Holms düşüncəli bir şəkildə oturduğu yerdən dikəldi:
-Tamamən təxmin etdiyim kimidir, - dedi. - Qulaqla-
rında sırğa dəliyi var idimi?
-Bəli cənab. Gəncliyində bir qaraçıya qulağını deşdirdi-
yini demişdi.
-Başa düşürəm, - dedi Holms stuluna çökərək. - Hələ ya-
nınızdadırmı?
-Bəli cənab. Hətta onu evdə qoyub gəldim.
-Siz olmayanda işləriniz gedirmi?
-Heç şikayətim olmayıb cənab. Səhərlər onsuz da çox iş
olmur.
-Bu qədər kifayətdir, cənab Vilson. Bir-iki günə, sizə xə-
bər verərəm. Bu gün şənbədir. Ümid edirəm bazar ertəsinə
qədər bu məsələni həll edərik.
-Hə, Uatson, - qonağımız getdikdən sonra Holms dedi, -
Bütün bunlardan nə nəticəyə gəlirsən?
-Heç bir şey, - dürüstcəsinə cavab verdim. - Çox sirli bir
işdir.
-Ümumiyyətlə, - dedi Holms, - bir şey nə qədər qəribə
görünürsə, o qədər az sirli olduğu ortaya çıxır. Eynilə sadə
təyin etmənin çox çətin olduğu kimi, əsas ağıl çaşdıran da
sadə, ümumi cinayətlərdir. Amma bu məsələdə daha çevik
davranmalıyam.
-Yaxşı nə etməyi düşünürsən?
-Siqar çəkməyi, -cavab verdi. - Bu, ən azı üç siqarlıq bir
problemdir və buna görə əlli dəqiqə boyunca danışmayaq.
Arıq qıçlarını çənəsinə qədər çəkərək, kresloda qıvrıldı və
gözlərini yumaraq orada sakitcə oturdu. Ağzındakı qara si-
qarı qəribə bir quşun dimdiyi kimi dayanırdı. Bir müddət
sonra, yatdığını düşünməyə başlamışdım ki, birdən kreslo-
103
sundan atıldı və siqarını buxarının üstünə qoyaraq danış-
mağa başladı.
-Bu gün günortadan sonra Sant Ceyms salonunda Sara-
sate oynayırıq. Nə deyirsən Uatson? Xəstələrin sənə bir neçə
saat icazə verə bilərlərmi?
-Bu gün görüləcək işim yoxdur. İşim heç zaman vaxtımı
almır onsuz da.
-Elə isə şlyapanı götür və gəl. Əvvəl şəhər mərkəzinə ge-
dəcəyəm, yolda günorta yeməyi yeyə bilərik. Bugünkü proq-
ramda Alman musiqisi var. Bunu İtalyan və ya Fransız mu-
siqisinə dəyişə biləcəyimi bilirsən. Hər zaman qapalıdır və
bu gün də mənə lazım olan budur. Gedək!
Metro ilə Oldersqeytə qədər getdik; oradan qısa yolla,
bu səhər dinlədiyimiz qəribə əhvalatın baş verdiyi “Seks Ko-
burq” meydanına getdik. Sakit, kiçik, kübar bir yer idi. Dörd
sıra iki mərtəbəli kirəmitli evlər bir az yaşıllıq, bir az da sol-
muş dəfnə kollarından ibarət olan bir əraziyə baxırdı. Yenə
də bütün bunlar tüstü, xoşagəlməz atmosferə mane ola bil-
mirdi. Küncdə, qəhvəyi reklam lövhəsinin üzərində ağ hərf-
lərlə "CABEZ VILSON" yazılmışdı, beləcə evin, qırmızı saçlı
müştərimizin işlədiyi yer olduğu aydın olurdu. Şerlok
Holms, evin qarşısında dayandı və işıldayan gözləri ilə, baş-
dan ayağa araşdırdı. Sonra yavaşca küçənin yuxarısına getdi
və geriyə addımlayaraq, küncə doğru gəlməyə başladı. Hələ
diqqətlə baxırdı. Sonunda kirayə ofisinin önünə gəldi, çəli-
yiylə səkiyə iki-üç dəfə bərk-bərk vurduqdan sonra qapını
döydü. Parlaq görünüşlü, üzütəraşlı gənc qapını açdı və onu
içəri dəvət etdi.
-Təşəkkür edirəm, - dedi Holms. - Sadəcə buradan sahilə
necə gediləcəyini soruşacaqdım. Gənc qapını bağlaya-bağla-
ya tələsik cavab verdi:
104
-Sağdan üçüncü küçədən dönün, sonra soldan dördüncü
küçədən yolu görəcəksiniz.
