240
Qorxmamalıyıq. Bu canı bizə kim veribsə, O da alacaq!
Gerçəkləri dostluq xatirinə gizləyən, sonunda xain olar!
Türkiyənin bundan sonra bizi yanına alması, nəyimizə yardım
edər ki!? Bu qədər yaman-yoğuzdan sonra, bir də dostluq əli
uzadacaq bizə!? Özü də, hər şeyi badə verəndən sonra!!!
(Nəhavən-Bədiabad Cabbar ... Əlyazma No 45, 1947...)
Son olaraq Cabbar əminin daha bir əl yazmasının bəlləyimdə
(hafizə) qalan bölümünü burda xatırlayıram. O, yazmışdı:
“Rusların namərdcəsinə Azərbaycanı yalnız buraxması ilə,
Sədrimiz M.C. ağanın aydın-aşkar çarəsizliyi özünü göstərməyə
başlamışdı. Bundan öncəki güclü qələm axışı və xarakterilə ümid
qaynağımız olan Pişəvəri yoldaşın yazıları çaşbaş vururdu. Hər
gün “Azərbaycan Qəzeti”ndə Pişəvərinin qələmilə yazılan
yazıları oxuyurduq. Əslində, bu yazılarda olumlu enerji yerinə,
olumsuz enerji itirmə hökm sürürdü! Sözsüz ki, Firqə başqanının
belə bir amacı yox idi. O, bütün var olan gücü ilə Firqənin
dağılması sürəcinin qarşısını almağa çalışırkən, bir yandan da
“ya azadlıq, ya ölüm!” sloqanı ilə Tehrana qarşı dirəniş
göstərməyə çalışırdı. Lakin, onun son yazılarında sinir gərginliyi
241
kağız üzünə, oradan da bizim içimizə axırdı! Burada başçımızın
iki yazısına işarə edəcəyəm: 1) Rusların firqəni və millətimizi
Tehrana təslim olmağa buraxmasından sonra, Ankara Radiosu
rəsmi bir verilişində əli-qolu cəviz qabığında qalan Firqə
liderliyinə açıq bir mesaj göndərir. Mesaj bu məzmunda idi:
“İranda Azərbaycan türklərinin istiqlaliyyət uğrunda mücadiləsi
sürür. Bu milli davadan müdafiə etmək bütün demokratik
qüvvələrin, o cümlədən BMT-nin borcudur!” Mən bu mətnin
yaxın formasını Pişəvəri yoldaşın – “Bizcə Azərbaycan və İran
məsələsi” məqaləsində oxudum. /Azərbaycan Qəzeti. Say 212/.
Başqanımızın Ankara radiosunun bu verilişinə qarşı cavabının
yadımda qalan bölmələrini birlikdə gözdən keçirək. – “..... Belə
bir halda xaricilərin çığır-bağır salaraq, İranın kiçik bir iç
məsələsini dünya probleminə çevirməsi, sadəcə, İran üçün gizli
və zərərli məqsəd daşıyır! Bu arada hamıdan çox Türkiyə radiosu
ara qarışdırmaqla məşğuldur! Bu radionun danışıq tərzi bizi
həddən artıq düşündürür. Onlar Azərbaycanın müstəqil dövlət
olmasını irəli sürürlər! Onlar bu yalanları ilə Azərbaycanın
dünya toplumu içində imicini qaraltmağa çalışırlar! Biz, milli
demokratik hərəkatımızın başlanğıcından bəri demişik ki,
Osmanlı Əfəndilərin ağzı sulanmasın! Bu keçədən onlara börk
olmaz! Azərbaycan nə istərsə, İranın içində qalmaq şərtilə istər!
242
Bizim hansı dil və hədəflə danışdığımızın məqsədi irani və İran
içində olmaq şərtilədir. Mərkəzi hökumətlə bizim aramız
yaxınlaşdıqca,
Ankaranın
qorxusu
artır!.....Türkiyə
mürtəcelərinin Türk xalqını Amerika sömürgəçilərinin qucağına
atması yolunda bizim bir sözümüz yoxdur. Ancaq biz Azərbaycan
xalqını İrandan ayırmağı düşünmürük. Türklər bunu anlayıb və
xaincə səslərini bizdən uzaqlaşdıraraq bizi öz halımıza
buraxsınlar! Biz, Azərbaycan məsələsinin Azərbaycanda və
Azərbaycan xalqı əlilə həll olunmasını dəfələrlə demişik. İranın
və Azərbaycanın qanuni haqqı “Əmniyyət Şurasına” dəxli
yoxdur!!!”
