28
sabah erkən yola çıxmağı uyğun gördü! Hava hələ işıq idi. Ancaq,
faytonçu gediş-dönüşü düşünərək, doğru qərar vermişdi. Ona
uşaqların da alınmasının gərəkliyini anlatdım. Özümüzün 4 nəfər
olduğunu dedim. Sadıq dayı da gəlmək istədiyini söylədi.
Faytonçu bir başqa məsləkdaşıyla görüşüb, iki faytonla yola
çıxacağımızı məsləhət bildi. O, ayaqda dönüşümüzə izn
verməyərək, Sadıq dayı ilə birlikdə bizi oturduğumuz məhəllənin
başına qədər gətirdi. Sabah üçün qərar alındı! Gülnaz xanıma
bilgi vermək üçün Sadıq dayıya rica etdim.
Şişmiş ayaqlarımı zorla başmaqdan çıxartdım! Yerimdə uzanaraq
tavandan asılan lampa işığına kilidləndim! Sevincimlə kədərimin
arasında şaşqınlaşıb qaldım! Nə sevincim acımı unutdururdu, nə
də acımdan sevincimi anlayırdım! Olqa, incə əllərilə ehtirasımı
zorlamağa çalışırdı! Onun sel kimi sevgi dalğaları her zaman
olduğu kimi, mənim beyin fırtınamı altına aldı! “Sevgi acının
ilacıdır!”, demiş atalar! Acıdan acıya qoşan bir yaşam öyküsünün
ulduz tökümündə, gecənin bitəcəyi kor nöqtədə köksümün
üzərində sım-sıcaq bir ocaq alovlandı! Alovlar, dəli səlalədən
ayrılaraq damarımdan axan sevgini daşar volkana çevirdi.
Tehranın havası yavaş-yavaş istiləşirdi. Faytonda gedərkən,
soyuq hava azacıq hiss olunsa da, can yaxıcı deyildi. Tehran-Rey
29
küçəsi gördüyüm bütün küçələrə nisbətən, ən abad və çox insanlı
görünürdü! Əbdülsəmi bəyin faytonunda Gülnaz xanımla dörd
uşağı, ikinci faytonda isə bizimlə Sadıq dayı birlikdə oturmuşduq.
Rey şəhərinin mərkəzinə çatana qədər, irəlidəki planlarımızı bir
daha gözdən keçirtdik. Maşallahxanın məsləhətilə xəstəxanaya
getmədən öncə, günorta yeməyi üçün bir kababçı dükanında
oturduq. Maşallahxan heç bir xərcdən çəkinmədən ac qarınları
doyurdu. Uşaqların ürəyindən keçəni qarşılarına qoydurdu. Sevən
bir ata kimi onları qoxladı, bağrına basdı! Hər zaman olduğu kimi
uşaqları görüncə, özü də uşaqlaşmağa başladı! Xəstəxanaya
yaxınlaşdıqca, içimizdə olan həyəcan daha da artırdı. Özəlliklə,
iki il didərginlikdən sonra Gülnaz xanımın ərilə, uşaqların isə
atalarıyla görüş maraqları olduqca yüksəlmişdi.
Faytonlar Rey şəhərinin “Firuzabadı Mərizxanası”nın qarşısında
dayandılar. İlk öncə Əmicanın durumunu bilmək üçün tək başıma
xəstəxanaya getdim. Əmican cansız cənazə olaraq bayqıncasına
dünyadan xəbərsiz uzanmışdı:
-
Əmican, Əmican! Oyan mənəm Cəvanşir! Əmican, Əmican!
(Mənə yaxınlaşan tibb bacısı): Xəstə bayğındır. Ayılması artıq
allaha qalmış! Üzgünəm, dünəndən bayğın düşmüşdü. Ayılda
30
bilmirik! “Balalarım, Gülnaz” deyə bayıldı! Əlimizdən bir iş
gəlmir. Bundan sonrası allahın lütfünə qalmış artıq!
-
Onun uşaqlarıyla xanımı burada! Bəs indi mən onlara nə deyim?
-
Biraz dayanın mən dönüm!
İki əlim, bir başım qalmışdım! Nə düşünəcəyimi belə, bilmirdim!
Yenə tanrının bizə qarşı olan şakası özünü göstərmişdi! Qarşımda
bayğın bir xəstə, arxamda isə, məndən işarət gözləyən nisgilli bir
eş və dörd tifil uşaq! Əlimdən bir iş gəlmirdi. Sərsəmcəsinə
özümlə dalaşırdım ki:
Qulam: Cəvanşir, Cəvanşir? Özünə gəl! Nə oldu?
Əmican dünəndən ayılmır! Gözləməkdən başqa yolumuz yox!
Qulam: Nə demək ayılmır? Yəni....
Hələlik yaşayır!
(Tibb bacısıyla bir doktor otağa girərək) Doktor: Siz xəstənin
yaxınlarısınızmı?
-
O, mənim əmicanımdır!
-
Uşaqları görməyə gəlib dediniz?
-
Xanımı, uşaqları, yaxınları.
31
-
Göründüyü kimi xəstənin durumu ağırdı. Bəlkə də heç gözünü
açmasın bundan sonra! Tibb bacısı bunları sənə demişdi. Onları
içəriyə ala bilərsən! Çox keçmiş olsun!
Bitmiş cəsarətimi toparlamağa çalışaraq, Qulamı Əmicanın
yanında buraxıb faytonların yanına döndüm! Hamı mənim
arxamca böyük xəstə otağına girdilər. Yan-yana yatmış xəstələrin
kənarından keçərək, Əmicanın yatağına yetişdik. Xəstənin
qıpırdanmaması hər kəsi üzdü. Gülnaz xanım yatağa
yaxınlaşaraq, ucadan ağlamağa başladı:
-
A kişi sənə nə oldu! Bu nəəə! Gözlərini aç! Əmanətlərini al!
Uşaqlarına bax! Burdadırlar, yanında! Sənin yanındadırlar. A kişi
gözlərini aç! Heq, heq, heq!
Bizimlə xəstəxanaya gələn Olqa, Gülnaz xanımı tutaraq, onu
sakinləşdirməyə çalışırdı:
-
Gəl xanbacı, gəl! Gəl sakinləş biraz! Bir azdan ayılar inşallah!
-
Yox, yox! O indi ayılmalıdır. İndi yatmaq vaxtı deyil, qızım! Onu
uzun zaman gözləyən tifillərini gətirmişəm. Heq, heq, heq...
32
Hər kəsin gözləri dolmuş, ağlayırdı! Uşaqlar sanki buz kimi
əriyirdilər. Barış iki qardaşını, bir bacısını qolları arasına alaraq,
ağlayır, sızlayırdı:
-
Gülyaz bax! Ata burda! Bax o yatıbdı. Birazdan ayılacaq, bizi
yanına alacaqdır! Sizdə baxın! Aqil, Adil! Atamıza gəldik!
Gülyaz: Dadaş hanı? Niyə ayılmayır bəə? Ataya nə olub ki? De
gözlərini açsın! Mən onu görmək istəyirəm. Onun üçün çox
darıxmışam!
Bu zaman İlyasla doktor və tibb bacısı bizim yanımıza gəldilər.
Onların gəlişilə Gülnaz xanımın duyğuları patlaq verərək,
bayğınlıq keçirtdi! Tibb bacısı onu ayıltmağa çalışırkən, doktor
Əmicanın əlini tutaraq dilə gəldi:
-
Keçmiş olsun! Xəstə hüzur içində ömrünü sizlərə bağışladı!
Başınız sağolsun, yeri cənnət olsun!
Dostları ilə paylaş: |