətən
şaquli yerləşmiş səthin hər bir kvadrat santimetrinə bütün şüalanma ərzində
düşən işıq enerjisinin miqdarından asılı olur. Müxtəlif sahələrdə yaranmış işıq
impulsunun kəmiyyəti nüvə partlayışının gücündən, növündən, məsafədən və
hava şəraitindən asılı olur. İşıq şüalanmasının təsir müddətinin 10-12 saniyə
olmasına baxmayaraq o, xeyli məsafələrdə bədən yanıqlarına, gözlərin
müvəqqəti ya həmişəlik korluğuna, müxtəlif materialların alovlanmasına,
kömürləşməsinə və ya əriməsinə, yaşayış məntəqələrində, meşələrdə,
mədənlərdə, tarlalarda güclü yanğinlara səbəb ola bilər.
İşıq şüalanmasının təsiri meteroloji şəraitdən çox asılı olur. Qatı duman
yağış və qar onun təsirini 10-20 dəfə zəiflədir. Sığınacaqlar və daldalanacaqlar
işıq şüalanmasının təsirindən qorunmaq üçün ən etibarlı yerlərdir.
Dostları ilə paylaş: