Say 3 • Noyabr • 2011 |
STRATEJİ TƏHLİL
67
digər iki Cənubi Qafqaz dövlətinə qarşı istifadə etmək üçün əlverişli olması.
Türkiyəyə qarşı tələbləri və Azərbaycan torpaqlarını işğal etməsi Ermənistanın
alternativ enerji mənbəli mövqeyini Gürcüstana verərək geopolitik əhəmiyyətini
itirməsinə səbəb olmuşdur. Regionun əhəmiyyətini artıran bütün layihələr BTC,
BTƏ və BTAQ hətta Ermənistanın müttəfiqləri Rusiya və İranın daxilində yer aldığı
şimal-cənub dəmir yolu layihəsi Ermənistandan yan keçir. Təktərəfli asılılığı artı-
ran bu vəziyyət Ermənistanda tez-tez təhlükəsizlik və xarici siyasət mövzularında
mübahisələrə səbəb olur və bu aslılıq Ermənistanın digər dövlətlər tərəfindən
Gürcüstan və Azərbaycana qarşı istifadəsini asanlaşdırır. Lakin ən böyük müttəfiqi
Rusiyanın birbaşa Ermənistanla quru əlaqəsi olmaması kimi digər müttəfiqi
olan İranın özü də dünyadan təcrid olduğu üçün Ermənistan geopolitik təcrid
vəziyyətindən yaxa qurtara bilmir. Türkiyə və Azərbaycan arasında sıxılıb qalan
Ermənistan beləliklə, öz geopolitik üstünlüyünü Gürcüstana verib, eyni zamanda
Gürcüstandan da asılı vəziyyətə düşmüşdür.
Ermənistan Rusiya, ABŞ, Aİ və Türkiyə ilə ticarət əlaqələrini Gürcüstan
üzərindən həyata keçirir. Ermənistan bu mövzuda ən ciddi problemi 2008-ci
ildə baş verən Rusiya-Gürcüstan müharibəsində yaşamışdır. Müharibəyə görə
Rusiya və Qərb ilə ünsiyyəti pozulan Ermənistan iqtisadiyyatı 680 milyon dollar
ziyan etmişdir ki, bu rəqəm 2.5 milyard dollarlıq dövlət büdcəsinə sahib olan
Ermənistan üçün çox böyük rəqəmdir. Ermənistanın bu geopolitik məngənədən
çıxış yolu Türkiyə və Azərbaycanla əlaqələrini təmin etməkdir.
Cənubi Qafqazın açıq dənizlərə çıxışı olan ölkəsi Gürcüstan, Qara dəniz
hövzəsidir. Heç bir enerji qaynağı olmayan Gürcüstanın geosiyasi dəyəri Cənubi
Qafqazın giriş və çıxış qapısı olmasıdır. Buna görə də Qərb ilə Rusiya arasında
mübarizə sahəsidir və Gürcüstanın qəbul etdiyi qərarlar bu mübarizədə onu
çətin vəziyyətə salmışdır.
Cənubi Qafqazın çıxış qapısı olması Gürcüstan, Ermənistan və Azərbaycan
üçün çox böyük əhəmiyyət kəsb edir. Ermənistan-Azərbaycan müharibəsindən
geosiyasi mənada ən çox qazanan tərəflərdən biri Gürcüstandır. Ermənistanın
iki strateji müttəfiq olan Türkiyə ilə Azərbaycanın arasında yerləşməsi
və bu iki
dövlətin Ermənistanla münasibətlərinin olmaması onları Gürcüstana möhtac
etmişdir. Bu qazancın fərqində olan Gürcüstan üstün mövqeyini BTC və BTAQ
layihələrində Türkiyə və Azərbaycana qarşı istifadə edərək, maksimal səviyyədə
güzəştlər əldə etdi. Ermənistanın Türkiyə və Azərbaycan ilə münasibətlərinin
yaxşılaşması tərəflərin Gürcüstandan asılılığını azaldan kimi Gürcüstanın geo-
siyasi dəyəri də regional və qlobal güclər üçün azalacaqdır.