Aşağıdakı Müraciət, Azərbaycan Milli Hökumətinin ilk aylarında
–Yanvar 1946 (Bəhmən 1324) - BMT-nin Baş Assambleyasına
Rəsmi başvurusudur. Bu müraciət Azərbaycan məsələsinin tam
bir uluslararası məsələ olduğunu bəyan edir. Müraciət tam
cəsarətlə Azərbaycan Milli Hökumətinin BMT və dünya ölkələri
tərəfindən rəsmiyyətə tanınmasını istəyir. Azərbaycanda və
Təbrizdə bu müraciətlə bağlı böyük şənliklər keçirilir. Hər kəs
Azərbaycanın müstəqil və bağımsızlığı uğrunda artdığı gərəkən
diplomatik addımı alqışlayır. Yuxarıdakı yazının tam tərsi olan
müraciətin bəzi yerlərini sizə çatdırıram:“...İran zülmkarları
243
Azərbaycanı öz hakimiyyətləri altına alaraq, onun sərvətini
amansızcasına talayırlar. Sonucda Azərbaycanın çiçəklənən kənd
və şəhərləri dağilmaq həddinə gəlib çatıbdır. Şovinist böyük
dövlətçilik siyasəti yürüdən İran hökmdarları Azərbaycanlıların
varlığını tamamilə inkar etməyə cəhd göstərir, onların dilini
əlindən
almaqdan,
hər
cür
təhqiredici
əməllərdən
çəkinməyirlər.....Azərbaycanda demokratik əsaslara dayanaraq,
bir Milli Hökumət qurulub və öz fəaliyyəti barədə bütün dünyaya
məlumat yayıb. Beş milyonluq Azərbaycan xalqı milli dilinin,
tarixinin, mədəniyyətinin köməyi ilə özünün müasir bir xalq
olduğunu dərk etdi və bir də heç vaxt fars zülmünün altında
inləməyə, fars dilinin İrandakı başqa xalqların dilləri üzərində
ağalığına icazə verməyəcəkdir.....Azərbaycan xalqının iradəsi ilə
Atlantik Xartiyasına, yəni böyük demokratik dövlətlərin vədlərinə
uyğun olaraq, qurulan Azərbaycan Milli Hökuməti artıq
danılmaz faktdır. BMT Baş Assambleyasına müraciəti ilə,
Azərbaycan xalqı xahiş edir ki, Azərbaycan Milli Hökumətinin
varliği faktı tanınsın və kənardan müdaxilə olmadan, ona öz
244
taleyinin özü tərəfindən müəyyənləşdirilməsinə təminat verilsin.
Cabbar ... Əlyazma No 45, 1947...)
Sanıram ki, borcumu ödəmiş oldum! Sürgün çağlarımdan bəri,
millətimə aid olan anıları sizinlə paylaşdım. Yaxşıdan-pisdən bu
öykünün günü çatmışdı artıq! Çox darıxıram, çox! Bu isveçlilərin
yaşa dolan zaman, heç nələri də olmasa, ən azından bir köpəkləri
olur. Normal olaraq, yaşlıların köpəkləri də yiyələri kimi qoca
olar. Ancaq hər nə olursa-olsun, qoca köpəyin də hər gün üç dörd
kərə bayıra çıxması gərəkdir. Bu isə, yaşlılar üçün hava alıb,
fikirlərini dağıtmaq deməkdir. Bir çox hallarda, bu ikisindən
birinin son xəbərini diri qalan qonşulara çatdırır. Bu da xoş bir
gələnəkdir. Ancaq mən bunu iş-işdən keçəndən sonra anladım.
Belə ki, tək qalmayım deyə arxadaşlarımın birinə bir köpək
almağı rica etdim. O da, nəvəsi ilə birlikdə mənə köpək almağa
gedir. Nəvə, ilk öncə internetdən bəyəndiyi köpəyi 12 min krona
dədəsinə aldırır. Köpəyi böyük “təntənə”ylə evimə gətirirlər.
Xoşladığım köpəklərdən olmasa da, qəbul edirəm. Bir illik
yeməyilə birlikdə, təxminən 15 min krona başa gələn köpəklə
zamanımı keçirtməyə başlayıram. Köpək yerdə-göydə
245
dayanmırdı. İlk günlər ünsiyyətimin az olduğuna görə kimsəylə
ilişgim olmurdu. Beş-on gün sonra yaşıd isveçlilərlə tanış oldum.
