Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
45 Mən Qulamla birlikdə, onun düzənlədiyi mitinqlərə qoşulur, düşüncələrini bəyənir və yayırdıq. Tudə partiyası bəzən Müsəddiği savunur, bəzən isə, onu yıxmaqda İngiltərə, Amerika və Şahdan geri qalmırdı. Öncə dediyim kimi, Tudə partiyası üzvlərinin gözü-qulağı ancaq Moskvaya dikilmişdi. Tudə partiyası Moskvanın hər an dəyişən siyasi ssenarisinin teatr meydanı olmuşdu. Bu pariya külək kimi bəzən sola, bəzən sağa əsirdi. Bu üzdən də, öz çevrəsini çaşbaş qoymuşdu. İşsizlik, pulsuzluq, yoxsulluq, aclıq, üstəgəl oğurluq, cinayət, təhlükə və toplumsal qalmaqal bu illərin görünən tablosunu yaradırdı. Amerika ilə İngilitərənin Müsəddiq kabinəsini sıxışdırması ekonomik anbarqoları ortaya gətirmişdi. Neft alan, qida satan yox idi. Minlərlə işçi kimi, biz də işdən uzaqlaşdırılmışdıq. Maşallahxanın da işi dayanmışdı. O, bizdən biraz aralı yerdə aldığı evdə öz ailəsilə yaşayırdı. Gülnaz xanım Maşallahxandan olan üçüncü körpəsini də qucağına almışdı. Artıq Olqanın toxuma ürünləri satılmırdı. Demək olar ki, fəlakət üz-gözümüzdən yağırdı. Banu xanım anlayış göstərərək, icarə parası almırdı. O, üstəlik Qulamı da öz evinin küncündə olan tək bir otaqda yerləşdirmişdi. O, gilək qadın, qəlbi parlaq ağbirçək bir ana kimi hər üçümüzü qanadları altına almışdı. Bu dünya nə 46 qədər namərd olsa da, belə mərd insanları görüncə, gələcəyə umudsuz baxmağın bir anlamı qalmırdı. Artıq ərəblərin nefti Tehran hakimiyyəti tərəfindən İranın milli varlığı olmuşdur. Şah qaçmış, dönmuş, Müssədiğin isə ulduzu parlayıb sönmüşdü! Anlatdığım kimi, Tehranda siyasət bazarı ərəb saçına dönmüşdü! Doğrudan da, o illərdə nə olub-bitməsini hələ də anlaya bilmirəm. Təkcə bunu deyə bilərəm ki, Şahın dönməsilə İngiltərə də yerini Amerikaya vermiş oldu. Amerika Şahın gücünü artırmaq üçün bütün olumsuz varsayımları aradan qaldırdı. Bazar onun əlində, qızıl onun əlində, ordu onun əlində, neft onun əlində və başlıca şah sarayı da onun əlilə idarə olunurdu. Məmləkət, sanki qasırğadan sonraki sakitlik çağını sürürdü. Partiyalar, sinifsəl toplumlar bağlanmış, Milli Məclis arıtlanmış, təhsil sistemi düzənə girmiş, var olan beş-on iş yeri bütünlüklə üsyankar işçilərdən təmizlənmiş, Şah isə Şahənşah olmağa hazırlanmışdı! SAVAK Artıq SAVAK zamanı çatmışdı. Tehran üzdə səssiz görünürdü. Kimsə kimsənin toyuğuna “kiş” demirdi. Ölkədə hər kəs SAVAK-dan danışırdı. SAVAK, MUSAD, CİA bizim kimi dinc 47 durmaz gənclərin ağzından düşmürdü. Yeni dövlət alanını genişləndirməkdə olan İsrayil Musadı ilə, yeni dünya imperializmi sayılan Amerika CİA-silə yeni batıçılığa üz tutmuş İranın Savakını yaratmışdırlar. Dərbarın göz bəbəyi olan Savak isə, doğrudan da göz bəbəyi olmaq üçün bir anını belə, əldən vermirdi. Artıq gizli bəlgələrin üzə çıxma çağı başlamışdı. Azərbaycan Milli Hakimiyyətinin saxlıları