Umumiy tarix
I-BOB: USTRUShONADA RIVOJLANGAN O’RTA ASRLARDA SIYoSIY
Yüklə 227,72 Kb. Pdf görüntüsü
|
|
6 I-BOB: USTRUShONADA RIVOJLANGAN O’RTA ASRLARDA SIYoSIY VA IJTIMOIY-IQTISODIY HAYoT 1.1.Ustrushonaning rivojlangan O`rta asrlardagi siyosiy va ijtimoiy- iqtisodiy tarixi Antiq davri uzoq davom etgan jimjitlikdan so`ng Ustrushona haqidagi dastlabki ma`lumotlar ilk o`rta asrlarga (VI-VII) taluqli xitoy yilnomalarida Sudiyshana, Shuayduana, Sudushina, Szebuyueyuyna, Sharqiy Sao, Sudulishina, Sao, arab, fors manbalarida: Surushona, Sutrushona. Osrushona, Surushna, Oshrusena, Usrushana, Ustrushane, Ushrusona, Istarafshan tarzida uchraydi. Tarix fanida mazkur atamalarning eng maqbuli Ustrushona nomi qabul qilingan. 1 Ustrushona davlati tabiiy-geografik hamda strategik jihatdan joylashuvi muhim ahamiyat kasb etadi. Arab geograflari va Xitoy mualliflarining Ustrushona va uning chegarasiga doir ma’lumotlari asosan IX-X asrlarga taalluqli bo’lib, davlatning VII-VIII asrlardagi chegarasidan deyarli farq qilmagan. Agar bugungi kun ma’muriy xaritasiga nisbatan olinsa, unda Ustrushona tarkibiga Tojikiston Respublikasi Sug’d (avvalgi Leninobod) viloyatining Ayniy, Matchin, Shahriston, O’ratepa, Nou tumanlari, O’zbekiston Respublikasining Jizzax (Fag’non), Xavas, G’allaorol (Xarakana), Zomin, Qirg’iziston Respublikasining Laylak tumanlari va janubdan Turkiston tog’ tizmalari bilan chegaralangan hududlarni o’z ichiga olgan. 2 Yuqoridagi matnda keltirilgan Szebudana transkripsiyasi A.T. Malyavkinning fikricha Sharqiy sao haqidagi malumotlarga tasodifan tushib qolgan. Bundan tashqari Tan saroyida sharqiy saoni Layviy yani O`rta podsholikni qudratini tan olib bo`ysingan davlat deb ham atashgan. V.V.Bartoldning fikricha, Ustrushonaning eng qadimgi nomi Sutrushona shaklida bo`lgan. Hozirgi paytda o`rta asrdagi arab manbalariga asoslanib Ustrushona nomi qabul qilingan. 1 N.N.Negmatov. Ustrushana v drevnosti i rannem srednevekovьye, Stalinabad, 1957, 15-str. 2 O’sha joyda. 7 Darhaqiqat, Ustrushona haqidagi batafsil ma`lumotlarni arab yozma manbalaridan topish mumkin. Bu manbalardagi berilgan izohlarga ko`ra Ustrushona davlati hududi g`arb sharq yo`nalishida Xo`janddan, Samarqandgacha shimol janub yo`nalishi bo`yicha Sirdaryo Mirzacho`ldan Xisor tog`tizmalarigacha bo`lgan hududni o`z ichiga olgan. X asrda yashab o`tgan arab sayyohi va tarixchisi Istaxriyning yozishicha “Ustrushonaning katta qismini tog`lar egallaydi unda kemalar suza oladigan daryolar va ko`llar yo`q. Muallif Ustrushona chegaralari va shaharlari to`g`risida batafsil xabar berib yozadi. Ustrushona sarhadlari Mag`ribda Samarqand bilan, Mashrixda Farg`ona bilan, Shimolda shosh, Sag`aniyon shuman Bashjird va Rasht madaniy vohalari bilan chegaralanadi. Ustrushona shaharlari –Arsbanikat, Kurkat, Gazak, Vag`ket, Sabat, Zomin, Dizak, Nujkat, Xarkana bo’lib, davlat rahbarlari ushbu shaharlarda yashagan. Xuddi shu shaharlarni Ibn Xavkal (X asr) ham sanab o`tadi va ularni katta –katta rustoklarni (tuman) markaziy shahri bo`lgan deb Istaxriy malumotlariga qo`shimcha kiritadi. Ibn Xavkalning takidlashicha, tog` mavzelarida joylashgan rustoklarda shaharlar bo`lmagan. Ustrushona tarixi va arxealogiyasi bo`yicha mutaxasis taniqli olim N.Negmaton fikricha Ustrushonaning tekislik qismidagi rustoklar Bunika, Sabat Zomin, Xarkana, Burnmand Xavos, Shavkat, Fag`kat, Feknon (bosh shahri Dizak), deb atalgan tog’li bo`lsa, qismidagi rustoklar Mink, Asbanikart, Biskar, Bangam, Vakr, Shagar, Maschon, Burgar va Buttam deb nomlangan. Ibn xavkalning yozishicha Ustrushona Movarounnahrning boshqa viloyatlari singari bog` va poliz ekinlarining ko`pligi va turli-tumanligi bilan shuhrat qozongan. Bu qishloq xo`jalik nematlari chet o`lkalarga, qo`shni shaharlarga xususan ko`proq Xo`jjandga olib borib sotilgan. Ustrushona shaharlarining ko`pchiligida bozorlar va har doim faoliyatda bo`lgan yarmarkalar tashkil qilingan. Yarmarkalarda uzoq ellardan ko`plab sotuvchi va oluvchilar qatnashgan. Lekin Ustrushonaliklarning asosiy g`ururi Mink rustoki va Maremond shaharlarida tayyorlanadigan temir 8 qurol aslahalarda edi. Aytishlaricha bu qurol aslahalar bilan deyarli butun Xuroson va Bog`doddan Iroqqacha bo`lgan jangchilar qurollanishgan. 3 Ustrushonaning bosh shahri Bunjnkat xisoblanadi. Istaxriy va ibn Xavkalning ma`lumotiga ko`ra shahar atrof` (aylanas I Farsaxga yaqin bo`lgan. Uylar va boshqa imoratlar paxsa, xomg`ish va yog`ochdan qurilgan shaharikki qator xalqasimon mudofaa devori bilan o`ralgan bo`lib uning hududida shoh saroyi qasrlar hovlilar, bog` uzumzorlar shuningdek, jome masjidi va zindon bo`lgan. Shahar ichimlik suvi bilan miqdoridan ham ziyod taminlangan bo`lib, shu suv manbai sifatida ko`plab tegirmonlar ishlab turgan. Bunjikat aholisining 10- 20ming nafarini katta yoshli erkaklar tashkil qilgan. Shaharning 4ta darvozasi bo`lib, Ular Zomin darvozasi Marsmand darvozasi Nuikad darvozasi va Kohlabod darvozasi deb nomlangan. Hozirgi paytdagi tarixchi va arxealog olimlar tomonidan isbot qilinishicha Tojikiston mamuriyatiga qarashli O`ratepa shahrining shahriston qishlog`idagi Qalai-qahqaha ishahar xarobalari Ustrushonadavlati bosh kenti Bunjikatning aynan o`zidir. 4 Ustrushona davlatida kattaligi jihatdan ikkinchi o`rinda turadigan shahar- Zomindir. Zomin shu nomli rustokning bosh shahri bo`lib, u Farg`ona bilan sug`dni bog`lovchi katta karvon yo`li yoqasida tog` oldi mavzeyi joylashgan. Bu shaharni yana Srsanda yoki Susanda deb ham nomlashgan. Yoqut esa uni o`z esdaliklarida Sabaa deb han ataydi. Ibn Xavkal Zominga kelgan paytda eski shahar xarobaga aylanganbo`lib, bozorlar va jome masqidi Sarsaandaga ko`chirilgan ekan. Shunga qaramay Zominda ko`plab sayyohlar va savdogarlar to`xtashgan, ular asosan arab va ajam mamlakatlaridan, shuningdek Sug`d va Farg`onadan turli xil molu matoxlar olib kelishgan. Zominda suv, bog`, uzumzor, bug`doyzor va chorva mollari ko`p bo`lgan. Yer haydab ekin ekish bo`yicha Zomin Ustrushona davlatida yetakchi o`rinni egallagan 5 . 