Onların köpəkləri uslu gəlib-gedirdi. Amma mənimki isə,
meymun kimi məni arxasınca çəkirdi. Bunu nədənini bir
isveçlidən sordum. O, bir mənə, bir də itə baxaraq dedi:
-
Bu köpəyin yaşı nədir?
-
Heç bir şey bilmirəm. Təki bunu bilirəm ki, bu köpəyin üzündən
çöldə qalar olmuşam!
-
Köpəklərlə bağlı bilgili olmadığın bəlli! Sənin köpəyinin olsa-
olsa ən çoxu 7-8 ayı vardır. Hətta bir yaşını belə, doldurmayıbdır.
Bəlli ki, onun olqunlaşmasına zaman gərəkdir. Ən yaxşısı, onu
ver bir gənc adama. Özün də bir yaşlı it al! Heç olmasa səni
yormaz! Bir də sənin it kursuna getməyin gərəkdir!
Artıq ortada it-mit də, gəlib-gedən də yoxdur! Gözlərimin işığı
yamanca azalıb. Qulaqlarım da həmçinin! Bu qulaqlar gənclikdən
bəri zatən doğru-düzgün eşitmirdi. İndi də artıq tutulmuş kimidir.
Bir də, bizim insanımız üçün 85 yaş, uzun yaş sayılır. Ömrümdən
şikayətçi deyiləm! Ən azından, buralara gəlmədən öncə
millətimin içində olduğum üçün, gəncliyimi açıqgözlü keçirdiyim
üçün xoşbəxtəm! Göktanrımın mənə verdiyi fürsət üçün, sizə söz
verdiyim yazını sona çatdırdığım üçün xoşbəxtəm! Üzgünəm!
246
Torpağımdan, ana beşiyimdən uzaq düşdüyüm üçün! Üzgünəm!
Məzar daşımın üzərində gözəl türkcəmdə bir bayatının
yazılmayacağı üçün!
Bundan sonra günlər-gecələrin arasında paylaşıb qalacağam!
Yağmur yağanda pəncərəmin arxasında, günəş saçanda isə
balkondan tanış bir səsin gəlişini gözləyəcəyəm! Bundan sonra
sürünərək küçəmizin ağzındakı “Ungbutik” (gənc butik) adlı
bakkaldan həftəlik çörəyimi, südümü, sup tozumu alıb evimə
dönəcəyəm!
Qapıdan gələn səsi duyuram. Bu bir posta paketi olmalı! Əyilib
paketi götürüb, qapının yanında yerləşən qoltuğun üstündə oturub
açıram:
Grattis Javanshir! Grattis på födelsedagen! Du är nu 85 år
gammal!
(Cavanşir Təbriklər! Doğum günün kutlu olsun! İndi 85
yaşındasan!)
Təbrik məktubu evin yaxınında yerləşən “Yaşlılar Evi”ndən
gəlmişdi! Doğum tariximə baxıram! İl 1922-01-01! Demək bu
247
gün yeni ilin birinci günüdür. Mən nə böyük insanmışam!
Qop-qoca 85 il! Güzgünün qarşısında dururam! Əlimdə bir
bardaq qırmızı çaxır ilə özümü qutlayıram: “Ad günün qutlu
olsun sevimli ağsaqqalımız sayın Cəvanşir bəy! Bax hər kəsin
qutlama bardağı göydədir. Bu saysız kütlə sənin üçün ayaqdadır!
Hura, hura, hura! Badələr sənin üçün, ey dünyanın sevilən insanı!
Göktanrı səni öz elçisi kimi bu kütlə içinə göndərdi! Sən,
doğulanda gün doğdu! Sən ulusuna bir günəş ərmağanı oldun! Nə
yaxşı ki varsan, Cəvanşir bəy! Ey ulu dədə, izninizlə sevimli Olqa
nənəni də qutlayır, ağ birçəklərindən, əllərindən öpürük! Sizinlə
bu günədək çiyin-çiyinə savaşmış, böyük bir qadını qoxlayıb-
öpmək ulusumuz üçün böyük şərəfdir!”...
Gününü unutduğum gün
...VƏ İNDİ,
yol kəsik, xəyal sonsuz, düşüncələrim qısa! Kimi
düşünürəmsə, qap-qara bir dalan gəlir gözümün önünə! Beynimin
dərin guşəsindən vəhşi külək kimi bir ittiham hayqırtısı bayıra
qanadlamağa çalışır!
