T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
100
müasirlərimiz Əhməd bəyin “qərbçiliyini” vurğulamış və hə-
min məsələdə bu və ya digər dərəcədə şişirtməyə yol vermiş-
lər. Bizcə, bu həm də onunla izah olunmalıdır ki, Ə.Ağaoğlu-
nun Avropanın mədəni mərkəzi olan Parisdə təhsil alması,
Avropadan qayıtdıqdan sonra bir müddət Şuşada yaşadığı
dövrdə fransız dilindən dərs deməsi, öz “qərbçi” baxışlarına
görə camaat arasında “firəng Əhməd” adlandırılması və s.
bioqrafik faktlar mühüm psixoloji məqamlar kimi tədqiqat-
çıları “müşayiət” etmiş və onun yaradıcılığında onsuz da güclü
olan “qərbçilik” meyli haqqında həqiqətdə olduğundan daha
tünd təsəvvür yaratmışdır. Əslində isə Əhməd bəy Ağaoğlu
bütün “qərbçiliyinə” baxmayraq, Axundzadədən sonrakı döv-
rün ən böyük “şərqçilərindən” olmuşdur. Bu həm də bir çox
tədqiqatçıların nədənsə o qədər də diqqət yetirmədiyi incə bir
məqamla bağlıdır ki, dövrünün Avropada təhsil alan bir sıra
ziyalıları kimi, Əhməd bəy Ağaoğlu da Avropada fəaliyyətinin
başlıca hissəsini məhz Şərqi öyrənməyə həsr etmişdir. Əslində
nəinki Avropa mühitində, Avropanın elmi-nəzəri fikrində
Şərqə münasibətin, baxışın Şərqin özündəki “Şərqə baxış”dan
əhəmiyyətli dərəcədə fərqlənməsinin özü Apropaya təhsil
almağa gələn istedadlı ziyalıları cəlb edirdi. Çünki bu baxış
onlar üçün yeni bir baxış idi, artıq tam tanıdıqları, bildikləri,
zənn etdikləri problemlərdə indiyə qədər görə bilmədikləri
yeni cəhətləri görürdülər ki, bu da onları həmin problemləri
daha dərindən öyrənməyə sövq edirdi. İkincisi, Avropada
Şərqə olan marağın səviyyəsi, Şərqi öyrənməyin yüksək elmi
səviyyədə, sistemli şəkildə təşkil olunması, bir çox hallarda
Şərqlə bağlı biliklərin yüksək səviyyəli vahid sistem kimi
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
101
toplanması onlar üçün eyni zamanda, səthi maraqdan çox-çox
uzaq olan yeni biliklər əldə etmək imkanı yaradırdı. Avropa
ölkələrində şərqşünaslığın elmi-nəzəri istiqaməti ilə siyasi-
praktik istiqaməti bir-birini tamamlayırdı və bu da şərqşünas-
lıqla bağlı araşdırmaların, biliklərin cəmiyyətin sifarişinə ca-
vab verə biləcək bir səviyyədə olmasını tələb edirdi.
Şərq ölkələrinə səyahətə çıxmış alimlər, səfirlər, yazı-
çılar, coğrafiyaşünaslar öz ölkələrinə qayıtdıqda səfər xatirə-
lərini çap etdirirdilər. Əlbəttə, bu səyyahların çox zaman öz
xüsusi məqsədləri olurdu: dünyanı gəzmək arzusundan tutmuş,
gələcəkdə müstəmləkəyə çevirəcəkləri bir çox şərq ölkələrinin
həyat və məişətini öyrənməyə qədər.
Bəzən səyyahlar özləri ilə Avropaya səfər qeydləri ilə
yanaşı, gələcəkdə Avropa muzeylərinin qiymətli incilərinə
çevriləcək müxtəlif elm və sənət sahələrinə aid şərq dillərində
yazılmış əlyazmaları da aparırdılar. Nəticədə Avropa ölkə-
lərində, o cümlədən Fransada Şərqə dair zəngin məlumatlar
toplanmışdı və onların ensiklopedik sistemləşdirilməsinə ehti-
yac var idi. Xüsusilə 1882-ci ildə Parisdə “Asiya” cəmiyyəti
yarandıqdan sonra Şərqə dair bütün informasiya və tədqiqatlar
bir mərkəzdə cəmləşdi. 1883-cü ildə cəmiyyətin orqanı olan
“Asiya” jurnalı nəşr olunmağa başladıqdan sonra cəmiyyətin
işi daha da dinamikləşdi. Əhməd bəy Ağaoğlunun Avropaya
səfər edib orada olduğu illər Parisdə şərqşünaslığın qızğın
inkişaf dövrünə təsadüf edir. Parisə şərqli kimi gəlmiş Əhməd
bəy Ağaoğlunu şərqşünaslığın bu yüksək inkişaf səviyyəsi
heyrətə gətirmişdi. O da məlumdur ki, məşhur fransız tarixçisi,
filosof və şərqşünası Ernest Renan Əhməd bəy Ağaoğlunun
T.M.ABDULLAYEVA AZƏRBAYCAN ƏDƏBİ FİKRİNDƏ QƏRBÇİLİK MEYLLƏRİ
102
yüksək istedad və qabiliyyətini görərək ona Parisdə qalmağı və
şərqşünaslıqla məşğul olmağı məsləhət görmüşdü. Yalnız yük-
sək vətən sevgisi, vətənin ağrılarını çəkmək, onun ağrılarını
çiynində daşımaq mənasında “şərqçiliyi” onu vətənə qaytardı
və öz xalqına ictimai- mədəni xidmətlər göstərməyə sövq etdi.
Ə.Ağaoğlunun sonralar ən müxtəlif sahələrdə bəzən bir insan
qüvvəsi xaricindəki fəaliyyəti buna sübutdur.
Vətənə qayıtdıqdan sonra onun ilk işlərindən biri məhz
şərqşünaslığımızın, milli tariximizin, mədəniyyətimizin, dinimi-
zin öyrənilməsinə çalışması və tək özünün fədakarlığının
kifayət etmədiyini gözəl başa düşməsi ilə onun mexanizmini
yaratmağa çalışması da bununla bağlıdır: “Biz dəfələrlə Şərqin,
onun dilinin, ədəbiyyatının, tarixinin, məişətinin, dinlərinin və
ənənələrinin hərtərəfli öyrənilməsi mənasında şərqşünaslığın
əhəmiyyətini, zəruriliyini qeyd etmişik. Bu, Şərqlə Qərb arasın-
dakı qarşılıqlı anlaşılmazlığı, bir-birinə biganəlik pərdəsini
aradan qaldırmağa aparan yeganə yoldur” (90). Və ya:
“Rusiyada şərqşünaslıq cəmiyyətləri azdır və tendensiyalıdır.
Avropada şərqşünaslıq tam bir təkamül dövrü keçərək Şərq
həyatının bütün sahələrini öyrənmişdir” (90).
Sitatlardan göründüyü kimi, Ağaoğlunun Avropadan
vətənə gətirdiyi ən böyük arzularından biri məhz şərqşünaslığı
yeni şəkildə, Avropa ölkələrində olduğu səviyyədə inkişaf
etdirmək idi. Görkəmli alim və ədibin tariximizə, maarifimizə,
dinimizə, mədəniyyətimizə dair dövrünün ən yaxşı silsilə məqa-
lələrini yazması, müasir həyatın az-çox əhəmiyyətli hadisələrini
milli inkişaf istiqaməti kontekstində işıqlandırması ona ən
böyük “şərqçilərdən” biri kimi qiymət verilməsini zəruri edir.
Dostları ilə paylaş: |