www.kitabxana.net
– Milli Virtual Kitabxana
73
İltifat düz eşidibmiş - onun da adı çəkilirdi. Görəsən kimdi onu yada salan? - ürəyinə təlaş düşdü. İnsanı
dünyada atadan, anadan qeyri kim çox istəyə bilər? Əvvəlki məhkumluğuna baxma, iki dünya bir ola bu dəfə
atası yanına gələn deyil, xasiyyətinə bələd idi. Yalnız anası ola bilər. Ana ürəyinin qiyməti yoxdur. Qiyməti
olmadığı üçün də onun dəyərini insan itirənədək dərk etmir.
Əziz ürəyi çırpına-çırpına gəldiyi yolu geri qayıtdı. Vaxtaya daxil olub yaşayış zonasına olan gediş-
gəlişə nəzarət edən nəzarətçi çavuş Mehmanla görüşdü:
- Radioda adımı çəkdilər. Doğrudan görüşə çağırırlar? Heç inanmağım gəlmir.
- Adın nədir?
- Əziz Əzizzadə.
Mehman otaqdakı balaca stolun üstündəki jurnalın altında gizlədilmiş xırda kağız parçasını tapıb orada
yazılan adlara göz gəz-dirdi:
- Var, sənin adın var. Burdan sağa dön, sonra düz get. Görüş orda verilir. Əbülfəzi tanıyırsan, onu gör,
görüşə o baxır. Bax ha, qayıdanda mənim şirinliyimi verəcəksən.
- Oldu, yaxşı, - deyə Əziz onun göstərdiyi yolla görüş verilən tərəfə getdi. O, Əbülfəzi görməsə də
haqqında eşitdiklərindən onu tanıyan qədər var idi. Deyilənə görə bu adamda pul söhbətində insaf, abır-həya
adlı şey yoxdur. İşi-gücü, məqsədi, amalı görüşə gələn vətəndaşlardan rəisin müəyyən etdiyi həddən artıq
bacardığı qədər çox pul qopartmaqdır. Üç-beş manatla kifayətlənməyib, könlündən
rəisə hər axşam hesabat edib
verdiyi pullar qədərində özünə də pul qalması keçirdi. Ona görə də istədiyi pulu almayanda tez bildiyi bic-
likləri işə salır, sənədlərdə neçə dənə istəsən səhv, uyğunsuzluq, qa-nundan kənar əmmalar tapır. Sənədlərdə heç
nə tapmasa, işində son dərəcə dəqiq adamlar kimi şəxsin özünü, gətirdiyi bütün ərzağı az qala mikroskopla
yoxlayıb saatlarla incidirdi. Bir neçə dəfə Əbül-fəzdən rəisə şikayətlər də edilmişdi. Rəis həmin dəqiqə Əbülfəzi
çağırıb görüş yerində, adamlar arasında çığır-bağır salsa da, əslində onun iş üslubundan ürəyində razı idi.
Çünki, Əliməmməd bilirdi ki, bu milləti sıxmasan, incitməsən, öz kefinə qoysan, salamdan artıq nə isə verməz.
Salamın ümidinə qalsa onu bir gün də bu vəzifədə sax-lamazlar.
Görüş otağının qapısında katyol korpusda qalan Mahmud dayanmışdı. Salamlaşdılar.
- Mahmud,
görüşə gəlmisən, kimin gəlib?
- Yerlimin yanına gəliblər, kəndçilərimdi. Əbülfəz buraxsaydı görüşərdim, evə məktub göndərərdim.
- Buraxmır?
- Nə bilim, Əbülfəzin sözündən baş açmaq olur? Sənin yanına gəliblər?
- Bilmirəm, radioda adımı çəkdilər.
- Odey gəlir, soruşarsan.
Mahmud idarənin ikinci mərtəbəsindən pilləkənlərlə enən, əlində çoxlu pasport və sənədlər tutmuş boy-
buxunlu, sifətindən özündən razılıq, hiyləgərlik yağan çavuşu göstərdi. Əbülfəz yaxın-laşıb Əzizin üstünə
çımxırdı?
- Sən kimsən? Adını de.
- Adım Əzizdir.
- Əzizzadə Əziz?
www.kitabxana.net
– Milli Virtual Kitabxana
74
- Bəli.
- Bə, harda yatıb qalmısan? Səhərdən camaat səni gözləyir, beş dəfə elan verdirmişəm. Əcəb adamsan,
yoxsa qabağına gəlim, oynaya-oynaya?
- Gec başa düşdüm, inanmağım gəlmədi. Sən Allahın, kim gəlib yanıma?
- Axırıncı dəfə olsun,
gələn dəfə də gec gəlsən, görüşə burax-mayacağam. Gəl arxamca, qohumun gəlib.