Kimin beyninə yol tapmaq istəyirəmsə, al-qaralı bir “Giriş
Yasaq” tablosu qarşıma dikilir! Əli çəlikli qaranlıq dalana yola
düşürəm! Bəlkə bir işıq, bəlkə bir səs!? Yox! Yoxdur! Artıq
248
qaranlıq dalanın sonuna yaxınlaşıram! Son Təbrizdən çıxanı
özümlə 4-5 mahnı da buralara qədər daşımışdım. Ən yalnız
günlərimin yoldaşı olan mızıltım qulağıma səslənir:
“Gör nə günlərə qaldın, öz cəzandır çək Balaş,
Hamının üzü döndü, axır qaldın tək Balaş!
İndi neyləyir, ax! Sevil görən hardadı,
Onu evdən gedəli, görən nə haldadı!... ”
An dostumu, sevgili “Sevil”-imi bir son kəz olaraq dilimə
gətirirəm! Sevgilim Olqam! Haralardasan? Varmısan, yoxmusan,
məni duyursanmı? Mən, sənin Cəvanşirin! Sən isə mənim Olqam
qalmısanmı!? Mən, səninlə son kəz bütünləşmək istəyirəm!
Ancaq, bu kəz hər kəsin gözü önündə, utancıma nifrət, namusuma
nifrət, şərəfimə nifrət, varlığıma nifrət, elimə nifrət, torpağıma
nifrət, sonsuzluğuma nifrət, dilimə nifrət, türklüyümə nifrət,
yasağıma nifrət püskürən nifrətlərin ölümünə sevişmək istəyirəm.
Mən, əkiz tinli bir tənəm! Tənimdə sevişən əkiz tinlərimdən
sonsuz tin doğar. Bu üzdən mən sonsuzam! Hər zaman da sonsuz
olacağam! Sonsuz Göktanrım kimi, ölüb-diriləcəyəm! Mən
249
Türkəm, Atatürkəm, sonsuzam! Mən Qurdanayam! Mən ulusam,
ulu bir ulus!
Çünki mənim canımda məğrur bir qoca qurdun ruhu dolaşır! Hə,
onu özüm də görməyə bilərəm. Onu özümdə belə, öldürə bilərəm!
Məgər mən “Nayman ana”nın igid oğlu, qurd ürəkli “Yalaman”
deyiləmmi? Məgər mən juvan-juvan əlində çeçələnmiş
“Manqurd” deyiləmmi?
İsveç dövlətinin yardımıyla icarə etdiyim tək otaqlı evimin, günə
baxan kiçik balkonunda, ayağı sınmış bir qoltuğun yanında
oturub, işıqdan düşmuş gözlərimi Yöteborqun uzaq sonsuzlarına
dikirəm. Özümdən sonra mütləq yaşanacaq incə bir inancı astaca
mızıldayıram:
“Orda bir yol var, uzaqda,
o yol bizim yolumuzdur!
Dönməsək də, varmasaq da,
o yol bizim yolumuzdur!”
250
“Dağlar ardından yanarquyruq bir ulduzun zamanı dəlik-deşik
edərək, yerə sarı axmasını görürəm! O, çox işıqlıdır. Gözümün
qapalı pərdəsi, işığın pöhrələnməsi qarşısında yetərsiz qalır.
İşığın alovları olduğu yerdən içimə sızaraq, volkan kimi partlaq
verir. Hər an alovlar içində külə dönə bilərəm! Ancaq, çoşqun
atışdan düşən qəlbimin astaca vuruşları məni lam axar su kimi
alovların içindən keçirməyə çalışır. Çox ağır bir çəlişgi
içindəyəm. Bir yandan həyəcandan düşən tənim, başqa yandan
isə, hər an uçmağa qalxan tinim arasında yaşantımda tuş
gəlmədiyim ləzzət yaşanırdı.
Axındıqca devləşən yanar ulduz, yer üzünü üzərimə qapadır.