-Ağıllı adamdır, - dedi Holms, oradan uzaqlaşarkən. -
Məncə, Londonun ən ağıllı dördüncü adamıyla qarşı-qarşı-
yayıq; hətta üçüncü belə ola bilər. Onun haqqında daha əv-
vəldən bəzi şeylər eşitmişdim.
-Görünüşə görə cənab Vilsonun köməkçisi, bu qırmızı-
saçlılar klubu məsələsində əhəmiyyətli rol oynayır. Əminəm
bura sırf onu görmək üçün gəlmisən.
-Onu yox.
-Bəs kimi?
-Şalvarının dizlərini.
-Yaxşı nə gördün?
-Görməli olduğumu.
-Çəliyi səkiyə niyə vurdun?
-Sevimli Doktor, indi müşahidə zamanıdır, danışmaq
zamanı deyil. Biz düşmən ölkəsindəki casuslar kimiyik.
“Seks Koburq” meydanı haqqında bəzi şeylər öyrəndik. İndi
arxa küçələri kəşf edək.
“Seks-Koburq” meydanından aralandıqdan sonra qarşı-
laşdığımız görüntü, bir şəklin önüylə arxa üzü arasındakı
fərq qədər diqqət çəkici idi. Şəhər mərkəzinin nəqliyyat xət-
tini şimala və qərbə bağlayan ana xətlərdən birinin üzərin-
dəydik indi. Ətrafdakı ticarət mərkəzləri, gedəniylə, gələ-
niylə davamlı bir hərəkət halında idi və səkilər, qaçışan pi-
yadaların ayaq izlərindən qapqara olmuşdu. Dəbdəbəli ma-
ğazaları və böyük iş mərkəzləriylə bir az əvvəl gəldiyimiz
solğun və hərəkətsiz yerdən çox fərqli idi.
-Bir baxaq, - dedi Holms, küncdə dayanıb prospektə ba-
xaraq. - Buradakı binaların sırasını yaddaşıma yerləşdirmək
istəyirəm. Londonu yaxşı tanımaq mənim hobbimdir. Bu tü-
105
tün mağazası Mortimerin yeridir, sonra kiçik qəzet köşkü,
bu da “City&Suburban” Bankının Koburq şöbəsidir, ardın-
dan Vegeteryan restoranı gəlir və buradakı da Mak Ferlena-
nın deposudur. Buradan da birbaşa digər bloka keçmək
mümkündür.
-İndi Doktor, vəzifəmizi tamamladığımıza görə
əyləncəyə keçə bilərik. Bir buterbrod və bir fincan qəhvə,
oradan da skripkaların şirin, zərif və mütənasib dünyasına.
Orada, bizi tapmacaları ilə narahat edəcək qırmızısaçlı müş-
tərilər olmaz.
Dostum, yalnız xəfiyyə deyil, bəstəkarlıqda da peşəkar,
yaxşı bir musiqiçi idi. Günortadan sonra konsert salonunda
böyük bir xoşbəxtliklə oturub, hərdənbir zəif barmaqlarını
musiqinin tempinə görə yelləyərək, yüngülcə gülümsəyən
üzü, rahatdüşüncəli baxışlarıyla özünü musiqiyə verdi. De-
tektiv Holmsdan; mərhəmətsiz, iti zəkalı və bacarıqlı Holms-
dan əsər-əlamət yox idi. Bənzərsiz xarakterinin bu ikili təbi-
əti zaman-zaman bir-birinin yerini alaraq, dəyişikliyə yol
açırdı. Arada sırada ortaya çıxan poetik və düşüncəli ruh ha-
lının, həddindən artıq zəkası və düşüncəsi ilə əlaqələndir-
mişdim. Təbiətimdəki bu dəyişikliklər, həddindən artıq bez-
ginliklə istehlakçı bir dinamika arasında təbəddülata aparıb
çıxarırdı. Bəzən günlərlə kreslosunda oturub improvizə və
qotik yaradıcılığı ilə maraqlanardı. Amma içindəki ov ehti-
rası oyananda o parlaq ağıl gücü geri dönər, üslubundan xə-
bərsiz insanları yenidən heyrətə salardı. Onu Sant Ceyms sa-
lonunda musiqiyə dalmış halda gördüyüm zaman, izlədiyi
insanların sonunun heç də yaxşı olmayacağını hiss etdim.
Bayıra çıxanda üzünü mənə tutdu:
-Şübhəsiz, artıq evə getmək istəyirsən Doktor?
-Bəli, yaxşı olardı.
106
Dostları ilə paylaş: |