Əzizi narahatlıq bürüdü: görəsən hansı qohumdu, kimdi? Gö-rüş otağında onu gözləyən dayısı oğlu
Samiri görəndə ürəyi sakit-ləşdi. Onu çox güman ki, bacısı göndərmişdi. Bacısı ilə Samirin arasında xoş
münasibət olduğunu bilirdi. Bu xoş münasibətin gələ-cəkdə sevgiyə çevrilməsinə heç kəsin də etirazı yox idi.
Samir pay-pərəsiz gəlmişdi. Hal-əhval tutduqdan sonra giz-lincə Əzizin cibinə pul qoydu, evlərindən
göndərmişdilər. Anası gəl-mək istəyib, amma atası “hələ tezdir, qoy bir-iki il yatıb ağlı başına gəlsin”, - deyə
qoymayıb. Daim ona ürəyi yanan bacısı anası ilə xəl-vəti razılaşıb Samiri göndərmişdilər. Tutulduğu gündən
bəri ötən üç ayda ilk dəfəydi onun yanına gələn olmuşdu. Nə yaxşı ki, dünyada anamla bacım var, yoxsa kim idi
məni yada salan! - gözləri dolaraq düşündü. İstədi Zinyət barəsində soruşsun, Samir ondan kiçik olsa da,
Zinyətin adını çəkməyə utandı. Samir sözarası cibinə qoyduğu pulu xatırladanda, yadına söz verdiyi borclar
düşdü. Pulu qorumaq məqsədilə görüşdən çıxanadək, paralayıb paltarının müxtəlif hissə-lərində gizlətməyi
qərara aldı.
- Yadımdan çıxmışdı, sənə məktub da göndəriblər, - Samir dörd yerə qatlanmış kağızı ona uzatdı. Bacısı
yazmışdı, xəttini tanıdı.
- İstəyirsən
sonra oxuyarsan, sakitlikdə.
- Yox, - Əziz etiraz etdi, - bəlkə nəsə soruşur,
qoy bilim ki, cavabını sənə deyim.
Məktubu acgözlüklə oxumağa başladı. Oxuduqca qarşısında sanki bacısının doğma, mehriban çöhrəsini
görür, anasının nəfəsi tək isti, əziz nəfəsini duyurdu: “Bacı sənə qurban, salam, necəsən? Biz yaxşıyıq. O bir
Allahdan sənin də yaxşı olmağını arzu edirəm. Mama gecə-gündüz sənin fikrini edir. Neçə dəfə istəyib yanına
gəlsin, kişi icazə vermir. Hələ acığı soyumayıb. Bilirəm, Zinyəti unutmamısan. Bir neçə gün olar xəstəxanadan
qayıdıb, yaxşıdır. Xəstəliyi yoxdur, narahat olma. Özünə qəsd etmək istəmişdi. Səndən gizlətməyin nə mənası,
onsuz da nə vaxtsa bilib, gizlətməyimə görə məndən inciyə-cəksən. Yaxşısı hər şeyi olduğu kimi bilməyindir.
Çox çalışdılar onu öz evinə qaytarsınlar, getmədi. Əvvəlki qadın salonunda işləyir, bi-zim blokda anası ilə qalır.
Ötən günlərin birində anamla qarşılaşar. Səhər-axşam sənin fikrini çəkən arvad Zinyəti görüb qeyzlənər, “nə
qulağına, oğlumu göndərib türməyə özünçün gəzirsən” deyib acı-layar. Onsuz da özünü günahkar bilən Zinyət
bu sözdən sonra özünü öldürmək üçün ovucla dərman içər. Halı pisləşər, vaxtında xəbər tutub xəstəxanaya
aparıb xilas edərlər. Düzü mamanı da qınamalı de-yil. Hər bir ana yandığından belə söz deyə bilər. Amma,
biləndə ki, Zinyət özünə qəsd etmək istəyib, peşman olmuşdu. Bunları yazmaq-da məqsədim odur ki, bu söhbəti
biz ola-ola başqasından eşitmə-yəsən...”
Arxasını oxumağa Əzizin hövsələsi çatmadı. Belə məktubu gərək Samir demişkən sakit, kimsəsiz yerdə
tələsmədən oxuyasan. Məktubu qatlayıb döş cibinə qoydu.
Samirin getmək vaxtı çatdı. Əziz ona dərin minnətdarlığını bildirdi:
- Çox sağ ol, Allah ürəyinə görə versin. Məndən hamıya salam de. Evimizə deyərsən, narahat olmasınlar,
yaxşıyam, yaxın günlərdə poçtla məktub yazacağam. Sağ ol.
- Salamat qal.
Samir otaqdan təzəcə çıxmışdı, Əbülfəz başının üstünü kəs-dirdi.