41
Nasir Xosrov xiyavanında əl satıcılığına polisdən izin istənilirdi.
Polislər əl satıcılarının mallarını alır, özlərini isə incitməyə
başlamışdılar. Polisdən izn almaq üçün kimlik bəlgəsi gərək idi.
Axtarışda olma qorxusundan, polisə yaxınlaşmaqdan çəkinirdim.
Olqanın qorxusu mənim də canıma düşmüşdü. Maşallahxanın
yanında işləməyə çox istəkli olmasam da, onunla İlyasın təklifini
qəbul etmək zorunda idim! Bu üzdən dəzgahda olan malları
düşük dəyərə dükançılara satmağa məcbur oldum. Yeni işimə
görə, Azərbaycandan gələn gündəlik saysız yolcuları garajdan
alıb, Maşallahxanın yer-ev aliş-satış dükanına aparmalı idim. Bu
iş, həm bizim üçün, həm də vətəndən Tehrana köçmək
məcburiyyətində qalan vətəndaşlarımız üçün yararlı idi. Çünki,
fars dəllallarının əlinə düşən sadə türk insanları özlərinə gəlincə,
bütün var-yoxlarını itirir, evsiz-eşiksiz, pulsuz qalaraq Tehranın
çevrəsindəki tənikələrdən düzələn yaşayış yerlərindən baş
çıxarırdılar. Maşallahxan isə gerçək bir insan olaraq, türkləri
bağrına basır, onların durumuna uyğun əlindən gələn yaxşılığı
əsirgəmirdi. O, hər davranışıyla bizi çaşdırır və özünə bağlayırdı.
Bu arada Gülnaz xanımın Maşallahxandan olan ikinci uşağı da
dünya evinə ayaq basmışdı. Ona görə, Maşallahxan dünyanın ən
mutlu insanı görünürdü. Bu, məni həm sevindirir, həm də
qısqandırırdı. Çünki, Olqanın vaxtsız qanamaları, uşaq salmaları
42
əsəblərimizi pozaraq, doğru-dürüst düşünmə qabiliyyətimizi də
əlimizdən alırdı. Bir yandan Olqanın inadkarlığı, o biri yandan
isə, həyatımızın mənasız sürməsi bütün sinir sistemimizi
darmadağın etmişdi. Günlər bir-birini əvəz edir, ancaq qara
buludlar başımızın üstündən əskik olmurdu! Azərbaycandan
gələn qonaqlar, vətənin, millətin qara gündə olduğunu deyirdilər.
Çeşidli yoluxucu xəstəliklər, işsizlik, yoxsulluq, baxımsızlıq,
mühacirlərin tutulub casusluqda ittiham olunması, el-obaların
dağılması, kəndlərin talanması, Tehranın əlilə qanmaz xanların öz
millətinə qarşı yenidən silahlanması, gizli sürgünlər, iş tapmaq
adı altında gənclərin vətəndən qaçışı, jandarma və polisin
kəndlərdə, şəhərlərdə ulusa qan qusdurması və minlərlə milli
faciə hər gün aldığımız acı bilgilər olmuşdu!
1950-53
Tehranı Təbrizə bənzətdiyim bu illəri beynimdən silə bilmirəm.
Hər gün siyasi çaxnaşmalar, çevrilişlər, terrorlar, göstərilər,
mitinqlər, polislə kütlə arasında toqquşmalar Tehranı həyəcan
içində boğurdu. Artıq kimsənin tutuqlanmasına və kimsənin də
tutmasına önəm vermirdik. Beş-altı aydan bəri Qulamla birlikdə
43
Tehranın Nəssaci /qumaş/ Fabrikasında işə başlamışdıq. Artıq
rəsmi işçi sayılırdıq. Bununla belə, siyasi fəaliyyətimizi də
qaçırmırdıq. Təbrizdə itirdiyimizi burada axtarırdıq. Baxmayaraq
ki, Təbrizlə Tehran kimlikləri arasında tutuşan bircə ortaqlıq belə,
yox idi. Ancaq, biz Tehranda yaşadığımıza görə, etdiyimizin
yalnış-doğru olduğunu düşünmürdük. Biz, həyəcan dalğaları ilə
birlikdə selə qoşulub, qarşımızı kəsən hər kəsin üzərinə
ağnayırdıq. Bir gün “İran Milli Cəbhəsi”lə, başqa gün “İran Tudə
Patiyası”na bağlı olan işçi birliklərinin mitinqlərinə qatılırdıq.
Hamısının şüarları xoşumuza gəlirdi. Biri iş saatlarının
azalmasını, aylıqların çoxalmasını, işçilərin siqortasını və s. tələb
edirdi. Biri isə İngiltərəyə qarşı şüar atırdı. Bizdə olan Tudə
partiyasının acı xatirəsi sürürdü. Biz, doğrudan da bu partiyanın
Azərbaycan Demokrat Firqəsinə qarşı sürdüyü iki üzlü siyasətini
canımızla-qanımızla təcrübə etmişdik. Tudə Partiyası hər gün üz
verən bəlli olaylara qarşı dəyişkən davranışlar sərgiləyirdi. Bu isə,
ona inanan hər kəsi çaşbaş salırdı. Bir gün neftin milli olmasını
deyir, başqa gün Sovet dövlətinin İranda olan maraqlarını
savunurdu. Gecə-gündüz canla-başla İngiltərə və Amerikanın
istəkləri qarşısında Şahın polisi, ordusu, özəl quardianlarının əlilə
əzilib-döyülən zavallı işçilər isə arada qurban gedirdilər.
Çalxantılı günlər ardı-ardından gəlib gedirdi. “Dr. M. Müsəddiq”
44
başçılığı altında mücadilə daha da böyüyürdü. Azərbaycan qatili
olan Ə.Qəvamla, Müsəddiq arasında çəkişmələr ərəb saçına
dönmüşdü. Müsəddiğin tərsinə, Qəvam hər kəs tərəfindən
sevilməyən bir qatil politikaçı kimi tanınırdı. O, siyasətini hiylə
ilə irəli sürürdü. Bu üzdən də öz dostlarını belə, qorxudurdu.
Onun, cəllad M.R.Pəhləvi şaha etdiyi bütün xidmətləri kiçicik
belə, olumlu qarşılıq almırdı. Sonunda isə, millətdən qaçmaq
üçün sığındığı Şah Dərbarı belə, ona üz verməyincə, İrağa
qaçmaq məcburiyyətində qalır.
Bir gün şah maskalı ingilisçilər, başqa gün milli maskalı liberal
amerikançılar, ayrı gün də, əmək maskalı rusçular qələbə marşı
çalırdılar. Ortada qalan zavallı kütlə isə, özgəliklərin arasında
sıxılıb əzilirdi. Tehran, toplumsal çöküşə uğramışdı. Hər səhər
oyanarkən, yeni bir başçının səsi Tehran radiosundan gəlirdi.
Ardı-ardına gəlib-gedən başçı qrupları kütlə arasında bağırsaq
qazına oxşatılırdı. Bir dışarı güc istəyilə Şahdan baş nazirliyi dövr
alan, kabinəsini qurar-qurmaz rəqibin basqısıyla yerini sevgili
birisnə verirdi. Sürəkli dəyişən dövlətlərin üzərində bir də anbaan
böyüyən meydan hərəkatının etgisi var idi. Biz, ailəcə
Müsəddiqçi olmuşduq. O, ərəblərin neftini İranın milli gəliri elan
edirdi. O, bu yolda özəlliklə İngiliz dövlətinə meydan oxuyurdu.
Dostları ilə paylaş: |