50
Maşallahxan: Bu neçə il Tehranda yaşadığımı unutmamışam!
Gecə-gündüz tutulacağam deyə, düşünürəm. Bərəkətağanın bir
rəhimsiz xan olduğunu da gözəl bilirəm. Ancaq, unutma ki, mən
bu günümü sizlərə borcluyam. Sizinlə tanış olmasaydım, hələ də
Bədiabadda çürüyürdüm. Mənə bu cəsarəti siz verdiniz. Gülnaz
xanımla evlənəndən sonra qadının necə olduğunu öyrəndim. Bir
türk qadının ərinə olan sevgisi el içində məsəl olsa da, mən onu
eynilə Gülnazda gördüm. O, mənim üçün özverinin tam
anlamıdır. O, özü istəməsə doğmaz! Mən onu doğmağa
zorlamıram.
-
Bəlkə o səni sevdiyinə görə, qırmaq istəmir! Bir də, tanrı qorusun
başına bir iş gələrsə!
-
Onu düşünmüşəm! Bu dünyada mənim Gülnazdan və uşaqlardan
başqa kimsəm yox. Vəsiyyətimi yazıb təsdiqləmişım. Məndən
sonra bütün varım Gülnazındır.
-
Bu gözəl işdir. Ancaq bax, Qulam aylardır yoxdur. Kimsənin də
ondan xəbəri yox! Onun yaşayıb-yaşamadığını belə, bilmirik.
Tanrı qorusun, sənin də başına belə bir iş gələrsə, gülnaz xanım
nə etməlidir?
-
(Maşallahxan düşünə-düşünə şapqasını başından götürür
qarşısına qoyur!) Bu da doğru! İşin burasını heç düşünmədim.
51
Demək ki, vəsiyyət də işin çarəsi deyilmiş! Doğru deyirsən,
düzgün bir çarə tapmaq gərəkdir! Sağol ki, həmişə olduğu kimi
dadıma yetişdin, Cəvanşir!
Artıq Qulamın həbsindən iki il keçirdi. Daha ondan ümidlərimiz
kəsilmişdi. Banu xanım yaşamını itirmiş, nəvələri varlığına əl
qoymuşdu. Biz isə, üç-dörd torbalıq əşyalarımızı bir maşına
yerləşdirərək, Naziabadın Mədayin məhəlləsinə köçdükdən
sonra, lap tək qalmışdıq. Bundan sonra başımızı saxlamaq üçün
çox çalışmaq gərək idi. Mədayin Xiyabanı əhalisinin çoxu Türk
olan sıx bir məhəllə idi. Orada daha sərbəst yaşamaq imkanımız
var idi. Mənim, hər gün bisikletlə Maşallahxanın dükanına gedib-
gəlişim çox çətin olurdu. Bu üzdən, Naziabad bazarında yenidən
əlsatıçılığına dönməyi düşündüm. Beləliklə, həm də Olqanın
yardımıyla öz toxuma ürünlərimizi sataraq yaşayırdıq.
Günlər, aylar gəlib-gedirdi. Yaşamımızda hər hansı bir gəlişmə
görünmürdü. Gülnazın yeni uşağı da dünyaya gəlmişdi. Onu
görmək üçün evlərinə getmişdik. Maşallahxan bu anı xatirə kimi
yadda saxlamaq üçün, bir fotoçunu evə gətirmişdi. Fotoçu bir
52
neçə şəkil götürüb getdi. Maşallahxan məni özü ilə evin həyətinə
götürdü:
-
Cəvanşır, səninlə bir gizlimi paylaşacağam! Bilirsən ki, səndən
başqasına inana bilmərəm. İlyas da yaxşı oğlandı, ancaq sənin
yerin bambaşqadı. Keçən il səninlə vəsiyyətim haqda danışdım.
Sənin sözlərini çox düşündüm. Bir sonuca vardım. Bu da
sonuclar! Al!
-
Bunlar nədir?
-
Bunlar sənin yanında əmanət qalsın! Bu sənədlərin hamısı
Gülnazın adınadır. Dükanla ev sənədləri, bir də bu paketdəki
pullar! Başıma bir iş gələrsə, hamısını, bir də bu vəsiyyətnaməni
Gülnaza ver!
