69
Beş-on dəqiqədən sonra kioskun yanında olan qapı açıldı. Qızla
bir ucaboy ortayaşlı kişi bizə yaxınlaşdılar. Kişi Olqayla əl verdi.
Mən əlimi uzatmaq istəsəm də, kişi etina göstərməyincə geri
çevirdim. Kişi qalın səsilə Olqaya bir şeylər deyirdi. Olqa əl
çantasından pasportunu çıxararaq, kişiyə verdi. Kişi pasportu
vərəqləyərəq gözaltı mənə baxdı və Olqaya bir şeylər dedi. Olqa
əsnək dodaqlarıyla kişiyə bir şeylər dedi. Olqa mənə dönərək
titrəyə-titrəyə ağlamağa başladı. Mən Olqanın əlindən tutmaq
istədim. Ancaq...!
İki gənc rus polisi məni dışarı qapıya, ikisi isə Olqanı içəri qapıya
yönəldirdi. Olqanın mənə uzanan əlilə mənim Olqaya uzanan
əlimin arası durmadan uzaqlaşırdı. İki qapının açılma anı Olqayla
mənim son baxış anı oldu! Qapılar bağlandı! Qorxduğum başıma
gəlmişdi! Dünyam başıma yıxılmışdı! Ah Olqa, ah Olqa! Nə
yapdın, həm özünü, həm də məni yandırıb yaxdın!
İki gün idi ki, elçilik qapısında quruyub qalmışdım. Hər qapı
açılanda “bu Olqadır!”deyə sayıqlayırdım! Nə bayırdan biri –
“Burada nə işin var?”- deyir, nə də içəridən bircə cık çıxırdı!
Ayaqdan düşməyim deyə, axşamlar gedib qarşı xiyabanda
yerləşən bir erməni bakkaldan biraz çörək, biraz pendir alır
gəlirdim. Erməni bakkal mənim alkol düşgünü olduğumu
70
düşünmüşdü. Bu üzdən daha ucuzlu vodkaların olduğunu reklam
edirdi! Sonunda dördüncü günün ortalarında bir Elçılik polisi
məni qapıya çağırdı. Mən pislik içində itirdiyim görünüşümlə,
qapıya sarı getdim. Polisin ardından Olqanın yanında gördüyüm
ortayaşlı məmur, əlində bir məktubla qapıdan çıxdı! O aydın
farsca mənim adımı dedi:
-
Cəvanşir bizi anlamağın gərəkdir. Biz dörd gündür səni izləyirik.
Sən bir İran vətəndaşısan. İran qanunlarına tabesən. Olqanın
pasportunda sənin adın yoxdur. Baxmayaraq ki, Olqanın dediyinə
görə 10 ildir evlisiniz. Ancaq bu Sovet qanunlarına görə deyil.
Olqadan və uşağınızdan nigaran olma! Onlar indi Bakıdadırlar.
Ümid edirəm bir gün aranızda olan mane aradan qalxar! Bir də,
Olqadan sənə bir məktub var. Al buradan get və həyatını yaşa!
Sən yaxşı oğlansan! Sənin ziyan görməyini istəməzdim. Mənim
adım Çernikovdır. Ladran Jernikov! Altı aydan sonra istərsən
mənə baş vur. Olqadan məktub, xəbər olarsa sənə saxlaram!
-
Bəs! Olqa mənsiz...Bakı... O mənsiz... Bu ola bilməz, bu ola
bilməz... Bəs Bakının yolları bağlı idi... Olqa Bakıda ola bilməz!
Mən onsuz... O mənsiz...!!!
Qapı üzümə bağlanır. Olqanın yazısı əlimdə quruyub qalmışam!
Bəs Olqa...Mən...Bakı! Yazını oxuya bilmirəm. Oxumaq
71
istəmirəm. Yazını oxuyarsam əgər, hər şey bu gün bitər. Nə qədər
ki yazını oxumamışam, Olqanın yaşamımda olacağına
inanacağam. Məktubu diqqətlə cibimə qoyuram. əlimi cibimə
aparır bir daha məktubu çıxarıram. Elçiliyə gələndə gözlərimin
yaşını silmək üçün Olqadan aldığım güllü yaylığı açaraq,
məktubu içinə bükürəm! Yaylığı qoxlur, öpürəm. Bu kərə şalvar
cibində deyil, pencəyimin sol döş cibinə yerləşdirirəm!
Olqasız yaşam!
Üç ay içində eybəcər qılıfımla tanınmaz duruma düşmüşdüm.
Gözgü qarşısından qaçar olmuşdum. Bu qılıfımla, Yəhya deyilən
o canavar savak məmuru belə, məni tanımaz idi artıq! Zatən 55-
60 çəkili 35 yaşlı birisinin 3 ay içində 35-40 kiloya düşməsi ilə
tanınması da zor görünürdü. Hələ buna, köksünə qədər uzanan
kilkəli saç-saqqal artarsa adamın tanınması ağıla sığmaz olar.
Olqanın son toxuduğu qırmızı toppuzlu taxma papaq qafamın
ayrılmazı olmuşdu. Artıq, bir otağın küncündə oturub
Maşallahxanın gətirdiyi gündəlik açıq araqla içimin yanar atəşini
alovlayırdım. Ruhum kimin toz basmış bir əski qramofon səssiz-
72
səssiz axan gözyaşımın təkcə sırdaşı olmuşdu. Təki ağlatsın deyə,
gün boyunca sızğın mahnılarla özümə acıyırdım. “Sevginin gücü
varsa, əzginliyi də var” gərçəyinin ən çılqın öyküsünü
yaşamaqdan coşub-daşırdım! Gün günü qovurkən Olqanın
içimdəki duyğusunun yerini sinir saçaqları alırdı. Yavaş-yavaş
düşünmə gücümü toparlamağa çalışırdım. Olqa, mənim üçün
simbolik bir qadın idi. O, yaşamımın dadı-duzu, kədəri və acısı
idi. O, doğabiləcək uşağımın anası olacaqdır. Olqanı düşünmədən
başımı yastığa qoya bilmirdim. Ancaq, bu da özümü yox etmək
anlamına gəlmirdi. Mən, Cabbarəminin əldə olan yazılarını,
Qurdananın beyinimə qazılan həyat tərzini topluma yetirməklə
borclanmışdım. Türkoğlu türk kimi sözümü tutmalı,
böyüklərimin yolunu açmalıydım. Olqanın bütün ağırlıqlarını
üzərimdən qaldırmalıydım. Mən, keçmişilə, indisilə, gələcəyilə
sorunlar altında olan bir ulu ulusun halən soluxlanan oğlu idim.
Mən, insanlığa qarşı nifrət tonqalı qalayan bədəvi bir qovmun
alovlarından qurtulan Cəvanşirəm!
Vətənə qayıtma fikri beynimə düşmüşdü. Vətən havası bütün
ümidsizliklərə dərmandır deyə düşünürdüm. Vətən nə qədər də
ürəyindədirsə,
onun
köksündə
yatmayınca
nazlamasını,
oxşamasını hiss edə bilmərsən! Vətən elə bir alovlu yanğındır ki,
Dostları ilə paylaş: |