75
UOT 334.341
ƏRZAQ TƏHLÜKƏSİZLİYİ ƏSAS QLOBAL İQTİSADİ PROBLEM KİMİ
ABDULLAYEV LOĞMAN İMRAN oğlu
Sumqayıt Dövlət Universiteti, dosent
ƏZİZOVA KƏMALƏ VAQİF qızı
Sumqayıt Dövlət Universiteti, baş müəllim
e-mail: Elnare Memmedova @ box.az.
Açar sözlər: iqtisadi inkişaf, təbii sərvətlər, ərzaq təhlükəsizliyi, süni zülal, aqrar sektor
Son 15-20 ildə qlobal problemlərin müxtəlif aspektləri elmin müxtəlif sahələri üzrə ətraflı
tədqiq edilməkdədir. Artıq qloballıq anlayışı kompleks elmi istiqamət kimi bir çox təbii və
humanitar elmlərin tədqiqat predmetinə daxil olmuşdur. Bu mənada, qloballıq hər şeyi əhatə edən,
iri miqyaslı, planetar əhəmiyyətli anlayış kimi bütün dünyanın və bəşəriyyətin taleyinə toxunan
problemləri özündə əhatə edir. Özü də bu problemlərin sayı çoxalmaqdadır. Hazırda tədqiqatçılar
dünyanın taleyinə toxunan təbii ehtiyatlardan səmərəli və kompleks istifadə edilməklə alternativ
ərzaq mənbələrinin axtarılıb tapılması, ərzaq təhlükəsizliyi, dünya əhalisini ərzaqla təmin etmək,
düşünülmüş siyasət yürüdülməklə əhali artımı problemlərinin düzgün tənzimlənməsi və s. bu cür
problemləri qlobal problemlərdən hesab edirlər.
İnsan övladının öz ehtiyaclarını təbiətin hazır resursları ilə ödəyərək yaşadığı “mənimsəmə
iqtisadiyyatı” mərhələsindən “istehsal iqtisadiyyatı” mərhələsinə keçdiyi andan ilk fəaliyyət sahəsi
olan aqrar sektor, iqtisadiyyatın ən qədim sahəsi olmaqla uzun bir tarixi yol keçmişdir. Aqrar sektor
fəaliyyətlərinin iqtisadi həyatdakı rolunun daim dəyişildiyi və iqtisadi inkişafın hər bir
mərhələsində yeni məzmun kəsb etdiyi bu müddət ərzində təbii olaraq bu fəaliyyətlərlə bağlı
nəzəri baxışlar və bir növ bu baxışların ümumiləşdirilərək gerçək həyatda reallaşdırlma forması
olan iqtisadi siyasət doktrinaları da dəyişərək inkişaf etmiş və bu günkü səviyyəsinə gəlib
çatmışdır. Bu dəyişiklikləri dünya iqtisadi inkişaf tarixinin üç böyük mərhələsi üzrə xarakterizə
etmək mümkündür: “Birinci dalğa” (first wave) kimi ifadə olunan, kənd təsərrüfatı və təbii
resurslara əsaslanan inkişaf mərhələsi dayanır; İkinci dalğa” (second wave)
kimi ifadə bütövlükdə
həmin dövrə qədər olan sosial, iqtisadi, siyasi və mədəni həyatı dəyişdirmiş sənayeləşmə prossesi
iqtisadi nəzəriyyələri və dövlət siyasətini də bu prossesin sürətləndirilməsi və sənaye sektorunun
inkişaf etdirilməsi yolunda aqrar sektorun rolunun qiymətləndirilməsi və artırılması istiqamətinə
yönəltmişdir; “Üçüncü dalğa” (third wave) kimi ifadə olunan post-sənaye mərhələsi: 1960-70-ci
illərdən başlayan elmi-texniki inqilabla ortaya çıxan və 1980-ci illərdən başlayaraq liberallaşma və
qloballaşma prossesləri ilə birləşən və digər adı informasiya cəmiyyəti dövrü adlanan bu mərhələ
iqtisadi nəzəriyyələr və həyata keçirilən iqtisadi siyasət mexanizmlərində də yeni reallıqları ortaya
çıxarmışdır ki, bu aqrar sahədən də yan keçməmişdir.
