287
inkişafı ilə əlaqədar olub. Demək olar ki, o zaman ölkənin hər yerində bu sənətə
təlabat vardı. Xanlıqlar dövrünə aid arxiv sənədlərində və digər yazılı mənbələrdə
Azərbaycanın Şamaxı, Şəki, Ərdəbil, Təbriz, Naxçıvan, Gəncə, Ordubad kimi
şəhərlərində saxsı məmulatlarının istehsalı barədə qeydlər var. Dulusçuluq
istehsalının Bakıda da mövcud olması öz təsdiqini tapıb. Şəhərin ətrafında müxtəlif
gil yataqları burada saxsı qabların istehsalı üçün şərait yaradırdı. 1946-cı ildə
şəhərin Qala ərazisində aparılmış qazıntı işləri zamanı XVII-XVIII əsrlərə aid xeyli
miqdarda şirəli qablar- kasa, boşqab, badya və s. tapılıb ki, bunların da əksəriyyəti
yerli istehsalın məhsulları idi. Qarabağda isə dulusçuluq istehsalı ilk orta əsrlərin
sonlarından başlayaraq daha yüksək səviyyəyə çatıb. Burada aparılmış arxeoloji
qazıntılar göstərir ki, IX-XIII əsrlərdə dulusçuluq yüksək inkişaf etmiş bir sənət
sahəsi kimi formalaşdı. Bu dövrdə istehsal edilən saxsı qablar istər hazırlanma
texnikasına görə, istərsə də zəngin bəzək elementlərinə görə həm əvvəlki, həm də
sonrakı dövrlərlə müqayisədə çox yüksək səviyyəyə qalxmışdı. Arxeoloji qazıntılar
göstərir ki, son orta əsrlərdə Qarabağda saxsı məmulatı istehsalı üç böyük qrupa
ayrılıb: şirəsiz, şirəli qablar və tikinti materialları. Şirəsiz saxsı məmulatı sırasına
hər birinin müxtəlif növləri olan küplər, qazanlar, səhənglər, bardaqlar, silbiçlər,
süd qabları, dolçalar, çıraqlar, qəlyanlar və.s aid edilir. İsmayıllı və Şəkidə də bu
sənət sahəsi yüksək inkişaf etmişdir. Qədim Azərbaycan dövləti olan Qafqaz
Albaniyasının tarixinin öyrənilməsində İsmayıllıda aşkar edilən küp qəbirləri,
yaşayış məskənlərinin qalıqları, dulusçuluq nümunələri xüsusi yer tutur. Hal-
hazırda da Azərbaycanın müxtəlif bölgələrində dulusçuluq sahəsi yaşayır və
inkişaf edir.
Dulusçuluğun belə qədim tarixə malik olması və ona olan yüksək təlabat bu
sənət sahəsi ilə bağlı leksikanın formalaşmasını şərtləndirirdi. Bu sahəyə aid sözlər
ən qədim dövrlərdən işlənmiş, təkmilləşərək dilimizə gəlib çatmışdır.
Dulusçuluğa aid sözləri leksik – semantik baxımdan aşağıdakı şəkildə
qruplaşdırmaq olar:
1. Su üçün gil qabların adlarını bildirənsözlər: səhəng, şəhrəng “balaca
səhəng”; bardaq, qurqur, sürahi “qulpsuz aşağısı girdə, dar boğazlı gil qab”, kuzə
“gil suqabı”, küp “suyu sərin saxlamaq üçün torpağa basdırılmış böyük gil qab”,
badiyə “saxsı piyalə”, dəngənə “piyalə”, güdil “saxsı su qabı”, haratzi “qulplu
saxsı qab”, gürni “saxsı su qabı”, künkü “saxsı su qabı”, qilətzə “saxsı su qabı”,
qola “bardaq”, tip “bardaqdan böyük su qabı”.
