Üç aylıq ədəbiyyat dərgisi
165
Düz 20 dəqiqəyə referatı bitirdi.
Sonra əlimi sıxıb dedi:
-Təbrik edirəm! Kişi adamsan.
Gözəl
yazmısan...
Hətta
mənim
məqalələrimdən də istifadə etmisən?!
Hə, mən axə Yusif Vəzir haqqında
yazmışam... Cavidlə də müqayisə
aparmısan?! Nə gözəl ifadə etmisən
onların talelərini: “tale qohumları”...
Həəə, qəribədir... “Tale qohumları”...
Qəfil üzü sərtləşdi. Qələmini
yerə qoyub diqqətlə gözlərimə baxdı:
-Sən
bilirsən
ki,
Cavidin
“Əllidən bir kəm” adlı əsəri olub?
-..?
-Mən başa çatdırmadığım layihə
haqqında danışmağı sevmirəm... Amma
sənə demək olar! Neyçün ki, sən mənə
çox doğma gəlirsən... Olub belə bir əsəri
və onu katorqada yazıb, Sibirdə. Onlar
49 nəfər imişlər barakda... Mən o əsəri
tapmışam,
bu
yaxınlarda
çap
elətdirəcəyəm...
Düzdür,
əlyazması
qalmayıb... Amma Cavid Əfəndinin bir
barak yoldaşı əsəri tamam əzbərləyib. Di
gəl ki, kağıza köçürməyə qorxub... İndi
biz həmin adamın əzbər söylədiyi əsəri
onun ağzınnan kağıza köçürür, üstündə
işləyirik... O yazıq da katorqa görüb
axı... Xəstədir. O nadir, əlçatmaz
misraları elə-belə xatırlaya bilmir. O
ekstaz halına girincən ölür-dirilir.
Mərsiyə eşitmisən? Elə bil mərsiyə
söyləyir:
Əzəliyyət şəfəqlərində açan
Tazə bir qönçə, pənbə bir yıldız.
Əbədiyyət üfüqlərində uçan
Tanrı qoynunda bəslənən bir qız.
Şerü hikmət,
zəka ilahəsiyəm,
Ulu dahilərin nədiməsiyəm...
Mən təəccüblə Məsud müəllimə
baxıram:
-“Peyğəmbər”?
Onun iri gözləri parıldayır:
-Əvət,
əvət!
Cavidin
“Peyğəmbər” dramındandır, “Əllidən bir
kəm”in epiqrafıdır bu... O qiymətli adam
hər dəfə özünü bu misralarla hazırlayır...
Bir ağı, bir mərsiyə kimi oxuyur,
oxuyur...
Bir yanım qövsü qüzehi andıran ovalar
Bir yanım qəsvətlər saçan havalar.
Haqqın
dili lal, iştə kardır qulağı
O xurafat qəhr olsun, kor qoydu bulağı!
Öylə bir dövr içrəyəm, ortam yanıyor,
Qönçələr açmıyor ki, qanıyor, qanıyor....
Məsud
müəllim
özü
də
bilmədən, mənə “Əllidən bir kəm”dən
parçalar oxuyurdu. Yox, oxumurdu ki...
Mərsiyəxan səsi ilə gumuldanır, ağı
deyir, ağlayırdı...
Bir də gördüm ki, mən də
ağlayıram – göz yaşlarım axıb-axıb ta
sinəmə, titrəyən əlləriməcən gəlmişdi...
Bunu görən Məsud müəllimin, elə bil
mənə yazığı gəldi, azançı səsilə oxuduğu
tonlarla
ağırlığı
olan
misraların
səsləyişini saxladı.
-Yaxın müddətdə əsər üzərində iş
bitəcək... Bir neçə Cavidşünasla birgə
işləyirik bu əsərin üstündə... Biri var,
Bakı əhlidir, Sara xanım adında. Gözəl
mətnşünasdır. Elə sizin institutda işləyir
gərək ki... Nəysə... Böyük hadisə olacaq
o əsərin nəşri... Cavidin yenidən
doğuluşu kimi!
