78
səssizlikdən sonra, otaqdan çıxmaq üçün izn istədim. Əlilə mənə
otur işarəti edərək, otaqdan çıxdı! Biraz sonra iki çayla otağa
girdi! Ağa Səlimdən görmədiyim bir mülayimlik görürdüm! Həm
utanır, həm isə çaşmışdım. O, çayı qarşıma qoyub öz yerinə
yerləşdi:
(Gülər üzrə): Hə harda qalmışdıq! Dedim ki, sabahdan sonra
məhərrəmlikdir. Tamaşaxana tətildir. Mən “Daş Mehdiyə” (baş
qorucu) tapşırmışam! Sabahdan sonra üç gün yoxuq. Ailəlikcə
“Sava”da yerləşən Təbrizli bir dostun nar bağına dəvətliyik. Sən
də bizimlə gəlirsən. Etiraz istəmərəm! Dayan! Öncə ailəmlə tanış
olmağını istərdim! (İş masasının yuxarı çəkməcəsini açaraq qara
rəngli bir telefonu üstə qoyur. Nömrəni yığandan sonra
danışmağa başlayır: Salam neyləyirsiniz? Zərifə bax! Bu gecə bir
təbrizli qonağımız var. Ətin suyunu artır. Yer hazırla!)
Bu ağa Səlimə nə olduğunu bilmədim! Məndən fikir istəmədən
hökm kəsmişdi. Qarşılığım onun istəyi kimi oldu:
-
Ağa Səlim, sağolun, hacı xanıma zəhmət olacaq!
-
Hacı xanım deyil, Zərifə xanımdı! Sənin gəlişin bizə xoşdur! İndi
dön işinə!
79
Bizdən biraz Topxanaya doğru böyük bir çiçəkçi var idi. Oraya
gedib:
-
Salam! Bir gözəl buket istəyirdim!
-
Çiçəkci üzümə-başıma baxaraq: Necə bir buket olsun. Elçilik
üçünmü?
-
Yox, yox! Daha gözəl olsun!
Çiçəkçi: (Gülə-gülə) Anladım, anladım!
Çiçək buketini alıb otağıma dönərkən “Daş Mehdi” qarşıma
çıxır:
-
Salam müdür bəy. İnşallah elçilikmi? Bizi unutma ha! Xoşbəxt
olasınız! Sən yaxşı insansan! (Əllərini göyə qaldırıb “Amin!”
deyib gülümsəyir!)
-
Salamüləleyküm Daş Mehdi bəy! Hanı bizdə o şans! Olarsa,
xəbərin olar dostum!
-
Xəbərim oldu belə, dostum! Mən, insanın gözünün nəşəsindən
anlaram! Biz, daş cəmiyətiyik, arifik! İşarətdən qanarıq! Mərd
oğulun dili deyil, gözləri danışar! Sən, Daş Mehdiyə söz demə,
gözünə bax yetər! Ulu tanrıdan türk oğlumuza rüxsət çıxmış! Daş
Mehdi, havasına dadaş olmamış! Oğlum, igidin dilinin nə deməsi
80
deyil, sevdalı gözləri Daş Mehdiyə danışar! Bacımız da özün kimi
türkdür, İnşallah! Olmazsa olmaz ha gözəl dadaş!
Özümlə yaşıd Mehdi, yenə əllərini göyə qaldırır üzünə çəkərək
“Amin” deyib, əlindəki 36 aşıqlı təsbeyini fırladaraq gülə-gülə
əlini çiynimə vuraraq uzaqlaşır!
Axşam radələrində ağa Səlimin açıq qırmızı Ford markalı
maşınıyla evlərinə sarı yola düşdük. O, əlimdə buketi görüncə,
təşəkkür edərək incə davranışımdan məmnun olduğunu bildirdi.
Bir çox yol kəsməsindən sonra tanımadığım gen küçənin içinə
yetişərək böyük bir qapının yanında dayandı.
Öz açarıyla qapını açıb, “Ya allah” səslədi. Güllü-çiçəkli
baxçanın qarşısından orta yaşlı qırmızı köynəkli, yarım çadıralı
bir xanım bizi qarşıladı. O, gərçəkdən də incə və zərif xanım idi.
