Tir convention Uzbekistan

(c) ASOSIY QOIDALAR 
4 modda
XYT tartibiga rioya qilgan holda tashiladigan yuklar oraliq bojxonalarida 
olib kirish yoki olib chiqish bojlari va yig‘imlarini to‘lashdan yoki depozitidan ozod 
etiladi.
4-moddaga sharhlar
 "To‘lamaslik xavfi bo‘lgan bojlar va soliqlar" 0.8.3 tushuntirish xatiga va "Transport 
vositalarini kuzatib borish" 23-moddasiga sharhlarni ko‘ring.
Bojlar va yig‘imlarni to‘lashdan yoki qo‘shimcha ta’minlashdan ozod qilish
Bojxona tranziti rejimining asosiy tamoyili bo‘lib, har qanday zarur ta’minotni 
taqdim etish sharti bilan, tranzit yuklarni olib kirish va olib chiqish bojlari va yig‘imlaridan 
ozod qilish hisoblanadi. XYT tartibi bo‘yicha tashiladigan yuklar har qanday vaqtda 3-
moddaning b)-bandida ko‘rsatilgan kafolat bilan qoplanganligi sababli, XYT tashish 
mobaynida XYT tashishga jalb qilingan har qanday Ahdlashuvchi tomonda hech qanday 
olib kirish yoki olib chiqish bojlari va yig‘imlari, ularni qandaydir shaklda ta’minlash talab 
etilmaydi.
(ECE/TRANS/WP.30/240, 28-band; ECE/TRANS/WP.30/AC.2/97,28-band)
5-modda
1. Plombalangan yo‘l transport vositalarida, plombalangan transport vositalari 
tarkiblarida yoki plombalangan konteynerlarda XYT tartibiga rioya qilgan holda 
tashiladigan yuklar, qoidaga muvofiq, oraliq bojxonalarida bojxona ko‘riklaridan 
ozod etiladi. 
2. Biroq, suiiste’mol qilishni oldini olish maqsadida bojxona organlari istisno 
holatlarda va, xususan, qoidabuzarlikka shubha bo‘lganida ushbu bojxonalarda 
yuklarni tekshiruvdan o‘tkazishlari mumkin. 
5 moddaga tushuntirish xati 
0.5 Ushbu modda yukni tanlab tekshiruvdan o‘tkazishni istisno qilmaydi, biroq, unda 
bunday tekshiruvlarning soni cheklangan bo‘lishi kerakligi ta’kidlangan. Shuni 
nazarda tutish lozimki, XYT kitobchasidan foydalangan holda xalqaro yuk tashish 
tizimi milliy tartiblarga nisbatan qo‘shimcha kafolatlarni taqdim etadi; birinchi 
tomondan, HYT kitobchasidagi yukga taalluqli bo‘lgan ma’lumotlar jo‘natish 
mamlakatida tuziladigan bojxona hujjatlariga kiritilgan ma’lumotlarga mos kelishi 
kerak; ikkinchi tomondan, jo‘natish joyida amalga oshiriladigan va jo‘natish joy 
bojxonasi tomonidan tasdiqlanadigan nazorat tranzit va belgilangan mamlakatlar 
uchun qo‘shimcha kafolat hisoblanadi (shuningdek, 19-moddaga tushuntirish 
xatlarini ko‘ring).

---

5-moddaning 2-bandiga sharhlar 
Oraliq bojxonalaridagi tekshiruvlar yoki tashuvchilarning iltimosiga binoan 
tanlanma tekshiruvlar
5-moddaning 2-bandida eslatib o‘tilgan istisno holatlarga quyidagilar kiradi: 
bojxona organlari tekshiruvni yoki oraliq bojxonalarida, yoki XYT tashishlar jarayonida 
qandaydir qoidabuzarlik sodir bo‘lganligiga shubhasi bo‘lgan tashuvchilarning aniq 
iltimosiga binoan yo‘nalish yo‘lida amalga oshirganda. Bunday vaziyatlarda bojxona 
organlari tekshiruv o‘tkazishni rad etmasliklari kerak, ular ushbu iltimosni asossiz deb 
hisoblagan hollar bundan mustasno.
Bojxona organlari tekshiruvni tashuvchining iltimosiga binoan amalga oshirganda, 
tekshiruv o‘tkazish natijasida vujudga kelishi mumkin bo‘lgan boshqa har qanday 
xarajatlar bilan birgalikda 46-modda 1-bandining qoidalariga va unga nisbatan 
sharhlarga muvofiq tashuvchi xarajatlarni o‘z zimmasiga oladi.
(TRANS/WP.30/196, 66 va 67-bandlar va 3-ilova; TRANS/WP.30/AC.2/63, 63-band 
va 3-ilova)