Türk dünyasının böyük oğlu
Yüklə 2,83 Kb. Pdf görüntüsü
|
164 zənginləşməsi üçün əlverişli şərait yaradır. Kitabxananın xarici ədəbiyyat fondunda kitabların sayı 50 min nüsxəyə çatıb. Kitabxananın çox düşünülmüş komplektləşdirmə planı vardır. Bu plana uyğun olaraq komp- lektləşdirmə zamanı əsas üstünlük siyasətə, hüquqa, tarixə, iqtisadiyyata, qanunvericiliyə, azərbaycanşünaslığa dair ədəbiyyatın komplektləş- dirilməsinə verilir. Çox düzgün olaraq kitabxanada nadir kitablar fondu yaradılmışdır. Bu fondda hazırda demək olar ki, dünyanın bütün xalqlarının dillərində 4 mindən artıq kitab toplanmışdır. Kitabxana oxucuların arzu və sorğularını nəzərə alaraq geniş dövri mətbuat fondu yaratmağa nail olmuşdur. Kitabxananın Azərbaycanda nəşr edilən dövri mətbuatla yanaşı, xarici ölkələrdə nəşr edilən dövri mətbuatı da alması dövri ədəbiyyat fondunun əhəmiyyətini xeyli artırmış, geniş oxucuların tələbatını ödəməyə müvəffəq olmuşdur. Hazırda fondda 200 addan artıq qəzet və jurnalların komplektləri toplanmışdır. Kitabxananın qarşısında Azərbaycan Respublikası Prezidenti İcra Aparatının, Katibliyinin, İşlər İdarəsinin və digər mərkəzi icra orqanlarının, həmçinin xalq təsərrüfatının, mədəniyyətin müxtəlif sahələrində çalışan görkəmli alimlərə, mütəxəssislərə, yaradıcı ziyalılara xidmət üçün kitabxana-biblioqrafiya və informasiya bazası yaratmaq, müasir kitabxana-informasiya texnologiyasını tətbiq etməklə kitabxana işini kompüterləşdirmək kimi çox mühüm bir vəzifə qoyulmuşdur. Kitabxana həmçinin Azərbaycan dövlətçiliyinin, milli ideologiyanın, azərbaycançılığın təbliğat mərkəzi kimi ümummilli liderimiz Heydər Əliyevin zəngin irsinin toplanıb saxlanılmasında və təbliğində mühüm rola malikdir. Bu mühüm vəzifələri yerinə yetirmək üçün kitabxanada bu şöbələr yaradılmışdır: * Prezident və dövlət idarəçiliyi şöbəsi * Heydər Əliyev fondu * Azərbaycanşünaslıq şöbəsi * Xarici ədəbiyyat fondu * İncəsənət ədəbiyyatı fondu * Dövri mətbuat fondu * Kitab verilişi (abonement) şöbəsi 165 * Biblioqrafiya və informasiya şöbəsi * Kitabxana işinin avtomatlaşdırılması şöbəsi * Komplektləşdirmə və kitabişləmə şöbəsi * Kütləvi tədbirlər şöbəsi. Bu şöbələr yaradılarkən kitabxananın qarşısında duran bütün vəzifələr nəzərə alınmış, hər bir şöbənin vəzifələrini müəyyənləşdirən nizamnamələr, normativ sənədlər tərtib edilmiş, hər bir şöbə öz profilinə uyğun olan mütəxəssis kadrlarla komplektləşdirilmişdir. Məlum olduğu kimi, hər bir kitabxananın işi, onun müvəffəqiyyətləri kadr korpusundan olduqca çox asılıdır. Məhz buna görə Azərbaycan Respublikası Prezidenti İşlər İdarəsinin rəhbərliyi bu işə xüsusi əhəmiyyət vermiş, kadr seçərkən tələsməmiş, respublikanın ən yaxşı kitabxana və informatika mütəxəssislərini seçib yerləşdirməyə müvəffəq olmuşdur. Həmçinin kitabxananın işinə siyasətçilər, sosioloqlar, iqtisadçılar, humanitar elm sahəsinin səriştəli mütəxəssisləri cəlb edilmişdir ki, bütün bunlar birlikdə kitabxananın qarşısında duran çox mürəkkəb problemlərin həyata keçirilməsinə qadirdirlər. Kitabxanaya Bakı Dövlət Universiteti