Əhalinin ərzaq təhlükəsizliyi problemi XX əsrin 70-ci illərində inkişaf etməkdə olan ölkələrdə
baş verən sosial-iqtisadi proseslərlə əlaqədar olaraq dünya ictimaiyyəti tərəfindən güclü müzakirə
predmetinə çevrildi. O zamanlar qlobal ziddiyyət meydana gəlmişdi. İnkişaf etmiş ölkələrdə ərzaq
məhsullarının ifrat istehsalı bir sıra 3-cü dünya ölkələrində əhalinin kütləvi aclığı və yeməməzliyi
ilə müşayiət olunurdu.
Bəşəriyyət yarandıgı vaxtdan indiyə kimi onu əhatə edən təbiətə təsir göstərir. Hələ ilk ibtidai
yaşayış dövründən insanlar ətraf mühitlə hesablaşmağa məcbur olmuşlar. Çünki müvafiq,əlverişli
sığınacaq yeri seçmək, ərzaq əldə etmək üçün ətraf mühitin xüsusiyyətlərini, vegetasiya,
heyvanların artıb çoxalması, miqrasiya prinsiplərini və s. öyrənmək lazım gəlmişdir. Yüz min illər
ərzində insanlar təbiətin sabit qanunlarına qarşı çıxmaqla, istər-istəməz ətraf mühitin sabitliyinin
pozulmasına cəhd göstərmişlər. Bu vəziyyət müasir dövrdə, yəni elmi-texniki tərəqqi əsrində
xüsusilə kəskinləşmişdir [1].
Sumqayıt Dövlət Universiteti –
“ELMİ XƏBƏRLƏR”– Sosial və humanitar elmlər bölməsi
Cild 12 № 2 2016
76
Təbii sərvətlərdən yüz illərdən bəri kortəbii istifadə etmək ətraf mühitin bütün dünya
miqyasında dəyişilməsinə gətirib çıxarmışdır. Məsələn, təbiətin bir milyard il ərzində yarada bildiyi
təbii sərvəti bəşəriyyət cəmi yüz il müddətində istifadə etmişdir. Təbii sərvətlərin qənaətsiz
istismarı, həmçinin ətraf mühit üçün “əlavə yük” sayılan tullantıların yeni-yeni əraziləri tutmasına
səbəb olmuşdur.
Dünya əhalisini ərzaqla təmin etmək dünya ictimaiyyətinin diqqət mərkəzindədir. Bu mühüm
problem Birləşmiş Millətlər Təşkilatında, Ümumdünya müşavirələrində dəfələrlə müzakirə
edilmişdir. Yer kürəsində üzvi aləmin yaradılması və sərf edilməsi yolları qlobal bir problem kimi
dünya alimləri tərəfindən tədqiq edilmişdir. Son 15 il ərzində “dünya aclığı” problemi üzrə aparılan
tədqiqatlardan məlumdur ki, həqiqətən indi dünya əhalisinin hər üç nəfərindən biri tam ac, biri isə
yarımacdır. Bununla yanaşı, ümumiyyətlə, insanlar arasında zülal aclığı hökm sürür, müxtəlif
fikirlər söylənilsə də zülal çatışmazlığının labüdlüyü mübahisə yaratmır. Dünyada ərzaq
çatışmazlığının əsas səbəblərindən biri istehsal edilən məhsulun qeyri-mütanasib bölüşdürülməsidir.
BMT-nin məlumatına görə mövcud dünya əhalisinin ərzaq təhlükəsizliyini
təmin etmək üçün
indi istehsal olunan məhsulun miqdarını 2 dəfə artırmaq lazımdır.
Ərzaq probleminin yaranmasına səbəb inkişaf etməkdə olan ölkələrdə kənd təsərrüfatının zəif
inkişafı, onun birtərəfli istiqamətdə aparılması və məhsullarının əsas hissəsinin ixrac edilməsidir.