Nəticə
Regional və qlobal güclər arasında rəqabət artdığı müddətdə bölgədə
gərginlik və qarşıdurmalar artmaqda, regional və qlobal əməkdaşlıq təmin
edildiyi zaman regionda sakit bir dövr yaşanmaqdadır. Məsələn, 2008-ci ilə
qədərki müddətdə ABŞ-ın rəngli inqilabları yayma və NATO-nun genişlənmə
cəhdləri bölgədə rus-gürcü müharibəsi ilə nəticələnmişdir. Müharibədən sonra
STRATEJİ TƏHLİL | Say 3 • Noyabr • 2011
68
Türkiyə-Rusiya və Rusiya-ABŞ arasında qismən əməkdaşlıq təmin edildiyi üçün
Cənubi Qafqazda ciddi qarşıdurmadan bəhs edə bilmərik.
Region dövlətləri üçün suverenliyini, milli maraqlarını və azadlığını qorumaq
mübarizəsi olan bu oyun regional güclər üçün varlıq və xarici yardımların səbəbi,
qlobal güclər üçün isə hakimiyyətini genişləndirməmə sahəsi olmuşdur. Region
dövlətləri qlobal və regional dövlətlər arasında rəqabətdən istifadə edərək bö-
yük güclər arasında tarazlığı təmin etməyə çalışdılar. Qlobal və regional dövlətlər
isə kiçik dövlətlərin bu ehtiyacını onları özlərindən asılı etmək üçün istifadə
etdilər. Bu mübarizə bir növ soyuq müharibə dövründən qalan liberal dünya ilə
milli dövlət anlayışı arasında davam edən mübarizə nümunəsidir.
Sahib olduğu imkanlar çərçivəsində qiymətləndirdiyimz zaman regional
qütbləşmədə Azərbaycan-Gürcüstan-Türkiyə məhvəri artıq öz imkanları ilə
irəliləməkdədir. Bakı-Tbilisi-Axalkalaki-Qars dəmir yolu layihəsinə ABŞ və Aİ-
nin qarşı çıxmasına baxmayaraq, region dövlətlərinin özləri tərəfindən həyata
keçirilməsi nümunə olaraq göstərilə bilər. Rusiya-Ermənistan-İran isə status-
kvonu qorumağa çalışsa da bunu bacarmadı. Gürcüstan, sonra isə Rusiya
bölgədə mövqeyini gücləndirmiş kimi görünsə də, əslində daha uzunmüddətli
prosesdə nəticənin Rusiya üçün arzuedilən olmadığı görünür. Putinin
hakimiyyətə gəlməyi də bunu dəyişdirməyəcəkdir. Region dövlətlərindən
sadəcə Ermənistan Rusiyanın region siyasətinə və təşkilatlarına ciddi dəstək
verir. Gürcüstan MDB-dən çıxdı, Azərbaycan isə Kollektiv Təhlükəsizlik
Təşkilatının (KTT) üzvü deyil. Sadəcə Ermənistan MDB və KTT fəal dəstək
versə də, onun özü regionda təklənmiş vəziyyətdədir. Ermənistanın regiondakı
hərəkət sahəsinin dar olmağı müttəfiqləri olan Rusiyaya və İrana da təsir edir.
İstifadə edilmiş ədəbiyyat
1. Çelikpala, Mitat, “Türkiyə ve Kafkasya: Reaksyiner Dış Politikadan Proaktiv Ritmik
Diplomasiya Geçiş”, Uluslararası İlişkiler, Cilt 7, Sayı 25, Bahar 2010. SS. 93-126.
2. Kasım, Kamer, Soğuk Savaş Sonrası
Kafkasya, USAK, Ankara 2009.
3. Nye, S. Joseph, Dünya Siyasetinde Başarının Rolu:
Yumuşaq Güc, Elips, Ekim 2005.
4. Reynolds, A. Michael, Shattering Empires, The Clash and Collapse of The Ottoman
and Russian Empires 1908-1918.
Cambridge, 2011.
5. Veliev, Cavid ve Aslanlı, Araz, Güney Kafkasya: Toprak Bütünlüğü, Jeopolitik Müca-
deleler
ve Enerji, Berikan Yayınlaır, Ankara 2011.
Javid Valiyev
The struggle for geopolitical influence in the South Caucasus
The notions such as “black hole”, “geopolitical vacuum”, “power vacuum”
emerged after the dissolution of Soviet Union are used to indicate the lack of
power in the region to provide authority. Not only great powers, but also regi-
onal powers were involved into struggle to gain geopolitical preponderance in
the In the South Caucasus where power vacuum emerged and horizontal and