Buketi “Zərifə” xanıma verdim. İncə davranışıma görə, təşəkkür
edərək qucağına aldı!
İlk kəz luks bir mobilyanın üstündə oturduğum üçün yerimdə
oynaxlayırdım. İlk öncə ağa Səlimin 15-16 yaşlı oğlu ilə tanış
oldum. O, Mənsur adlı utancaq, ucaboy biri idi. Birazdan 26-27
yaşlı Çiçək adlı evin ikici qızı ilə, ardıca Çıçəkdən biraz kiçik
görünən Çinarla tanış oldum! Zərifə xanımın anlatdığına görə,
81
evin böyük uşağı Çilək iki uşağı və ərilə birlikdə İsfəhanda
yaşayırlar. O, çox fəxrlə qızının ərinin yaxın gələcəkdə təyyarə
kapitanı olacağını deyirdi. Sözsüz ki, hər ana kimi Zərifə xanım
da belə gürəkənlə fəxr etməli idi.
Ağa Səlimin çox açıq, aydın və elit ailəsi var idi. Bu günə kimi
gördüyüm ən sosial ailə ilə tanış olurdum. Ailənin hamısı
oxumuş, düşüncəli, toplumçu insanlar idi. Çilək Tehran
universitetinin su məhəndisliyini bitirmişdir. Çiçək yenicə orta
məktəbə dekan seçilmişdi. Zərifə xanımın dediyinə görə, Çiçək
Tehranın ən gənc qız dekanı sayılırdı. Çinarsa Tehranın Amerika
Kalejinin İngilizcəsini bitirmək üzrəydi. Bir azərbaycanlı türk
ailəsinin bu yüksəklikdə yaşam səviyyəsini görür, qurur
duyurdum. Ağa Səlimə belə bir insan olduğuna görə simpatiya
duyurdum. O da bizim insanlardan biri idi. İlk tanışlıqdan bəri,
ağa Səlimin belə böyük insan olduğunu bilmirdim. O, evində bir
Azərbaycan
yaratmışdı. Ev başdan-başa Azərbaycanın
ünlülərinin resimləri ilə bəzənmişdi. Mən onların bir çoxunu
tanımırdım. Ancaq, azərbaycanlı olduqlarından əmin idim. Dili,
kültürü, havası türk olan bir ailənin, sözsüz ki, tabloları da türk
olacaqdır. Bu üzdən “Kamil Səlim Ərdəbili” ömür boyu mənim
üçün bir çətin örnək olaraq ürəyimdə yer saldı!
82
Tehrandan Savaya ağa Səlimin maşınıyla gedəcəyimdən
sıxılırdım. Onların özləri beş nəfər idi. Mən isə, artıq adam idim!
Bu üzdən Savadan söz gedincə, utana-utana getmək istəmədiyimi
dedim:
Ağa Səlim: Tamam! Burada şam başında, getməməyinə görə bir
olumlu nədənin olarsa, sözünü qəbul edərik. Yox olmazsa,
bizimlə gəlməlisən!
-
Mən, sizə yük olmaq istəməzdim, ağa Səlim!
Ağa Səlim: Uşaqlardan soruşaq, siz necə düşünürsünüz Zərifə
xanım?
-
Ağaye Kərəmi bizim öz ailəmiz kimidir. Ailəsi də, evi də bizə
doğmadır. Uşaqları bizi bibi, dayı səslərlər. Mənim də uşaqlarım
eynən!
Çiçək: Mənə görə də, bir işiniz yoxdursa, bizimlə gəlin. Gözəl
günlər olar. Bizə də, sənə də yenilikdir.
Çinar: Nədən sıxılırsınız? Atanın maşınında altı nəfər rahatca
yerləşər. (gülə-gülə) Çox rahatda olmasa sıxışıb oturarıq! Cəmi
iki-üç saatlıq yoldur! Kişilər qabaqda oturar, qadınlar arxada!
Dostları ilə paylaş: |