271
Kitabında toplanan şeirlərin başlıca xüsusiyyəti ondan ibarətdir ki, burada biz
fıkirlə hissin vəhdətini, ağılla ürəyin ahəngini görürük".
Qasım Qasımzadənin lirikasını tədqiqata cəlb-etdikcə bizdə belə bir fikir
formalaşır ki, o nəğməkar şairdir. Qasım Qasımzadə sevgisi səmimidir.Pafosdan,
mənasız təsvirlərdən uzaqdır. Nümunəyə nəzər salaq:
Yuxuda bu gecə qismətim oldu
Yenə də bal kimi vüsalın sənin.
Ruhumu özüylə çalıb apardı
Səhərə nur saçan camalın sənin.
Ədib sevgilisini yuxuda görür. Lakin bu yuxu bir reallıq qədər ona yaxındır.
Sevgilisinin gözəl üzü, şaqraq gülüşü, davramşı onu valeh edir. Lakin təəssüf ki,
səhər açılır. Bu yuxu göyərçin kimi uçub gedir.
Və yaxud başqa bir nümünə:
Söz verib gəlmədin dediyin anda,
Gözlərim yolunda qaldı, sevgilim!
Bir qərar tutmadım sənsiz heç yanda,
Qəm-qüssə üstümü aldı, sevgilim!
Əsər peyzajla başlayır. Fəqət bu peysajın özündə də bütün varlığı ilə
danışan lal bir sevgi gizlənir. Qasım Qasımzadə poetikasında açıq-saçıq təsvirlərə
rast gəlinmir. Onun sevgilisi bütün mental düşüncələri ilə gözəl bir Azərbaycan
xanımıdır.
Yeri gəlmişkən deyək ki, Azərbaycan Avropaya inteqrasiya etdikdən sonra
bir sıra türk mentalitetinə uyğun olmayan amillər mənəviyyatımıza ayaq açdı.
Ədəbiyyat da sözsüz ki, bu inteqrasiyadan öz nəsibini aldı. Ruhumuza yad olan
posmoderinizm ədəbiyyata gəldi. Açıq-saçıq təsvirlər, pafos, ülviyyətdən uzaq
duyğular bizim ilahi eşq adlandırdığımız bu müqəddəs duyğunu cıhzlaşdirmağa
başladı. Vaxtilə böyük Məhəmməd Füzuli eşq yolunu aşiq üçün həqiqət yolu kimi
göstərmişdir. Bizdə bu fıkirdəyik ki, təmiz, saf sevgi haqq yolunun açarıdır. Bütün
şərq müdrikləri bu fıkirdədir ki, yalnız ilahi eşqin vasitəsi ilə allaha qovuşmaq olar.
Qasım Qasımzadənin yaradıcılığından gətirdiyimiz bu iki nümunədə də
sevgi su kimi aydındır. Ədib öz qəhrəmammn qəlbinə belə toxunmaq istəmir. Öz
xəyalı altında yel qanadları ilə bu əlçatmaz qəhrəmanına doğru uçur.
Qasım Qasımzadəyə görə sevdiyinin qəlbinə toxunmaq böyük günahdır.
Ədib bu günahı etdiyi üçün əzab çəkir. Bu əzab onun yaradıcılığını, xüsusi ilə də
məhəbbət lirikasını bir xətt kimi kəsib keçir. Qasım Qasımzadə yaradıcıhğında
sevgi bütövdür. Vətən, torpaq sevgisi, ana-övlad sevgisi və ən nəhayət ömür-gün
yoldaşı sevgisi ədibin yaradıcıhğı boyu heç vaxt sınmır və hər zaman bir bütöv
varlıq kimi vəhdət təşkil edir. Heç də təsadüfı deyil deyil ki, Qasım Qasımzadənin
sevgi seirləri Azərbaycan bəstəkarlarının nəzərini özünə cəlb etmiş, günümüzdə
belə duyan gəlbləri, insanların ürəyinə su səpən gözəl nəgmələr könülləri riqqətə
gətirmişdir.
