19
BAKI UNİVERSİTETİNİN XƏBƏRLƏRİ
№3
Sosial-
siyasi elmlər seriyası
2012
UOT 341.23
ƏRZAQ TƏHLÜKƏSİZLİYİNİN SƏVİYYƏLƏRİ
VƏ ONUN TƏMİN OLUNMASI YOLLARI
A.A.MƏHƏRRƏMOV
*
, N.İ.RƏHİMOV
**
Bakı Dövlət Universiteti
*
AMEA Fəlsəfə, Sosiologiya və Hüquq İnstitutu
**
amagerramov@hotmail.com
*
nishat_85@mail.ru
**
Məqalədə beynəlxalq və milli səviyyədə ərzaq təhlükəsizliyi problemi, həmçinin onun
həlli yolları və istiqamətləri mövcud beynəlxalq-hüquqi sənədlər və müxtəlif dövlətlərin
qanunvericilik praktikası əsasında geniş təhlil edilir. Göstərilir ki, dünya ictimaiyyəti ərzaq
təhlükəsizliyinin təmin olunması probleminin həllinə beynəlxalq səviyyədə nail olmağa çalışır.
Milli səviyyədə ərzaq təhlükəsizliyinin təmin olunması isə yalnız effektiv dövlətdaxili
qanunvericilik bazasının mövcudluğu şəraitində mümkün ola bilər.
Açar sözlər: ərzaq təhlükəsizliyi, beynəlxalq standartlar, dövlətdaxili qanunvericilik,
aclıq, ərzaq məhsulları, BMT sistemi, Ərzaq və Kənd Təsərrüfatı Təşkilatı, ərzaq ehtiyatları,
dövlət tənzimlənməsi
Hal-
hazırda dünya ölkələrini narahat edən əsas problemlərdən biri həm
beynəlxalq, həm də milli səviyyələrdə ərzaq təhlükəsizliyinin təmin edilməsi
ilə bağlıdır. BMT-nin Ərzaq və Kənd Təsərrüfatı Təşkilatının (FAO) məlu-
matına əsasən, hazırda dünyada 1 milyard nəfərə yaxın insan aclıq içərisində
yaşayır (8).
Dünya ərzaq təhlükəsizliyinin obyekti bütün bəşəriyyət hesab olunur və
əhalinin hər hansı hissəsinin daimi olaraq aclıq içində yaşaması onu göstərir
ki, həqiqətən dünyada xroniki ərzaq təhlükəsizliyi hökm sürür. Buna görə də,
dünya birliyi qarşısında onun bütün əhalisini aclıq və yemək azlığından xilas
edə biləcək təminat sistemi yaratmaq vəzifəsi dayanır.
Ümumdünya ərzaq təhlükəsizliyi konsepsiyası ilk dəfə olaraq 1973-cü
ildə FAO-da irəli sürülmüşdür. Bununla belə, Ümumdünya ərzaq təhlükəsizli-
yi əsas etibarilə dünyanın bütün ölkələrində qida məhsullarının əldə edilməsi
şəraitində ərzaq malları bazarlarında stabilliyin qorunub saxlanması kimi başa
düşülür.
20
1974-
cü ildə BMT Baş Məclisi FAO-nun tövsiyələri əsasında işlənib
hazırlanan Dünyada ərzaq təhlükəsizliyinin təmin olunması üzrə Beynəlxalq
öhdəlikləri dəstəklədi. Bu tövsiyələrdə ərzaqların beynəlxalq səviyyədə koor-
dinasiyası zamanı onların ehtiyatlarının yaradılması, inkişaf etməkdə olan
ölkələrdə ərzaq saxlanması yerlərinin tikilməsi və istehsalın artırılmasına
yardım etmək məqsədilə iqtisadi kömək edilməsi, ərzaq məhsullarının ticarəti
və istehsalı məsələləri üzrə qlobal məlumatlar sisteminin yaradılması,
ümumdünya ərzaq təhlükəsizliyi məsələləri üzrə müntəzəm hökumətlərarası
konsultasiyaların keçirilməsi nəzərdə tutulurdu (5, 11-12).
