www.kitabxana.net
– Milli Virtual Kitabxana
124
gələn həyat yoldaşını, çəkdiyi əzab-əziyyətlər bezikdir-mirdi. Uşaqların sayı da hər iki-üç ildən bir artırdı. Bir
dəfə nazir-liyin məsul qadın işçilərindən biri müəssisəyə, məhkumlarla görüşə gələrkən, Nurullanın on ildən
çox həbsdə ola-ola yeddi uşağı olmasını eşidib təəccüblənmişdi: bəs bu uşaqlar necə olub? Nurul-lanın izah
etməkdə çətinlik çəkdiyini görən rəis tez məsul işçinin qulağına pıçıldamışdı ki, qayda-qanunla müəssisədə
yaradılmış şərait yoldaşı ilə görüşə imkan verir. Məsul işçi anlayıb gülümsəmiş, Nurulla isə utanıb başını yerə
dikmişdi.
Təzə evli olanların əksəriyyəti isə, tutulandan il keçməmiş arvadlarının məhkəməyə boşanma ərizəsi
verməsi xəbərini alırdı. Etiraz edəni az olurdu. Cavan qadının illərlə dözüb xəyanət etməyə-cəyinə
inanmayanlar, arvadlarının boşanma üçün məhkəməyə etdik-ləri müraciətə qeyd-şərtsiz, həvəslə razılıq
verirdilər. Çöldə kimin-ləsə gəzib adımızı batıracaqlarsa, bəri başdan boşamaq sərfəlidir, - düşünürdülər.
Namus cinayət aləmində hər şeydən uca tutulurdu. Mehbalı kişi ahıl yaşında namus üstündə yatırdı.
Nəvələri olan bu kişi gecə-lərin birində hiss edir ki, qaranlıqdı, yanında yatan arvad ona xəyanət edir. Sakitcə
ayağa durub qonşu otaqdan baltanı götürüb gəlir. Balta-nın küt tərəfini yorğan döşəkdə yatan arvadın başına
çırpır. İşığı yandırandan sonra tək-tənha uzanmış arvadın öldüyünü görür. Hadi-sədən neçə illər keçsə də, bu
günə kimi ayırd edə bilmirdi ki, arvadı başqası ilə yuxuda görmüşdü, yoxsa həqiqət idi? Ara yerdə ailənin
nifrətini qazanmışdı. Uşaqlar da, nəvələr də - hamı ondan üz döndər-mişdi, heç kim yanına gəlmirdi. Cəza
müddətinin sonu yaxınlaşsa da, çölə çıxmaq istəmirdi. Çöldə ona kim baxacaqdı, harada yaşaya-caqdı, yazıq
kişini dərd götürmüşdü.
Əzizin Zinyətə görə narahatlığı əsasən Kamran tərəfindən idi; Zinyətin məktubundan açıq-aydın
görünürdü ki, bacı-qardaş arasın-dakı münasibət get-gedə düşmənçiliyə çevriləcəkdi. Zinyətin inadcıl-lığı
başına bəla açacaqdı. Atasının vəsiyyətini danan Kamran isə öz istəyinə çatmaq üçün hər yaramazlığa əl ata
bilərdi. Tanıdığı məh-kumlar arasında əmlak bölgüsünə görə, qardaşını, bacısını öldürən-lər az deyildi. Belələri
nə vaxtsa ürəklərində vicdan əzabı çəksələr də, dillərində özlərini haqlı sayırdılar.
Son günlər Əzizin gecələr gördüyü qatmaqarışıq yuxular, onu lap hövsələsiz etmişdi. Gah onları bir sürü
ilan izləyirdi, gah selə düşürdülər. Hər dəfə də Zinyət onu köməyə çağırırdı. Nədənsə, istək-lisinə yetişincə
yuxudan ayılıb özünü qan-tər içində görürdü. Olmaya Zinyətin başına bir iş gəlib? Haradan, kimdən, necə xəbər
tutsun? Aynur məktub, ya bir xəbər çatdırmırdı ki, bilsin nə var, nə yox, ürə-yi sakitləşsin.
Bir səhər zonun həyətində onu əməliyyatçı baş leytenant Orxan səslədi:
- Əziz, bəri gəl!
- Xeyirdirmi, cənab baş leytenant? - O, Orxana yaxınlaşıb maraqlandı.