araşdırılırdı. Mənimlə Qulam yenidən işə başlamışdıq. O, tikinti işinə girmişdi. Mən isə, İlyasla Maşallahxanın yanında çalışırdım. Qulam, iki gün öncədən evə dönməmişdi. Banu xanım onu oğlu kimi sevdiyi üçün, məni onu axtarmağa göndərdi. Onun harda işlədiyini bilirdim. Bu üzdən Kərimxan xiyabanına getdim. Qulam, orada uca bir tikintidə fəhlə kimi çalışırdı. Baş işçidən Qulam haqda bilgi aldım. Onu iki gün öncə qarayaxa məmurlar tutmuşdular. Onunla birlikdə tikintidə işləyən beş işçi də tutuqlanmışdı! - Onları nə üçün tutmuşlar? Baş işçi: İstərsən get Savakdan sor. Əlbəttə, canından doymamısansa! Bəlli da, Şaha qarşı çıxan bütün xainlərin sonu budur. O, dönməz yerə getdi! Hələ bildiyimə görə, bir də 48 Təbrizdən gəlmədir! Vay əhvalına! Sənin nəyin olur? Olmaya sən də onlardan birisən? - Yox, mən onu küçədən tanıyıram. Mən, əldə köynək sataram. O, məndən köynək aldı. Tanış olduq. Burada işlədiyini dedi. - Daha nə? - Mən iş axtarmaq üçün buradayam. Onu öncə gördüyüm üçün köməkçi kimi onu sordum. Yoxsa... - Bəlli ki, ağıllı birisisən. Mən burda sənə iş verərəm . Ancaq, öncə müdürə deməyim gərəkdir. Sən burada dayan, mən indi dönərəm! - Sağol burada dayanıb, səni gözləyirəm! Sənə bir şirni borcum olsun! Onun getməsilə özümü qırağa çəkib, qaçmaq üçün imkanlı yer seçməyə çalışdım. Baş işçi bir azdan bir polislə (ajan) görüşüb, əlilə olduğum yeri göstərdi. Bu durumu görüncə, tikintinin arxasından fırlanaraq qarşı tikintinin küncündə gizləndim. Çox keçmədən baş işçilə üç polis öncə olduğum yerə gəldilər. Məni görməyincə, çevrəyə dağılan polislər birazdan bir araya toplanıb yerlərinə döndülər. Mən isə, arxadan bir yol tapıb qaçaraq ordan uzaqlaşdım! 49 Artıq Qulamı da itirmişdik. Onun da mənimlə başlayan öyküsü mənsizləmişdir. Özümü tam boşluqda hiss edirdim. Olqanın bayıra çıxmasını tamamilə yasaqlamışdım. Mühacir arama sürəci başlamışdı. İnanılmaz güclü bir əmniyyət şəbəkəsilə üz-üzə qalmışdıq. Savak bütün insanların yaşamına kölgə salmışdı. Göz- gözə gələn iki insandan birinin Savak məmuru olması ən doğal varsayım idi! Tehran kimi aşar-daşar yerdə küçəyə çıxmaqdan belə çəkinirdim. Bu arada təkcə mən deyil, Maşallahxan belə, qorxu içində yaşayırdı. Yeddi uşağın gözü onun əlinə baxırdı. Gülnaz xanım Maşallahxanın keçmiş nisgillərinin qurbanına çevrilmişdi. Bu isə, erkəkliyin qadınlığa olan doğal basqısının göstəricisidir. Yazıq qadın Maşallahxanın dördüncü uşağını saldığı üçün, özünü bağışlaya bilmirdi. Özünü bir cücə maşını olaraq görən Gülnaz xanımın doğma görəvi Maşallahxanın da despotlaşmasına yol açırdı! Bir gün üzümə-üz bağlayaraq ondan soruşdum: - Maşallahxan, yeddi uşaq, birisi də yolda! Özün də doğru olmayaraq qatil durumuna düşmüş bir qaçaq! Bərəkətağanın Savak kimi şəbəkəylə işbirlikçi olması da qaçırılmaz! Bunu heç düşünürsənmi? Yüklə 1,69 Mb. Dostları ilə paylaş:
|