97
Tolerantlıq: bildiklərimiz və bilmədiklərimiz
səbəb və amillə əlaqələndirmək doğru deyil. Bu sahədə onlarla, bəlkə
də, daha çox səbəb göstərmək mümkündür. Məsələn, mütəxəssislər
etiraf edirlər ki, hər bir xalqın ümumi xüsusiyyətlərinin formalaş-
masında həmin xalqın yaşadığı ərazinin coğrafi quruluşu, iqlimi,
təbiəti önəmli rol oynayır. Azərbaycan da istisna təşkil etmir. Şi-
malla Cənubun, Şərqlə Qərbin qovşağında yerləşmiş Azərbaycanın
təbiəti də müxtəlif və rəngarəngdir. Təsəvvür edin ki, okean
səviyyəsindən aşağıda yerləşən Xəzər dənizindən təxminən yüz
km məsafədə Qafqaz dağlarının 3-4 min metrlik zirvələri yerləşir.
Bakıdan başlayan səhra və çöl relyefi Şamaxıdan sonra meşə,
dağ, çəmənlə əvəzlənərək füsunkar təbiət mənzərəsi yaradır. Bö-
yük Qafqazdan başlayan dağlar Kür-Araz ovalığında düzənliyə
çevrilir, daha sonra Kiçik Qafqazda yenidən dağlara dönərək ki-
çik bir coğrafi ərazidə növbəli şəkildə müxtəlifl ik və rəngarənglik
formalaşdırır. Nəinki başqa regionlarda, hətta, Cənubi Qafqazda
yerləşən Gürcüstan və Ermənistanda belə, təbiət Azərbaycandakı
qədər rəngarəng deyildir. Azərbaycan təbiətində monotonluq yox-
dur. Bu, normal və başa düşüləndir. Çünki ölkəmizdə doqquz iq-
lim tipi mövcuddur. Bəlkə də, kimlərəsə qəribə gələcək, amma
həqiqətdir ki, təbiəti rəngarəng, iqlimi müxtəlif olan ölkənin in-
sanları da, mədəniyyəti də rəngarəng olmalıdır.
Etnik amil: hər bir xalqın dinə və ya etiqad məsələlərinə
müna sibətinin formalaşmasında etnik xüsusiyyətlər önəmli, hət-
ta, başlıca rol oynayır. Ona görə də, Azərbaycandakı tolerantlı-
ğın səbəblərini ilk növbədə xalqımızın etnik xüsusiyyətlərində
axtar maq lazımdır. Azərbaycan xalqının nüvəsini və mütləq əksə-
riyyətini təşkil edən türklərin din anlayışı digər xalqlardan, hətta,
qonşu toplumlardan xeyli fərqlidir. Türklər tarixən xurafatçı və
şəriətçi deyillər. Onlarda dini toplum şəklində yox, fərdi qaydada
yaşamaq ənənəsi daha güclüdür. Bu ənənə İslamdan çox-çox əvvəl
formalaşıb və əski şamanizmdən bugünədək özünü qoruyub saxla-
yıb. Bu etnik xüsusiyyətin nəticəsidir ki, türklər din yaymaq adı al-
tında qanlı savaşlar aparmayıblar. Onların din yaymaq anlayışında
98
Gündüz İsmayılov
“güc” məfhumu olmayıb, yalnız təbliğə və irfana əsaslanan cihada
üstünlük veriblər. Buna görə də, fərdin kamilləşməsinə, öz nəfsi
üzərində aparılan cihada və Yaradana xatir yaradılana qarşı sevgiyə
əsaslanan irfan mədəniyyətinin beşiyi Türk dünyası, xüsusilə
Azərbaycan olmuşdur. Azərbaycanda tolerantlıq ənənələrinin və
mühitinin formalaşmasında irfan mədəniyyətinin böyük rolu var.
Bu baxımdan irfan mədəniyyətinin əhəmiyyəti tolerantlıq nöqteyi-
nəzərindən xüsusi tədqiq edilməlidir.
Türklərdə tək Tanrı inancı tarixən güclü olub. Qısa vaxt-
da İslamı qəbul etmələrinin əsas səbəbi də elə budur. Lakin hə-
mi şə təbiətlə iç-içə yaşayan türklərdə fetişizm də güclü olub və
bu günə qədər müxtəlif formalarda təzahür edir. Respublikanın
müx təlif bölgələrində ağac, dağ, bulaq, qaya və s. ilə bağlı pir
və ziyarətgahların mövcudluğu, əslində, İslamla yox, daha çox
türklərin qədim inancları ilə əlaqəlidir. Dağ, ağac, çay, hətta, at
kultunun türklərdə nə qədər güclü olduğunu qədim əfsanə və
əsatirlərdə, xüsusilə “Kitabi-Dədə Qorqud” eposunda görmək
mümkündür.
