60
sadəcə sümükləri qalmışdı. Yazıq Sara xanım balasının didilmiş
paltarlarını görüncə, ürəyi tab gətirməyib ölür. Aygülü
Bərəkətağa xəstəxanaya göndərir. Sağalandan sonra isə, bu
sütəmər qızcığazın siğəsini oxudaraq, özünə arvad edir! Siğəni
Fatimə ilə Cəvanşirin mollası, yəni Ağaşeyx Sadıq oxuyur!
Bu xəbərləri sizə kim verə bilərdi ki? Nə yaxşı ki, məni tapdınız!
Elə deyilmi? Bəs o miyanalı ası Kişixanla ilə bakılı həkim xanım
Elmiradan nə xəbər var? Onlardan da siz xəbər verin?
-
Bütün bilgilər sizdə, Yəhya bəy! Bizdən niyə soruşursunuz? Bizi
tapan onları tapa bilməzmi?
-
Yox! O çox ipi qırıqdır. Əlbəttə, onu da, qatil Maşallahxanı da
tapacayıq!
Olqa: Yəhya bəy siz necə bu işə girdiniz? Axı biz də iş axtarırıq!
Bizə də kömək edin! Bu qərib yerlərdə çürüdük! Maşallah sizin
durumunuz yaxşıdı. Birdə, dövlətə xidmət etmək ən gözəl işdi.
Mənim də bu yolda təcrübəm var! Cəvanşir də savadlıdır!
-
Olqa mənim də ürək sözümü dedi, Yəhya bəy!
Yəhya: Nədən olmasın ki, Gözəl takım olarıq. Şaha xidmət, İrana
xidmət tanrıya xidmət deməkdir. Sizin kimi oxumuş, savadlı və
azərbaycanlı gənclərə iş çox! Beləliklə mənim kimi xainlik
61
damğasını atar, xadimlik rütbəsini qazanarsınız! Olqa xanım, siz
də (Olqanın qarnına baxaraq) uşağınızı dinc ortamda
böyüdərsiniz! Toplantı bitmədən mən salona dönməliyəm. Sizin
dediklərinizə yüzdə-yüz inandığımı düşünməyin. Salon bitər-
bitməz buraya dönəcəyəm. Yarım qalmış sözümüzü bitirmək
istəyirəm. Mən burada yoxkən, bayırda iki gizli məmurun gözü
üzərinizdə! Çölə ayaq qoymaq istəsəniz, şərtlər dəyişər! Sakit
oturub məni gözləyin! Hə Cavanşir, sabah sənin yenidən
Nəssaciyə girməyini də düşünək! Bu səfər daha yüksək durumda
olacaqsan, anladınmı! Bir də, Qulamın işi bizim əlimizdədir.
Yardım olunmasa, yeri qəbir dərinliyi olacaq! Yox əgər, yardım
olunursa, Şahənşahi Ordusunun “2-ci Rökn”ünə (təhlükəsizlik
bölüm) alınar, xoşbəxt yaşar!
İnanılmaz bir bataqlığa düşmüşdük. Ölü bildiyimiz bu Savak
məmuru bizim haqqımızda özümüzdən daha çox bilirdi. Olqa
mənim üzümə, mən isə onun gözlərinə baxmaqdan savayi bir iş
görə bilmirdik.
Olqa: Cəvanşir bu adam bizi bulduğunda yalnız deyildimi?
Bizimlə birlikdə yalnız evə gəlmədimi? Məgər bu adamın
arxasında birisinin olmasını gördünmü?
62
-
Yox! Görmədim! Bu adam bizi qorxutmaq üçün əlindən gələni
əsirgəmir. Bədiabaddan dediklərinə də çox inanmıram. Hamısı
yalan ola bilər.
-
Yox! Sözlərinin yalnız son bölümü yalan idi! İndi onları
düşünməyək. Bu adam bizi tələyə salmış! O mütləq qayıdacaq!
Biz indi bu evdən çıxmasaq, heç zaman onun əlindən qurtara
bilməyəcəyik. Götür bir səhifə yaz: “Ərzaq almaq üçün bazara
çıxdıq! Bir saata qayıdarıq!”
-
Bəs əşya!
