136
mənim haqqım idi! İnsanlar məni unutsa da, çalıquşlarım yolumu
dörd gözlə gözləyirmişlər!
Dilədiyim anlar içində qapını döydüm! Qapının yanında
yerləşdirilmiş bir bacadan fars dilində yanıt gəldi:
-
Buyurunuz, kimdir?
-
Siz kimsiniz? Mənəm Cəvanşir!
-
Bağışlayın kimsiniz? Ağa Məsudu istəyirsiz evdə deyillər.
Axşam evə gələcəklər.
-
Burası Gülnaz xanımın evi deyilmi?
-
Ahan, başa düşdüm! O, iki il öncə dünyasını dəyişdi. Biz buranı
almışıq! Alo... Alo...Alo...! Ağa getdinizmi? Tanrı ruhunu
bağışlasın! Sizin xəbəriniz yoxmu!? Alo...Alo...Alo...!
Abbasabad Bazarının qarşında olan məscidin həyətində oturub,
minarədən gələn əzan səsini dinləyirdim. Səs qulağıma xoş gəlir,
ruhumu qıdıqlayırdı! Həyətin sağ tərəfində əl-üzünü yuyub,
qolları çırmalı namaza gedənlərə baxırdım. Hər kəs yanında olan
insana salam verərək, ayaqqabısını rəflərə düzüb məscidin içinə
girirdi. Bu anda bir orta yaşlı kişi mənə yaxınlaşdı:
137
-
Salamülaleyküm qardaş! Görünür ki, çox yorqunsan! Elə bil ki,
biraz da xəstəsən? Ayıb olmasın soruşa bilərəm ki, hardan
gəlibsən?
-
Aleykümsalam! Hə, doğrudu qardaş, biraz yorqunam!
Dincəlirəm! Sarablıyam, Azərbaycandan gəlirəm! Burada
oturmaq olarmı?
-
(Türkcə danışmağa başlayır.) Xoş gəlmisən qardaş! Allahın
məkanında yasaq olmaz! Çox düz yeri seçibsən. Burası Allahın
evidir. Hamının ən son sığınacağı yerdir! Darıxanların,
kimsəsizlərin, yoxsulların, evsizlərin ən son ümid evidir. Mən
buranın xadimiyəm! Mənim də, bu dünyada kimsəm yoxdur! Son
olaraq xanımımı itirdim. Bir balaca evim var idi. Onu da iki
oğlum arasında böldüm, buraya yerləşdim. İndi namaz üçün
qalxmalıyam! Sən namazını qılmısanmı? Yoxsa birlikdə qılaq!
-
Allah qəbul etsin! Mən bir başqa yerə getməliyəm. Buralara
yolum düşərsə, səni görməyə gələrəm. Mənim adım Cəvanşirdi.
Bəs sənin adın?
-
Mənə Bayat Fatihə deyərlər! Ölülərin fatihəsini oxuyaram. Nə
zaman gəlsən, başım-gözüm üstə!
Yorğun idim, ayaqlarım yerdə sürünürdü. Bu qılıfda ağa Səlimin
ailəsinin gözünə görünmək istəmirdim! Bir yandan pulsuzluq, bir
138
yandan Gülnaz xanımın rəhmətə getməsi, bir yandan isə, olan-
qalan par-paltar və nəsnələrimin yoxa çıxması yoxsulluğumu
zirvəyə yerləşdirmişdi. Artıq, kimsəyi, hətta çalıquşlarımı belə,
düşünməz olmuşdum! Uşaqların durumu ilgimi çəkirdi. Ancaq,
qalxıb da arama gücüm qalmamışdı! Nə gedəcək, nə də qalacaq
yerim yox idi! Bu yaşımda yarımcan insan olmuşdum. Çalışmaq
istəsəm də, işə alınacağıma inanmırdım. Teatra dönəcək durumda
da deyildim. Təbrizə dönməyi istəsəm də, əli-qolu sallaq orada nə
edəbilərəm fikri qarşımı kəsirdi. Olqaya gəlincə, qarnı burnunda
son ağlar baxışları qara deprəm kimi gözümün önünə tikilirdi.
Onun bir anda toz kimi gözümdən itməsindən iyirmi il keçsə də,
bağrımın başını yandıran közü sönmək istəmir! Hələ də Olqanı
dəlicəsinə sevdiyimi bütün canımla, ruhumla hiss edirdim!
