Umumiy, O’rta, oliy ta’lim darsliklarida morfologiyaning yoritib berilish

3.5. Modal.

Modal so‘zlar bayon qilinayotgan fikrga so‘zlovchining ishonch, gumon, quvonch, afsuslanish munosabatlarini yoki fikrning tartibi, xulosasini bildiradi.

Ma’no turi	Modal so‘z
Ishonch	Albatta, shaksiz
Gumon	Ehtimol, balki,chamasi, shekilli
Tasdiq	Darhaqiqat, haqiqatan
Fikrni xulosalash	Xullas,demak, umuman
Fikrni tartibi	Avvalo, avvalambor
Fikrni dalillanishi	Masalan, jumladan
Achinish	Attang, afsus
Quvonch	Xayriyat

Modal so‘zlar sof modal va vazifadosh modal so‘zlarga bo‘linadi.
Faqat modal ma’no uchun xoslangan so‘zlar sof modal so‘zlar sanaladi: haqiqatdan, darhaqiqat, afsuski, attang, albatta, shekilli, avvalo, avvalambor, xullas, koshki, masalan. Modal ma’noda ham qo‘llangan aftidan, balki, umuman, ehtimol, taxminan, shubhasiz singari so‘zlar vazifadosh modal so‘zlar hisoblanadi. CHunki ular bosh so‘z turkumlaridan unib chiqqan¹.
Modal so‘zlar borliqdagi narsa-hodisalar, belgi-xususiyatlarni nomlaydi. SHu bilan birgalikda yordamchi so‘zlarga o‘xshab, sof grammatik ma’no ham ifodalamaydi².
Modal so‘lar gapshaklga bir butun holda qo‘shilib, so‘zlovchining o‘zi anglatayotgan fikrning aniqligiga, chinligiga, ishonch darajasini, voqelikdan taajjublanishini, afsuslanishini ifodalaydi³.
Modal so‘zlar R. Sayfullaeva darsligida so‘z-gap tarkibida beriladi⁴.