- Xeyri sənlikdir. Gedək otağa məktubunu verim apar.
Sevincindən Əzizin ürəyi uçunurdu. Yəqin bacısı yazıb, söz vermişdi, sözünə əməl edib. Görən nə
yazıb, ay Allah?!
Əziz Orxanla otağa daxil oldu. Əməliyyat işinin yazı-pozu-suna, gələn-gedən məktublara Orxan baxırdı.
Baş leytenant stolun si-yirtməsindən məktubu çıxarıb Əzizə uzatdı:
- Şirinliyi gəlsin.
www.kitabxana.net
– Milli Virtual Kitabxana
125
- Gəl belə danışaq. Aparım, oxuyum, sevinsəm baş üstə, yox sevinməsəm, incimə məndən şirinlik
olmayacaq, - Əziz məktubu aldı.
- Yaxşı, apar oxu, - Orxan razılaşdı.
Əzizin məktubu oxumağa cürəti çatmırdı: ya sevincindən qa-nad açıb uçacaqdı, ya da yenidən qəm
dəryasına qərq olacaqdı. Onun keçirəcəyi hisslərin kimsənin görməməsi üçün sakitliyə, həmişə İltifatla oturub
dərdləşdiyi oturacağa tərəf addımladı. Tut ağacının köl-gəsində əyləşib, həyacandan əlləri titrəyə-titrəyə məktubu
açıb hə-risliklə oxudu: “Əziz qardaşım, Əziz! Salam! Necəsən? Biz yaxşıyıq. Mamanın sənə çoxlu salam-duası
var. Canının sağ olmasını və tezlik-lə çölə çıxmağını Allahdan arzu edirik. Sənə məktub yazmağa tələs-mirdim.
İstəyirdim vaxtı çatanda xoş xəbər yetirim. Amma, görünür qismətdən qaçmaq mümkün deyilmiş. Narahat olma.
Zinyət sağ və salamatdır. Ancaq, özü də istəmədən duran yerdə evlərində olan dava-dalaş nəticəsində başı bəlaya
düşüb. Hə, yenə qardaşı ilə sözləri düz gəlməyib. Kamran ondan uşağı məhv etməyi tələb edirmiş. Mübahisə
qızışdıqca bir-birini təhqirə keçiblər. Təhqirlərin birində Zinyət əlin-dəki iri, qalın stəkanı Kamranın başına necə
çırpıbsa, Kamran yerə yıxılıb özündən gedib. Huşu başına gələndən sonra qayıdıb evinə, özünü yaxşı hiss
etməyib. Səhəri günü təcili yardımla xəstəxanaya çatdırılıb. İki gün ötüb, üçüncüsündə elə orda keçinib. Yarım ay
olar dəfn olunub. Cinayət işi açılıb, müqəssir Zinyət sayılır. Hamiləliyini nəzərə alaraq Zinyəti hələlik
məhkəmənin hökmünədək həbs etməmə-yi qərara alıblar. Məhkəmə yaxın həftədə keçiriləcək. Çoxdan əlim
gəlmirdi bunları sənə yazmağa. Neyləməli, olacağa çarə yoxmuş. Mə-nim borcum isə baş verənləri sənə ərz
etməkdir.” Əzizin qəhərdən gözləri dolmuşdu, odu ki, arxasını oxuya bilmədi: Zinyətin tezliklə həbs ediləcəyi gün
kimi aydın idi! O, Zinyətin adı hallanmaması üçün olmayan cinayəti boynuna götürüb ömrünü həbsdə çürütməyə
razı olmuşdu. Belə yerdə deyilib: sən saydığını say, gör fələk nə sayır. Onun çalışdığı əbəs imiş, Zinyət türməni
görməliymiş. Hələ bunlar azmış, ola bilsin ki, onların sevgisinin meyvəsi - balası həbsxanada, dəmir barmaqlıqlar
içərisində dünyaya göz açacaqdı... Onun nə qəribə taleyi var imiş, ilahi! O belə taleyə layiqdirmi?! Sualına cavab
axtarırmış kimi gözlərini göyə dikdi. Heç kimə göstərmək istəmədiyi, güclə saxladığı göz yaşları qəhərə dönüb
boğazına doldu. Səmanın göz işlədikcə qüdrətli duruşundan, sonsuz ənginliklərindən nəsə anlamaq mümkün işə
oxşamırdı. Bir anlıq nəfəsini tutan qəhərdən boğazını arıtlayıb, çatmayan havanı sinədolusu ciyərlərinə çəkdi.