Olqanı ürəyimdən silmək üçün illərcə özümlə vuruşsam da
uğursuz olduğumu qəbul etmişdim. Mən, olqanın eşqilə, ən ağır
əzincləri yenmişdim. Bu üzdən, Olqanı sevməyi, yaşamağı
sevmək kimi mənimsəmişdim artıq! Qızıl Hisar Dustağında
yürəyimin üstündə qazdırdığım “Olqanı sevmək yasaq, yasaq,
yasaq!” sözü, əbədi sevginin bir örnəyi kimi sevgilisindən uzaq
düşən hər kəsin əzbəri olmuşdu! Artıq qəbul etmişdim ki, bu
sevdanın bitib-bitməməsi mənim əlimdə deyil. Mən bir qutsal
dəlilik yolunun yolçusu olmuşdum. Sevda yolunda ölməyin
139
sırrını dirənincə anlayırdım. Bu üzdən, Olqadan ötrü ölmək deyil,
ölümcül yaşama alışmışdım!
Əlimdə-ovucumda saxladığım Cabbar əminin anıları da, Gülnaz
bacının evində qalmışdı! O qaralamaların millət malı olduğunu
düşünürkən yerinə yetirilməmiş böyük bir borcdan vicdanım
sızlayırdı!
Tehranın bahar havası yay havası kimi isti idi. Bu üzdən mən də,
yüzlərlə evsiz kimi “Park Şəhr”də gecələyirdim! Bu park
Tehranın tam mərkəzində yerləşdiyinə görə, həm gediş-gəliş yolu
sayılırdı, həm də kütlənin əyləncə mərkəzi hesab olurdu. Mənim
bir çox günlərim buralarda keçdiyinə görə, özümdən daha köhnə
sakinlərlə tanış olma imkanım olurdu! Artıq özüm kimi bir çox
yazıqlarla qara gecələri paylaşırdım!
Yavaş-yavaş cibimdə olan pullar azalırdı. Üç-beş gündən sonra
durumumun necə olacağını bilmirdim. Mən də “gündüz dilənci,
geçə “Səngələk”çilərə qatılacağam! Bu düşüncə, demək olar ki,
bütün dərdlərimi unutdurmuşdu. Başı uca yaşamaq yolunda bütün
ömrünü verən, insanlığını itirməyən Cəvanşirə nə gəlirdi? Yox!
Mən Cəvanşirəmsə, onun kimi olmağım gərək idi! Bu üzdən az
maaşlı iş olsa belə, tapmam gərək idi.
140
Fəridən şəhərindən olan Ağa Həsənlu adlı əməkli türk öyrətmənlə
daha çox zaman keçirirdim. O, mənim həyatım haqda öyrənmişdi.
Gecələri parkda yatmağımdan çox rahatsız olurdu. Bir neçə kərə
məni evinə dəvət edsə də, istəyini kibarcasına rəd etmişdim. O,
hər zaman məni umudvar olmağa çağırırdı. Bir gün məni
başqalarının yanından uzaqlaşdıraraq dedi:
-
Ağa, gəl gedək iki şiş ciyər-böyrək yeyək. Çox darıxdım bu
laməzhəb ciyərin qoxusuna!
-
Sağol bəy, sən get, mənim meylim yoxdur!
-
(Üzündə gülümsəmə) Gəl gedək! Sənə yalan yaraşmır. İkimiz də
dev kimi acıq! İnanmırsan yeyəndə baxarıq! Bir də sənə çox
önəmli bir sözüm var! Bu avaralar bilməsin!
Ciyərin qoxusu doğrudan da adama “gəl-gəl” deyirdi. Təbrizdə
olarkən, mənim ən sevdiyim yeməklərimdən biri də “cız-bız” idi.
Bunun da yeri “Gəcil Qapısı” sayılırdı. Hər cümə günü Təbriz
Danişsarayından olan oxuldaşlarımla birlikdə cız-bız, ciyər,
bağırsaq yemək üçün Gəcil Qapısına doğru gedərdik! Artıq indi
o dostlarımın çoxu yoxdur. O dostlarımın bir çoxu Firqə
hakimiyyətinin çöküşündən dərhal sonra edam olundular!
Qarşımızda şiş ciyərlər, mən isə keçmişlərə dalmışdım ki:
Dostları ilə paylaş: |