Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
88 - Yox! Mən yazmayacağam! Yazmayacağam! Buradan ölümüm belə çıxsa, sevgimə xəyanət etməyəcəyəm! Mən türk ilə sən rusun fərqi burdadır! Artıq Olqanın bir il öncə buraxdığı oxunmamış məktubun oxuma zamanı çatmışdı! Teatr bufetindən bir kek və çay alıb otağıma döndüm! Əlimi ürəyimin başına qoydum. Bir il öncədən bükülü qalmış yaylığın içindən yazını alıb oxumağa başladım. Yazı türkcə yazılmışdı: Yazı Olqanın yazısı idi. O, öyrəndiyi əski əlifbayla yazmışdı: - Cəvanşir artıq mən bu cəhənnəmdən qurtuldum! Səninlə vidalaşıram! Səninlə acı-dadlı çox günlər yaşadıq. Amma göründüyü kimi səninlə mən başqa-başqa dünyaların adamıyıq. Bizim bundan sonra görüşməyimiz imkansızdır! Uşağı gözəl böyütməyə çalışacağam. Özünə yaşam qur! Sən layıq insansan! İstədiyin bir qızla evlən və bizi unut! Bir də dəlilik edib Sovet Azərbaycanına girməyə qalxma! Tutular casusluq hökmu yeyərsən. Səni Sibirlərdə çürüdərlər. Ölünü qurd-quşa yem edərlər! Məni və uşağını unud! Olqa 89 Əlim-ayağım titrəyirdi. Otaqdan çıxıb izn almadan evə sarı yola düşdüm. Gedərkəm Daş Mehdi qarşıma çıxdı: - Canım şahdamad! Bu tələskənlik nə? Çiçəkçiyəmi? Yardımçı istərsən Daş Mehdi nökərin burda! Nə zaman taksıya minib evə yetişdiyimi biləmədim. Gülnaz xanımla uşaqlar həyətdə dolaşırdılar. Salam belə, vermədən ufacıq otağıma girdim. Olqaya aid olan bütün əşyaları otağın arasına topladım. Olqaya aldığım dörd bucaq əl boyda gözgünü taqçadan alıb nifrətlə yerə çırpdım. Gözgü bir an içində xalçanın üstünə dağıldı. Gözgünün darma-dağın olması ilə arxasında saxlanan bir paket ayaqlarımın önünə düşdü! Titrək əllərimlə paketi qaldırdım. Paketin üstündə yazılmışdı: “Ömürcə, ölüncə sevgilim Cəvanşirə!” Əl-qolum yanıma düşdü! Otaq başıma dolandı! Önümdə bir bardaq su ilə üzərimə uzanmış bir sevimli əli gördüm: - Cəvanşir oğlum yenə nə oldu? Gəl bu suyu iç! Əlin qanayır. Gəl bağlayım! Bir söz demədən özümü Gülnaz bacının qucağına atdım. İndi ağlamaq zamanıdır! Ağla ürəyim ağla! 90 Həyətin hovzunun qırağında oturmuşdum. Qarşımda bir bardaq çay, bir də açılmamış paket məni izləyirdilər! “Ömürcə, ölüncə sevgilim Cəvanşirə!” Bu yarım cümlə yaşamaq üçün yetməzmidir? Yazının mətnində nə var ki, bu yarımcıq cümlədən daha anlamlı olsun? Bu sözcüklər, məni yenidən çalıquşuna döndərməyə yetərli deyildirmi? Nə olursa-olsun, Olqa sırrının çözülməsi gərəkirdi. Oturub Olqa, Olqa deməklə imkansız dünya yaratmaq olmaz idi. Yenidən əski günlərə qayıdmağıma izin verəməzdim! Paketi açıram! Oxuma cəsarətimi toparlayıram. Yazını oxuyuram: - “Sevgili Cəvanşirim! Bu yazını oxuyub-oxumadığını bilməyirəm. Bəlkə tez, bəlkə gec, Bəlkə də heç vaxt! Bu yazını öz iradəmlə yazıram. Bu yazı öz iradəmlə yazılan ilk və son yazım olabilər! Burada