Lakin dünya ərzaq təminatları tam olaraq yaradıla bilmədi. Səbəb isə
dünya ölkələrinin öz milli ərzaq təhlükəsizliyinə və milli maraqlarına daha çox
üstünlük verməsi idi.
Bəs, dünya ərzaq təhlükəsizliyinin əsl məqsədi və meyarı nədir?
Aclıq və yemək azlığı dünyanın və bəşəriyyətin mövcudluğunun sta-
billiyinə yönəlmiş hərbi və iqtisadi təhlükələrlə eyni sırada dayanır. Aclıq
çəkən insanlara gün ərzində 1520 kkal qəbul edənlər aid edilir. Mövcudluq və
yüngül fiziki əmək üçün ilkin ərzaq tələbatı isə günə 2150 kkal-dır (2). FAO
dünyada aclıq çəkən insanların sayını 800 milyon, ilkin tələbatlarını ödəyə
bilən və aclıq və yemək azlığından əziyyət çəkmə ehtimalı olanların sayını 1
milyarddan çox müəyyən etmişdir.
Ərzaq vasitəsilə humanitar yardım, eləcə də ərzaq və beynəlxalq ticarət
hazırda mövcud olan dünya iqtisadi qaydası əsasında dünya ərzaq təhlükə-
sizliyini təmin etmək iqtidarında deyil. Lakin ayrı-ayrı ölkələrdə, xüsusən də
inkişaf etmiş ölkələrdə onun təhlükəsizliyinə riayət edilir.
Dünya ərzaq təhlükəsizliyi hər bir ölkənin öz milli ərzaq təhlükəsizliyini
təmin etmə imkanlarının məcmusundan yaranır. “Milli ərzaq təhlükəsizliyi”nə
verilən dəyər öz spesifikliyi ilə seçilir. Bu spesifiklik öz növbəsində kənd
təsərrüfatı istehsalının təbiət iqlim şərtlərinin obyektiv müxtəlifliyindən,
iqtisadi inkişafın qeyri-bərabərliyindən, tətbiq strukturundakı fərqlərdən, milli
rej
imi, daxili iqtisadi əlaqələri istiqamətləndirmə özəlliklərindən asılıdır.
Milli ərzaq təhlükəsizliyi
Dövlətin ərzaq təhlükəsizliyini onun iqtisadi və milli təhlükəsizliyini
yaradan iqtisadi sisteminin əsas keyfiyyət göstəricisi kimi nəzərdən keçirmək
lazımdır. Bütün tarix boyunca, əhalinin ərzaq təhlükəsizliyinin stabilliyinin
təmin olunması ən mühüm dövlət problemlərindən biri olmuşdur. Çünki milli
təhlükəsizlik birbaşa olaraq ondan asılı idi.
Milli ərzaq təhlükəsizliyi hər şeydən əvvəl, milli dövlət təhlükəsizliyinin
əsas tərkib elementidir və bu xüsusda, mövcud sistemin iqtisadi dayanıqlılığı
və siyasi müstəqilliyini, milli dövlət maraqlarına zərər vurmadan vətəndaşları-
nın birinci dərəcəli, elementar tələblərini qarşılama imkanını xarakterizə edir.
Qe
yd edilən halda ərzaq təhlükəsizliyinin anlayışının 2 aspekti nəzərdən ke-
çirilməlidir.
21
Birinci – sosial-iqtisadi aspekt –
dövlətin qəbul olunmuş norma və stan-
dartlarına uyğun olaraq öz vətəndaşlarını əsas yeyinti məhsulları ilə təmin et-
mək imkanını xarakterizə edir. Bu aspekt Ümumdünya ərzaq təhlükəsizliyi
haqqında Roma bəyannaməsi ilə “bərabər qidalanma və yaşamaq hüququna
müvafiq olaraq, hər bir kəs sağlamlıq üçün təhlükə yaratmayan qida məhsul-
larını əldə etmək imkanı”nın mövcudluğunu isbat edir (10, 3).
İkinci – siyasi-iqtisadi aspekt – dövlətin əhalisinin öz istehsalı hesabına
ərzaqla təchiz olunması və bununla da daxili iqtisadi müstəqilliyinə və siyasi
suverenliyinə zəmanət verməsi istiqamətində daxili resurslarını və aqroiqtisadi
potensialını səfərbər etmək imkanını xarakterizə edir.
