44
dövlətçilik ənənələrinin təşəkkül tapıb fasiləsiz xarakter almasında danılmaz rol oynamarı ilə
silinməz iz qodular. Aratta, Lullubi və Kuti dövlət qurumlarının varisi kimi e.ə. IX əsrdən etibarən
assur və urartu mixi yazılı abidələrində tez-tez adı çəkilən Manna dövləti də Urmiya sahilində
yüksəlməyə başladı [3]. Manna e.ə. IX əsrin ikinci yarısından etibarən qonşuları ilə mübarizədə
mətinləşib güclü dövlətə çevrildi. E.ə. VIII əsrin II yarısında isə Manna siyasi hakimiyyətin
varislik ənənəsi ilə irsən ötürüldüyü mərkəzi dövlət kimi tanınmağa başladı. Azərbaycanın ilk
dövləti kimi tarixə düşmüş və erkən dövlət qurumlarının ərazilərini əhatə etməklə təşəkkül tapmış,
Mannanın xarici siyasət kursunda onu müttəfiq kimi görən assuriya ilə dostluq, ərazilərini zəbt edib
dövlətçiliyinə son qoymaq istəyən Urartu ilə isə düşmənçilik münasibətləri əsas mərkəzi xətti təşkil
edirdi. Qeyd edək ki, Mannanın bu xarici siyasət kursu Assur çarı II Sarqon tərəfindən Urartu
çarlığının zəiflədilib bir daha Mannaya müdaxilə etmək iqtidarında olmadığı dövrə- e.ə. VIII əsrin
sonuna qədər davamlı olmuşdur. Ümumiyyətlə, bəzi istisnaları çıxmaq şərti ilə Mannanın Assuriya
ilə müttəfiqlik sazişie.ə VII əsrin sonlarına- Assuriyyanın Midiya və Yeni Babil çarlıqları tərərindən
süquta uğradılmasına qədər qorunmuş, öz əhəmiyyətini itirməmişdir.
E.ə VI əsrin başlanğıcında regionun güclü dövləti Midiya tərəfindən süquta uğradılan
Mannanın dövlətçilik ənənələri Azərbaycanın cənubunda Atropatena, şimalında Albaniya
dövlətlərinin yüksəlişi üçün tarixi zəmin rolunu oynamışdır [4]. E.ə. IV əsrin sonlarında Albaniya
və Atropatena dövlətlərinin tarix səhnəsinə çıxması Azərbaycanda dövlətçilik ənənlərinin dərin bir
özül üzərində dayandığını bir daha təsdiqləyir. Onu da qeyd edək ki, Atropatena və Albaniya
dövlətləri Makedoniyalı Aleksandırın e.ə. IV əsrin sonlarında Şərqə böyük yürşünün nəticəsində
formalaşan ellinizm dövrü siyasi idrəçilikləri sırasına daxil edilməkdədir. Mövcud tarixi
ədəbiyyatlara istinad etməklə Atropotena və Albaniyanın antik dövrünü (e.ə. IV əsrin sonu-b.ə-nın
III əsrinin əvvələri) izləsək, onların geniş ərazilərinin keşiyində layiqincə durduqlarını, selevki,
parfiya, roma, alan kimi yadellilərin hücumlarından vətən torpaqlarını mərdliklə qoruduqlarını
aydın şəkildə gərə bilərik. Bu zaman cənubda Zərdüştlüyün, şimalda isə çoxdinliliyi özündə əks
etdirən müxtəlif təlimlərin yayılmasını da izləmək mümkündür. Antik dövrdə Atropatenanı türk
mənşəli Atropatın, Albaniyanı isə türk soylu Aranşahın varisləri idarə edirdi. Atropatena və
Albaniyanın antik dövrdə regionda söz sahibi olan dövlətlər kimi tanınmalarını o dövrə aid yazılı