Özündən asılı olmayaraq, ulu yaradana dua etdi: “Şükür, şükür, yaratdığın günə, verdiyin nəfəsə...” Çəkdiyi
nəfəsdən, gözünün qırpmasınadək - hər şey o uca varlıgın ixtiyarında idi.
***
Üç gün idi, şəhərdənkənar müəssisələrin birində məhkumların qiyamının baş verməsi ilə əlaqədar,
nazirin əmri ilə bütün islah əmək müəssisələrində gücləndirilmiş iş rejiminə keçilmişdi. Gücləndiril-mənin
səbəbini məhkumlardan hələlik gizləmək tapşırılsa da, sirr saxlamağa hulqumu olmayan zabit və nəzarətçilərin
hesabına məh-kumların əksəriyyəti məsələdən xəbərdar idi.
Hadisə möhkəm rejimli müəssisədə olmuşdu. Axşam yoxla-ması zamanı əvvəldən razılaşmış iki
məhkum xasiyyətcə kobud rəisi bilərəkdən yersiz hərəkətləri ilə özündən çıxarırlar. Rəisin söyüşün-dən sonra
təhqirə dözməmələrini bəhanə edərək, gözlənilmədən onun üzərinə atılıb bıçaqla ölümcül yaralayırlar. Rəis
müavininin tapança-sını çıxarıb göyə atəş açması ilə xaosun, ağlı başında olmayan küt-lənin qabağını almaq
olur. Rəisi təcili xəstəxanaya aparıb, ölməsinə imkan vermirlər. Vəhşiləşmiş iki məhkumu isə qandallayıb,
www.kitabxana.net
– Milli Virtual Kitabxana
126
doyunca çırpıb həbsxanaya göndərirlər. Çağırılmış daxili qoşun əsgərlərinin müəssisəyə daxil olması ilə
adboyadək rejim şəraiti əvvəlki vəziyyə-tinə qaytarılır. Bununla belə, prokuror və müstəntiqlər açılmış cina-yət
işinə dair fəaliyyətlərini hələ bitirməmişdilər.
Bu hadisədən hamı mütəəssir olmuşdu. İstintaq başa çatandan sonra nə qədər əməkdaş cəzalandırılacaq, iş
yeri dəyişdiriləcək, işdən kənarlaşdırılacaqdı! Hər yerdə yoxlamaların sayı çoxalacaqdı. Heç məhkumlara da yaxşı
olmayacaqdı. İki vəhşinin ardınca, onlarla məh-kumun cəza müddəti artırılacaq, cəza yerləri dəyişəcək,
qalanlarına isə nəzarət gücləndiriləcəkdi.
Şəfinin düşüncəsi ilə nəticə məlum idi. Bəs səbəb nə olmuşdu ki, o, iki məhkuma həmişə eşitdikləri
söyüş bəhanə olmuşdu? Qəribə də olsa, səbəb barədə dərin fikirləşmək istəyən yox idi. Səbəb adi qaydada
qiymətləndirilirdi: məhkumun qudurması.
Zabitlərin qəzalı anlarına sevinən məhkumların bəziləri isə öz aralarında pıçıldaşırdılar: “Dustağın
çörəyini yemək olmur, gec-tezi var…”
Gücləndirilmənin dördüncü günü rəisi nazirlikdə keçirilən müşavirəyə çağırmışdılar. Axşamtərəfi
müəssisəyə qayıdan rəis iclas keçirmək üçün daxili radio ilə bütün zabitlərin təcili kabinetinə yığış-masını elan
etdirdi. Rəisin müşavirəyə aid məlumatı və fikirlərini sabaha saxlamayıb tələsməsi, müşavirənin ciddiliyindən
xəbər verirdi.