166
№ 4 (20) Qış- 2016
Vəcdə gəlmiş halda durub
otaqda var-gəl elədi. Mənə sarı dönüb
göz vurdu və dodaqaltı “iştə, hər şey
yaxşı olacaq” dedi. Elə bil o məni görüb
ürəklənmişdi, sevinirdi. Sonralar başa
düşdüm bunun sirrini: o həmfikir
tapdığına görə, arxasıncan gələnin
olduğuna görə sevinirdi.
Referata ayrıca bir vərəqdə geniş
rəy yazıb gülümsəyərək əlavə etdi:
-Namizədlik
işini
də
Çəmənzəminlidən
yazarsan.
Elmi
rəhbərin də özüm olacam. Bir az çətin
yol seçmisən, amma şərəfli yoldur. Alim
gərək qorxmaz ola! Millətin nicatı siz
gənclərdədir. Əlaqəni kəsmə. Gəl-get.
Və qalxıb bir az aralıdakı kiçik
soyuducunu açdı, iki “Qaraqum”
şokaladı və yarısı içilmiş konyak şüşəsi
çıxardıb qədəhlərə süzü.
-Sənin yazını mütləq qeyd
etməliyik!
Çox
sevindim
ki,
Azrbaycanda
sənin
kimi düşünən
gənclər var! Sənin sağlığına...
O içdi. Amma mən əlimdə
qədəh duruxub qalmışdım. Kişi
şokaladın kağızını aça-aça göz vurdu
mənə. Bir də gördüm ki, içmişəm.
Şokaladı isə yeməyə utandım. Elə
əlimdəcə gətirmişdim özümlə...”
...İllər öncə Qeyd Dəftərinə
yazdıqları gözləri önündən keçdikcə
qəhərdən boğulurdu. Ağlamamaq üçün
dişini-dişinə qıcasa da, qəhər boğazını
biçirdi. İçini almaz kimi doğrayan sözlər
dilinin
ucunacan gəlir, onu yaralayırdı:
“Əlaqəni mən kəsmədim, kor
tale kəsdi.
(Sonra tək bircə dəfə Railin
təkidiylə getdim yanına.) Üstündən bir il
keçməmiş, kişi canına qəsd elədi...
Mənim
ondan
yazdığım
məqalənin də taleyi Məsud müəlliminki
kimi faciəli oldu...
İndi illər sonra Abasquliyev
mənnən basdırdığı ölünü diriltməyimi
istəyir.
Üstündən neçə illər keçib, amma
bir şeyə üzülürəm: “Əllidən bir kəm”i
doğrudanmı tapmışdı Məsud müəllim?
Tapmışdısa niyə çap etdirmədi? Çap
etdirmədisə, əlyazması niyə evindən
çıxmadı? Dayan... Həəə... Axı o bir söz
də demişdi: əsəri onun barak yoldaşının
ağzından kağıza köçürürdü... Ay səni!
Gör e! Əsər bizim qulağımızın
dibindəymiş ki... Yanasan, ay fələk!
Yandırdın bizi...
Abasquliyev də deyir ki, o
məqaləni işlə, gətir çap edək. Deyə
bilmirəm ki, ay it oğlu, sən bu
yazdıqlarımı heç indi də olduğu kimi
verməyəcəksən, bir, ikincisi də mən
daha o kökdə deyiləm axı... Hardan alım
Məsud Əlioğlunu ki, kökdən düşmüş,
kökü kəsilmiş, kökündən ayrılmış mən
bədbəxti kökləyə bilsin???
Budeee, yenə düşüb dalımca.
Abasquliyev kökümü kəsmişdi, bu
dalıma düşən başımı kəsəcək...”
ZƏRBƏ DALINCA ZƏRBƏ
“İnstitutdan necə çıxdığımı
bilmədim. Mühazirənin heç ikinci qırx
beş dəqiqəsinə girmədim belə. Dəli kimi
bir az şəhərdə gəzdim. Sonra şəhər də
gözümdən düşdü. O boyda alim özünə
qəsd edib, bu adamlar isə deyir, gülür,
hətta ora bax: qızla oğlan parkda
öpüşürlər.