Milli ərzaq təhlükəsizliyi dünya ərzaq təhlükəsizliyinin elementidir. Ro-
ma bəyannaməsində aqrar istehsalın tənzim edilməsi üzrə milli sistemin kö-
məyi ilə beynəlxalq ərzaq təhlükəsizliyinin təmin olunmasının əsas istiqamət-
ləri 2 mühüm tezislə ifadə olunmuşdur:
1)
Yüksək və ya aşağı potensialı olan ərazilərdə ərzaq, kənd təsərrüfatı,
meşə, balıqçılıq sahəsində təcrübəyə və dayanıqlı siyasətə riayət
edil
məsi; hər bir dövlətin resurslarının və milli aqro-iqtisadi poten-
sia
lının ümumdünya ərzaq resurslarının artımına gətirib çıxaran
səfərbərliyi və maksimal səviyyədə istifadəsi;
2)
ərzaq, kənd təsərrüfatı və ümumi ticarət siyasətinin dünya ticarət ba-
zarı sistemində ədalətli yolla ərzaq təhlükəsizliyinə gətirib çıxar-
masına şəraitin yaradılması (10, 3).
Göstərilənlərə əsasən, milli ərzaq təhlükəsizliyi meyarının əsasını ilk
növbədə, onun iqtisadi təhlükəsizliyinə istiqamətlənən əsas daxili və xarici
təhlükələrin xüsusiyyətləri yaradır. Məsələn, «RF iqtisadi təhlükəsizliyinin
döv
lət strategiyası (Əsas müddəalar)» uyğun olaraq, qeyd olunan xarakterik
təhlükəli meyarlara aid edilir (11):
-
əhalinin yoxsulluq səviyyəsinin yüksəlməsi və əhali içərisində əmlak
differensiasiyası;
-
milli iqtisadiyyatın strukturunun deformasiyası, yanacaq-energetika
sahəsinin gücləndirilməsi;
-
milli əmtəələrin bir çoxunun daxili bazardan sıxışdırılması;
-
mühüm sahələrdə istehsalın zəifləməsi;
-
regionların sosial-iqtisadi qeyri-bərabərliyinin yüksəlməsi.
Sadalananların milli təhlükəsizliyə təhlükə yarada biləcəyi ehtimallarının
reallığa uyğunluq meyarı üçün göstəricilər məcmusu (“həyəcan indikatorları”)
ərzaq bazarının vəziyyətinin faktiki göstəriciləri və ərzaq bazarlarının ölkə-
lərarası müqayisəsinin nəticələrindən istifadə olunmuşdur.
İkincisi, aşağıda qeyd olunanlar daxil olmaqla, iqtisadiyyat sferasında
mühüm milli maraqlar sistemi (yuxarıda adıçəkilən sənəddə göstərilir):
-
ölkənin xalq təsərrüfatının xarici təsirlərə minimum məruz qalaraq, müs-
təqil şəkildə öz istehsalını genişləndirmə rejimində funksionallaşması;
22
-
sosial-
iqtisadi stabilliyi müəyyən edən əhalinin həyat səviyyəsinə nail
olunması və onun qorunması;
-
vahid iqtisadi məkanın qorunması;
-
iqtisadi proseslərin ehtiyac duyulan dövlət tənzimlənməsi ilə təmin
edilməsi və s.
Üçüncüsü, FAO-
nun ərzaq təhlükəsizliyi meyarına ümümmetodoloji
yanaşmaları, eyni zamanda milli istehsal (istehsalçılar) üçün maddi zərər və
maddi zərər təhlükəsinin GATT/ÜTT sənədlərində əks olunan göstəriciləri.
Milli istehsala dəyən mühüm zərərin obyektiv meyarları 1995-ci ildə qüvvəyə
minən ÜTT-nin Müdafiə meyarları haqqında xüsusi Razılaşması ilə müəyyən
edilmişdir. Bu meyarlar sırasında mövcuddur: xarici malların ölkəyə daxil
olması həcmi və səviyyəsi, onların milli bazarda payı, satış səviyyəsi və milli
malların istehsalı səviyyəsinin dəyişdirilməsi, istehsal obyektlərinin intensiv
əməyi, məşğulluq dinamikası və s.