İyirmi dəqiqə ərzində hamı rəisin otağına yığışmışdı. Rəisin həmişə məğrur görünən çöhrəsi
dəyişilmişdi. Narahatlıq yağan sərt baxışları dolmuş buludu xatırladırdı, əsəbiləşməyə hazır idi. O, adəti üzrə iti
baxışları ilə hamını süzüb sözə başladı:
- Vəziyyət olduqca ciddidir. Baş verən hadisədən hamının xə-bəri var. Bu günkü müşavirədə məsələ ətraflı
müzakirə olundu. Vəziy-yətin gərginliyini nəzərə alan hörmətli nazirimiz hadisənin səbəblərini yaxından
öyrənmək üçün şəxsən özü həmin müəssisəyə getmiş, oradakı əməkdaşlarla, məhkumlarla görüşüb araşdırma
aparmışdır. Nəticədə islah idarəsinin işindən bütövlükdə narazı qalmışdır. Müşa-virədə idarə rəhbərliyinin yenisi
ilə əvəz olunması qərara alındı. Əv-vəlki işində ədalətliliyi və rəhbərlik qabiliyyəti ilə fərqlənən daxili işlər
nazirliyinin əməkdaşı rəis təyin olundu. Yeni rəhbərlik qarşısında köklü islahatların aparılması tələbi qoyuldu.
Hörmətli nazirimizdən sonra çıxış edən idarəmizin təzə rəisi bütün islah əmək müəssisələrinin rəislərinə müraciət
edərək günü sabahdan fəaliyyətimizdə ciddi dönüşün yaradılmasını, bu vaxtadək məhkuma olan münasibətin
dəyişilməsini, onlara bir şəxsiyyət kimi yanaşılmasını tələb etdi. Yersiz söyüş və təhqirlər, işgəncə və cismani
cəzalar yığışdırılmalıdır. Cəzalar yalnız qanun çərçivəsində olmalıdır. Məhkum həbsdən cəmiyyətə fiziki və
mənəvi cəhətdən sağlam vətəndaş olaraq qayıtmalıdır. Hələ yuxarının göstərişi olmayanda, mən bu müəssisəyə
rəis gələn gündən özbaşı-nalığın qarşısını alıb hər şeyi, o cümlədən cəzalandırmanı öz nəzarə-timə götürmüşəm.
And olsun stolumun üstündəki Qurana, bir də təkrar etməyəcəyəm. Birdəfəlik qulağınızdan sırğa edin:
məhkumdan məcbur pul almaq olmaz. Bir-iki nəfərə güzəştlər etmişdim. Sabahdan onlara, eyni zamanda bütün
əməkdaşlara xəbərdarlıq edirəm: tələblərə uyğun işləyə bilməyən əməkdaşlar vaxt itirməyib özlərinə başqa yerdə
iş tapsınlar. Aramızda rüşvətxorlara yer olmamalıdır. Korrupsiyaya yox deyirik. Qaldı bir məsələ: nazirin göstərişi
ilə adı çəkilən müəssisəyə yeni şəxsi heyət yaradılması üçün qalan müəssisələrin hərəsindən bir-iki nümunəvi
əməkdaş toplanılıb komplektləşdirilməlidir. Yaxın günlərdə, - müavinləri göstərdi, - məsləhətləşib, qərara gəlib,
iki-üç nəfəri təqdim edəcəyik. Könüllü getmək arzusu olan varsa bildirsin. Rəis yerindən gözünüzü çəkin. Yeni
rəis artıq təyin olunub.
www.kitabxana.net
– Milli Virtual Kitabxana
127
- Müavin yeri necə? - adəti üzrə yerində sakit otura bilməyən “bozdarın” - sex rəisi Aqilin qəfil
sualından hamının üzünə gülüş qondu.
- Müavinlik keçir könlündən? Sən müavin olsan qan su yerinə axar, yazıqdı millət, - rəisin azca qırışığı
açıldı, - yüksək vəzifə deyə bilmərəm, ən azı bərabər vəzifə veriləcək.
- Rəis, - Aqil yenə dilavərləşdi, - doğrudurmu, deyirlər təzə baş rəisimiz avtomobil müfəttişi olub. Biri
prokuror idi, prokurorları yığdı başına, digəri idmançı idi, idmançıları topladı. Bu da yol müfət-tişlərini yığacaq
idarəyə…
- Sənlik deyil, get işinlə məşğul ol, - rəis ona bozardı, - yaxşı, dediklərimi unutmayın. Xüsusilə
məhkumlarla münasibətlərinizdə yersiz hərəkətlərə yol verməyin. Hərə öz işini məsuliyyətlə, təmiz vicdanla
yerinə yetirsin. Gedə bilərsiz.
