71
Dünya iqtisadiyyatında qloballaşma genişləndikcə təsərrüfat həyatında baş verən qarşılıqlı
proseslər də artır. Belə şəraitdə milli dövlətlər bir çox hallarda öz mənafelərinin ödənilməsini dünya
bazarı vasitəsilə həyata keçirməyə üstünlük verirlər.
Ayrı-ayrı müəssisə və dövlətlər məhsul satışı və xammal mənbələri uğrunda gedən
rəqabətdə bir-birilə maddi və maliyyə baxımından öz qüvvələrini birləşdirməklə bir çox əlavə
xərclərdən azad olur və birgə qüvvə ilə rəqabətə girmək imkanı əldə edirlər. Beləliklə, milli dövlət
mənafeyi regional mənafeyə çevrilir. Buradan da dünya təsərrüfatındakı qloballaşma prosesi
regionallaşma prosesi ilə tamamlanmış olur. Adətən, inteqrasiya prosesi az və ya çox mənada
qarşılıqlı ticarətin liberallaşdırılması ilə başlanır. Bu hal əmtəələrin, xidmətlərin və kapitalın
hərəkətinin məhdudlaşdırılmasını aradan qaldırır. Tədricən vahid iqtisadi, hüquqi, informasiya
məkanı yaranır. Buradan da yeni keyfiyyətli beynəlxalq iqtisadi münasibətlər meydana gəlir. Qeyd
etməliyik ki, regional inteqrasiya bir çox əlamətləri ilə dövlətlərarası digər əlaqə və formalardan
fərqlənir. Beləliklə:
1.
İnteqrasiyaya daxil olan hər ölkə öz iqtisadi siyasətlərində müəyyən razılığa gəlirlər.
2.
Onlar öz milli qanun vericiliklərinə norma və standartlarını uyğunlaşdırırlar, vahid hala salırlar.
3.
Region daxililində istehsal prosesində vahid texnologiya mövcud olur.
4.
İstehsalda, elm və texnikada beynəlxalq ixtisaslaşma və kooperasiyanın inkişafına zəmin
yaranır.
5.
İnteqrasiya prosesinin tənzimlənməsi məqsədilə vahid idarəçilik orqanları yaradılır.
Beləliklə, inteqrasiya əmtəə itehsalçılarına bir tərəfdən daha təminatlı xammal, maliyyə,
əmək, və elmi ehtiyatlardan istifadə etmək imkanı verir, digər tərəfdən isə daha böyük bazar üçün
əmtəə istehsal etməyə zəmin yaradır.
Bir çox alimlər 1990-cı illəri inteqrasiya proseslərinin yüksək həddi, BİM-də isə
regionlaşmanın intensivləşməsi dövrü adlandırılar. Bu inteqrasiyalaşma 2 formada təzahür edir:
kəmiyyət və keyfiyyət baxımından.
Kəmiyyət baxımından
son onilliklərdə makroregionçuluğun daha geniş xarakter alması,
əvvəlki müvafiq razılaşmaların təzələnməsi və sairəni qeyd etmək olar.
Keyfiyyət baxımından
dərininə regional təsərrüfatçılığın artması, inteqrasiyanın daha yetkin
formalarından istifadə edilməsi cəhətləri diqqəti cəlb edir.
Demokratiya və iqtisadi inkişaf uğrunda təşkilat - GUAM, beynəlxalq regional təşkilatdır.
Onun tərkibinə Azərbaycan, Gürcüstan, Ukrayna və Moldova daxildir. GUAM-ın rəsmi dili ingilis
və rus dilləridir. Əvvəllər təşkilatın tərkibinə Özbəkistan da daxil idi, buna görə də təşkilatın adı
GUÖAM kimi səslənirdi. Lakin sonradan, 2005-ci ilin may ayında Özbəkistan təşkilatın üzvləri
sırasından çıxmışdır. Nəticədə təşkilatın adı bərpa edilmişdir.