Bu Lək yenə məni çaşdırmışdı. Qarşılıq verməyin yollarını tapa
bilmirdim! Mutlu günlər keçirirdim. Nə olsa da, acılar içində ölən
Fərəc əmimin dörd uşağı söz qonusu idi. Bir yandan sevinir,
başqa yandan isə, Maşallahxanın bu işinə məntiqsəl yanıt
axtarırdım. Bu dilsiz-ağızsız kişidən bir çox öyrəndiklərimin
üstünə ən böyügü yüklənmişdi.
-
Maşallah əmi, sənin bu işin ailənin gələcəyi üçün bir qarantidir.
O üzdən, mənə görə riskə girməni istəmirəm. Artıq məni iki şeyə
53
görə - birincisi, Tehranda mitinqlərdə olduğum üçün, ikincisi isə,
Bədiabaddan qaçdığım üçün tutabilərlər. Bəlkə də, Olqanın da
suçu üzərimdədir. Mənim də durumum sənin durumla eynidir.
Sənin başın üzərində olan təhlükə, sabah məni də gözləyəbilər.
-
Bu da doğrudur, Cəvanşir. Səncə, mən nə edim?
-
Məncə balalarının anasına, öz həyat yoldaşına inan! Həm onu
sevindir, həm də özünü narahatlıqdan qurtar. Gülnaz xanım ağlı
başında bir ana qadındır. O səni sevindirmək üçün əlindən gələni
edir. Elə deyilmi, əmi?
-
Doğrudur! Allah ondan razı olsun. Ha deyərlər ya “cənnət
anaların ayağı altındadır!”. O məsəli elə Gülnaz kimi analar üçün
demişlər. Ya allah! Dur ayağa, gedək otağa!
Maşallahxan: Gülnaz xanım sənin mənə bağışladığın 8-ci uşağın
da sevincini yaşamaqdayam. Mən sənin üçün nə etsəm azdır. O
üzdən, arzum bütün var-yoxumu sənə və səkkiz balamıza
verməkdir. Qoy məndən sonra sizin yaşamınıza qaranlıq
çökməsin.
Gülnaz xanım (Çaşbaş qalaraq): Ağa Maşallah sən nə deyirsən?
Bu sözlərin məni çox qorxudur. Sən başımızda ol, yetər! Tanrı
səni bu evsiz, bu evi isə, sənsiz etməsin! Bu evin bütün bərəkəti,
varı-yoxu sənsən. Olmaya sənə bir ədəbsizlik etmişəm?
54
-
Yox, yox elə bir şey yoxdu! Qorxma mən, sadəcə, sənə və
uşaqlarıma bir hədiyyə vermək istəyirəm! (Gülümsəyərək əlini
döş cibinə uzadır. Sənədləri çıxarır.)
Gülnaz xanım: Mən bu kağızları tanıyıram. Bunlar həmən
kağızlar deyilmi?
-
Doğrudu, həmən kağızlardı. Bunların nə olduğunu bilirsənmi?
-
Yox! Sən demədin ki! Uşaqlara aid dedin, başqa söz demədin.
Təkcə barmaq bastırdın mənə!
-
Doğrudu! Bu kağızlar sənə aiddir. Dükanın və evin kağızlarıdır.
Hamısı artıq sənin adınadır. Sənə hədiyyəm budur, al!
Gülnaz xanım, bir söz demədən otaqdan çölə çıxdı. Olqa onun
ardıca getdi. Üç körpə yan-yana yatmışdılar. Barışla Gülyaz hələ
məktəbdən dönməmişdilər. Aqil dərslərilə məşğul idi. Adil isə,
kiçik qardaşıyla oynayırdı. Maşallahxan Gülnaz xanımın
davranışından çaşdı.
-
Əmi, o sadəcə, sevindiyindən nə diyəcəyini bilmədi! Sənin ona
göstərdiyin etimaddan dil-dodağı qurudu. Qadın bizdən utanaraq,
bayıra çıxdı. Sən rahatsız olma!
-
İnşallah, belədir. Mənim niyyətim onu və uşaqları qarantı
etməkdir.
Dostları ilə paylaş: |