198
möminliyin şərəfli bəhrəsi”
1
sözləri necə də özünü doğrultdu!
Cavanşir şahın əlindən bu qədər mükafat alandan sonra daha da
şöhrətləndi.
Midiyada və Həmədanda iki İran sərkərdəsi bir – biri ilə uzun
vaxt döyüşürdülər. Cavanşir hamının gözü qabağında onlardan birini
yerə yıxdı və qaçmağa məcbur etdi və müdrik bir adam kimi onları
barışdırdı. Elə buna görə də Xorazad adlı sərkərdə ona böyük hörmət
bəsləyir, onu həmişə təmtəraqla qarşılayırdı.
Yezdəgird şahın hakimiyyətinin səkkizinci ilində ərəblər
ikinci dəfə iranlıların üzərinə hücuma etdilər və şahın özünü Mədain
şəhərində altı ay ərzində mühasirədə saxladılar.
130
Elə bu vaxt
Xorazad və Albaniya sipəhsaları Cavanşir öz qoşunları ilə düşmən
üzərinə hücum etdilər. O, gözlərini göylərə qaldırıb dua etdi və üç
min döyüşçü ilə düşmən üzərinə hücum edib onları geri oturtdu və
təqib edərək Dəclə çayının o biri sahilinə keçməyə məcbur etdi.
Bundan sonra o, altı ay ərzində ərəblərə Dəclənin yenidən keçməyə
imkan vermədi. Bundan sonra o, şahı götürüb böyük Dastakertə
getdi.
Bu vaxt düşmən böyük qüvvə toplayıb Cavanşirin üzərinə
hücum etdi. O isə şahı götürüb Beklala
131
apardı. Həcərin oğulları
isə ( ərəblər) tufanlı dənizin ləpələritək onu təqib edirdilər. Bütün bu
günlər ərzində Albaniyanın sipəhsaları dayanmadan düşmənlərə
zərbələrini endirir və hamıya öz şəxsi şücaətini göstərərək dəfələrlə
1
İncil. Havari Pavelin yəhudilərə göndərdiyi risaləsi, XII. 11.
199
şahın ayaqları altına vurduğu düşmənlərin kəllələrini tullayırdı.
Bundan sonra hər iki tərəf qoşunlarını düzüb döyüşə hazırlıq
gördü. Elə bu vaxt İran ordularına Allah –təalanın qəzəbi tutdu və
onlar dəhşətli məğlubiyyətə uğradılar. Səmalardan endirilən buyruğa
görə İran şahlığının son saatı vuruldu.
132
Yeddi il dalbadal cəsur
Cavanşir bu ağır döyüşlərdə iştirak edib, on bir dəfə ağır yaralar
almışdı. Bundan sonra o, iranlılarla vidalaşıb Atropatenaya getdi.
Burada şan – şöhrətli ada malik olan Cavanşiri yerli İran sərkərdəsi
gördü və təkidlə ona öz bacısını vermək istədi. Lakin Cavanşir
bütpərəst arvad almaq istəmədi və öz vətəninə qayıtdı. Sevimli
oğlunu görən atası Rəhilədən olan və xiffətini çəkdiyi birinci oğlunu
görüb sevinən ulu babamız Yaqub kimi
133
həddindən artıq sevindi.
Cavanşirin saçları ağarmış atası Yaqub kimi öz oğlunu bağrına basıb
ağladı.
ON DOQQUZUNCU FƏSİL
Albaniya sipəhsaları Cavanşir haqqında və onun
iranlılar üzərindəki qələbələri. Yezdəgirdin ölümü.
