Türk dünyasının böyük oğlu
Yüklə 2,83 Kb. Pdf görüntüsü
|
155 kompüter dəsti ilə təchiz etdi. Kitabxananın İnternet və elektron poçt sisteminə qoşulmaq üçün texniki baza hazırlandı. Kitabxana işinin kompüterləşdirilməsini həyata keçirmək üçün ayrıca “Diferensial məlumat xidməti və tədqiqat işləri” şöbəsi yaradıldı. Bu şöbə bütün növ oxucu sorğularını araşdırır, elm sahələri üzrə kompüterin yaddaşına daxil edirdi. Şöbədə elektron kataloqun yaradılmasına başlanmışdı. Neft ədəbiyyatına olan böyük tələbat nəzərə alınaraq neft ədəbiyyatının elektron kataloqunun yaradılması üçün intensiv iş aparılırdı. Şöbə həmçinin tərcümə mərkəzi ilə birlikdə UNIMARC-ın Azərbaycan dilinə tərcüməsi və redaktəsində yaxından iştirak etmiş və kompüterdə çap etmişdir. Azərbaycanda kitabxana işinin avtomatlaşdırılması problemləri ilə hələ 80-ci illərdən məşğul olmağa başlayan kitabxana son illərdə kompüterləşdirilmə sahəsində mühüm təcrübə qazanmışdır. Bu təcrübənin təkmilləşdirilməsinə və yayılmasına böyük ehtiyac hiss edilməkdədir. Müstəqillik illərində RETK elmi-texniki kitabxanalar şəbəkəsinin metodik mərkəzi kimi öz işini davam etdirmişdir. Kitabxana müasir şərait, kitabxana işinin demokratikləşdirilməsi ilə əlaqədar metodik təminat sistemini yenidən qurmuş, inzibati amirlik metodundan uzaqlaşaraq tövsiyə və məsləhət xarakterli yeni üsullardan istifadə etməyə, metodik tədbirlər keçirərkən hər bir kitabxananın şəraitini və durumunu nəzərə almağa çalışmışdır. Uzun illərdən bəri elmi-texniki kitabxanalar şəbəkəsinin metodik təminat bazası kimi formalaşan RETK bu sahədə böyük təcrübə qazanmışdır. Kitabxanada metodik təminat işini təşkil etmək üçün ayrıca şöbə yaradılmışdır. Bu şöbə 1990-cı illərin əvvəllərində 125 kitabxanaya metodik köməklik göstərirdi. Bu şöbədə kitabxana işini çox yaxşı bilən təcrübəli kadrlar toplanmışdı. Şöbə təkcə kitabxanalara metodik köməklə kifayətlənmir, şəbəkəyə daxil olan kitabxanaların illik hesabatlarını toplayır, təhlil edir, həmçinin mərkəzi kitabxananın illik fəaliyyətinin təhlili əsasında respublika texniki kitabxanalar şəbəkəsinin hesabatını hazırlayırdı. Bu hesabatlar kitabxanalarda aparılan işin təhlili, mənfi və 156 müsbət cəhətlərin aşkara çıxarılması kitabxana işinin gələcək inkişaf istiqamətlərini müəyyənləşdirmək üçün böyük əhəmiyyətə malikdir. Həmçinin bu hesabatlar respublikada texniki kitabxanaların tarixinin arxiv fondudur. Şöbədə kitabxanaşünaslığa, biblioqrafiyaşünaslığa dair elmi və metodik ədəbiyyatın zəngin kitabxanası yaradılmışdır ki, bu da tədqiqatçılar üçün böyük axtarış bazası rolunu oynayır. Kitabxanada ayrıca elmi-metodik şöbənin fəaliyyət göstərməsi metodik işin məqsədyönlü təşkilini asanlaşdırmış, metodik işlərin elmi əsaslara söykənərək aparılmasına imkan yaratmışdır. Müstəqilliyin ilk illərində respublikamızda yaranmış böyük çətinliklərlə əlaqədar zavod və fabriklərin bağlanması, ayrı-ayrı nazirliklərin ləğv olunması və ya strukturlarında dəyişikliklər edilməsi elmi-texniki kitabxanalar şəbəkəsinin azalmasına gətirib çıxarırdı. 1993-cü ildə respublikamızda böyük öndər Heydər Əliyevin hakimiyyətə gəlməsi ilə yaranan sabitlik, dövlət strukturlarının möhkəmlənməsi bu prosesin qarşısını aldı. Bağlanmaq təhlükəsindən qurtaran kitabxanalar öz işlərini davam etdirməyə başladılar. 