253
kanamisin və kapreomisindir. Böyrək çatışmazlığı (BÇ) digər dərman vasitələrindən də yarana
bilər, məsələn, qeyri-steroid iltihab əleyhinə dərman vasitələri, APF inhibitorları,
sulfanilamidlər, diuretiklər. Həmçinin sepsis və vaskulitlər kimi yanaşı gedən xəstəliklərdə BÇ-
yə səbəb ola bilər. BÇ ehtimalı yaşlılarda, müalicənin əvvəlində artıq böyrəkləri zədələnmiş və
digər ağır yanaşı xəstəlikləri olan xəstələrdə daha yüksəkdir.
Nefrotoksik təsir riskini əlavə maye qəbulu və ya parenteral müalicə qəbul edən xəstələrdə
nefrotoksik təsirə malik dərmanların qəbulunun dayandırılması ilə əldə etmək olar. Müalicədən
əvvəl BÇ müəyyən edilmiş bütün xəstələrdə kreatinin klirensi əsasında vərəm əleyhinə
dərmanların dozalarının uyğunlaşdırılmasını aparmaq lazımdır. Turşu-qələvi və elektrolit
balansının pozulmasının BÇ-nin ağır nəticələri olduğu üçün, kreatinin və/və ya sidik cövhəri
səviyyəsinin artması aşkarlandıqda qanın biokimyəvi müayinəsi aparılmalıdır. Kretinin və/və ya
sidik cövhərinin səviyyəsinin cüzi artması zamanı parenteral terapiyanı davam etdirmək olar.
Toksik təsirin azaldılması üçün dozanı azaltmaq və preparatın daxil edilməsi intervalını artırmaq
olar. BÇ-nin bəzi hallarında inyeksion dərman vasitəsinin həftədə üç dəfə verilməsinə keçmək
olar.
Ağır BÇ zamanı parenteral müalicəni tam dayandırmaq və xəstənin xəstəxana şəraitində
müalicəsinin davam etdirməsi məsələsini həll etmək lazımdır. Belə hallarda mütəxəssis nefroloq
cəlb edilməlidir. BÇ-nin digər səbəblərini də nəzərə almaq lazımdır.
Rifampisin qəbulu zamanı sidiyin qırmızı və ya qəhvəyi rəng alması tez-tez müşahidə
olunur. Xəstələrə belə əlamətlərin ola biləcəyi haqqında əvvəlcədən məlumat vermək lazımdır.
Belə hallarda dozaların uyğunlaşdırılması
tələb olunmur
.
Sümük-əzələ sistemi tərəfindən simptomlar
Vərəm xəstələrinin müalicənin ilk aylarında pirazinamidin, ftorxinolonların və tiamidlərin
yanaşı təsiri kimi keçici artralgiyalar, artritlər və əzələ ağrıları müşahidə olunur. Z və Cm-lə
müalicə zamanı xəstələrin ¼-də artralgiya və mialgiya ola bilər. Bu əlamətlər adətən iltihab
əleyhinə dərman vasitələri ilə azaldıla və sonralar tam aradan qaldırıla bilər .
Müalicə başlandıqdan bir neçə ay sonra bəzi oynaqlarda davamlı oynaq və əzələ
simptomları əmələ gəlir. Podaqra və oynaqların degenerativ xəstəlikləri eyni simptomlara malik
ola bilər. Simptomlar müşahidə olunmadığı zaman hiperurikemiya müalicə kursunun
dəyişdirilməsi üçün əsas deyil və VƏDV qəbulu dayandırıldıqdan sonra aradan qalxır. Əsas
müalicə vasitəsi iltihab əleyhinə dərmanların qəbuludur (indometasin 50 mq gündə 3 dəfə, sonra
25 mq; və ya ibuprofen 400-800 mq gündə 3 dəfə; və ya naproksen 750 mq sonra 250 mq gündə
3 dəfə). Pirazinamid alan hiperurikemiya və podaqraya səciyyəvi olan artritli xəstələrdə
allopurinolun istifadəsi az təsirli olduğu üçün tövsiyə olunmur.
Sinir sisteminin zədələnməsi
VƏDV müalicəsi zamanı sinir sisteminin zədələnməsi tez-tez baş verir. Onların bir qismi
yüngül keçir, digəriləri isə (eşitmə zədələnmələri) tədricən əmələ gəlir və müalicə olunmur.
Eşitmənin zədələnməsi
Ototoksiklik VIII-ci kəllə-beyin sinir cütünün zədələnməsi ilə əlaqədardır, bu isə eşitmənin
pozulmasında və/və ya qulaqlarda küyün olmasına səbəb olur. Yüksək tezlikli küy adətən
eşitmənin itirilməsi ilə nəticələnir.
