Türk dünyasının böyük oğlu
Yüklə 2,83 Kb. Pdf görüntüsü
|
167 sonradan qəbul edən Azərbaycan Milli Elmlər Akademiyasının Mərkəzi Elmi Kitabxanası, Bakı Dövlət Universitetinin Elmi Kitabxanası və digər kitabxanalarla təcrübə mübadiləsi aparmışdır. Hazırda Azərbaycan Respublikası Mədəniyyət Nazirliyi də öz kitabxana şəbəkəsində İRBİS- 64 sistemini qəbul etməyə başlamışdır. Respublikamızda bu sistemin geniş surətdə tətbiqi ölkəmizdə kitabxana işinin əlaqələndirilməsi və birləşdirilməsi üçün geniş perspektivlər aça bilər. Prezident Kitabxanası bu proqram vasitəsilə respublikada ilk dəfə oxuculara məsafədən xidmət etməyə başlamışdır. Kitabxanada İnternet oxu zalı yaradılmışdır. 14 oxucu yeri olan və İnternetə daimi çıxışı olan bu zalın xidmətindən oxucular geniş surətdə istifadə edirlər. Həmçinin kitabxananın bütün başqa zallarında oxucuların həm də öz avadanlığı (notebook) vasitəsilə İnternetə çıxış imkanları təmin edilmişdir. 2003-cü ildə kitabxanada elektron kataloqun yaradılmasına başlanmışdır. Elektron kataloqu İRBİS proqramına müvafiq yaradılır və oxuculara kitabxanadan məsafədən istifadə etmək imkanı verir. Bu proqram vasitəsilə kitabxana qısa müddətdə 15 adda biblioqrafik informasiya göstəricisi (bülleteni), tammətnli elektron və çap nəşrləri hazırlamışdır. Misal olaraq bunları göstərmək olar: “Azərbaycanı dünyaya tanıdan lider”; “Azərbaycan Respublikasının prezidenti. Gündəlik fəaliyyətinin xronikası”; “İlham Əliyev və Azərbaycanın neft diplomatiyası”; “Əsrin müqaviləsi-10 il”; “Azərbaycan Olimpiya hərəkatı”; “Sülh Məramlı Səfir”; “Yeni kitablar” və s. Yüksək səviyyədə tərtib edilmiş bu göstəricilərdə ən mühüm ədəbiyyat öz əksini tapmışdır. Bu nəşrlər qısa müddət ərzində Prezident Aparatı işçilərinin, dövlət qulluqçularının, həmçinin kitabxananın bütün oxucularının geniş rəğbətini qazanmışdır. Tərtib edilmiş biblioqrafik göstəricilərdən və tammətnli elektron mətnlərdən oxucuların kitabxananın saytı vasitəsilə istifadə edə bilməsi onun praktik əhəmiyyətini xeyli artırmışdır. Kitabxana 2003-cü ildən başlayaraq biblioqrafık informasiya göstəriciləri ilə yanaşı, yeni daxil olan kitablar, jurnallar və digər materiallar əsasında cari biblioqrafik göstəricilər də nəşr edir. Belə göstəricilərə “Yeni kitablar”; “Azərbaycan Respublikası Prezidentinin 168 fəaliyyətinin xronikası”; “Azərbaycanın görkəmli şəxsiyyətləri”; “İlham Əliyev və Azərbaycanın neft diplomatiyası” və s. misal göstərmək olar. Həmin göstəricilərlə və kitabxananın digər nəşrləri ilə İnternet vasitəsilə kitabxananın saytında tanış olmaq mümkündür. Həmçinin yaxın vaxtlarda kitabxananın İnternet saytına Azərbaycan Respublikası qanunlarının mətnini, Azərbaycan Respublikasının Prezidentinin fərmanlarını, digər mühüm sənədləri və məqalələri daxil etmək nəzərdə tutulmuşdur. Kitabxana ardıcıl olaraq oxuculara xidməti təkmilləşdirmək üçün müasir kitabxana-informasiya xidmətinin yeni forma və üsullarından istifadə etməyə üstünlük verir. Yeni iş üsulları təcrübədə sınaqdan keçirilir, ən yaxşıları seçilir və kitabxana işinə tətbiq edilir. Kitabxana-informasiya xidmətini daha da təkmilləşdirmək məqsədi ilə üç işçi qrupu yaradılmış, qruplara ən təcrübəli və xidmət prosesini yaxşı bilən mütəxəssislər