Ərzaq təhlükəsizliyinin miqdar meyarı iki qrup göstəricinin köməyi ilə
müəyyən edilir:
1)
müxtəlif gəlirləri olan əhali qrupları üçün differensasiya hesablamaları
ilə əsas qida məhsullarının istifadə dinamikası və səviyyəsi;
2)
ölkənin özünü ərzaqla təmin etmə səviyyəsi, o cümlədən, əsas qida
məhsulları baxımından.
Hər iki qrupun tərkibində faktiki və normativ (meyarlar) göstəricilər
fərqləndirilir. Sonuncular öz iqtisadi təbiətinə görə adıçəkilən göstəricilərdən
minimal (maksimal) yol verilə bilən “hədlər” hesab olunur. Birinci qrup üçün
bu cür normalar tibbi normalar, elmi əsaslandırılmış sosial normalar və s. ola
bilər. Ölkənin özünü ərzaqla təmin etməsinin dəyərləndirilməsi zamanı dünya
praktikasında ərzaq müstəqilliyi meyarı qismində, ölkəyə xaricdən gələn ər-
zaq
lar üçün onların ölkədə ümumi istifadəsi üçün tələb olunan həcminin
30%lik həddi müəyyən olunur. Hesab edilir ki, göstərilən həddin aşılması
digər ölkələrdən strateji asılılığa səbəb ola bilər.
Qeyd olunan göstəricilərdən əlavə, milli əmtəə istehsalçıları üçün
iqtisadi-
maliyyə qaydalarını, o cümlədən ərzaq idxalı ilə əlaqədar qaydaları
xarakterizə edən faktiki və proqnoz göstəriciləri sistemindən istifadə etmək də
məqsədəuyğundur (4, 57-59).
Ərzaq təhlükəsizliyi konsepsiyası milli səviyyədə özünü ərzaqla təmin
etmək mənasını ifadə etmir. Konsepsiya belə bir fikri irəli sürür ki, ölkə öz
ehtiyacları üçün kifayət qədər ərzaq istehsal etməlidir, lakin əgər fərqli səbəb-
lərdən bunu edə bilmirsə, o zaman tələb olunan ərzaqları idxal etmək
iqtidarında olmalıdır.
Milli ərzaq təhlükəsizliyi haqqında daha dolğun təsəvvür yaratmaq üçün
nəinki inkişaf etmiş ölkələrin, eləcə də, keçid iqtisadiyyatı olan ölkələrin
təcrübəsinə nəzər salmaq lazımdır.
Dünya ölkələrinin əksəriyyəti milli ərzaq təhlükəsizliyinin təmin olun-
23
ması istiqamətində normativ-hüquqi baza formalaşdırırlar. Artıq qeyd etdiyi-
miz kimi, ərzaq təhlükəsizliyinin milli səviyyəsi qida məhsullarının istehsal və
istehla
kının balanslaşdırılmasını tələb edir, buna baxmayaraq, milli höku-
mətlər səviyyəsində milli ərzaq təhlükəsizliyinin əsası kimi kənd təsərrüfatının
inkişafı sahəsinə daha çox diqqət ayrılır.
Dünyanın müxtəlif ölkələri fonunda təbii ki, inkişaf etmiş ölkələrin
təcrübəsi fərqləndirilir. Bu ilk növbədə ABŞ-dır. Ölkənin ərzaq kompleksi ən
proteksionist müdafiəsi olanlara aid edilir. Bunun üçün şəxsi kənd təsərrüfatı
və təbii resurslarının müdafiəsi hesabına ərzaq stabilliyinin təmin edilməsinə
xidmət edən xüsusi normativ aktlar qəbul olunmuşdur.