3 A.A..Gritsina. Arxeologicheskiye pamyatniki Sirdarbinskiy oblasti. T., «Fan», 1992, 15-22 str. 4 A.A.Gritsina. Umtrushanskiye bыli. T., 2002, 70-76 str. 5 Drevniy Zaamin. T., «Fan», 1994, 82-84 str. 9 Dizak kattaligi jihatdan Ustrushonada uchinchi shahar bo`lgani ehtimoldan holi emas. Chunki yozma manbalarda u har doim Bunjikat va Zomindan keyin tilga olinadi. Dizak shahri Feknon rustokining bosh shahri bo`lib u So`g`d va Shosh madaniy mintaqalarini bog`lovchi shimoliy karvon yo`li yoqasida, cho`llik ko`chmanchi chorvador o`g`iz qabilalari bilan chegara zonasida joylashgan. Muqaddasiyning yozishicha, shaharda aholi zich joylashgan uning havosi toza suvi xushtam bog` va ekinzorlar ko`p bo`lgan Dizakliklar ayniqsa mun va tivitdan kiyim-kechak ti`kishga, gilam to’qishga va namat bosishga nihoyatda usta bo`lishgan. 6 IX-X asrlarda Dizak shahri muhim harbiy strategik ahamiyatga ega bo`lgan. Dizakni bu davrda ko`chmanchi cho`lliklarni talonchilik yurishlariga qarshi zarba beruvchi islom lashkarlari G`oziylar to`planadigan qarorgohga aylangan. Shu sababli Faknon rustokida va Dizak atrofida ko`plab rabotlar va –X mudofaa istexkomlari qurilgan. Bu qurilishlarda va xarbiy yurishlarda nafaqat Ustrushonaliklar balki Samarqandliklar ham faol ishtirok etishgan. Chunki ko`chmanchilarning talonchilik yurishlari Samarqand shahri va uning kentlariga faqat ikki yo`nalish Dizak-temir darvoza va Nurota tog`lari orqali davom ettiradi shu sababli chegara mavzelari mudofaasining mustaxkamlanishidan ular ham manfaatdor bo`lishgan. Umuman bu davrda Dizak rabotlarining ovozasi, shuxrati uzoq yillarga qadar ma`lum bo`lgan. Shunday memorchilik osoru atiqalaridan biri IX asrning birinchi choragida Dizakdan I farsa uzoqlikda Ustrushona hukmdori Qovusning o`g`li Haydar say-harakati bilab bunyod etilgan Xudaysar rabodidir. Xudaysar Movarounnahrning eng ko`rkam katta va mashhur ravodlaridan biri xisoblangan. Ibn Xaqalning malumotiga ko`ra Xudaysardan yaxshiroq rabod xatto Samarqand rabotlari orasida ham yo`qdir. 7 6 Ubaydullayev I.H. Fag’non rustoqining IX-X asrlar tarixiga oid ayrim mulohazalar. // O’zbekiston tarixining dolzarb muammolari yosh tadqiqotchilar talqinida. Samarqand, 2010, 73-75-betlar. 7 M.H.Pardayev, S.S.Suyunov, A.H.Pardayev. Shimoliy-g’arbiy Ustrushonada sug’orma dehqonchilik xo’jaligining paydo bo’lishi va taraqqiyot bosqichlari. // U.M.M.T. 30-nashr, Samarqand, 1999, 234. |