GUAM-ın yaranma tarixinə baxsaq, GUAM hazırki institusional formasına çatanadək bir
neçə mərhələ keçmişdir:
1.
GUAM-ın məşvərət forumu- 1997-ci ilin oktyabr ayının 10-da Avropa Şurasının Strasburqda
keçirilən sammiti zamanı
təsis edilmişdir;
2.
GUAM-ın inteqrasiyası – Dövlət başçılarının sammiti çərçivəsində 2001-ci il iyun ayının 7-də
GUÖAM-ın Yalta Xartiyası imzalanmışdır;
3.
Demokratiya və İqtisadi İnkişaf uğrunda Təşkilat - GUAM. 2006-cı ilin may ayının 23-də
GUAM-ın Kiyev sammitində yaradılmışdır. Elə burada təşkilatın Nizamnaməsi imzalanmışdır.[1]
Təşkilatın
Nizamnaməsinə uyğun olaraq, GUAM-ın əsas məqsədləri aşağıdakılardır:
demokratiya dəyərlərinin möhkəmləndirilməsi, qanunun aliliyinin təmin edilməsi və insan
hüquqlarına hörmət;
dayanıqlı inkişafın
təmin edilməsi;
beynəlxalq və regional təhlükəsizlik və stabilliyin möhkəmləndirilməsi;
ümumi təhlükəsizlik məkanının yaradılması üçün Avropaya inteqrasiyanın gücləndirilməsi və
həmçinin, iqtisadi və humanitar əməkdaşlığın genişləndirilməsi;
tərəflərin sosial-iqtisadi, nəqliyyat, enerji, elmi-texniki və humanitar potensialının inkişaf
etdirilməsi;
Rüstəmova G.R.
72
qarşılıqlı maraq kəsb edən sahələrdə siyasi əlaqələr və praktiki əməkdaşlığın fəallaşdırılması.
GUAM-ın stukturu.
Təşkilati strukturuna Şura və Katiblik daxildir. Şura təşkilatın əsas orqanıdır və öz işini
dövlət başçıları (sammit), xarici işlər nazirləri, milli kordinatorlar və daimi nümayəndələr
səviyyəsində təşkil edir. GUAM-ın Kiyev sammitinin qərarlarına uyğun olaraq, Kiyev şəhərində
təşkilatın katibliyi yerləşir və bu orqan Baş katib tərəfindən idarə olunur. Kiyevdə həmçinin
GUAM-ın informasiya ofisi fəaliyyət göstərir. Müxtəlif sahələr üzrə əməkdaşlığın əlaqələndirilməsi
işlərinə işçi qrupu baxır. Təşkilatın işçi və köməkçi orqanları daimi və ya müvəqqəti əsasda
fəaliyyət göstərir və xarici işlər nazirlərinin Şurasının qərarına uyğun olaraq yaradılır. İşçi
dairələrində əməkdaşlığın inkişaf etdirilməsi məqsədilə təşkilatın nəzdində GUAM-ın işçi şurası
fəaliyyət göstərir. 2004-cü ildə GUAM-ın üzv ölkələri müxtəlif beynəlxalq təşkilatlar çərçivəsində
xüsusilə, BMT və ATƏT ilə sıx əlaqələr qurur. 2003-cü ildə GUAM BMT Baş assambleyasında
müşahidəçi statusu əldə etmişdir. [1]
İlk öncə GUAM Azərbaycan Respublikası, Gürcüstan, Moldova Respublikası və Ukrayna
Prezidentlərinin 10 oktyabr 2007-ci ildə Strasburqda
Birgə Kommünike imzalamaqla bu dörd
dövlətin birliyi kimi fəaliyyətə başlamışdır. Kömmünikedə Prezidentlər suverenlik, ərazi bütövlüyü,
sərhədlərin toxunulmazlığı, demokratiya, hüququn aliliyi və insan hüquqlarına hörmət prinsipləri
əsasında Avropada sabitliyin və təhlükəsizliyin gücləndirilməsi məqsədilə dördtərəfli əməkdaşlığın
inkişaf edirilməsinin vacibliyinin vurğulamışlar.