qaynaqlara istinad etməklə söyləyə bilərik. 224-cü ildə baş vermiş Sızyan döyüşündə Parfiyanın
süqutundan sonra Atropatenanın yenidən dirçəlməsinin qarşısının Sasanilər tərəfindən alınmasını
bir sıra mühüm amillərlə, əsasən də, onun düşmən hücumlarından müdafiə üçün əlverişli strateji
mövqeyə malik olması və imperiyaya tabe digər ərazilərlə müqayisədə daha zəngin resurslara sahib
olması ilə əlaqələndirə bilərik. Tədqiqatçılar bunu həm də Atropatenanın mərkəzi Kazaka şəhərində
Sasanilərin dövlət dini zərdüştlüyün baş məbədinin yerləşməsi amili ilə də bağlayırlar. Albaniyaya
gəldikdə isə, III əsrin I yarısından-VI əsrin əvvəllərinə qədər onu türksoylu yerli Arşakilər sülaləsi
idarə etmişdir. Yerli arşakilərin ilk hökmdarı I Cəsur Vaçaqanın III əsrin I yarısında Albaniyada
qərarlaşan bütün siyasi idarəçilikləri bir araya gətirib vahid mərkəzi bir dövlət yaratması
M.Kalankatlının “Albaniya tarixi” əsərində müfəssəl şəkildə verilir. Sasani imperiyası qonşu
Albaniya dövlətini öz tərkibinə qatmağa cəhd göstərsə də, Romanın şərqə doğru nüfuz dairəsini
genişləndirmək siyasəti ilə bağlı buna nail ola bilmir. Alban hökmdarı I Vaçenin (255-262) Roma
meyilli siyasət yeritməsi də Albaniyanın sasanilər tərəfindən işğalını ləngidən səbəblərdən sayıla
bilər. Sasani hökmdarı I Şapur (241-272) tərəfindən 260-cı ildə Romanın ağır məğlubiyyətə
uğradılmasından sonra Albaniya sasani asılılığını qəbul etdi. Lakin bu siyasi asılılıq müvəqqəti
xarakter daşımış, Albaniya I Şapurun ölümündən sonra yenidən müstəqil siyasət yeritməyə
başlamışdı. Alban hakimi Sanatürkün (298-338) erməni və gürcülərə, eyni zamanda onlara
havadarlıq etməklə Şərqə doğru genişlənmək planını reallaşdırmaq istəyən Romaya qarşı Sasani
hökmdarı II Şapurla (309-379) və türk tayfaları ilə ittifaq bağlayıb erməni çarlığının mərkəzi
Valarşapatı 337-ci ildə ələ keçirməsi faktı tarixşünaslıqda öz əksini tapmışdır. Alban hakimi
Sanatürkün , eyni zamanda güclü Romadan çəkinməyib ermənilərin paytaxtını tutması Albaniyanın
Azərbaycanın qədim və ilk orta əsrlər dövrü dövlətçilik tarixinə dair
(e.ə. III minilliyin I yarısı – b.e VI əsrinin əvvəlləri
)
45
sasani asılılığından qurtulub müstəqil siyasət yeritməsini də təsdiq etməkdədir. Sanatürkdən sonra
Albaniyanı idarə etmiş Urnayırın (350-371) da Sanatürk kimi müstəqil siyasət yeritməsini tarixi
faktlar təsdiqləyir. Alban hökmdarı Urnayırın Romaya və onun himayə etdiyi ermənilərə qarşı
sasanilərin apardığı 359-cu il Amid və 371-ci il Dzirav savaşlarında ölkəsinin bütövlüyü,
müstəqilliyi naminə hərbi-müttəfiq kimi fəal iştirak etməsi, hətta torpaqlarının azadlığı uğrunda
Dizirav vuruşmasında canını qurban verməsi amilləri də Albaniya hökmdarının müstəqil siyasət
yeritməsini təsdiqləməkdədir.