272
Qasım Qasımzadənin məhəbbət lirikasında diqqət çəkən cəhətlərdən biri də
gecə təsvirləridir. Sənətkar bədii sözün qüdrəti ilə gecəni elə təsvir edir ki, oxucu
bu şeirləri oxuyanda gözü önündə ulduzları sayrışan, on dörd gecəlik ayı, bərq
vuran sakit səma, romantik gecə tablosu canlanır. Məhəbbətin saflığı gecənin
saflığına qarışır. Adama elə gəlir ki, Qasım Qasımzadə də romantizmin
nümayəndələrindən biridir. Çox güman ki, yaşadığı dövr ona imkan versəydi onun
yaradıcılığı tamam başqa yöndə inkişaf edərdi. Sovet imperiyası və onun
ideologiya maşını bir çox şairlər kimi Qasım Qasımzadənin də yaradıcılığını
məngənəyə salmışdır.
Qasım Qasımzadənin məhəbbət lirikasında psixoloji amillər də nəzərdən
qaçmamalıdır. Maraqlı cəhət burasındadır ki, həm sənətkarın öz günahı, həm də
qəhrəmamnın səhvləri ədibin psixikasına güclü təsir göstərir. Onu kədərləndirir.
Şair bu kədərdən uzaqlaşmağa çalışsa da buna gücü çatmır. Məhəbbətin amansız
silahı olan ayrılıq onu dərin girdablara sürükləyir.
Bu kədər Qasım Qasımzadənin vətənpərvərlik şeirlərində də duyulur.
Azərbaycanın ikiyə bölünməsi, ana-bala həsrəti, ömür-gün yoldaşı məhəbbəti
Qasım Qasımzadə kədərinin mahiyyətini təşkil edir. Bu da onu deməyə imkan verir
ki, şairin yaradıcılığında sevgi-məhəbbətlə yanaşı vətən sevgisi də var və bu sevgi
bir boy da üstündür. Şair öz vətəninin qızını, gəlinini alçalmış şəkildə görmək
istəmir. Lirik qəhrəmanı olan gözəl Azərbaycan xanımını dərin bir məhəbbətlə
sevir. Elə dərin bir məhəbbətlə ki, burada hiyləyə, xəyanətə yer yoxdur.
Ay qız, çiçəyisən bizim dağların,
Hüsnünün şöhrəti tutmuş hər yanı.
Laləni qızartmış al yanaqların,
Gözlərin mat qoymuş bala ceyranı.
Qasım Qasımzadə yaradıcılığında aktual problemlərdən biri də qadına
münasibət konsepsiyasıdır. Materiorxal epoxanın bitməsi, patriorxal
epoxanın başlaması bütün dünyada qadına münasibəti dəyişdi. Belə ki, XX yüz
illikdə kişilər ətrafmda güclü qadın görmək istəmirdilər. Bu da dünya sferasında
qadın hüquqlarının pozulmasına gətirib çıxartdı. Qasım Qasımzadənin
uzaqgörənliyi, qadma münasibət baxışı oxucunu heyrətləndirir. Ədib " Qəzəbli
dağlar" poemasında bir kürd qızının, Azərbaycan xanımının ağlını, qeyrətini,
qürurunu heç bir əlavə şərh vermədən fəxarətlə təsvir etməsi fikrimizə canlı
sübutdur. Qasım Qasımzadə öz kökünə bağhlığını məhz bu poemasında bir daha
bəyan edir. "Dədə Qorqud" boylarında qadın necə ismətli təsvir olunubsa Qasım
Qasımzadənin lirik qəhrəmanı, sevdiyi gözəl Burla Xatunlardan, Banu Çiçəklərdən
heç nəyi ilə fərqlənmir.
Qasım Qasımzadə yaradıcıhğında lirik qəhrəmanına incə bir yumorla,
zarafatyana yanaşma tərzi mövcuddur. Bu zarafatın özündə də bir kişi ciddiyəti
var. Qeyri-səmimi duyğulardan uzaq olan bu zarafatlar insanın qəlbində xoş
duyğular oyadır.
Dostları ilə paylaş: |