manyak qatil öncə Zəncilər adasını
əldə etməkdə
ona yardımçı olan Ayzek Morrisi öldürür, bun‐
dan sonra doqquz nəfər üstüörtülü cinayət
törədənlərin cəzasını verməyə başlayır. Bu, qü‐
sursuz bir plandır. Planı açmağa heç kimin
gücü çatmır, hətta polislər də geniş axtarışlarla
cinayətkarın kim olduğunu tapa bilmir. Buna
səbəb, bayaq dediyimiz kimi, Uorqreyvin
özünün də “ölü qonaqlar” sırasında olmasıdır.
Hər şeyi gözdən çıxarmış qatil ən sonda özü
üçün xüsusi tələ qurub özünü öldürür. Lakin
onu digərlərindən fərqləndirən xırda, amma
önəmli cəhət var. “Ölü qonaqlar”dan olan
Uorqreyv öz günahının bir nəfərin günahsız
yerə edamı olduğunu göstərir. Bu edamda isə
hakimin, həqiqətən, heç bir günahı olmur. O,
tamamilə faktlara əsasən bu qərarı verir. Әsərdə
qatili tapmağa azacıq ipucu verən yer buradır,
ancaq həmin səhnə qatilin kim olduğunun
açıqlanmasına az bir vaxt qalan anda olduğu
üçün böyük bir hadisənin sonuna çatan və
həyəcanla qatilin kim olduğunu anlamağa
çalışan oxucu, yəqin ki, buna diqqət yetirmir,
birbaşa ad axtarır. Bu da əsərin necə mükəmməl
quruluşda olduğunu göstərir.
Detektiv əsərin mükəmməlliyinin əsas
tələbinin dəqiqlik olması fikri ilə hərəkət etsək,
qatil, əsərdə bütün faktları son dəqiqliyinə
kimi araşdırıb və öyrənib. O, şəxsən tanımadığı
insanlar haqqında ətraflı araşdırma aparıb və
onların nə vaxt və harada, hətta hansı tanışları
olduğunu da aydınlaşdırıb.
Qatil öz qurbanları haqqında məlumatları
bilir, lakin bir araya gəlmiş şəxslər bir‐birini
tanımır. Ona görə də günahları səsləndirilincə
əvvəla, heç kim öz işini etiraf etmir, hər kəs
adı çəkilən cinayətlərlə bağlı günahsız olduğunu
söyləyir. Onlar bir‐bir qətlə yetirilincə isə insan
psixologiyası qədər mozaik bir quruluş bütün
bu olay, həyəcan, stresslərə tab gətirmir və
yavaş‐yavaş “cinayətkarlar” öz günahlarını
etiraf edirlər: sevdiyi biri üçün onun qızını
öldürən Vera, Şərqi Afrikada 20 nəfərin ölümünə
şərait yaradan Lombard, arvadının məşuqunu
bilərəkdən ölümə göndərən Makartur, avto‐
mobil qəzası ilə iki uşağı öldürən Morston,
evində işləyən qulluqçunu hər yerdə biabır
edərək onu intihar həddinə gətirən miss Brent,
içkili halda əməliyyata daxil olub xəstənin
ölümünə səbəb olan doktor Armstronq, ka‐
torqaya göndərilən birinin ölümündə
günahlandırılan yalan ifadə vermiş Blor və öz
sahibələrini öldürən Tomas və Etel Rocerslər.
Onuncu günahkar və “qonaqlar”ın arasında
olmayan Morris isə narkotik ticarəti ilə məşğul
olub, müxtəlif qanunsuz işlər görüb, hətta bir
gənci intihara sürükləyib.
Qatilin diqqət etdiyi başqa bir qəribə məqam
da Zəncilər adası haqqında olan şeirdir. Bu
şeir orada olan hər kəsin otağında var, elə qatil
cinayəti planlaşdırarkən də bu şeiri xatırlayıb.
