Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
236 təhdidilə buradan çıxması bizim əl-qolumuzu bağladı! Yoldaş Nüsrət C.: Çox qəribədir! İranın şimal nefti qarşısında Azərbaycan! Mənim ağlım bunu almır. Necə ola bilər ki, Stalin yoldaş bir dost hakimiyyəti bəlirsiz bir neft yataqlarına qurban versin! Bu işin içində bir iş var! Bizim bilmədiyimiz çox şeylər var! Yoldaşlar, bizim yeni dostlara üz tutmamız gərəkdir! Elə deyilmi? Nəriman S.: Hansı dost ölkə, bəylər? Hansı güc? İngiltərə bizə qarşı, Amerika dərbar yanında, Rusiya isə bizdən üz döndərmiş! Daha kimlər qaldı ki? Mərdan Q.: Türkiyə! Artıq onlarla ilişgiyə girmə zamanı gəlmişdir! Bəs nə zaman bizlərə yardım edəcəklər! Bizim bu gün yeni dosta ehtiyacımız var. Məncə, yoldaş Pişəvəri Ankaraya qarşı bir az daha siyasətşi olmalıdır! Hətta türklərin mürtəce olmasını bilə-bilə! Bəlkə də, başda oturan dostların bir çox şeylərdən xəbərləri vardır. Bəlkə də, yoldaş Stalin şəxsən Firqənin möhkəm bir dost olduğunu sınayır. Keşkə belə olsun və biz bu gün özgə bir dövlətin müzakirəsini etməsək! Nüsrət C.: Yoldaş Mərdanın sözlərini inanmaq istərdim. Amma ağlım, belə olmadığını deyir! Ruslara bundan sonra bel 237 bağlamağın bədəlini daha çox ödəyəcəyik. Stalin birbaşa Yoldaş Bağırovu hədələyir. Moskva Sovet Azərbaycanın Güney hökumətindən ötrü istədiyi bütün yardım siyahısını ağır alçatmaqlarla rədd edib. Biz isə, burda rusların Firqəni sinağa çəkməkdən danışırıq! Başqa yandan isə, “yoldaş rus -yoldaş rus” deməklə Moskvanın bir dediyini iki etməmişik. Ankaranı büsbütün Amerika nökəri, Alman yanlısı, İngilis dostu, Tehran yavəri deyib günahlandırmışıq! Arxadaşlar, Firqənin rəhbərliyinin başı elə Qəvama bağlanıb ki, doğru yönün nə olduğunu belə, düşünmür! Məncə də, genəl siyasətimizdə böyük dəyişiklik vermənin zamanı gəlmişdir. Cabbar müəlim, buna siz nə deyirsiniz? - Arxadaşlar, hər zaman dediyim kimi, indi də deyirəm ki, bizim dərdimiz siyasət deyil, biz ideoloji dəyişməyə keçməliyik. Bu isə, rusların bizə nə etdiyindən asılı deyil! Bir millət olaraq, öz varlığımıza söykənməliyik. Elə örnəyin ruslar olsun! Ruslar heç zaman rusluğu mürtəce adlandırmazlar! Rus heç zaman özlərinə gerizekalı, dalıqalmış deməzlər! Ruslar heç zaman Mərdan bəy kimi özlərini alçaltmazlar! Ruslar ilk öncə rus, sonra ideolojik olarlar! Tam Mərdan bəyin tərsinə, öncə ideoloji qulu olmalı, sonra isə ideoloji hara çəkərsə...! Onlarda rusdan qeyri dünya 238 görüşü yoxdur. Liberalı da, kommunisti də, kilisası da öncə rusdur. Çünki, onların kültüründə alçaqlıq deyə bir qavram tapılmaz! Mərdan Q.: Sən aşkarca mənə və Firqə başçılarına iftira atırsan! Ağzından çıxanı qulağın duyurmu?! Mən: Mən sənə də, özümə də, öz kimliyini özgə ideologiyasına qurban edən hər kəsə xitab danışıram! Məni ruslar kimi təhdid edirsən, ağaye Mərdan! Belə təhdidlərdən qarnım toxdu! Mən burada səninlə danışıram, Firqə liderliyində oturan bəzilərinin yaltaqlığının savunması kimsəyə qalmayıb. Unutma ki, Firqəmizin ortaq kimliyi demokrat sözü ilə bəzənmişdir. Yəni, bizlər bir demokratik firqəyik. Bunu unudub, məni susdurmağa çalışma ümidsiz qardaşım! Nəriman S.: Cabbar bəyin sözlərinin üstündən beləcə keçirilməz, yoldaşlar! Bu sözlər bizi dərindən düşündürən suallardır! Düşündüyüm doğru olarsa, Cabbar bəyin dərdi beyin dərdidir! İdeoloji bağlılığından demək istəyir. Mənə görə, bir az səbrli olub, bu müəllim dostumuzu diqqətlə dinləməliyik. Buyurun, Cabbar bəy! Mən: Mənim birinin kommunist olub olmaması ilə işim yoxdur. 239 Baxın, bu Firqənin içi minlərcə kommunizmin nə olduğunu bilməyənlərlə doludur. Firqənin təməli milli əsaslar üzərindədir. Firqənin təməli kəndə, köyə, yerə, tarlaya, əkinçiliyə, dam-davara bağlıdır. Firqəni qoruyan, canlarını ovuclarına qoyan millətimizə baxın! Bunların kökü türklüklərindədir. Minlər ilcə bu sadə kütləni bir arada tutan soykök, türk kimliyidir. İndi, özləri türk olan milli başçılar, türk dilini, kimliyini dilə gətirməkdən qaçırlar! Bunun illəti nədir? Özlərilə danışanda türk oğlu türkük deyirlər. Meydana çıxanda türklüklərini az qala danırlar! Bu, hansı yazıqlıqdır görəsən? Bu “Azeri” sözü hardan çıxıb!? Bunu biri çıxıb doğru-düzgün tarixi sübutlarla anlada bilərmi!? Arxadaşlar, Azərbaycan bizim köklü, təməlli türk soykökünə bağlı vətənimizdir. Ona canımızı da, varımızı da verməkdən çəkinmərik. Zatən Azərbaycan davası türk davasıdır. Millətin dililə başlayan özəl fəlsəfəsini duyub duydurmaq gərəkir. Yoxsa, özgələrin meylilə millətin kimliyini yaşmaqlı eybəcərliyə bənzətmənin sonu fəlakətdən başqa olamaz!. İnanın ki, Sovet rusları, rus kimliyi üçün Sovet məkanını yerlə bir edərlər. Onlar “Pyotr”un torunlarıdır. Mən, kimsəylə düşmən deyiləm. Ancaq kimsəylə də öz millətim qədər dost deyiləm. Mən burada sizin hüzurunuzda “Nə Mutlu Türküm Deyənə!” deməklə, böyük Atatürkün yaşam anlamını dilə gətirirəm! Arxadaşlar! Yüklə 1,69 Mb. Dostları ilə paylaş:
|