Otaqdan çıxan yaşlı zabitlər başlarını bulaya-bulaya təəssüf-lənirdilər:
- Gözəl sözləri eşitdinizmi? Təzə işə başlayanda hamısı belə tələb edir. Azmı görmüşük? Qiymət
artımından qeyri heç nə dəyiş-məyir…
- Hə, əvvəlki hamıdan turnikə çıxmaq tələb edirdi, bu da sürücülük vəsiqəsi istəyəcək…
- Hələ görəcək günlərimiz irəlidədir, cinayətkar şəxsiyyət olub. Təqaüd vaxtı da çatmadı, ərizəmizi
yazaq rədd olaq...
***
İki gün sonra rəis, iki müavini və əməliyyat rejim şöbəsinin rəisi ilə məsləhətləşib baş idarəyə təqdim
ediləcək əməkdaşları mü-əyyənləşdirərkən, Nüsrət zabitlərdən Şəfinin göndərilməsini təklif etdi. Bəhramın
etirazına baxmayaraq, təklif səs çoxluğu ilə qəbul edildi. Ondan əlavə daha iki nəzarətçinin də təqdim olunması
qərara alındı.
Şəfi bu xəbəri sakit qarşıladı. Rəis onu kabinetinə çağırıb xeyli təriflədi. Rəhbərliyin qoyduğu yeni
tələblərə başqalarına nisbə-tən daha çox onun uyğun gəlməsini qeyd etməklə yanaşı, ciddi rejimdə bir ilə yaxın
iş təcrübəsi toplayıb, işləyəcəyi ağır olmayan rejimdə özünə layiq yerlərdən birini daha asan tutaraq böyük
hörmət qazanacağına əmin olduğunu bildirdi.
Zonda aparılan islah tərbiyəsinin hər üzünü öyrəndikcə, bəzi işçiləri çıxmaq şərti ilə, sözü ilə işi düz
gəlməyən bu adamlarla işlə-mək Şəfiyə onsuz da daxili mənəvi əzablardan qeyri heç nə vermirdi. Bacara
bilirsənsə həya gözləmədən yalan danışmaq, aldatmaq, atmaq adi hal, qabiliyyət - həyat norması idi. Zarafatla
deyilən işləmək devizi isə belə idi: Qanacağın olmasa da olar, təki qazanacağın olsun.
Təzə iş yeri buradan yaxşı olmasa da, pis də olmayacaqdı. Çünki, digər müəssisələrdən də yığılacaq özü
sayaq “işə yaramayan-larla” işləməkdən əzab çəkməyəcəkdi.
Şəfi rəisin gözləmədiyi tərzdə razılıq etdi:
www.kitabxana.net
– Milli Virtual Kitabxana
128
- Çox sağ olun, cənab polkovnik, mənə göstərilən etimada görə. Böyük məmnuniyyətlə rəhbərliyin
göstərişinə əməl etməyə ha-zıram. Ancaq, bir xahişim var. Əgər gedirəmsə, bax elə indi, buradan məni yola
salın. Mən daha iş otağıma qayıtmayım.
Rəis təəccübləndi:
- Onun nə fərqi var, sənin üçün? Bəs yoldaşlarınla vidalaş-maq istəmirsən?
- Xeyr.
- Özün bil, doğrudan, qəribə oğlansan. İndi tapşıraram, bu saat sənədlərini hazırlayarlar.
Şəfiyə kim inanacaqdı ki, o, özü getmək istəyir. Kənarlaşdı-rıldığını duyub, sözlə deyilməsə belə ona
dikiləcək çoxmənalı baxış-ları görmək, o baxışlardan əzilmək, alçalmaq istəmirdi.
Yarım saatdan sonra Şəfi dəmir qapıları keçib çölə çıxdı. Müəssisənin qabağında onunla işə ilk dəfə
gəldiyi gün rastlaşan “otdelkadr” Elmira, hazırlanmış sənədləri Şəfiyə verib ah çəkdi:
- Bura bir işə gələndə sevinirlər, bir də işdən çıxanda.
