O’zbekiston Respublikasi Oliy va o’rta

O’z-o’zini tekshirish uchun savollar:

1. 
   Narx belgilashda qanday asosiy omillar ta’sir etadi?
   
2. 
   Bozor turiga qarab narxlarni aniqlash shart-sharoitlari qanday?
   
3. 
   Narx belgilashning qanday usullarini bilasiz?
   
4. 
   Bozorda qanday segmentlarga ko’proq e’tibor beriladi?
   
5. 
   Xaridorlar qanday guruhlarga ajratiladi?
   
6. 
   Bozor narx bo’yicha qanaqa segmentlarga bo’linadi?
   
7. 
   «Qaymog’ini olish» nimani anglatadi?
   
8. 
   «Kirib olish» nimani bildiradi?
   
9. 
   Daromadning talabga ta’siri bormi?
   
10. 
    Narxlar qanday boshqariladi?
    

7. 
   mavzu: Strategik rejalashtirish va nazorat
   

Reja:

1. 
   Strategik rejalashtirish va uning turlari.
   
2. 
   Strategik rejalashtirish bosqichlari.
   
3. 
   Firmaning maqsad va vazifalari.
   
4. 
   Marketing nazorati tushunchasi.
   
5. 
   Marketing nazorat uslublari.
   

1. 
   Strategik rejalashtirish va uning turlari
   

Ko’pgina firmalar o’z faoliyatlarini o’ylamasdan, rasmiy rejalarsiz olib boradi. Firma boshqaruvchilari shunchalik band bo’lishadiki, ularning reja bilan shug’ullanishga vaqtlari ham bo’lmaydi, hattoki bu haqda o’ylab ham ko’rmaydi.

g’zma ravishda rejani tayyorlash uchun ular vaqt ajratishni xohlashmaydi. Ularning o’ylashlaricha bozordagi vaziyat juda ham tez o’zgaradi va shuning uchun ko’pgina firmalar rasmiy rejalarni qabul qilishmaydi va rasmiy rejalarsiz faoliyat olib boradi. Ammo tuzilgan rasmiy rejalarning ko’pgina foydali tomonlari bordir. Melvil Brang bu rejalarni quyidagicha ifoda etadi:

1. 
   Rejalashtirish firmada boshqaruvchilarni har doim kelajak haqida o’ylashga majbur etadi.
   
2. 
   Rejalashtirish-firmaning faoliyat yo’nalishiga aniqlik kiritadi.
   
3. 
   Rejalashtirish-nazorat uchun ko’rsatkich bo’lib hisoblanadi.
   
4. 
   Kelajak asosida firma aniq maqsadini va siyosatini aniqlaydi va o’zining dasturini tuzadi.
   
5. 
   Firmani kelajakda favqulotdagi vaziyatlarga tayyorlaydi.
   
6. 
   Firma xodimlarini ziyraklikka chaqiradi va o’z majburiyatlarini his etishga majbur etadi.
   

Shunday ekan, strategik rejalashtirishni quyidagi shakllarda ifodalash mumkin:
Strategik rejalashtirish firmaning aniq ifodalangan dasturiy bayonoti bo’lib, maqsadlar asosida yordamchi va asosiy vazifalarni mo’ljallashga, xo’jalik portfelini rivojlantirish rejasi va o’sish strategiyasini ishlab chiqaradi, uni hayotda va amalda qo’llaydi.
Strategik rejalashtirish-bu firmaning imkoniyati va sharoitlari bilan bog’liq bo’lgan boshqaruv jarayonidir.