Əllərimi ulduzun qarşısına tutur, “ gəlmə-gəlmə!” deyib
yalvarıram! Ulduz gözlərimin önündə dayanır! Ulduz üzərinə
qonan buludu sıxır! Bulud bir damlacıq inci olaraq balkonun
heyrəsinə qonur! Damlacığın ortasından Savalan, Savalanın
ortasından isə, “Qoca Qurd” əlimi tutur! Qoca Qurd, məni özü ilə
Sultanın yamaclarına aparır. Yamacların arxasında milyonlarca
gənc qurd qarşımızda sayğı duruşu göstərir. Gənc qurdların ardı-
ardına sıralanmış omuzları yılmaz qala kimi Sultanı araya alır!
251
Gənc qurdların “Yaşa Sultanım!” marşı təpə-təpə Azərbaycanın
hər yerinə yayılır! Qoca Qurd, əlini omuzuma qoyaraq səslənir:
-
Cavanşır, oğlum, bax! Ananı Quru Göldə basdırandan bəri,
səni bir ana kimi sevib bağrıma basdım! Sən isə, bir oğul kimi
məni qoxlayıb-qorudun! Uzun illərdir ki, bu çətin yolları birgə
keçdik! Birgə yorulduq, susadıq və birgə bu günə gəldik. Sən bir
can kimi, mən isə bir tin kimi qoşalaşdıq, bütövləşdik! Birlikdə
əzildik, ayaqlandıq! Birlikdə ağladıq, güldük!
İndi bax! Bu gənc bozqurdlarımıza bax! Özgürlük və qurtuluş
səsini dinlə! Dinlə ki, son soluxunla üzün gülsün, türkülərinlə
ağlaş, umudunla gözünü yum!
“Qoca Qurd” bunları deyir və ölkəmin içinə çəkilir. O,
damlacığın bağrından qoparaq göy qanadlarıyla Göktanrıya sarı
uçur. “Qoca Qurd”dan boşalan damlacıq heyrənin cığırından qara
torpağa doğru axır. “Dayan, dayan, getmə!” deyə tinimə
yalvarıram! “Qoca Qurd” gülə-gülə gözümün önündən itir.
Getməsin deyə, ayaqlanmağa çalışıram. Ayaqlarımda qalxacaq
güc yox artıq! Torpağa cummaqda olan damlacıqdan bir əl
uzanır! Uzanan əl məni özünə tərəf çəkir!
252
Gözlərimi açıram. İsveç həmişə olduğu kimi soyuq və
qaranlıqdır! Sönmüş ocağımı bir daha yandırmaq istəyirəm!
Ocağımın göz görünmür! Canım çox üşüyür! Gözlərimi açıq
tutma gücüm tükənir. Gözlərim qapanır! Nə üşüyürəm, nə də
isinirəm! Artıq ac belə, deyiləm!
Əlimdə ki, son nöqtəni qoyur, qaralamalarımı başımın altında
yerləşdirirəm. Son tinimin hüzurlu olması üçün bir daha uzaq
odaqlara dikilirəm. Damlacıqdan qopan tinimdə Savalan,
Savalanın içində “Qoca Qurd, onun arxasında “Xoşca qal,
Qurdananın qurd oğlu, Cəvanşir əmi!” yazısını əllərində tutan
milyonlarca gənc bozqur! “Qoca Qurd”un son baxışlarının
arxasından ağ saçlarını döşünə sərmiş “Qurd Ana” çıxır!
-
Yahu oğlum! Haqqım halalın! Halalın isə haqqın olsun! Yahu
sevgili oğlum Cəvanşir!
O gülə-gülə əl qaldırır! Dilim-dodağım tutulmuş mən isə, ona əl
qaldırmaq istəyirəm! Ancaq, artıq gec olur! “Sarışın çalıquş”,
mənə qanad sallayaraq yerlə-göy arasında üzən inci damlacığı
dimdiyinə alıb uzaqlaşır! Qələm əlimdən düşür! Göktanrım
qələmi əlimə verərək, əlimdə tutduğum beli sınmış çəliyimi alıb,
sınıq qoltuğun yanına buraxır:
253
-
Cəvanşir, artıq sona gəldik! Son sözümüzü de ucaq!
-
Son sözümüz qurd analar doğan Türk ulusuna olsun!
Nisgilli vətənimiz can Azərbaycana olsun!
Bizi mənlikdən qoparan ulus edən Qurd Analara!
Qoy, bizdən sonra doğan suçsuz umudlar sürgün düşməsin!
SON
Document Outline - UCHUNCU_1-4
- 3-ci-cild bashliq
- ESBN_3-ci_edited
- SUNUC
- Blank Page
- UCHUNCU_inlaga
Dostları ilə paylaş: |