Yaratilgan sanasi: Tue, 7 Oct 2023 13: 41: 22 +0500 Page 1-savol

Yaratilgan sanasi: Tue, 17 Oct 2023 13:41:22 +0500
Page 4
12-savol:
Tasavvur qiling, zakovat sandiqchasi. Sandiqchadagi bu ro‘zg‘or uchun zarur buyum o‘tgan asrning
o‘rtalarida o‘zining asosiy vazifasidan tashqari ramazon oyida juda zarur bo‘lgan va 2 mahal ota-
bobolarimiz unga murojaat qilishgan. Savol: Zakovat sandiqchasida qanday 2 ta buyum bor?
Javob:Oq va qora ip g‘altagi
Izoh: Savol muallifining buvisining aytishicha, ro‘za tutgan insonlar og‘iz ochish va yopish uchun vaqtni
aniqlashda qo‘l kelgan. 5-6 sm uznlikdagi iplar yonma-yon qo‘yilib, tashqarida ularning ranglari bir-biridan
farqlanguncha saharlik qilingan va shomda esa ranglar farqlanmaguncha og‘iz ochilmagan.
Manba: Xalq orasida shunday ma’lumot bor. Shukrulloning “Kafansiz ko‘milganlar” asari. Yangi asr avlodi.
Toshkent 2021. 85-bet.
13-savol:
14-asr oxirida Yaman davlatida BU ISHNI QILISHdan oldin kofe urug‘lari qaynoq suvda kuydirish buyurilgan.
Bundan maqsad monopoliyani saqlab qolish edi. Savol: BU ISHNI QILISH o‘rnidagi so‘zlarni yozib bering.
Javob: Eksport qilish.
Izoh: Urug‘ni bunday qayta ishlashdan so‘ng, tabiiyki, u o‘smaydi va boshqa mamlakatlar kofe yetishtira
olmaydi.
Zachot: Qabul: Chet elga sotish. Qabul emas: Sotish.
14-savol:
Toshkentdagi ushbu mavze nomi kelib chiqishida quyidagi versiya mavjud ekan. Ayrim mahalla
oqsoqollarining gapiga qaraganda, dastlab, mavze guzarida Mirsoat nomli qassob doʻkon ochib ish
boshlagan. Har safar mol soʻyganida uning oʻgʻli odamlarga bir usulda habar berib turgan. Bundan habar
topgan aholi esa goʻsht olish taraddudida guzarga otlanishgan. Shuningdek, Mirsoat qassob nihoyatda
semiz boʻlgan. Ushbu mavze u yoki bu sababga koʻra hozirgi nomini olgan ekan. Savol: Ushbu mazve
nomini yozib bering.
Javob: Doʻmbirobod.
Izoh: Qassobning oʻgʻli mol soʻyilganligi haqida odamlarga doʻmbira chalib habar bergan. Mirsoat
qassobning qorni doʻmbiradek katta boʻlganidan “Mirsoat doʻmbira” laqabini olgan ekan.