2. Yemək hazırlamaq üçün gil qabların adını bildirən sözlər: çölmək
“saxsı qazan”, güvəc “saxsı qazan”, pitidopusu “piti bişirmək üçün saxsı qab”, piyə
“ocağın üstünə qoymaq üçün saxsı qab”, kürə “yemək bişirmək üçün evin
küncündə hazırlanan gil ocaq”, təndir “çörək bişirmək üçün yerdə qazılaraq, yaxud
yerin üstündə gildən hazırlanan soba”, külçəbasan “çörək məhsullarını bəzəmək
üçün müxtəlif ornamentli alət”, küpə “turşu saxlamaq üçün istifadə edilən saxsı
qab”, bəqqa “yağ qabı”, dəngənə “turşu qabı”, səritcə “4-5 litr həcmində iriqulplu
saxsı süd qabı”, badya “qatıq çalmaq üçün qab”, dopu “bankaya oxşar qulpsuz
288
saxsı qab”, xeyrə “qaymaq yığılması üçün dərin saxsı qab”, mətrət “xeyrəyə oxşar
qab”, badi “saxsı nimçə”, baqala “kiçik saxsı qab”, bardaxbağı “bardağın qulpu”,
bəsti “kiçik saxsı qab”, bəqqə “süd saxlamaq üçün kiçik saxsı qab”, çanax “saxsı
kasa”, dalyar “plov üçün iri və dərin saxsı qab”, danbalan “saxsı nehrə”, gillətzə
“kiçik saxsı qab”, girdo “iri saxsı qab”, xayra “saxsı qab”, xum “böyük saxsı küp”,
kərəcan “dərin saxsı qab”, köçerey “kiçik saxsı qab”, kövri “ağzı enli saxsı qab”,
küpəgilə “kiçik küp”, kuzə “kiçik saxsı sənək”, qadasarı “süd sağmaq üçün saxsı
qab”, qağala “kiçik saxsı qab”, qalğa “küpə”, qavaşa “saxsı qab”, qoduş “saxsı
küpə”, quciley “saxsı qab”, quflucə “qulplu saxsı qab”, masqura “kiçik saxsı qab”,
mətərə “küp, saxsı pendir qabı”, səyən “çini yemək qabı”, qağla “saxsı qab”.
3. Dulusçuluqda istifadə olunan alət adlarını bildirən sözlər: qəlib
“çarx”, oturacaq “əl ilə işlədilən dulus çarxının aşağı hissəsi”, ox “dulus çarxının
aşağı və yuxarı hissəsini bir-birinə birləşdirən hissə”, çarxbaşı “dulus çarxının
yuxarıdakı lövhəsi”, bala kötük “dulus çarxının yuxarıdakı lövhəsi”, üst kında
“dulus çarxının yuxarıdakı lövhəsi”, ətək “dulus çarxının aşağıdakı lövhəsi”, oxucu
“dulus çarxı oxunun ucuna keçirilən metal”, daban “dulus çarxının oxunun keçdiyi
yer”, bel “dulus gili çıxarmaq üçün alət”, taşta “bel”, külüng “dulus gili çıxarmaq
üçün alət”, balta “dulus gili çıxarmaq üçün alət”, bıçaq “gil qaba forma verərkən
dulusun istifadə etdiyi taxta bıçaq”, qələm “taxta bıçaq”, daraq “trapesiya şəkilli
dulusçu bıçağı”, piatrın “trapesiya şəkilli dulusçu bıçağı”, qabatrın “dulusçu
qadınların işlətdiyi taxta dəstəkli, hər iki tərəfi iti olan metal bıçaq”, eatrin
“dulusçu qadınların işlətdiyi metal bıçaq”, karkar “uzun boğazlı qabların boğazını
çıxarmaq üçün dulusun istifadə etdiyi taxta parçası”, lenı “gil qabın boğazını
uzatmaq üçün dulusçunun istifadə etdiyi qamış parçası”, kartalaş “qabın dibinə
forma vermək üçün istifadə olunan alət”, iy “dulus məmulatında deşik açmaq üçün
hər iki tərəfi iti olan alət”, daraq “dulus məmulatını naxışlamaq üçün istifadə
olunan taxta alət”, naxış “dulus məmulatında naxış açmaq üçün istifadə olunan
taxta alət”, satıl “dulus məmulatını naxışlamaq üçün istifadə olunan alət”, xəlbir
“quru gili təmizləmək eləcə də narınlatmaq üçün istifadə olunan alət”, gön “dulus
qadınların üzərində gil yumşaltdığı dəri məmulatı, tabaq “gil qabları daşımaq üçün
istifadə olunan əşyalar”, qıra “təndiri qalamaq üçün istifadə olunan ucu qarmaqlı
uzun alət”, lok “dulus kürəsində istinin nizanlanması üçün yanacağı alıştırmağa
xidmət edən 4-5 m uzunluğunda ağac şüvül”, səpmə “dulus kürəsində bişirilən
qabların altının yapışmaması üçün onların altına qoyulan dəmir təbəqə”, gəlbəri-
“kürədə alovu nizamlamaq üçün alət”, püşkər “kündə taxtası”, xul “kündə taxtası”,
qalaq “təndir düzəldərkən alt sırada qurulmuş gilin səthinin düzəldilməsi üçün
istifadə olunan ağac alət”, qarğı darağı “qabın boğazını düzəltmək üçün istifadə
olunan qamış alət”.
4. Su təchizatı ilə bağlı vasitələrin adını bildirən sözlər: günk- “saxsı su
borusu”, lülə “iri diametrli saxsı boru”, sərnic “paylayıcı saxsı boru”, daxıl “suyun
sərnicə daxil olması üçün yer”, noyca “suyun sərnicdən çıxması üçün yer”, çolaqov
“quyunun ağzını bağlamaq üçün saxsı qapaq”.
Dostları ilə paylaş: |