Hələ 1933-cü ildə ABŞ-ın aqrar siyasətinin əsasında paritet konsepsiya-
sının dayandığını müəyyən edən “Kənd təsərrüfatının tənzimlənməsi haqqın-
da” Qanun qəbul edilmişdi və ABŞ aqrar siyasətini indiyə qədər bu konsepsi-
ya
ya istinad edərək yeridir. Real olaraq, paritetə görə, hər il kənd təsərrüfatının
müvafiq ərzaq istehsalı fermerə müvafiq ölçüdə mal və xidmət əldə etmək
imkanını təmin etməli, başqa sözlə desək, müvafiq real istehsal həcmi eyni
real gəlir verməlidir (7, 248).
Paritetə kənd təsərrüfatı məhsulları üçün müəyyən olunmuş dəyər
siyasəti hesabına nail olunur. ABŞ-ın kənd təsərrüfatında dövlət dəstəyi dəyər-
lərinin 2 növü mövcuddur: məqsədli (zəmanətli) və girov. Məqsədli – kənd tə-
sərrüfatı məhsullarının daha önəmli növləri üçün tətbiq olunur. Onlar xərclərin
əvəzinin ödənilməsi (onun tərkibinə fermer kapitalının orta gəlir norması
torpaq rentası üçün haqq daxildir) və müvafiq gəlir üçün nəzərdə tutulurlar.
Ümumilikdə, məqsədli dəyərlərin səviyyəsi elə hesablanıb ki, onlar orta və
aşağı səviyyəli xərcləri olan fermalarda artırılmış istehsalın özünü maliy-
yələşdirməsi üçün lazım olan gəlir səviyyəsinə zəmanət versin (14).
Girov dəyərinə uyğun olaraq, fermer bütün məhsulu bazar qiymətlərinin
girov dəyərindən aşağı olduğu hal üçün Ticarət-kredit korporasiyasına girov
qoyur. 1985-
ci il tarixli Kənd təsərrüfatı qanunları paketinin müddəalarına
uyğun olaraq, ABŞ fermerlərinə öz məhsullarını azad bazarda satmaq, bazar
qiymətlərinin qalxmasını gözləyərək saxlanılmaya vermək, Ticarət-kredit
korporasiyasına girov qoymaq hüququ vardır (6, 88).
Ərzaq təhlükəsizliyi haqqında 1985-ci il Qanununun strukturu faktiki
olaraq, 1980 və 1990-cı illərin 5 illik qanunlarının strukturunu təkrarlayır.
Qanun konkretdir və 4 hissədən ibarətdir:
1.
Mühüm məhsul qruplarının dəstəklənməsi. Onlara aiddir: arpa, buğda,
süd və süd məhsulları, düyü, yer fındığı, qənd.
2.
Strukturlu siyasətin həyata keçirilməsi. Daha dəqiq desək, bu siyasətin
istiqamətlərinə aid edilir: kənd təsərrüfatı fəaliyyətinin sığortalanması,
kənd təsərrüfatının inkişafı üzrə çoxsaylı dövlət proqramlarının mə-
nimsənilməsi, təcrübə stansiyaları və kənd təsərrüfatı məktəblərinin
yaradılması, sertifikatlaşdırılmış tədbirlərin maliyyələşdirilməsi, fer-
24
mer
lərin məhsul saxlama məkanlarının təkmilləşdirilməsi, milli siste-
min beynəlxalq şəbəkəyə daxil etməklə kənd təsərrüfatı informasiyası
ilə təmin edilməsi və digərləri.
3.
Sahənin maliyyə cəhətdən sağlamlaşdırılması. Misal üçün, gəlirlərinin
səviyyəsini saxlamaq üçün fermerlərə birdəfəlik yardımların edilməsi,
kredit və güzəştli faizlərin ayrılması, maye yanacaqla təmin etməyə
zəmanət, gəliri az olan maliyyə korporasiyalarının inkişafını dəstək-
ləmə, ərzaq talonlarının (kuponlarının) verilməsi, xüsusi kreditlərlə
(fermerlər üçün) ödəmələrin köçürülməsi və digər tədbirləri göstərmək
olar.
4.
Kənd təsərrüfatı sahəsində ixracın açıq siyasi məqsədlər güdən ərzaq
yardımı proqramının tərkib hissəsi kimi subsidiyalaşdırılması.
Bütün parametrlərinə görə, bu Qanun ərzaq kompleksinin yalnız ABŞ
i
qtisadiyyatı və müdafiəsi üçün deyil, eləcə də, liderlik edən beynəlxalq
mövqelərə nail olmaq üçün vacib siyasi sənəd hesab olunur.
