76
menyunun
Component/Configure Palette... (Komponent/Komponentlər palitrasının sazlanması)
və ya
Komponentlər palitrasının kontekst menyusunun
Properties (Xassələr)
əmri ilə çagrılır.
Onun köməyi ilə komponentləri və habelə onların yerləşdikləri səhifələri pozmaq, əlavə
etmək və onların yerlərini dəyişmək mümkündür.
Forma konstruktoru pəncərəsi ilkin olaraq ekranın mərkəzində yerləşir və Forml adlı
sərlövhədən ibarət olur. Bütün layihələndirmə işləri məhz onun üzərində yerinə yetirilir.
Ona görə də hər bir proqramda ən azı bir forma olur. Əgər proqramda bir neçə forma
istifadə olunarsa, onda onların sərlövhəsi Forml, Form2 və s. kimi adlardan ibarət olur.
Lakin, bu standart adları biz özümüz proqramın mahiyyətinə uyğun daha mənalı adlarla
əvəz edə bilərik. Hər hansı bir əlavə yaratdıqda proqramçı Komponentlər palitrasından
müvafıq komponentləri (obyektləri) forma üzərində yerləşdirir. Bu obyektlərin forma
üzərində düzgün və səliqəli yerləşdirilməsi üçün forma nöqtəli şəbəkədən ibarət olur.
Proqram hazır olduqda isə həmin şəbəkə yox olur. Layihələndirmə zamanı Forma
konstruktoru "kadr arxasinda" qalır, proqramçı isə formanın özü ilə işləyir və ona görə
də Forma konstruktoruna sadəcə olaraq Forma pəncərəsi və ya Forma deyilir.
Kod redaktoru pəncərəsi Forma konstruktoru pəncərəsinin arxasında yerləşir və bu
pəncərə tərəfindən demək olar ki, tam örtülür. Pəncərənin sərlövhəsi Unitl. pas
adlanır; proqramçı bu adı dəyişdirə bilər. Bu pəncərədə "boş" formaya uyğun, Object
Pascal dilində yazılmış modulun kodları (yunit) yerləşir, başqa sözlə, kod redaktoru
heç vaxt boş olmur. Çünki, Delphi bizim yerinə yetirəcəyimiz işlərin xeyli hissəsini özü
avtomatik olaraq yerinə yetirir. Buna baxmayaraq, biz proqrama yeni operatorlar əlavə
etdikdə, onu məhz bu pəncərədə yerinə yetirəcəyik. Bəzi operatorlar Delphi bizim
xahişimizlə özü əlavə edəcək, digərlərini isə özümüz yazacağıq. Kod redaktoru adi mətn
redaktorudur və onun köməyi ilə modulun mətninə və ya digər mətn tipli fayllara
düzəlişlər etmək mümkündür.
Forma konstruktoru və Kod redaktoru pəncərələrinin yerini dəyişmək üçün
F12
klavişini və ya lazım olan pəncərənin oblastında mausun düyməsini basmaq kifayətdir.
Mausun göstəricisini sərlövhə sətrində yerləşdirərək onu hərəkət etdirməklə də
pəncərələrin yerlərini dəyişmək mümkündür.
downloaded from KitabYurdu.org