Türk bayrağini üRƏKLƏRİNDƏ
Yüklə 1,69 Mb. Pdf görüntüsü
|
117 Hər gün birisinin gəlib məni yenidən əzməyə götürəcəyini güdürkən, iki polis və qarayaxa məmuru qarşımda gördüm. Məmur pis qoxulu otağıma girmədən burununu tutub, zindan polislərinə işarə edib qayıdmaq istədi. Ancaq, iki addım atmadan geriyə dönüb soruşdu: - Cəvanşir Adeli-e Sərabi, İttihamlar: Rus casusluğunda, Rus casusəsinin qaçmasında yardımçı olmaqda, Separatçılıqda, Xain və qanunsuz Azərbaycan Demokrat Firqəsində üst düzeydə üzv olmaqda, İrana və nizam-e Şahənşahi-e xəyanət etməkdə, Sürgündən qaçmaqda, Dövlət polisinə və məmurlarına qarşı dirənc göstərməkdə, Bir il boyunca nizam-e şahənşahının büdcəsinə ağır həzinə yükləməkdə suçlu sayılırsan! Doğrudur bunlar, Cəvanşir? - Yox qurban, doğru deyil, doğru deyil, yalan, yalan! Hakim: Sənin suçların kəsindir! Etiraz haqqın yoxdur! Bundan sonraki həyatını zindanda keçirəcəksən. Casusluğunla bağlı araşdırmalar sürür. Casusluğunu etiraf edib, şahənşahımıza 118 sığınarsan durumun dəyişər! Yoxsa, inadına çürürsən! Məhkəmə bitmişdi! Səni bu gündən “Evin Dustağına” götürəcəklər! Məmur: Götürün bu xaini! - Hara aparırsız məni? - “Evin dutsağına” eşitmədinmi? Dədənin evinə! Apartmana! - Bəs bura haradır? - Sən bu günədək harda olduğunu bilməmisənmi? Yəni o qədər qanmazsan? (üz tutaraq polislərə) Doğrudanmı bu rus casusudur!? Buna mənim böyük şübhəm var! - Demədiniz bura haradır! - Boş ver! Sənə nə bura haradır! Dədənin məzarı! Məmur otaqdan çıxıb gedəndən sonra polislər mənə: Birinci Polis: Doğrudanmı bilmirsən ki, bura Qəsr zindanıdır? Bir ildir burdasan, hələ də adını bilmirsən! Özünü bir az adam göstər “Türk-e Xər”! Bura hotel də deyərlər. Bir neçə saat sonra əsl türmənin nə olduğunu görəcəksən! İkinci polis: Artıq bundan sonra Savak zindanına gedirsən. Orada səni 209-cu bənd gözləyir. Artıq hər şeyi bülbül kimi ötərsən! 119 Bundan sonra hotel deyil, qrand hotel gözləyir səni! (ucadan gülə- gülə!) Evin Dustağında! 1969-70-ci illər. Mənim üçün bu zindan, o zindan fərq etmədi. Gözü və əlləri bağlı uzun yolculuqdan sonra bir dəmir parçasından endirib, az yol gedəndən sonra yeni qaranlıq bir otağa salındım. Bu gətir-götürün mənə olan yeganə xeyri yeni geyim və bir hamam olsa da, yazıq bitlərim üçün fəlakətlə sonuclandı. Başımı dibdən qırxdılar, paltarlarımı dəyişdilər, hamam etdirdilər! Bundan da gözəl şey ola bilərmi? Mən bu qədər “iltifat”ı görəsən nə zaman haqq etmişdim!? Polisin dediyinə görə, Evin zindanı doğrudan da, hotel yox, qrand hotel imiş! Bir həftə boyunca məni dindirən belə, olmadı! Hər gün bir kərə, günbəzə bənzər başı yarıq bir yerdə addım atmağa götürürdülər. Yemək yedirdib, kilo almağıma yardım edirdilər. Ayaq altlarının ağrısı az da olsa, azalmışdı! Alətimin ağır sancısı olduğu kimi 120 qalırdı. Gecələr, özəlliklə, bu ağrıdan qıvranırdım. Bədənimdə olan əzinc izləri azacıq yüngülləşsə də, ağrılarım sürəkli canımı yaxırdı! Təxminən bir həftə sonra, məni gözü bağlı uzun bir dəhlizdən keçirərək, pillələrdən aşağı qata apardılar. Biraz gedəndən sonra dəmir qapının açılmasını hiss etdim. Məni bir səndəl üstündə oturtdular. Qarşıdan birisi gözlərimin açılmasını əmr etdi. Gözlərimi açan insanlar arxada olan pərdənin arxasına keçdilər. Qarşıdan gələn səs də pərdə arxasında idi: - Adın nədir? - Cəvanşir. - Kamil adını de! - Cəvanşir Adeli Sərabi. - Bir ildir ruslarla olan ilişgini danırsan! Biz bu saata qədər səninlə adam kimi davrandıq. Ancaq burası Evin dustağının 209-cu bölümüdür. Buraya gəldinsə, adam olmalısan! 209-da halva paylamazlar, adamın halvasını çalarlar! Burada görmədiyin xidmətlərin ən üstününü görəcəksən! Gedib gözəl-gözəl düşünərək etirafını edərsən, yoxsa buradan param-parça cəsədin çıxar! Öncə dişlərindən başlayan, sonunda ayaqlarının kəsilməsilə sonuclanar! Biz, burada səndən daha çox inadçıları 121 ötdürmüşük! Burası Qəsr deyil, burası 209-cu bölümdür! Unutma dostca, yoxsa düşməncə! Bunu sən seç! - Mənim canımın hər yeri inciyir! Mən bir daha əzinc istəmirəm. İnanın ki, mənim ruslara nifrətim var! Axı onlarla necə ilişgim ola bilər? Məni istədiyiniz qədər zindanda saxlayın, ancaq işgəncə etməyin. Mən bir ildir əzinc altındayam. Vallah, Quran haqqı, 14 məsum haqqı mənim ruslarla işim olmaz! Olqa bir rus qız deyildi. O, tər-rəmiz Azərbaycan türkü idi! O, müsəlman olduğu üçün Fatimə adını seçmişdi! - Gözlərini bağla! Bunu yerinə götürün! Sabah bu zaman buraya gətirin! Adam olarsa, yedirdib-içirdin, olmazsa bildiyiniz kimi edin! Mən özüm də olacağam! Burası Evin dutağının 209-cu bəndi! 6 aydan sonra ağzımda cəmi 8 dişim var qalmışdı. Iki kəz burnum sındırılaraq, zindanın xəstəxanasında yatmışdım. Sol ayağımın diz qapağı ayaq darbası üzündın yerindən çıxmışdı. Kürəyimdə ütü qabarları bişərək, artıq ətə çevrilmişdi. Dəfələrlə elektirik şoka məruz olduğum üçün əl-qoluma titrəmə gəlmişdi. Bir dəri - bir sümük qalmışdım. Ayaqda durmağa belə gücüm qalmamışdı! Artıq yediyimi də qusurdum! Özümü ölümə hazırlamışdım! Kimsənin məndən, mənim də kimsədən xəbərim yox idi! Məndən iqrar istəyirdilər. Yüklə 1,69 Mb. Dostları ilə paylaş:
|