Qeyd etmək lazımdır ki, Avropa İttifaqı ölkələrinin təcrübəsi amerikan
təcrübəsindən bir qədər fərqlidir. Avropanın birləşməsinə baxmayaraq, kənd
təsərrüfatına münasibətdə hər bir ölkənin öz qanun və qaydaları qüvvədə qalır.
Lakin Avropa İttifaqının inkişaf planına müvafiq olaraq bu normalar da uni-
fikasiya edilir.
Almaniya Aİ-nin ən çox inkişaf edən ölkələrindən biri hesab olunur.
Almani
yada hələ 1955-ci ildə “Almaniyanın kənd təsərrüfatı haqqında”
Qanunu qəbul olunmuşdu. Qanunda birbaşa olaraq göstərilir ki, dövlət əhali-
nin ərzaqla strateji baxımdan təmin olunması problemini nəzarətdə saxlamalı,
ərzaq fondları formalaşdırmalı, iqtisadi stimullaşdırmanın bütün meyarlar
komp
leksindən istifadə etməməli, ərzaq təminatı məsələsini üçüncü dövlətlər-
dən asılı hala gətirməməlidir. Bundan əlavə, 1979-cu ildə “Ərzaq təminatı
haqqında” növbəti qanun qəbul edilmişdir. Sonuncu qanunda dövlətin ərzaq
təminat sisteminə münasibətdə vəzifələri daha ciddi formada ifadə olun-
muşdur. Almaniyanın ayrı-ayrı torpaqlarında kənd təsərrüfatı və ərzaq təminatı
münasibətləri özlərinin qəbul etdiyi xüsusi normativ sənədlərlə nizamlanır.
Avropa İttifaqının digər inkişaf etmiş ölkəsi olan Fransada “Kənd
təsərrüfatı istehsalının stabilliyinin təmin edilməsi haqqında” Qanuna uyğun
olaraq, kənd təsərrüfatı nazirliyinə milli aqrar siyasətin hazırlanması və onun
həyata keçirilməsi tapşırılmışdır. Bundan əlavə, 1960-cı ildə “Kənd təsər-
rüfatının dəstəklənməsi haqqında” Qanun, 1964-cü ildə “Kənd təsərrüfatı
strukturu haqqında” Qanun qəbul olunmuşdu.
Çinin bu sahədə təcrübəsi olduqca maraqlıdır. 70-ci illərin sonunda 30 il
ərzində təsərrüfatın sosial prinsipləri üzərində ölkənin iqtisadi modernləşdiril-
məsinə nail olmağa çalışan Çin dərin böhran vəziyyətinə düşdü. Bir çox
əyalətlərdə xroniki aclıq hökmran olmuş, qida qəbulu səviyyəsi kritik səviy-
yədən aşağı düşmüşdü. Söhbət çoxsaylı əhalinin sağ qalmağından gedirdi.
25
Çin islahatlarının addımbaaddım həyata keçirilməsinə baxmayaraq,
dəyişikliklər məhz kənd təsərrüfatından başladı. 1978-ci ilin sonundan etibarən
aqrar sektora kapital qoyuluşunun artırılması cəhdləri edilməyə başladı. Lakin
onlar yalnız daha məhsuldar torpaqları və əlverişli təbii resursları olan azsaylı
kənd rayonlarına çatırdı. Ölkədə olan çoxsaylı yoxsul regionlar və təsərrüfatlar
dövlətin köməyinə arxalana bilmir və yalnız öz güclərinə dayanırdılar. Yoxsul
ərazilərdə yaşamağa çalışan ailələr kommunalarda deyil, əvvəlki ənənəvi
qaydada –
öz ailəsinin gücünə sadə təsərrüfat yaratmağa çalışırdılar. Bu, “ailə
podratı” adlanırdı. Beləliklə, Çində xüsusi sektor dövlətlə əlaqə yarada biləcək
normativ aktlarsız inkişaf edirdi. Odur ki, Çində islahatların başlanğıcı əha-
linin “aşağıdan” fəaliyyətə başlaması ilə başlamışdır. Bu Çin islahatlarını digər
ölkələrin islahatlarından fərqləndirən əsas spesifik cəhəti hesab olunur. Çünki
həmin ölkələrdə bir qayda olaraq, islahat “yuxarıdan aşağı” və çox zaman
əhali tərəfindən dəstək verilmədən həyata keçirilirdi.