Ərzaq probleminin həlli üçün onun kəskin olduğu ölkələrdə kənd təsərrüfatının inkişafı ekstensiv və
intensiv yollarla aparılması lazımdır. Kənd təsərrüfatının ekstensiv inkişaf yolu çoxlu maliyyə
vəsaiti tələb edir. Ona görə beynəlxalq maliyyə təşkilatlarının və inkişaf etmiş ölkələrin geri qalmış
ölkələrə köməyi lazımdır. Dünyada kənd təsrrüfatına yararlı olan 3,2-3,4 mlrd ha torpaqlardan
hələlik yalnız yarısı istifadə edilir. Lakin dünyanın əksər ölkələrində intensiv yol kənd təsərrüfatının
əsas inkişaf istiqaməti kimi qəbul edilir. Əkinçilik məhsullarının artımının 9/10 hissəsi bunun
hesabına olur.
Dünya Bankının proqnozlarına görə planetin əhalisi 2025-ci ildə 3 mlrd. nəfər artacaq. Bu, əsasən
Asiya regionları hesabına baş verəcək. 3 mlrd. insan qlobal su ehtiyatları böhranı ilə üzləşəcək və su
çatışmazlığından əziyyət çəkəcək, urbanizasiya böhranı olacaqdır ki, nəticədə də yaxın 30 ildə şəhər
əhalisi 3 dəfə artacaq. 2020-ci ildə Afrika əhalisinin üçdə ikisi bu gün heç də iqtisadi artım müşahidə
edilməyən şəhərlərdə yaşayacaqdır. Yaxın 15 ildə dünya əhalisini ərzaqla təmin etmək üçün ya
məhsuldarlığı 3 dəfə artırmaq, yaxud da əkin sahələrini 3 dəfə artırmaq lazım gələcək, lakin reallıq
budur ki, əksər kənd təsərrüfatı bitkilərinin məhsuldarlığı orta hesabla 50%-i təşkil edəcəkdir. Yaxın 30
ildə ərzaq məhsullarının istehsalı yalnız 2 dəfə artacaq. Deməli, demoqrafik böhran, qlobal su ehtiyatları
böhranı, urbanizasiya probleminə ərzaq böhranı da əlavə olunacaq.
Texniki tərəqqinin müasir və getdikcə artan inkişafı ilə əlaqədar quru sahənin xeyli hissəsi
çirklənir və yarasızlaşır. Müasir hesablamalara görə, hər adamın orta təminatı üçün 0,4 hektar əkin
sahəsi lazımdır. Dünya əhalisini qida-ərzaqla təmin etmək üçün yararlı torpaq sahələrinin
imkanlarını azaldan əyani səbəblərdən biri də torpağın çirklənməsidir. Beləliklə, torpaq fondundan
səmərəli istifadə olunarsa, qida qıtlığı azalar. Göstərilən faktlar bir daha sübut edir ki, Yer
kürəsinin quru sahəsinin bütün imkanlarından hələlik hərtərəfli və səmərəli istifadə edilmir.
Ötən əsrin 90-cı illərinin sonlarindan başlayaraq ərzaq təhlükəsizliyi qlobal əhəmiyyətli
problemə çevrilmişdir. Xeyli vaxtdır ki, dünya miqyasında ərzaq təhlükəsizliyi qlobal problem
kimi öz həllini gözləyir. Bununla əlaqədar olaraq, bəşəriyyətin qarşısında duran “zülal aclığı”
aktual problemlərdən biridir. İnana bilmirsən ki, elm və texnikanın yüksək səviyyədə tərəqqi etdiyi
bir dövrdə dünya əhalisinin üçdə iki hissəsi zülal aclığı çəkir. Bugünki təlabata görə bəşəriyyətin
heyvan mənşəli zülala olan ehtiyacı daha kəskindir. Hesablamalara görə hər adamın normal inkişafı
üçün gündə 50-60 qram təbii zülal tələb olunur. Təcrübələr göstərir ki, zülal aclığı zamanı
orqanizmdə ağır keçən və çox vaxt ölümlə nəticələnən xəstəliklər əmələ gəlir [2]. Ərzaq
təhlükəsizliyinin qarşısının alınması öz növbəsində zülal aclığına son qoyar və on milyonlarla
insan həyatının qorunub saxlanılmasında lazımi yardım göstərər. Təbii sərvətlərin qənaətsiz
istismarı, həmçinin ətraf mühit üçün “əlavə yük” sayılan tullantıların yeni-yeni əraziləri tutmasına
səbəb olmuşdur .
Ərzaq təhlükəsizliyi əsas qlobal iqtisadi problem kimi