Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
23 də oradan tulladılar! Bir kamyona toplayaraq, buranın yaxınlığında tənikəliyə buraxdılar. Ac-susuz, pulsuz-parasız, Allah heç müsəlmana göstərməsin! Günahımızın adını belə, demədilər! Yalnız “xainlər ölməlidir”, deyib döydülər. Sonra isə, buraxıb getdilər. Bizi qışın çilləsində çölün şaxtasına buraxdılar. İndi də, gördüyünüz kimi burdayıq. Bu nəcib və təmiz kişi olmasaydı, halımızın nə olduğu belə bəlli deyildir. Bu sözləri eşidən susqun baqqal, gözlərini yerə dikərək bizdən ayrıldı. Bu qadının qara taleyini daha da qaratmamaq mənim üzərimə düşmüşdü. Nə olursa-olsun, 4 uşağının atası, yalnızlık acısının gözləntisi tapılmışdı. Evinin dirəyi, yaşamının erkəyi uzun zamandan sonra onlara yiyələnəcəkdi! 30 yaşındakı qarımış qadın sevincini üzə vurmasa da, əl-ayğının titrəməsindən bu bəlli olurdu! - Dedin adın Cəvanşirdi! Doğrumu? Fərəc əmicanın bəs haralardadır? Yaşayırmı?! Doğrusun deyin! /titrəməsi artır. /10 yaşar Barış, anasının əllərini tutaraq onları öpür! Özündən kiçik bacı-qardaşlarını da yanına alır/ - Yox! Vallahı sizi onun yanına götürəcəyəm. Yolda onu biraz soyuq vurdu! Buna görə, yatırdıq ki, dincəlsin! Bir də ki, sizi çox 24 axtardıq, hamı yoruldu. O, sizin tapıldığınızı bilmir. Yoxsa özü gəlib sizi alardı! İlyas: Məncə uşaqları yormayın! Qoyun Sadıq dayının yanına! Barış: Biz, buraya gələndən heç yerə çıxmadıq! Qoyun biz də gələk! Biz, yemək-içmək istəmərik! Söz veririk! Bilincaltı bir davranışla hər dörd uşağı bağrıma basaraq üzümü, damcılayan göyə tutdum! Ürəyimin cavabını yalnız gözlərimin lam axarına qatışan damcılarda duydum! Göz yaşıyla göy yaşı ciftləşərkən, uğur olar demişlər! Bir ölüm ayağında sürgün ölümündən qaçaq ata, bir ayaqüstə ölməyə salam deməyə qaçan ana və dörd ümidsiz uşaqla ayaqda olan bir əmioğlu! Bu uşaqların gələcəyini yalanla duyğu çəmbərinə salmaq yaşanacaq ən böyük günahdır! Bu dünyada yeganə ailəm olan bu kiçiklərin son kəz atalarını görmək haqqını kimsə əllərindən almamalıdır. Arxalarında durmaq gərəkdirsə, gözlərini gerçəklərə bağlamamalıyam! Biraz ağlar-sızlar, sürdüyü acıları su-çörək yerinə yeyər və sonunda acıya alışan bu uşaqların ata sevgisi biter! 25 - Yox İlyas, hamımız birlikdə gedəcəyik. Ancaq ilk öncə bir maşın tapmaq gərəkdir. Buralarda getmək üçün maşın tapmaq mümkünmü, Gülnaz xanım? Gülnaz xanım: Yox! Biz buraya gələndən bir fayton belə görməmişik! Istərsiniz Sadıq dayıdan soruşum! İlyas: Siz burda qalın, mən soruşum. Olmasa əgər, gedib Cavadiyədən taparam. Mən: Bəlkə hamımız gedək! Harda olsa, tutub gedərik. Gülnaz xanım: Hara gedəcəyik ki? Ayaqda getmək olmazmı? İlyas: Uşaqlar yorular deyə düşünürəm. Amma Cəvanşır dediyi kimi yola düşək! Gülnaz xanım: Çay içəndən sonra gedək! İlyas: Mən Sadıq dayıya baxıb dönürəm! Biraz sonra İlyas əlində iki paketlə evə girdi. - Gəlin uşaqlar, alın yeyin! Xanbacı, bu da sizin üçün! - Sağol oğlum! Sənin adın nədir? - Mən Cəvanşirin dostu İlyasam! 26 Barış, özünə bir pay götürmədən İlyasın baqqaldan aldığı yeməliləri uşaqların arasında bölüşdürdü! İlyas bizə üz tutaraq: - Mən maşın haqqında Sadıq dayıdan soruşdum. Sizdən öncəki evlərdə bir faytonçu var! “Gedib onunla danışarıq” dedi Sadıq dayı. Mal almaq üçün o faytonçudan yararlanarmış. Sadiq dayının tanışıdır! Bu saatlarda evə dönər. Mən gedirəm onun yanına! - İlyas, istərsən mənimlə gedək. O kişinin dükanı bağlı qalmasın! Gülnaz xanım: Yox, bağlı qalmaz. Xanımı dükanda olar. Vaxtaşırı mən də onun yanına gedər, qadın-qadına qara yazımızı paylaşarıq! Bu dünyada sığınacaq kimsələri yoxdur. Bircə uşaqları belə, yoxdur! - Olsun yenə də mən gəlim! Sadıq dayı, mən və İlyas həmin faytonçu üçün yola düşdük. Hardasa bir neçə kilometrdən sonra daha böyük məhəlləyə yetişdik. Buranın da devarlarının çoxu palçıqdan, tənirkədən və bəzən də kərpiçdən idi. Faytonçunun evi bu məhəllənin başında yerləşirdi. Onun evi, gördüyümüz evlərdən daha yaxşı idi! Fayton evin qarşısında dayanmışdı. Bəlli ki, faytonçu yenicə evə gəlmişdi. Sadıq dayı evin qapısını döyərək səsləndi: 27 - Ağaye Əbdülsəmi, ağaye Əbdülsəmi! - İçəridən qadın səsi: (Sınıq farsca ilə) Abdül namaz üstündədir. Gözləyin bitirsin! - Tanrı qəbul etsin. Qapıda gözlərik. (Bizə dönərək) Çox dindar Əhvaz ərəblərindəndir. Ərəblərin namaz-orucu əskik olmaz! Üç arvadıyla burada yaşayır. Ən böyüyü 20 yaşında oğlan olmaqla 11 uşağı var. Allah birinə belə bol verir! Birinə də mənim kimi heç vermir! Birazdan sonra orta yaşlı bir kişi qapını açaraq, arxasınca ərəbcə danışan beş-altı kiçik qız-oğlan bayıra çıxır. Kişi, ərəbcə uşaqları evin həyətinə döndərib, Sadıq dayıya dinləndi: - Selamüləleyküm ağa Sadıq! Bir vacib iş var deyəsən? - Salam bizdəndir Ağa Əbdül! Bu saatda sənin evinə gəldiyimiz üçün bağışla! - Allah mühafizə, xoş gəlmisiniz! Buyurun bir çayımızı için. Yanında qərib gənclər kim? - Sağol ağa Əbdül! İçəriyə gəlmirik. Qapıda biraz danışaq! Bu gənclər...! Sadıq dayı bilgilərinin gərəkən bölümünü faytonçuya anlatdı. Faytonçu Rey şəhərinə getməyin artıq gec olduğunu söyləyərək, Yüklə 1,69 Mb. Dostları ilə paylaş:
|