1980-
ci ildə “Kollektiv mülkiyyət çərçivəsində kənd təsərrüfatında
məsuliyyət sisteminin möhkəmləndirilməsi” haqqında sənəd qəbul olundu. Bu
sənədlə əhalinin torpaq əraziləri əldə etmək və ondan istifadə etmək, istehsal
etdiyi məhsulları bazarda satmaq hüquqlarından istifadə edə bilərdi.
İnkişaf etmiş və keçid iqtisadiyyatlı ölkələrin təcrübələrinin tədqiqi
zamanı aşağıdakı nəticələri əldə etmiş oluruq:
1.
Müasir dövrdə ərzaq təhlükəsizliyi məsələləri dünyanın müxtəlif
ölkələrinin təcrübəsində mövcuddur.
2.
İnkişaf etmiş ölkələrin təcrübəsi göstərir ki, dövlətin kənd təsərrüfa-
tına münasibətdə yeritdiyi siyasəti əsas etibarilə proteksionist xarak-
ter daşıyır.
3.
Kənd təsərrüfatı istehsalının tənzimlənməsi istehsalçıların dəyər
mexanizmi ilə həvəsləndirilməsi hesabına həyata keçirilir.
4.
Hər bir dövlətin ərzaq sahəsində qanunvericilik bazasını yaradan qa-
nun
ları və digər normativ sənədləri daha öncədən yaradılmış qanun-
vericilik aktlarının bünövrəsi üzərində qurulur və öz milli adətlərinə
əsaslanır.
5.
Keçid iqtisadiyyatlı ölkələrdə iki növ kənd təsərrüfatı dəyişdiril-
məsinə təsadüf edilir: “şok terapiyası” prinsipi və addımbaaddım də-
yişdirilmə prinsipi.
Bütövlükdə, ərzaq təhlükəsizliyi problemi kompleks xarakter daşı-
maqla,
ərzaq istehsalı, qida məhsullarının istehlakı, idxal imkanları və dövlətin
ərzaq siyasəti kimi məsələləri özündə əks etdirir. Müasir şəraitdə ərzaq təh-
lükəsizliyi nəinki kənd təsərrüfatının yüksək göstəricilərini, həm də rasional
istehlak strukturunu, laz
ımi miqdarda valyuta ehtiyatlarının və ərzaq təhlü-
kəsizliyinə digər təsir vasitələrinin mövcudluğunu nəzərdə tutan sabit iqtisadi
vəziyyəti ifadə edir. Ərzaq təhlükəsizliyi ölkənin bütövlükdə kənd təsər-
rüfatının və iqtisadiyyatının elə bir vəziyyətini ifadə edir ki, burada əhalinin
26
ərzaq tələbatı kəmiyyət və keyfiyyət etibarilə tam həcmdə təmin olunur.
Beləliklə, qeyd etmək lazımdır ki, universal səviyyədə ərzaq təhlükəsiz-
liyinin təmin olunması probleminin həllinə dünya ictimaiyyəti məhz BMT
sistemi çərçivəsində nail olmağa çalışır. Bu mənada BMT sisteminə daxil olan
Ərzaq və Kənd Təsərrüfatı və Ümumdünya Səhiyyə Təşkilatının rolunun
danılmazdır. Göstərilən sahədə qarşıda duran vəzifələrin yerinə yetirilməsinin
başlıca şərtləri, bir tərəfdən, kənd təsərrüfatı və ərzaq məhsullarının isteh-
salının artırılması, digər tərəfdən isə yeni iş yerlərinin yaradılması, əhalinin
sosial müdafiəyə daha çox ehtiyacı olan qruplarının gəlirlərinin, minimum
pensiya və əmək haqlarının artırılması və ehtiyac meyarının səviyyəsinin
yaşayış minimumuna çatdırılmasından ibarətdir.