Kitabxanaçılıq-informasiya fakültəsinin yetişdirməsi, respublikamızın bacarıqlı kitabxana təşkilatçılarından biri olan Mayıl Əhmədov başçılıq edir. Yaxın zamanlardan fəaliyyət göstərən bu gənc kollektiv kitabxananı müasir tələbata, dünya standartlarına uyğun formalaşdırmağa, oxuculara xidmət işini günün tələbləri səviyyəsində təşkil etməyə müvəffəq olmuşdur. Hazırda kitabxana Prezident Aparatının işçiləri, dövlət məmurları ilə yanaşı olaraq demək olar ki, kitabxanadan istifadə üçün müraciət edən bütün ziyalılara xidmət edir. Bəşəriyyətin informasiya əsri kimi qəbul etdiyi XXI əsr kitabxanaların qarşısında olduqca mühüm, keyfiyyətcə yeni vəzifələr qoymuşdur. Müasir kitabxanalar ənənəvi kitabxanaçılıq təcrübəsi ilə kifayətlənməməli, oxuculara xidmət işini informasiya cəmiyyətinin tələbləri səviyyəsinə yüksəltmək üçün dünya informasiya məkanına daxil olmağı, ümumbəşəri intellectual potensialdan operativ istifadə etmək 166 imkanlarını yaratmağı bacarmalıdır. Bu məqsədlə kitabxanada müasir informasiya texnologiyası tətbiq edilməli, kitabxana işinin informasiyalaşdırılması və informasiya mühitinin yaradılması üçün şərait hazırlanmalıdır. Bu da hər şeydən əvvəl kitabxana işinə müasir informasiya və kommunikasiya texnologiyalarının tətbiqini tələb edir. Təsadüfi deyildir ki, Azərbaycan Respublikasının Prezidenti cənab İlham Əliyev 2003-cü ilin dekabrında Cenevrədə informasiya cəmiyyəti problemlərinə həsr edilmiş Ümumdünya sammitindəki çıxışında ölkəmizdə informasiya texnologiyalarının inkişafını dövlətimizin prioritet vəzifələrindən biri hesab etmişdir. Məhz buna görə dövlət kitabxanası kimi fəaliyyətə başlayan Prezident Kitabxanası öz işini dünya standartlarına cavab verə biləcək səviyyədə qurmaq üçün kitabxana işinin avtomatlaşdırılmasını ön plana çəkmiş, kitabxana işini kompleks halda kompüterləşdirməkdən ötrü avtomatlaşdırılmış sistem tətbiq etmişdir. Kitabxana bu məqsədlə geniş araşdırmalar aparmış, dünya kitabxanalarında tətbiq edilmiş sistemləri öyrənmiş, respublikamızın şəraitinə, xüsusilə kitabxananın öz şəraitinə uyğun olanını seçmişdir. Kitabxana öz daxili imkanlarını, sistemin tətbiqinin səmərəliliyini nəzərə alaraq 2004-cü ilin may ayında MDB məkanında geniş yayılmış avtomatlaşdırılmış sistemi (İRBİS-64) tətbiq etməyi məqsədəmüvafiq hesab etmişdir. Məlum olduğu kimi, bu sistem Rusiya Dövlət Elmi Texniki Ümumi Kitabxanası tərəfindən tətbiq edilmiş, onun müxtəlif variantları Rusiyanın və bir sıra xarici ölkələrin kitabxanalarında müvəffəqiyyətlə tətbiq edilməkdədir. Kitabxanalarda tətbiqi-təcrübi baxımdan olduqca asan olan bu sistem bütün beynəlxalq standartlara cavab verir. Sistem həmçinin beynəlxalq biblioqrafik standartlara və formatlara uyğunlaşdırılmışdır. Bu sistemin qəbul edilməsi kitabxananın kompleks kompüterləşdirilməsinə və kitabxana-biblioqrafiya proseslərinin avtomatlaşdırılmasına şərait yaratmışdır. Kitabxana respublikamızda İRBİS-64 sistemini ilk dəfə qəbul edən kitabxana olduğundan bu sahədə böyük təcrübə toplamış və bu sistemi Yüklə 2,83 Kb. Dostları ilə paylaş:
|