Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
4 edərsiniz. Otel də, pansion da var. Amma sizin üçün qat-qat ucuz və uyğun olan evdir. Həm də yaxındır. Üç küçə o yanlıqdır. Gənc Türkün bizə verdiyi məsləhəti düşünərək, evin tutulmasına qərar verdik. Fərəc əmicanı daşımaq üçün qarajdan daşqaçı tutmaq istədik. Fərəc əmican ayaqda yürümək istədi! İlyasın göstərdiyi ev, quzey-güney sayılırdı. Güney bölümündə ağbirçək bir qadın yaşayırdı. O, həm də evin yiyəsi sayılırdı. Bəlli olan, İlyasın dediyindən də rahat ev tutmuşduq. Evin yiyəsi də xoş baxışlı bir yaşlı insan idi. Uç yataq otağı, bir qonaq otağı, mətbəx, balkon, ayaq yolu və hovuzlu geniş həyət! İlyas çox sevimli, ərdəmli 18-20 yaşlı bir gənc idi. Birinci günümüz onun yardımıyla alış-verişdə keçdi! Olqanın ekonomi hesbacı aldığı bütün gərəkən şeylər ortada idi. Onun alış-veriş siyasətini indiyə qədər görməmişdim. Seçim davranışları isə, Qurdananı anımsadırdı! Qurdananı anımsayarkən, qəlbimə narahatliq düşürdü. “O böyük el anası, indi nə iş görür? O yaşam anlamı ana, qurd ürəkli ana, O bir yahusu ilə hamını ayağa qaldıran, yaşama qoşduran qudsal Ana nələr edir indi!?” Bunları düşünürkən ağlım, gözlərim, qulaqlarım kilidlənmişdı! 5 Alış-verişdən dönərkən Əmicanın durumu pisləşdi və təcili doktor çağırılması daha da ciddiləşdi! Bizimlə olan İlyas, uzman doktor tapmaq üçün yola düşdü! O, dörd-beş saatdan sonra yorğun evə döndü. Sabah Əmicanı uzman doktora götürəcəyini deyincə, biraz rahatladıq! İlyas, sanki bizim üçün qeybdən gəlmiş bir mələk idi. Onun bizə qarşı ürəkdən gələn sevgisinə hamıdan çox Maşallahxan qarşılıq verirdi. Onu öz oğlu kimi bağrına basır, qoxlayırdı! Belə ki, mənimlə Maşallahxanın arasında olan örnək bağlantının yerini yavaş-yavaş İlyas tutmaqdaydı. Sözsüz ki, bu, mənim də xoşuma gəlirdi. Ancaq, bu yeni ilişkidən ən çox xoşlanan şəxs isə Olqa idi! Əmicanın müalicəsini bütünlüklə Maşallahxan üstəsinə götürdü. O, deyirdi: - Sizin işiniz onun ailəsini axtarmaq olsun! Qulamla mən əmimizin durumu ilə ilğilənəcəyik. Məndə sizə verdiyim puldan daha da çox var. Dediyim kimi bütün var-yoxumuzu birlikdə xərcləyəcəyik. Burada da, Təbrizdə də birlikdə olacayık. Sizə söz vermişəm! Sözümün də üstündə duracayam. Məni Bərəkətağanın bataqlığından qurtaran sizsiniz! Mən dünyaya yeni gəlmiş bir 6 uşaq kimiyəm. Bunun üçün sizə borcluyam! Yox əgər olmasa, yetməsə, başqa yerlərimiz var, satar yaşarıq! Uzman doktorun istəyilə Əmicanı Rey şəhərinin “Firuzabadı Mərizxanası”na götürdük. İlyasın dediyinə görə, doktor üç xəstəxanada çalışdığını demişdi. Ancaq, o duruma görə, ən uyğun olanı seçmişdi. Xəstəxana xeyriyyə olduğuna görə, İlyasa minnətdarlığımızı bildirdik. Əmicanın durumunda sıxıntılar artırdı. Biz isə, onun ailəsini axtarmağa davam edirdik. Fərəc əmicanın verdiyi adresləri bir-bir axtardıq. İlyas, Tehranı çox yaxşı tanıyırdı. Türklərin toplu olaraq haralarda yaşadığını yaxşı bilirdi. Çala meydandan tutmuş Rey şəhərinə qədər məhəllə- məhəllə dörd uşaqlı bir Türk qadını arayırdıq. Ortada sonuc yox idi. İlyas onların