Hazırda dünya ictimaiyyəti ərzaq təhlükəsizliyinin təmin olunması
probleminin həllinə beynəlxalq səviyyədə nail olmağa çalışır. Milli səviyyədə
ərzaq təhlükəsizliyinin təmin olunması isə yalnız effektiv dövlətdaxili qanun-
vericilik bazasının mövcudluğu şəraitində mümkün ola bilər.
ƏDƏBİYYAT
1.
Балабанов В.С. Борисенко Е.Н. Продовольственная безопасность: международные и
внутренние аспекты. М.: Экономика, 2002, 552 c.
2.
Бурдуков П.Т., Саетгалиев Р.З. Россия в системе глобальной продовольственной
безопасности. http://www.duel.ru/publish/burdakov/glob.html
3.
Графкина М.В., Михайлов В.А., Нюнин Б.Н. Безопасность жизнедеятельности.
Учебник. М.: Проспект, 2008, 608 с.
4.
Гумеров Р.Р. Как обеспечить продовольственную безопасность страны? // Россий-
ский экономический журнал, 1997, №9, с. 57-69.
5.
Крузе Х. Создание эффективных систем продовольственной безопасности в усло-
виях глобализации // Аграрное и земельное право, 2009, №2, с. 9-16.
6.
Кучуков Р., Савка А. Механизм регулирования цен в аграрном секторе развитых
стран // Экономист, 1999, №6, с. 87-90.
7.
Макконнел К., Брю С. Экономикс: принципы, проблемы и политика. В 2-х томах. Т.
II
. М.: Туран, 1996, 400 с.
8.
Общая теория национальной безопасности: Учебник // Под общ. ред. А.Прохожева.
М.: РАГС, 2002, 320 с.
9.
Право на питание. 56-я сессия Генеральной Ассамблеи. ООН, 2001.
10.
Римская декларация по Всемирной продовольственной безопасности // АПК: эко-
номика и управление, 1997, №2, с. 3-7.
11.
Российская газета, 1996, 14 май.
12.
Файзуллин Г.Г. Роль государства в обеспечении продовольственной безопасности:
международно-правовой аспект // Право и государство, 2008, №8, с. 72-76.
13.
Food Safety Strategic Planning Meeting. Report of a WHO Strategic Planning Meeting, 20-
22 February 2001. World Health Organization (WHO). Geneva, Switzerland, 2001, 32 p.
14.
Foreign Agricultural Trade of USA // FAO review 1970-1980 years.
15.
http://www.fao.org
16.
http://www.usda.gov
27
УРОВНИ ПРОДОВОЛЬСТВЕННОЙ БЕЗОПАСНОСТИ И
ПУТИ ИХ ОБЕСПЕЧЕНИЯ
А.А.МАГЕРРАМОВ, Н.И.РАГИМОВ
РЕЗЮМЕ
В статье проблема продовольственной безопасности на международном и нацио-
нальном уровнях, а также пути и направления их решения анализируются на основе
действующих международно-правовых документов и законодательной практики раз-
личных государств. Отмечается, что мировое сообщество пытается разрешить проблему
обеспечения продовольственной безопасности в универсальном уровне. А обеспечение
продовольственной безопасности на национальном уровне возможно лишь в условии
существования эффективного внутригосударственного законодательства.
Ключевые слова: продовольственная безопасность, международные стандарты,
внутригосударственное законодательство, голодание, продовольственные продукты,
система ООН, Продовольственная и сельскохозяйственная организация, продоволь-
ственные запасы, государственное регулирование
LEVELS OF FOOD SAFETY AND WAYS OF ITS MAINTENANCE
A.A.MAHARRAMOV, N.I.RAHIMOV
SUMMARY
The article analyzes the problem of food safety at international and national levels,
and studies ways and directions of their solution on the basis of effective international legal
documents and legislative practice of various states. It is noticed, that the world community
tries to resolve the problem of maintenance of food safety at universal level. Maintenance of
food safety at national level is only possible under the availability of effective internal legisla-
tion.
Key words: food safety, international standards, internal legislation, hunger, foodstuff, UN
system, Food and Agricultural Organization, food stocks, state regulation
Dostları ilə paylaş: |