Qədim dastan və əfsanələrdən də göründüyü kimi, türklər
üçün dinin şəriət tərəfi yox, vahid Tanrı-Allah inancı önəmlidir.
Onlar üçün əsas məsələ vahid Tanrıya inanıb-inanmamaqdır, yerdə
qalan hissə təfərrüatdır. Ancaq İslamı qəbul etdikdən sonra önəmli
hissəyə Qurani-Kərim və Məhəmməd peyğəmbər də əlavə olundu.
Beləliklə, türklər üçün din anlayışının əsasında tək Allaha, Kitaba
və Peyğəmbərə inam dayandı. Türklərin digər müsəlman xalqla-
rından fərqli olaraq, məzhəbçilik və bölücülükdən uzaq olmasının
bir səbəbi də məhz budur. Onlar Allahı, Quranı və Peyğəmbəri
qəbul edən müsəlmanın şəriətə mövqeyi və məzhəbi nə olursa-ol-
sun, onu kafi r saymazlar. Təbii ki, etnik xüsusiyyətdən irəli gələrək
türklərin şəriətlə bağlı təfərrüatlara varmamaları son nəticədə onla-
rın digər dinlərin və məzhəblərin nümayəndələrinə qarşı daha tole-
rant olmalarına zəmin yaradır. Çünki bütün dinlərin dözümsüzlük
“gücü” şəriətdən qaynaqlanır. Hansı dinə mənsubluğundan asılı
99
Tolerantlıq: bildiklərimiz və bilmədiklərimiz
olmayaraq, dindarlar şəriətlə bağlı təfərrüatlara vardıqca, dözüm-
lülük immunitetləri zəifl əyir.
Türklərdə tolerantlıq mədəniyyətinin formalaşmasında önəmli
amillərdən biri də onların əxlaq anlayışı ilə bağlıdır. İgidlik, qo-
çaqlıq, mərdlik və comərdlik kimi əxlaqi xüsusiyyətlərə böyük
önəm verən türklər xəyanəti, yalançılığı bağışlamaz, dürüst, xeyir-
xah və mərhəmətli insanı yüksək qiymətləndirərdilər. Onlara görə,
bu əxlaqi keyfi yyətlərə malik insan hansı dinə mənsub olmasına
baxmayaraq, hörmət və ehtirama layiqdir. Başqa sözlə, türklər
insanlara münasibətlərini inanclarına yox, əxlaqi keyfi yyətlərinə
görə müəyyənləşdirmişlər.
Qəribədir ki, türklər “kafi r” anlayışını daha çox inanc deyil,
əxlaq müstəvisində işlətmişlər. Məsələn, qədim dastanlardan da
göründüyü kimi, öz dinlərinə mənsub olan, amma xəyanətkar,
qəddar kimi tanınanları da “kafi r”, “gavur” adlandırmışlar. Deməli,
türklər üçün “kafi r” daha çox dini yox, əxlaqi anlayışdır. Şübhəsiz
ki, insana etiqadından daha çox əxlaqına görə qiymət verən xalqın
tolerant olması başa düşüləndir.
Türklərin, xüsusilə Azərbaycan türklərinin fərqli və üstün
cəhətlərindən biri də dünyəvi yeniliyə açıq olmaları, elmə, təhsilə,
mədəniyyətə, ədəbiyyata, incəsənətə və gender bərabərliyinə önəm
vermələridir. Tarixi keçmişləri təsdiqləyir ki, türk toplumlarında
din əsas və həlledici meyar olmamış, yalnız dövlət və imperiyalar
qurduqda din siyasiləşmişdir. Buna görə də, cəmiyyətin və insan-
ların həyatında dinin mədəni təsirləri daha böyük olmuşdur. Eyni
zamanda, türklər heç vaxt dinlə elmi, mədəniyyəti qarşı-qarşıya
qoymamış, əksinə, dinin mədəni və elmi baxımından əhəmiyyətli
hissəsini daha çox qabartmışlar. Din türk toplumlarında o vaxt xu-
rafat və cəhalət “mənbəyi”nə çevrilmişdir ki, həmin dövrdə baş-
qalarının əsarəti altında olmuşlar. Məsələn, Çar Rusiyası Şimali
Azərbaycanı, Orta Asiyanı, eləcə də Volqa boyunu və Krımı işğal
etdikdən sonra dini xurafat və cəhalətin bu ərazilərdə yayılması
böyük müstəmləkə siyasətinin tərkib hissəsinə çevrilmişdir.
Dostları ilə paylaş: |