1994-cü ildə RETK 124 kitabxanaya metodik köməklik göstərirdi. Metodik şöbə çətinliklərə baxmayaraq öz fəaliyyətini davam etdirmiş, texniki kitabxanaların işini yaxşılaşdırmaq üçün ayrı-ayrı idarələr, müəssisələr və nazirliklər qarşısında məsələ qaldırmışdır. Sovet dövründə metodik fəaliyyətə dair hazırlanıb təsdiq edilmiş sənədlər ideoloji cəhətdən köhnəlib öz aktu-allığını itirdiyinə görə kitabxana metodik işlərin bütün forma və üsullarından istifadə edirək, metodik sənədlərin hazırlanmasına xüsusi diqqət yetirməyə başlamışdır. Kitabxananın yeni tərtib etdiyi sənədlərə misal olaraq “Dövlət sirrinə aid edilən məlumatları özündə əks etdirən ədəbiyyatın saxlanması qaydaları”; “İllik hesabatların tərtibi qaydaları”; “Yeni kitabxanaların yaradılması qaydaları”; “Köhnəlmiş, əhəmiyyətini itirmiş ədəbiyyatın kitabxanadan çıxarılması qaydaları”; “Kitabxana fondunun komplektləşdirilməsi xüsusiyyətləri” və s. kimi nümunəvi sənədləri göstərmək olar. 157 Bu dövrdə kitabxananın həyata keçirdiyi metodik tədbirlər içərisində seminarlar, fərdi və qrup halında məsləhətlər, icmallar, yeni metodik ədəbiyyatın sərgiləri geniş yer tuturdu. Komplektləşdirmə günlərinin keçirilməsi və yeni texniki ədəbiyyat haqqında kitabxanalara məlumat verilməsi mühüm əhəmiyyət kəsb edirdi. 2002-ci ildə Dövlət Elm və Texnika Komitəsinin ləğv edilməsi ilə əlaqədar RETK Nazirlər Kabinetinin sərəncamı ilə Azərbaycan Respublikası Standartlaşdırma, Metrologiya və Patent üzrə Dövlət Agentliyinin tabeçiliyinə verildi. Agentlik kitabxana işinə diqqəti xeyli artırdı. Kitabxananın maliyyə vəziyyəti yaxşılaşdırıldı, rəhbərliyi möhkəmləndirildi. Kitabxananın direktoru vəzifəsinə gənc alim, pedaqoji elmlər namizədi, dosent Nadir İsmayılovun təyin edilməsi kitabxananın işində əhəmiyyətli dəyişikliklərin baş verməsinə səbəb oldu. Qısa zaman kəsiyində kitabxanada müşahidə edilən mövcud reallıqlar və digər konkret faktlar əsasında dərin və hərtərəfli təhlil aparılmış, nəticələr və qarşıda duran işlər nəzərə alınmaqla geniş müşavirə keçirilmişdir. Müşavirənin yekunu olaraq kitabxananın cari və perspektiv vəzifələrinin əsas aspektləri müəyyən olunaraq, dövlətimizin elm, təhsil, kitabxana siyasəti sahəsində tələbləri nəzərə alınmaqla ciddi müzakirələrdən sonra geniş tədbirlər planı qəbul edilmişdir. Bu tədbirlər planının əsas istiqamətləri bunlardan ibarətdir: 1. Kitabxananın maddi-texniki bazasının möhkəmləndirilməsi və daha da təkmilləşdirilməsi; 2. Oxucularla işi günün tələbləri səviyyəsində təşkil etməklə, onlara müasir standartlar səviyyəsində xidmət göstərilməsi; 3. Kitabxanada müasir avadanlıqların və müasir texnologiyaların tətbiqi; 4. Kitabxana fondunun oxucular tərəfindən daha çox tələb olunan yeni və aktual ədəbiyyatla zənginləşdirilməsi; 5. Biblioqrafik fəaliyyətin canlandırılması, biblioqrafik xidmətin keyfiyyətinin yüksəldilməsi; 6. Elmi-metodik və biblioqrafik nəşrlərin çap edilməsi; 7. Kitabxana işçilərinin peşə biliklərinin müntəzəm olaraq artırılması sisteminin yaradılması; Yüklə 2,83 Kb. Dostları ilə paylaş:
|