Qətllər hər beytində on zənci balasının bir‐bir
necə öldüyünü təsvir edən şeirlə üst‐üstə düşür.
Şeirdəki bəzi ölümlərin adada həyata keçirilməsi
mümkün olmasa da, o, bunu simvolik yollarla
edir. Məsələn, miss Brentin şprislə zəhərlənməsi,
lakin şeirdəki kimi “arı sancması” nəticəsində
ölməsi görüntü‐fantaziyası kimi və digər buna
bənzər qətllər. Әn sonda tək qalan Vera isə
psixoloji sarsıntı nəticəsində qatilin onun üçün
hazırladığı planla özünü asır, eynən şeirin so‐
nuncu beytində göstərildiyi kimi: “son zənci
balası yoruldu nəsə, gedib özün asdı, qalmadı
kimsə”.
Ümumiləşdirmə apararaq deyə bilərik ki,
süjet cinayətkar qonaqların bir araya gətirilməsi,
günahlarının elan olunması, sıra ilə xüsusi fan‐
taziyaya uyğun ölümü və qatilin kim olduğunun
bildirilməsindən ibarətdir. Әsər yüksələn‐
həyəcan artıran bir templə getsə də, bütövlükdə
axıcıdır. Yəni olaylar artan xətlə gedir, lakin
biri‐birinin ardını gətirir, bağlılıq yaradır. Final
oxucunu özünə doğru çəkir. Әsəri birnəfəsə
oxumaq heç də çətin deyil. Süjetə uyğun olaraq
əsərin təlqin etmək istədiyi fikir isə heç bir
günahın, hərəkətin cəzasız qalmadığını
göstərmək və hər kəsi həyatında bacara bildiyi
qədər az səhv etməyə çağırmaqdır.
Aylıq ədəbiyyat dərgisi
53
ULDUZ /
Yanvar 2016
TӘLӘDİ, BİLİRӘM, BU QӘFİL GÖRÜŞ
Qırx ildir çatırsan, dolu gedirəm,
Fələk, insaf eylə, boş gəlim bir az.
Daha mənə yüksən axsaq xəyaltək,
Düş, özüm özümə xoş gəlim bir az.
Tələdi, bilirəm, bu qəfil görüş,
Bir yandan gün düşür, gecədi, Tanrı.
O qız ayrı yolun yolçusu çıxdı,
Mən hardan bilim ki, necədi, Tanrı?
Ta baş qaşımağa qorxur külək də,
Bir‐iki çörək qoy tabağa, çəkim...…
Allah, gözlərimə bir ruh daraşıb,
İzn ver, kölgəmi qabağa çəkim.
ARZULAR ÇӘP GÖRÜNÜR…
Ömür yanımdan ötür
Bir kölgə, bir fon kimi.
Arzular çəp görünür,
Sonuncu vaqon kimi.
Deyən, dərdə xoş gəlir
Sifətimin ağlığı.
Nə qədər gözləyəcəm
Burax bu uşaqlığı.
Ürəyin ağ varaqdı,
Bir kəlmə yaz, uzat, qız.
Mən gəlməyən yollara
Gözünü az uzat, qız.
RUHUM VӘCDӘ GӘLİR…
Ruhum vəcdə gəlir lal sevda kimi,
Cismimin altında təpə oynayır.
Sən elə süzürsən, elə bil ki, qız,
Suların qoynunda ləpə oynayır.
Kölgəmin tabutu elə durub ki,
Elə bil torpağa düz xətt qoyublar.
Sənə vermədiyim vədin altından
İmza əvəzinə yüz xətt qoyublar.
Eşqdən kim yorulub, biz də yorulaq,
Deyəsən, gün keçir, boynum üşüyür.
Sanki xəzan vurmuş quru yarpaqdı,
Qızlar bir‐bir düşür, qoynum üşüyür.
54
ULDUZ /
Yanvar 2016
Hikmət MӘLİKZADӘ
ŞEİR VAXTI