22 may 2005-ci il tarixində GUAM-ın Kişinyovda keçirilmiş
Zirvə Toplantısı üzv
dövlətlərin demokratik cəmiyyət, Avropaya inteqrasiya, iqtisadi inkişaf, regionda sabitlik və
təhlükəsizlik məsələlərinə dair vahid baxışlarını nümayiş etdirmişdir. Dövlət başçıları GUAM
əsasında beynəlxalq təşkilatın yaradılması zərurətinə dair birgə mövqedən çıxış etmişlər və bununla
əlaqədar GUAM Xarici İşlər Nazirləri Şurasına müvafiq qərar vermişlər. [2]
Dövlət başçılarının bu qərarı 22-23 may 2006-cı il tarixində GUAM-ın Kiyev Zirvə
Toplantısı zamanı həyata keçmişdir. Belə ki, 1997-ci ildən mövcud olmuş birlik əsasında
Demokratiya və İqtisadi inkişaf naminə Təşkilat – GUAM təsis olunmuşdur.
7 iyun 2001-ci ildə Yaltada təşkil olunmuş GUAM-ın ilk Zirvə Toplantısı onun beynəlxalq
struktur kimi formalaşması və institusionallaşmasında böyük rol oynamışdır. [3]
Dövlət başçıları tərəfindən imzalanmış GUAM-ın Yalta Xartiyası iştirakçı dövlətlər arasında
əməkdaşlığın
məqsədlərini, prinsiplərini və istiqamətlərini müəyyənləşdirmişdir.
Kiyev Zirvə Toplantısında Prezidentlər
GUAM-ın Nizamnaməsini qəbul etmişdir. GUAM-
ın Nizamnaməsinə görə demokratik dəyərlərin bərqərar olunması, davamlı inkişafın təminatı,
beynəlxalq və regional təhlükəsizliyin gücləndirilməsi, Avropaya inteqrasiya, üzv dövlətlərin
iqtisadi, humanitar və sosial sahələrdə əməkdaşlığının genişlənməsi təşkilatın başlıca məqsədlərini
təşkil edir.
GUAM dövlət başçıları tərəfindən Kiyev Zirvə Toplantısında qəbul
olunmuş
“Demokratiya
və İqtisadi inkişaf naminə Təşkilat – GUAM-ın yaradılması haqqında Kiyev
Deklarasiyası”nda aşağıdakı məqamlar və vəzifələr qeyd olunmuşdur:
- demokratiyanın möhkəmləndirilməsi, əsas insan hüquqları və azadlıqlarının qorunması,
dövlətlərin iqtisadi inkişafının və təhlükəsizliyinin və sabitliyin təmin olunması;
- GUAM dövlətlərinin davamlı inkişafı məqsədilə dinamik iqtisadi artım, sosial ahənglik və ətraf
mühitin mühafizəsi vasitəsilə qarşılıqlı əlaqələrinin
gücləndirilməsi;
- bu dövlətlərin suverenliyini, ərazi bütövlüyünü və azadlığını dağıdan, tam miqyaslı demokratik
islahatların həyata keçirilməsini və regionun iqtisadi inkişafını çətinləşdirən, Avro inteqrasiyaya
mənfi təsir göstərən və bütün dünya birliyinə çağırış törədən həll olunmamış münaqişələrin
nizamlanması məqsədilə fəal əməkdaşlıq;
- beynəlxalq terrorizm, ekstremizm və aqressiv separatizm, həmçinin onunla bağlı olan digər mənfi
hallarla mübarizə sahəsində əməkdaşlığın gücləndirilməsi;
- iqtisadiyyat, ticarət və nəqliyyat sahəsində əməkdaşlığın dərinləşdirilməsi və Azad Ticarət
Zonası haqqında
sazişin həyata keçirilməsi;
Gürcüstan, Ukrayna, Azərbaycan, Moldova (GUAM) – MDB məkanında
inteqrasiyanın bariz nümunəsi kimi