cəlb edilmişdir. Qrupların qarşısına ənənəvi kitabxana xidməti ilə yanaşı olaraq bu mühüm işə yeni kitabxana-informasiya texnologiyasını və metodlarını tətbiq etmək vəzifəsi də qoyulmuşdur. Həmin qruplar bunlardır: 1. Azərbaycanşünaslıq qrupu; 2. Yeni kitabxana-informasiya texnologiyasının tətbiqi qrupu; 3. Biblioqrafik-analitik nəşrlərlə iş qrupu. Məlumdur ki, Azərbaycan müstəqillik əldə etdikdən sonra ölkəmizdə azərbaycanşünaslığın, milli ideologiyanın, azər-baycançılığın öyrənilməsinə, xüsusilə azərbaycanşünaslığın iqtisadi, sosioloji və politoloji aspektlərinin dərindən tədqiq edilib öyrənilməsinə böyük tələbat əmələ gəlmişdir. Oxucular Azərbaycan tarixinə, iqtisadiyyatına, elminə, mədəniyyətinə dair əsərlərə və müstəqillik dövründə yeni təfəkkür tərzi, yeni milli ideologiya baxımından yazılmış əsərlərin öyrənilməsinə ciddi maraq göstərirlər. Bu baxımdan Prezident Kitabxanasında “Azərbaycanşünaslıq” şöbəsinin təşkili təqdirəlayiq hadisədir. Şöbədə Azərbaycanın tarixini, iqtisadiyyatını, siyasətini, mədəniyyətini yaxşı bilən yüksək ixtisaslı mütəxəssislərin toplanması azərbaycanşünaslığın mühüm bir sahə kimi öyrənilməsinə, təbliğ edilməsinə, oxuculara çatdırılmasına, oxucu sorğularının ödənil- məsinə böyük təsir edir. Şöbə bu məqsədlə azərbaycanşünaslığa dair yeni ədəbiyyatı izləyir, onun əldə edilməsini təmin edir, oxuculara, xüsusilə Prezident Aparatının işçilərinə çatdırmaq, vaxtlı-vaxtında onları məlumatlandırmaq üçün kitab icmalları, biblioqrafik göstəricilər, tövsiyə siyahıları hazırlayır. Şöbə həm- 169 çinin dövri mətbuat materiallarının toplanılmasını və azərbay- canşünaslığın ayrı-ayrı sahələrinə dair biblioqrafik siyahıların tərtib edilməsini, məqalələr toplusu qovluqlarının yaradılmasını təmin edir. Şöbənin işçiləri kitabxana işinin avtomatlaşdırılması şöbəsi ilə birlikdə tərtib etdiyi materialların elektron variantını hazırlayır. Göstərilən materialların və sənədlərin ki-tabxananın İnternet saytma daxil edilməsi onun elmi əhəmiyyətini daha da artırır. Bütün bu işlərdə kitabxanada yeni yaradılmış kitabxana- informasiya texnologiyası işçi qrupu da yaxından iştirak edir. Həmçinin bu qrup kitabxananın bütün şöbələrində kitabxana- informasiya texnologiyasının tətbiqi məsələlərini öyrənir, hər bir şöbənin xüsusiyyətlərinə müvafiq onların tətbiqi üçün metodlar hazırlayıb həyata keçirir. Kitabxanada fəaliyyət göstərən biblioqrafik-analitik işçi qrupu ənənəvi biblioqrafik fəaliyyətlə elektron biblioqrafik fəaliyyəti əlaqələndirir, ənənəvi biblioqrafik materialların elektron variantını hazırlayır və kitabxanada oxuculara biblioqrafik fəaliyyətin yeni metodlarını və üsullarını hazırlayır. Beləliklə, Prezident Kitabxanasının kollektivi kiçik bir zaman kəsiyində kitabxananın təşkili, idarə edilməsi, oxuculara xidmətin təşkili, müasir kitabxana-informasiya texnologiyasının tətbiqi sahəsində böyük uğurlar qazanmış, respublikamızın mühüm elm və mədəniyyət mərkəzinə çevrilmişdir. Ulu öndər Heydər Əliyevin təşəbbüsü ilə yaradılmış Prezident Kitabxanasının əldə etdiyi nailiyyətlər dövlətimizin başçısı prezident İlham Əliyevin son dövrlərdə Heydər Əliyev ideyalarının ardıcıl olaraq həyata keçirilməsinə parlaq sübutdur. Yüklə 2,83 Kb. Dostları ilə paylaş:
|