Heç nə dəyişməmişdi. Vahiməli qapı da, uca hasarlar da. Vış-kadakı əsgərlər də həmən idi. Bir il əvvəl
olduğu kimi. Heç o da, de-mək olar ki, dəyişməmişdi. Sadəcə, bir il hasarların o tayında qalan ayrı dünyada -
təkcə fiziki baxımdan yox, mənəvi üzdəniraqlarla dopdolu dünyada qonaq olmuşdu. Bu dünyanın çöldən ən
böyük fər-qi ondaydı ki, burda hər şey öz adı ilə çağırılır: cildini gizlədə bil-məzsən! Paqon da, burjuy da, lüt
də, “şusturyak”, üzdəniraq da özü-nü olduğu kimi tanıyır və tanıdır. Onların içərisində həyatından, günündən
razı qalan bir insan tapa bilməzdin: hərəsi bir cür bədbəxt idi…
O, xeyli getdikdən sonra son dəfə dönüb geriyə baxdı. Həmi-şə işdən çıxanda, evə tələsdiyindən
əhəmiyyət verməmişdi: müəssisə uzaqdan şəhərin ortasında düzbucaqlı dördkünc mücərrəd, yad adaya
bənzəyirdi.
Üzdəniraq ada... Bu adanı bundan doğru necə adlandırmaq olar?! - Şəfi düşündü. Oranın havasını udmuş
insanın başqa cür düşünməsi mümkün deyildi…
Onu isə hələ irəlidə, uzun bir xidmət dövrü – keşməkeşli qulluq illəri gözləyirdi...
www.kitabxana.net
– Milli Virtual Kitabxana
129
Kitabda istifadə edilmiş bəzi sözlərin izahı
Adboy - yuxu vaxtı
Balanda - məhbəs yeməyi
Bedalaqa - yoxsul, lüt
Bezoçered - növbəsiz
Boçka - çəllək
Burjuy - imkanlı dustaq
Çepe - qarmaqarışıqlıq
Çuma - çirkab
Xlebnik - çörək kəsdiyi yoldaşlar
Xodka - gəliş, məhkum olunma mənasında
İnstruktaj - təlimatlandırma
Kaptorqşik - məhkumların əşyaları və ərzağı saxlanılan otağa nəzarət edən
Keespe - nəzarət iz zolağı
Konvoy - dustağı müşayiət edən mühafizə dəstəsi
Kupe - barakda qatardakı kimi üz-üzə, yanaşı qoyulan çarpayı cütü
Krıtı - qapalı həbsxana
Qrev - dar gün üçün toplanmış maddi vəsait və ya könüllü verilən yardım
Larek - xırda alver üçün köşk
Lavka - dükan
Moment - vaxt, an
MRNK - müəssisə rəisinin növbətçi köməkçisi
Nadzor - nəzarətçi
Nara - cərimə təcridxanasında yataq yeri
Naruşitel - qaydaları pozan
Obxod - nəzarət məqsədi ilə ərazini gəzmə
Ofiser - zabit
Otdelkadr - kadrlar şöbəsi
Otvetstvenni - məsul
Piçok - papiros kötüyü
Polojeniya - vəziyyət
Pomprokuror- prokuror köməkçisi
Priklyuçenie - sərgüzəşt
Priznavat - tanımaq
Prob - siftə
Sançast - tibb məntəqəsi
Srok - cəza müddəti
Stroqi - ciddi rejim
Stukaç - gizlin məlumat çatdıranlar
Sud - məhkəmə
Suka - arada gəzən, satılmış
Şizo - cərimə təcridxanası
Şmon - axtarış
Varanok - dustaq gəzdirən maşın
Volnı - azadlıq mənasında
Voyevat - vuruşmaq, çalışmaq
Vışka - qarovul qülləsi
Zameçaniye - məzəmmət
Zampalit - siyasi işlər üzrə müavin
Zanit - tutmaq, məşğul etmək
www.kitabxana.net
– Milli Virtual Kitabxana
130
www.kitabxana.net
– Milli Virtual Kitabxana
131
MÜNDƏRİCAT
Üzdəniraq ada (roman).................................................
5
Kitabda istifadə edilmiş bəzi sözlərin izahı.................. 181
Rövşən Yerfi
ÜZDƏNİRAQ ADA
(roman)
Formatı 60x90
1
/
16
, Fiziki çap vərəqi 11,5.
Tirajı 300.
Dostları ilə paylaş: |