Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
227 bağlıdır arxadaşlar. Türk ortadan qalxarsa bu iki şovinist ideoloji həmən bir-birinə düşmən kəsiləcək! Bu iki canavar dövlətin ortaqlığını güclədirən nədən ikisinin də özgə xalqlara olan faşisti baxışlarıdır. (Nəhavən-Bədiabad Cabbar ... Əlyazma No... 1947...) Bu səfər Çərəndab məhəlləsinin arxa küçələrinin birində toplanmışdıq. Yenə Mir Qəmbər ağa nitqə başladı. Qəmbər ağa, gördüyüm ən güclü, savadlı və dərin duyğulu natiqlərdən biri idi. Onun bu günkü nitqi “Nə etməliyik” ünvanındaydı: - Aldığımız dəqiq bilgilərə görə, çox tezliklə Təbrizdə böyük bir milli partiya yaranacaqdır. Millətimizin ən çox ehtiyacı olan milli partiyanın yaranması məni çox sevindirir. Azərbaycana özəl siyasi qurumun yaranması bu millətin amaclarına xidmət edəcək ən ana qurumdur. Bizim cani-könüldən ona qatılmağımız su və hava kimi gərəkdir. Ancaq arxadaşlar, bu yaranacaq partiyanın ilkələrində “türk” qavramı kəsinliklə olmayacaqdır. Millətimizin və dilimizin adı sadəcə Azərbaycan adıyla kifayətlənməlidir! Nədəni isə, rusların “türk” sözünə qarşı can qaşıntılarıdır! Ağalar, arxadaşlar, qorxduğumuz başımıza gəlir! Milli kökdən 228 uzaqlaşdırılmış bir milli partiya hara varacaqdır arxadaşlar!?... On gün sonra Mir Qəmbər ağanın dəlik-deşik olmuş ölüsü Qonqa Başında tapıldı!!! Türk ulusu, öz oğlunu, Alman casusu, dələdüz, xalq düşməni kimi lənətlədi!!! Şəhərdə yayılan bildirişlərin arasında belə bir bildiri də kütlə arasında gəzişib dolaşdı: “...Sovetin xilaskar ordusu gələndən bəri dələdüzlər, Alman casusları, faşist Nazı tərəfdarları xalqın ayıq oğulları tərəfindən tutulur məhkəmə olunur və gizlicə cəhənnəmə vasil olurlar. Təbii ki, belə əməllərin xilaskar barış ordusuna olan vəfadarlığı çox önəmlidir. Ancaq belə özbaşınalıqların toplum içində olumsuz etkisini də gözdən qaçırmaq doğru olmazdı! Bu üzdən soveti sevən yoldaşlardan bu məsələlərdə qanunsəl olduqları istənilir...!” Bu ulusu rusçuluqdan qurtaran bir türkçü övladı, dələdüz, xalq düşməni, Nazi və Alman tərəfdarı kimi markalandı! Millətinin qayğısıyla nəfəs alan ulus vurğunu, öndər bir Türk dəlik-deşik olaraq aralarda qaldı. Rus əskərləri geçə qaranlığında atdıqları qanlı cəsədi, gün işığında ölü köpək kimi bir daşqa arxasına ataraq, gözlərdən uzaqlaşdırdılar! Azərbaycanın bir igid Türk balası gizli göz yaşları arasında etkisiz boşluğa uğurlandı! Ən 229 yaxınları belə, onun məzarından xəbər ala bilmədilər! (Nəhavənd-Bədiabad Cabbar ... Əlyazma No... 1947...) 1943-cü ilin sonlarına doğru yoldaş Dəmirçi mənim evimə gəldi: - Cabbar bəy, səni Konsulluqdan çağırırlar. Sabah səhər 11-də bir yetgili yoldaşla görüşün olacaq. Ancaq bu görüş çox gizlidir! - Yoldaş Dəmirçi, bu görüş nədən ötrüdür? - Yoldaş Cabbar, bu sözləri nə sən soruş, nə mən cavbacıyım! Sabah saat 11-də konsulluqda ol! Etibarınla bağlı çox önəmlidi! Saat 11-də konsulluğun qapısında dayandım. Qapının ağzında dayanan bir Azərbaycanlı zabit məni xoş qarşıladı! Konsulluğun girişinin solunda yerləşən kiçik bir otağa girdik. Otaqda tək bir masa arxasında oturan qarayaxa rusdilli məmur, ilk öncə subaya təşəkkür edərək yola saldı. Sonra farsca mənə “xoş gədiniz” dedi: - “Azəricəni bilmədiyim üçün sizinlə farsca danışacağam. İlk öncə başqa bir dildə danışdığım üçün üzrümü qəbul edin. Sizin bir yurdsevər tarixçi öyrətmən olduğunuzu bilirik. Biz bilim insanlarına böyük sayqımız var! Sovet sistemi bilim, barış, qardaşlıq, insanlıq və əmək üzərində qurulmuşdur. Bizim bu gün 230 burda olduğumuzun nədəni də budur. Siz, bir xalq olaraq daha özgür, bağımsız və özgüvən yaşama layiqsiniz! Yazıqlar olsun ki, bu tayda olan acınacaqlı Azərbaycanla, o tayda olan Sovet Azərbaycanın durumu heç bir-birinə bənzəmir. Siz, o taydan ilham almalısınız. Siz o tayı yaxından görməlisiniz! Çox baha əldə olunan təcrübələrdən yararlanmalısınız! Siz, öz müstəqil ölkənizi qurmaq üçün hazır olmalısınız. Yoldaş Cabbar, siz bu yolda yurdsevər yoldaşlarınızın sırasında yerləşməlisiniz. Biz, sizin kimi Azərbaycan sevərləri öz dost sıralarımızda görmək istərik. Yoxsa, faşıst nazilərin ya onların arxasında duran türk dövlətinin yanında olmağın nə faydası olar! Bu yolun sonu əlbəttə ki, xalq düşməni, faşist tərəfdarı kimi ölümdür! Sizin xalqın içində Soveti sevən yurdsevər gənc az deyil! Onların faşizmə, Hitlerə olan nifrəti sonsuzdur. Biz hər zaman onların qarşısını ala bilmirik! Bunu sizin də bilməyinizi istərik! Bir neçə gün sonra sizinlə bir də ilgi qurulacaqdır. Bizim salamlarımızı başqa ev arxadaşlarınıza da yetirin. Siz, ağsaqqal öyrətmənsiniz! Sizin sözünüz onlar üçün keçərlidir. Hər kəsin xalqın arxasında olması gərəkdir! Gedə bilərsiniz!” Mesaj alınmışdı! Bundan net və rus sayağı mesaj ola bilməzdi! Biz öz aramızda buna “Rus Diplomasiyası” deyirdik! Mesajın Yüklə 1,69 Mb. Dostları ilə paylaş:
|