-
Ancaq üstümüzü geyməliyik. Qalanı qalsın. Zatən qab-qacaqdan
başqa nə var ki! Bir paketə artıq başmaq qoy!
Günəşli payız çağı idi. Günəşin saçaqları əlvan boyalı qara
ağacların yarpaqları arasından süzərək, cığır yol kəsmələri
yaradırdı. Bir gözümüz çevrə axtarışında, biri isə bu bəladan
qurtuluş üçün taksidə! Bir dəfə də olsun, biz də taksı nobarı edək.
Cibimizdəki bütün pulları versək belə, buna dəyərdi! Həm
qurtuluş, həm də taksi nobarı!
Gülnaz xanımın evinə iki küçə qala taksidan düşdük. Əlimizdə
olan pulu taksiçiyə uzatdıq. Taksiçi bizim türk olduğumuzu
anlamışdı! Bir dənə iki tümənlik götürərək:
63
-
Təbrizdənsiniz? Yeni gəlmisiniz? Vətəndə nə xəbər? Burada
kimsəyə pul göstərməyin! Başınıza bəla gələr!
-
Hə, yeni gəldik. Vətən də yerində! Məsləhətinə görə sağol!
Oradan buraya iki tümən olarmı?
-
Siz mənim canımdan-qanımdansınız! Mənə yetər! Buralarda
tanışınız varmı?
-
Bir motel var! Tanıdığımdır! O da türkdür!
-
Allah amanında gənclər! Amandı, bu namərd tehranlılara
tutulmayın! Burada istədiyiniz sayda türk var!
Evə çatınca dər-devar üzərimizə ağnayırdı. Gülnaz xanım
qarşımıza bir çay qoydu. Başımızdan keçəni anlatdıq. Yazıq
arvadın yanaqları bəm-bəyaz olmuşdu. Böyük bataqlıqdan
qurtuluşumuzu Maşallahxanın aldığı bir 55 markalı vodka ilə
qutladıq. Ancaq o gecə mən Maşallahla səhərədək qusduq. Biz
qusduq, xanımlar isə güldü. Onların gülüşü bir başqa keyfli idi!
Ailə bütünlüklə, bizim başqa bir yerdə qalmağımıza izn vermirdi.
Olqa hamiləliyinin son ayını yaşayırdı. Doğrudan-doğruya Olqa
ana, mən isə ata olacayık. Gülnazın dediyinə görə, uşağın çox
təknə atması oğlanlıq əlamətidir. Mənim sevincimin həddi-
hüdudu yox idi. 30-40 gün sonra ata oluram. Sonunda Olqayla
olan sevgimiz meyvəsini verirdi! Maşallahxan uşağın adını
64
qoyma haqqını indidən özünə götürmüşdü! Oğlan olursa Ümid,
qız olursa Çiçək qoyacağını düşünürdü. Bu adların hardan
tapdığını sordukda da, susub danışmırdı!
Maşallahxan Yəhya öyküsündən dərhal sonra ağ saçlarını həna ilə
boyatmış, bığlarını kəsdirmiş, saçının formasını dəyişdirmişdi.
Artıq əski Maşallahxandan əsər-əlamət yox idi. Üzdə sadə
görünən bu kişi, şeytana papuş dikməyin yollarını dərindən
öyrənməyə başlamışdı. Onu bu qiyafətlə şeytan belə, tanımazdı!
Bizə gəlincə, Olqanın beynini bir fikir bütünlüklə iflic
etməkdəydi. O, SAVAK əlindən qurtuluş yolunu təkcə, Sovet
(Şurəvi) Böyük Elçiliyinə getməkdə görürdü.
-
Cəvanşır, bax! Ən sonunda uşaq nisgilimiz sona yetməkdədir.
Uşaq doğulunca, onu da özümüzlə “Qacaq Nəbi” edəcəyik?
Düşün Cəvanşir, üstəlik mənim sovet pasım var. Sən də mənim
ərim, uşağımın atasısan. Həm də, mən vaxtıyla NKVD-nın (Xalq
İçişlər Komissarlığı) Azərbaycan qolunun alt qatında işçi
olmuşam! Yardım istəmək bizim haqqımızdır. Çəvanşir, bu
Yəhya bizi rahat buraxmayacaq. Bizim odumuza bu zavallı
uşaqlar da yana bilər!
Dostları ilə paylaş: |