Tibb bacisi iXTİsasi üZRƏ NÜmunəVİ test suallari bölmə I

 
974. Psixoterapiya nədir?
A) Xəstənin dərmanla müalicəsi 
B) Xəstənin psixikasına sözlə təsir etmə
C) Xəstənin xəstəxanaya yerləşdirilməsi 
D) Xəstələrə nəzarətin təşkili 
E) Xəstənin əmək reabilitasiyası 
Psixoterapiya müalicə məqsədi ilə xətənin psixikasına sözlə təsir etmə deməkdir. 
Xəstəyə psixoterapevtik təsir göstərilməsində tibb bacısının rolu çox böyükdür. Bu 
işdə xəstələrlə təmkinli və nəzakətli davranışın böyük əhəmiyyəti vardır. 
Ədəbiyyat: N .R Paleyevin redaktəsi ilə “ Tibb bacısının məlumat kitabı”. Bakı 1990. 
Səh.470 
 
975. Tibb işçilərinin ehtiyatsızlığı nəticəsində müşahidə olunan psixi pozuntu 
nədir?
A) Diqqət pozuntusu 
B) Yatrogeniya
C) Yaddaş pozuntusu 
D) İradi-hərəki pozuntu 
E) Düşüncə pozuntusu 
Tibb bacısının vaxtında və yerində edilmiş qeyd və göstərişi xəstəyə müsbət təsir 
göstərdiyi halda ehtiyatsızlıqla dediyi söz onun vəziyyətini dəyişə bilər və bu 
ehtiyatsızlıq nəticəsində yaranan reaktiv hal yatrogeniya adlanır.
Ədəbiyyat: N .R Paleyevin redaktəsi ilə “ Tibb bacısının məlumat kitabı”. Bakı 1990. 
Səh.476 
976. Beyin-qan dövranının kəskin pozuntusu zamanı neçə gün müddətinə yataq 
rejiminə riayət olunur?
A) 30 
B) 14 
C) 10 
D) 21 
E) 6 
Beyin-qan dövranının kəskin pozuntusu zamanı beyin funksiyalarının bərpası üçün 3 
həftə (21 gün) yataq rejiminə riayət etmək lazımdır. 
Ədəbiyyat: R.Şirəliyeva: “Sinir xəstəlikləri”. Bakı 2003. Səh 126 
 
977. Meningit diaqnozunu təsdiqləyən müayinə üsulu hansıdır?
A) Onurğa beyin mayesinin müayinəsi 

---

274 
B) Sidiyin müayinəsi 
C) Qanın müayinəsi 
D) Şəkərin müayinəsi 
E) Ultrasəs müayinəsi 
Meningit baş-beyin qişalarının iltihabıdır. Meningit diaqnozunu təsdiqləyən müayinə 
üsulu onurğa beyin mayesinin müayinəsidir. meningitin formalarından asılı olaraq 
onurğa beyin mayesinin tərkibi müxtəlif olur.
Ədəbiyyat: R.Şirəliyeva: “Sinir xəstəlikləri”. Bakı 2003. Səh 152