Albaniyada I əsrdən yayılmağa başlayan və 313-cü ildən etibarən dövlət dininə çevrilən
xristianlığın ləğvi istiqamətində II Yəzdəgirdin (438-457) dövründə ciddi addımlar atılmışdır. II
Yezdəgird Alban hakimi-bacısı oğlu II Vaçenin xristian amilindən istifadə edib öz ölkəsinin siyasi
müstəqilliyinə nail olmasından ehtiyat edirdi. Buna görə də o, II Vaçeni hüzuruna çağırtdırıb
atəşpərəstliyi ona zorla qəbul etdirmişdi. Bununla kifayətlənməyib II Vaçeyə atəşpərəstliyi
təbəələri içərisində yaymaq haqqında xüsusi göstəriş vermişdi. II Vaçe II Yəzdəgirdin 457-ci ildə
ölümündən sonra sasani imperiyasında siyasi çəkişmələrin artmasından istifadə edib yenidən
Albaniyanın müstəqil olmasını reallaşdırmağa çalışmışdı. Buna nail olmağın yolunu öz sələfləri
kimi xristian dinini dövlət dininə çevirib, xristian dinin təbliğatını əhali arasında geniş şəkildə
aparmaqda görmüşdü. Bu isə II Yəzdigirdin vəfatından sonra hakimiyyət uğrunda gedən
savaşlardan girovluğunda olduğu Eftalit hökmdarının köməyi ilə qalib çıxıb özünü sasani hökmdarı
elan edən I Firuzun (459-484) kəskin etirazına səbəb olmuşdu. I Firuzun hədələri və təkidləri
Albaniyanın siyasi müstəqilliyini bərpa etmiş II Vaçeni nəinki qorxutmamış, hətta sasanilərə qarşı
hərbi ittifaq yaratmağa vadar etmişdi. I Firuz Albaniyanı yenidən sasani imperiyasına tabe etmək
üçün muzdlu döyüşçülər kimi ələ aldığı haylandur türklərini (onoqurları) 462-ci ildə II Vaçenin
üzərinə göndərmişdi. 463-cü ildə yüksək döyüş təcrübəsinə malik haylandur türklərinin hərbi gücü
qarşısında təslim olan II Vaçe hakimiyyətdən əl çəkmişdi [5, 65-72]. Nəticədə Albaniyada 30 il
müddətinə hökmdarın olmadığı bir dövr başlanmışdı. Görünür, bu dövrdə ölkəni müvəqqəti olaraq
Sasani mərzibanları idarə etmişdi. Lakin I Firuzun çiyinləri üzərində hakimiyyətə gəldiyi Eftalit
hökmdarı Ağsuvar xaqana naxələf çıxması ona baha başa gəlmişdi. Xəyanəti bağışlamayan türk
soylu Ağsuvar 484-cü ildə I Firuzu, “çanavar tələsi”nə (Canavar tələsi dedikdə türklərin hiyləgər
düşmənə qalib gəlmək üçün onun keçəcəyi yolda dərin quyular qazıb üzərini ağac budaqları ilə
örtməsi nəzərdə tutulur. Onlar canavarı da bu yol ilə ovladıqlarına görə, onu canavar tələsi
adlandırırdılar) salıb ac-susuz saxlamaqla rüsvayçı şəkildə öldürmüşdü. Bundan sonra Sasani
taxtına Balaş(484-488) adlı demokratik idarə üsuluna meyilli bir hökmdar əyləşmişdi. O, bir çox
demokratik tədbirlər həyata keçirməklə yanaşı, tolerant olub çoxdinliliyə də yol açmışdı. Bundan
istifadə edən II Vaçenin qardaşı(qardaşı oğlu kimi də göstərirlər) Vaçaqan III Mömin Vaçaqan adı
altında alban taxtına çıxır. 493-510-cu iliərdə son yerli Arşaki hökmdarı kimi Albaniyanı idarə
etmiş III Mömin Vaçaqan digər alban hökmdarlarının ənənəvi daxili siyasət kursunu davam
etdirməklə ölkənin siyasi müstəqilliyi naminə xristian dininin geniş təbliğinə, digər dinlərin isə
məhdudlaşdırılmasına başlamışdı. Bu böyük işi sürətləndirmək və ümumalban istiqlaliyyət
mübarizəsinə çevirmək məqsədi ilə Aquen kilsə məclisini çağırmışdı.
Qeyd edək ki, Aquen kilsə məclisinin çağırıldığı tarixlə bağlı da tarixşünaslıqda fikir ayrılığı
vardır. Bir qrup tarixçi Aquen kilsə məclisinin 488-ci ildə çağırıldığını, digər araşdırmaçılar isə bu
dini məclisin 498-ci ildə keçirildiyini iddia etməkdədir. Əslində, ikinci yanaşma həqiqətə daha
yaxındır. Belə ki, əgər III Vaçaqanın Alban taxtına çıxdığı tarix 493-cü ilə təsadüf edirsə, onda o,
Aquen kilsə məclisini hakimyyətə gəlməmişdən əvvəl-488-ci ildə çağıra bilməzdi. Digər tərəfdən
Alban hökmdarları adətən, taxta çıxdıqdan sonra həm dini, həm də dünyəvi başçıya çevrilb və hər
hansı dini tədbiri həyata keçirə bilirdilər.İkinci fikrə dəstək duracaq başqa yardımçı arqument kimi
Mömin Vaçaqanın II Vaçenin qardaşı kimi Alban taxtına oturması yalnız sasani dövlətində siyasi
vəziyyətin qarışıq bir hal aldığı zaman mümkün ola bilərdi. Məlumdur ki, 488-ci ildə Sasani taxtına
oturan I Qubadın(488-531) hakimiyyəti dövründə imperiyanı həm mərkəzdənqaçma-seperatçlıq
XasayevN.N., Bayramova Ü.M.