254
Bununla yanaşıaşı vestibulyar simptomlar da (nistaqm, ataksiya, tarazlığın itirilməsi)
müşahidə oluna bilər. Belə simptomlar adətən toplam böyük doza aminoqlikozidlər və/və ya
kapreomisin alan xəstələrdə müşahidə olunur; klaritromisin də ototoksik təsirə malikdir.
Furosemidın qəbulu,
xüsusilə BÇ fonunda, dərmanların ototoksik təsirini gücləndirə bilər.
Eşitmə pozğunluğu geridönməzdir. Lakin eşitmə pozğunluğuna səbəb olan dərmanın
qəbulunun dayandırılması ilə qarşısını almaq olar. MBT-nın yüksək davamlılığı və/və ya
vəziyyəti ağır olan xəstələrdə, eşitmənin pozulmasına baxmayaraq inyeksion terapiyanın davam
etdirilməsi əsas ola bilər. Belə hallarda aminoqlikozidləri kapreomisinlə əvəz etmək olar (MBT-
nın ona qarşı həssaslığı saxlanıldığı halda). Eləcə də, inyeksion preparatların həftədə üç dəfə və
ya daha aşağı dozada verilməsini nəzərdən keçirmək olar.
Periferik sinirlərin zədələnməsi
Periferik sinir sisteminin zədələnməsinə bir çox VƏDV səbəb olur, o
cümlədən,
aminoqlikozidlər, izoniazid, tiamidlər, ftorxinolonlar, kapreomisin, sikloserin və etambutol.
Şəkərli diabet, İİV, alkoqolizm, hipotireoz, digər dərman vasitələrinin qəbulu (məsələn, difenin,
amiadaron, dapson, bəzi xərçəng əleyhinə dərmanlar), həmçinin B qrup vitaminlərin və fol
turşusunun çatışmazlığı periferik neyropatiyaların səbəbi ola bilər. Sinir keçiriciliyinin
müayinəsi diaqnostika standartı ilə müəyyən edilməsinə baxmayaraq, neyropatiya diaqnozunu
klinik göstəricilər əsasında da qoymaq olar. Neyropatiyanın simptomlarına daxildir: adətən aşağı
ətraflarda müşahidə olunan hissiyatın pozulması (məsələn, keyimə, iynə batma, yanma, ağrı
hissi, isti-soyuq hissinin itirilməsi) eləcə də, yerimənin pozulması, zəifləmə, vətər reflekslərinin
zəifləməsi və ya olmaması. Hərdən həssaslıq pozğunluqları yuxarı ətraflarda və bədənin digər
hissələrində də müşahidə oluna bilər.
Piridoksinin profilaktik təyinindən başqa, xəstələrdə vitamın çatışmazlığının qarşısını almaq
məqsədilə vitaminlərlə zəngin qidalanma da təmin edilməlidir. Perifierik neyropatiya diaqnozu
qoyulduqda onun mümkün olan digər səbəblərini yadda saxlamaq lazımdır.
Neyropatiyanın simptomatik müalicəsinə daxildir: fizioterapiya və trisiklik antidepressantlar
(əks göstəriş olmadığı halda)
. Antidepressantların qəbulu kiçik dozalardan başlayır, məsələn, 25
mq amitriptilin yatmazdan əvvəl, müalicənin nəticəsini ən azı bir həftə gözləmək lazımdır.
Effekt olmadığı halda dozanı yatmazdan əvvəl 75 mq-a qədər artırmaq lazımdır. Trisiklik
antidepressantların təsiri olmadığı halda qabapentin təsirli ola bilər (400 – 1200 mq gündə üç
dəfə). VƏDV-lərin parenteral qəbulu zamanı trisiklik antidepressantların təyinindən əvvəl
elektrolitlərin səviyyəsini də nəzarətdə saxlamaq lazımdır.
Qıcolmalar
Qıcolmalar baş beyinin patoloji elektrik aktivliyinin təzahürüdür. Diaqnoz klinik göstəricilər
əsasında elektroensefaloqrafiya aparılmadan qoyulur. Klinik simptomlara daxildir: , huşun
itirilməsi, əzələlərin zəifliyi və ya qeyri-iradi qısalmaları, sidiyin və nəcisin saxlanılmaması,
tutmadan sonra huşun pozulması və ya yuxululuq.
Diaqnoz qoyulduqdan sonra qıcolmaların səbəblərini müəyyən etmək lazımdır. Onlara aid
ola
bilər - sikloserinin, izoniazidin və ftorxinolonların qəbulu və infeksiya (o cümlədən,
MSS-nin
vərəm zədələnməsi), hipokaliemiya, elektrolit tarazlığının pozulması, hipoksemiya, alkoqol
abstinensiyası sindromu, digər dərmanların istifadəsi (məsələn, penisillin, trisiklik preparatlar),
uremiya və qaraciyər funksiyasının pozulması.