Cavanşir Bizans imperatoru himayəsinə keçir
İran müharibələrindən şöhrətlə qayıdan Cavanşir çarın
sərəncamı ilə Albaniyanın bütün işlərinə rəhbərlik edirdi. O,
200
qoşununu götürüb atası ilə birlikdə Bərdə şəhərindən çıxaraq şimal
tərəfə çəkildi. Cavanşirin üsyanı haqda xəbər iranlılara çatanda
onların qoşunları bizim ölkəyə soxuldular. Düşmən qoşunlarının ön
dəstələri tezliklə bu vilayətin cənub dairələrinə girən zaman Cavanşir
yaxşı silahlanmış dəstəsilə sürətlə iranlıların qabağına çıxıb öz əlilə
onların Dəyləm mənşəli başçılarını vurdu. Cavanşir və onun
döyüşçüləri onlardan çoxlarını qılıncdan keçirib bir qismini də əsir
aldılar. Onlar böyük qənimətlər, o cümlədən at və qatırlar ələ
keçirərək geriyə döndülər. Lakin buna baxmayaraq İran qoşunları
onları təqib etməkdən əl çəkmədi. Onlarla ikinci döyüş dağlıq yerdə
baş verdi. O günü də Cavanşir qələbə qazandı və o, Allahın köməyilə
düşməni darmadağın etdi. Amma elə bu vaxt ona xəbər çatdı ki,
iranlılar Bərdəyə daxil olub onun anasını və qardaşlarını əsir aldılar.
Mən
1
həqiqəti gizlətmirəm və deyirəm: o gün Cavanşir
balalarını itirmiş dişi ayı kimi çox qəzəbləndi və hiddətləndi. O,
qəmli – qəmli tezliklə Kambeçan vilayətində və Kürün o biri
sahilində yerləşən öz ata – baba mülkünə gəldi. Burada o, iranlıların
qüvvələrinə laqeydlik göstərməyərək onlarla döyüşə hazırlıq gördü
və qoşunlarını düşmənlə üzbəüz çox düzgün yerləşdirdi. O, çox
qızğın döyüşdə başından yaralandı. Lakin Allahın köməyi ilə yenə
özünə gəldi və düşmənlə o vaxtadək vuruşdu ki, onlardan heç biri
sağ qalmadı. Bundan sonra o, şan – şöhrətlə Gürcüstan tərəfə getdi.
Qaldığı yerdə onun yanına ölkənin knyazı Adarnarseh öz əllərilə
1
Yəni müəllif.
201
Cavanşirin yaralarını sarıdı və onun qələbələrilə fəxr etdi. Burada
onlar sarsılmaz sülh sazişi bağladılar, bunlardan sonra Cavanşir
gürcü qoşununun köməyilə tezliklə Uti vilayətinə yüyürdü və orada
rastlaşdığı bütün iranlıları qılıncdan keçirdi. O, iranlıların hamısını
öz qış iqamətgahı olan Bərdə şəhəri alanda da qırdı. O, şəhəri alaraq
öz anasını və qan qardaşlarını da azad etdi.
Bundan sonra Atropatenadan onun ölkəsinə tez – tez çoxsaylı
iranlı dəstələri soxuldu. Lakin Cavanşir onlardan qorxmurdu, çünki
o, azsaylı düşmən dəstələrindən daha çox böyük qoşun dəstələrilə
döyüşməyi xoşlayırdı. Belə ki, o, Şakaşen vilayətində iki döyüşdə
əlində qılıncı çoxlu iran dəstələrini qırıb məhv etdi və bunların içində
döyüşçüləri ilə birlikdə bir neçə minbaşını da öldürdü. Lakin
Cavanşirin əlində qılıncı başqa döyüşlərdə nə qədər düşməni
öldürməsi haqqında danışmağımız burada artıq olar və buna heç
ehtiyac da yoxdur.
Cavanşirin qələbələrini görüb eşidən Erməniyyə və Gürcüstan
əyanları onun üçün öz nəsillərindən qız seçib onunla qohum olmaq
istədilər Lakin o, Sünik vilayəti knyazının Aruncan nəslindən özünə
seçib onunla evləndi və bununla da süniklilərin hamısını çox
sevindirdi.
İran sərkərdəsinə gəldikdə o, Cavanşirin əlindən öz dəhşətli
məğlubiyyətini və qoşunlarının məhv olmasını gördükdə üzünü sülhə
və məhəbbətə çevirməli oldu. O, Cavanşirə Sünikin böyük knyazı
vasitəsilə məktubla müraciət edərək and içdi ki, onunla ittifaq
Dostları ilə paylaş: |