haqqında daha çox bilgi istəyirdi. Mən isə, bilgi verməkdən çəkinirdim. Artıq, Əmicanın ailəsini tapmaqdan umudumuz kəsilmişdi. Gənc İlyasın durumdan xəbərsiz olması da, bu çətin axtarışı imkansız etmişdi. Doktorun dediyinə görə, xəstəmizin durumu günü-gündən pisləşirdi. Doktora görə, Əmicanı yaşama döndərmək bir möcüzə kimi görünürdü. Onda, artıq ağ ciyər və böyrəklər də çalışmırdı. Biçaq dəyərsə, əməliyyatdan ayılmaz kimi riski böyük görünürdü! Onun yaxınlarını son görüşlər üçün yanına gətirmək gərək idi! 7 Artıq sonucsuz axtarışımızdan 10 gün keçmişdi. Mən bu axtarışda İlyasa yardım etmək üçün risk etməyi gözə aldım. Bu sevimli gənc türkə görə, Əmicanın ailəsini tapmaq böyük borc sayılırdı. O, özünü bilimyurda girməyə hazırlarkən bizimlə tanış oldu. Demək ki, ona pul gərək idi. Bu üzdən, yeni gələnlər üçün xidmət göstərərək, bilimyurd qarşılığının pulunu toplamağa çalışırdı. Ancaq, 10 gün idi ki, sadəcə gecələri bizdən ayrı qalırdı. O, cibindən pul xərc edir, evə gəlincə əli dolu gəlirdi. Etirazlarımıza qarşı isə, sadə bir sözlə bizi utandırırdı: - İzn verin soydaşlığımı yerinə gətirim! Mən, milli matəm günlərimizdə sizinlə olmadım! Millətimizi Təbrizdə dardan asarkən, bizlərin gözü vətəndən uzaqda doldu-boşaldı! Mən, Təbrizi heç görmədim! Bu nisgili sizlərlə paylaşmaq istəyirəm. Universitəyə girmək üçün kifayətcə balım var. Pulum da var! Siz məni dərd etməyin. Ailənizi tapmaq üçün mənə umud verin! - Olqanın İlyasa olan içdən baxışlarını qısqanırdım! Onu bir il yarım boyunca heç belə görməmişdim! Olqanı doğru-düzgün tanımasaydım, onun bu oğlana vurulduğunu sanardım! Sözsüz ki, Olqa öz iç gözəlliyi, sarı saçı, göy gözü və incə vücuduyla bir çox gəncin marağını qazanma gücündə olan birisi idi! Son axşam İlyas bizdən ayrılarkən Olqayla hovuz qırağında oturduq: 8 Olqa: Cəvanşir, Əmicanın ailəsi belə tapılmaz! Səncə, İlyasa inanmağın zamanı gəlməmişdir? Oğlan bizim üzümüzdən, gələcəyini uduza bilər. Bildiyim qədərilə, qonşularında olan bir qızı da sevir. Ancaq, evlənmədən öncə bilimyurdunu bitirmək istəyir! Bildiyimə görə, qız da İlyası sevir. Gizlicə nişanlanma sözünü də kəsiblər! - Sən bunları kimdən eşitdin? Nə zaman onunla danışdın? - Biz qadınları siz tanımamışsınız hələ! Siz, o qədər özünüzü dünya yiyəsi sanırsınız ki, güya hər olaydan xəbəriniz olmalıdır. Mən, bu oğlanın aşıq olmasını gözlərindən oxudum! Çox sevimli və arı bir Türk balasıdır o! Mənimlə danışır! Amma siz erkəklərdən çəkinir. O, bir gün mənə Olqa bacı deyərkən, hardan gəldiyimi soruşdu! Çox gözəl, mehriban olduğumu dilə gətirdi. Sənin çox yaxşı insan olduğunu və qoşa qarımaq diləklərini dedi. Sonra, özünün də bir gözəl Türk qızında gözü olduğunu, qarşılıqlı sevilməsini dilə gətirdi. Olqanın bu sözlərindən sonra ona olan sevgim və İlyasa olan güvənim artmağa başladı! Qısqanclığımı önlədiyim üçün Olqaya borclu görünürdüm! İlyasa olan inancımın artmasının Əmican üçün bir möcüzə fürsəti olmasını düşünməyə başladım! Ailəsini tapmaq, onları bir-birinə qovuşdurmaq gözlənilən möcüzə Yüklə 1,69 Mb. Dostları ilə paylaş:
|