nələr yazıramsa səninlə mənə özəldir. Ürəyimin gəlmiş- keçmiş ən sevimli erkəyi Cəvanşir! Mən sabah bəlirsiz bir yola çıxıram! Mən bu yola çıxmalıyam! Çıxmasam əgər, iki dövlət altında özümü də, səni də, balamızı da əzgin duruma soxa bilərəm! Mən, sənin balan üçün canımı verməyə gedirəm! Bir NKVD-yə təslim olmaq, iki SAVAK və NKVD arasında qalmaqdan doğrudur. Elə bir yoldayam ki, səni də, balamı da 91 özümlə yandıra bilərəm. Mən rusların əlindən qurtula bilmərəm! Onları yaxşı bilirəm. Ancaq səni və balamızı qurtara bilərəm. Mən öz sözlərimdə sənin mənim kim olduğumdan xəbərsiz olduğunu deyəcəm! Mənim haqqımda ən kiçik bilginin olmamasını söyləyəcəyəm. Bu səni qurtaracaqdır. Sən də rusların üzərinə çox getmə! Onlar acımasız qatillərdir! Hitlerlə Stalinin adları və milliyyətləri fərqli olsa belə, içləri eynidir! İkisi də faşistdir, adam oldürəndir, ikisi də xəstə liderdir! Cəvanşir! Bilirəm ki, səni məndən ayıracaqlar! Bilirəm ki, ikimizi də uşağımızın üzünə həsrət qoyacaqlar. Ən azından, mənim uşağımızı görmək şansım var! Sənin o da olmayacaq! Bu çox üzücü, amma bir yandan da yaxşıdır. Çünki, sənin balandan heç təsəvürün olmayacaqdır. Mən isə, balamızın doğum sancısını, ondan olan təkcə xatirəm kimi özümlə torpağa aparacağam! Əzizim, sevgili həyat yoldaşım! Bu sonbahar bizim də son baharımız olacaqdır! Bütün sevgilərimlə, ürək boyda dünyamla səni ulu tanrıma tapışırıram. Sevdiyinə yem olmuş Qurdananın “Yahu”suna, “Qurd”una and verirəm ki, məni nifrətlə anma, nifrətlə qarqışlama, nifrətlə sev məni, nifrətlə seviş mənimlə! Ötəcəksə, iki eşq bülbülündə ötsün ruhumuz! Sən çalıquşunu sevərsən. Məni çaliquşu edib, ağzı bağlı qəfəsdə tut! Mən sürəkli sənə ötəcəyəm! Ancaq unutma ki, 92 yaşam bizsizdə sürəcəkdir. Yaşama bağlan sevgilim. Özünü ələ vermə, özgür yaşa! Özgürlüyün necəliyini özün seç! Sevgili yaşam yoldaşım! Bizi sındırmaq üçün məndən sənə, səndən isə mənə yazılar gələcək! Mən bu sistemi bildiyim üçün onlara əsla inanmaram. Basqı altında yazılarıma inanma! Bizim aramızda təkcə bir məktub yazılıb, sadəcə bu məktub! Sevgilim mənim! Ümid edirəm, çox gec olmadan aldığın eşq gözgüsünü nifrətlə qırıb saxlı sözlərimi bu məktubun sətirlərindən oxumuş olasan! Əgər bu şansı əldə etsən, çox xoşbəxt olaram! Təbi ki, rus cəlladlarının əlində ölməsəm! Ruslarda belə bir misal var: “Клин клином вышибают. – Çivi çiviyi söker!”onlar, yüz minlərcə kimi məni də ufacıq bir çivi yapılar ki, vaxtı gəlincə dev çivilərlə söküb tullasınlar! Səni bir daha ruhuma and verirəm ki, məni ölmüş bil! Yaşamağa yox demə! Yeni bir sevgi bul! Yox! Məni də, yaşamından çıxarmaq istəmirsən sə, bir cift çalıquşunu bir qəfəsdə tut! Eyni mənim tutduğum kimi! “Ömürcə, ölüncə sevgilim Cəvanşirin Olqası!” 1955-10-25 Yüklə 1,69 Mb. Dostları ilə paylaş:
|