Rüfət Göyüşov
- AR MM-in 1292.3-cü maddəsində müəyyən olunan, miras
şərikinin öz payına dair sərəncam verərkən digər miras şəriklərinin
satın almaqda üstünlük hüququ və s. aiddir.
Satın almaqda üstünlük hüquqları AR Mülki Məcəlləsi ilə yanaşı,
digər normativ hüquqi aktlarda da nəzərdə tutulmuşdur. Belə ki,
"Torpaq bazarı haqqında" AR Qanunun 9-cu maddəsinin 5-ci
abzasında müəyyən olunmuş qaydaya görə, kənd təsərrüfatı
torpaqlarının, onlar üzərində istifadə və icarə hüquqlarının, habelə
kənd təsərrüfatına az yararlı və yararsız torpaqların kənd təsərrüfatına
və onunla bağlı olan dövriyyəyə cəlb edilməsi məqsədilə satın
alınmasında üstünlük hüququ, bu torpaqların əvvəlki istifadəçilərinə
və icarəçilərinə, habelə satışa çıxarılan sahələrlə həmsərhəd yerləşən
kənd təsərrüfatı istehsalçılarına verilir.
Subyektiv hüquq kimi satın almaqda üstünlük hüququnun həyata
keçirilməsi üçün qanunverici müəyyən zaman məhdudiyyətləri tətbiq
edir. Məsələn, əgər bu paylı mülkiyyətdirsə, paylı mülkiyyətin qalan
mülkiyyətçiləri daşınmaz əmlaka mülkiyyət hüququndakı satılan
payı satın almaqdan imtina edərlərsə və ya bildirişin verildiyi gündən
45 gün ərzində onu əldə etməzlərsə, daşmar əmlaka mülkiyyət
hüququndakı payı isə 15 gün ərzində əldə etməzlərsə, satıcı öz payını
istədiyi şəxsə sata bilər. Oxşar qayda qapalı səhmdar cəmiyyətlərlə
əlaqədar da müəyyən olunmuşdur. Belə ki, əgər səhmdarlardan heç
biri cəmiyyətin nizamnaməsində nəzərdə tutulan müddətdə, lakin
satış elan olunduğu tarixdən etibarən otuz gün ərzində özünün
üstünlük hüququndan istifadə etməzsə, sonrakı otuz gün ərzində
səhmdar cəmiyyəti həmin səhmləri onların mülkiyyətçisi ilə
razılaşdırılmış qiymətə özü əldə edə bilər. Səhmdar cəmiyyəti
səhmləri əldə etməkdən imtina etdikdə və ya onların qiymətinə dair
razılığa gəlin- mədikdə səhmlər üçüncü şəxsə özgəninkiləşdirilə
bilər. Növbəti misalı miras şərikləri ilə əlaqədar göstərmək olar. AR
MM-in
52
I fəsil. Alqı-satqı müqaviləsi
1292.3-cü maddəsində göstərilir ki, miras şərikləri satın almaqda
üstünlük hüququnu iki ay ərzində həyata keçirməlidirlər.
Satın almaqda üstünlük hüququ subyektiv hüquq kimi tərəflər
arasında mövcud olan razılaşmada nəzərdə tutulubsa, o zaman buna
müqavilə əsasında yaranan satın almaqda üstünlük hüququ deyirlər.
AR MM-in 659.1-ci maddəsində müəyyən olunduğu kimi, əgər belə
hüquqlar müqaviləyə əsaslanırsa, yalnız müqavilə iştirakçılarını
mükəlləfiyyətli edir və həmin əşyanı və ya həmin hüququ arxayın
əldə etmiş üçüncü şəxslərə qarşı qoyula bilməz.
Misal üçün, AR MM-in 104.2-ci maddəsində göstərilir ki,
cəmiyyətin nizamnaməsində sadə (adi) və ya digər səsli səhmlərə
sahib olan səhmdarların cəmiyyət tərəfindən əlavə buraxılan səhmləri
satın almaqda üstünlük hüququ müəyyənləşdirilə bilər. Normada
işlədilən "bilər" ifadəsi səhmdarlar üçün satın almaqda üstünlük
hüququnun təsisçilər tərəfindən təsdiq edilmiş nizamnamə ilə
müəyyənləşdirilə bilməsi imkanını nəzərdə tutur. Burada qeyd
olunan satın almaqda üstünlük hüququ tərəfləra- rası razılaşmadan
irəli gəldiyi üçün onu müqavilədən yaranan subyektiv hüquq kimi
qəbul etmək olar.
Digər misalı AR MM-in 1078-15-ci maddəsinə istinadən
göstərmək olar. Həmin maddənin 5-ci bəndində müəyyən olunmuş
qaydaya əsasən, investisiya qiymətli kağızlarının kütləvi təklif üsulu
ilə yerləşdirilməsi zamanı qiymətli kağızları alarkən bir alıcıya
başqaları qarşısında üstünlük verilməsi qadağandır. Bu müddəa
səhmdar cəmiyyətinin səhmdarlanna investisiya qiymətli kağızlarının
emissiyası haqqında qərar qəbul edilən zaman onlarda olan səhmlərin
sayma mütənasib miqdarda yeni emissiya olunan qiymətli kağızları
almaqda üstünlük hüququ verildikdə tətbiq olunmur. Bu qaydalardan
görünür ki, səhmdarların satın almaqda üstünlük hüquqları bu
səlahiyyətin emitentin qiymətli kağızların emissiyası haqqında
qərarında əksini tapdığı halda reallaşdırıla bilər.
53
Rüfət Göyüşov
Satın almaqda üstünlük hüququ ayrı-ayrı müqavilələrin
məzmunundan da irəli gələ bilər. Misal üçün, konsessiya
müqaviləsinə görə, konsessioner tapşırandan müəyyən malları
(kontrakt mallarını) vaxtaşırı satın almalı və bu malları öz adından və
öz hesabına başqasına satmalıdır (bax. AR MM, mad.800.1). Bu
zaman kontrakt mallarını müəyyən ərazilərdə və (və ya) müəyyən
müştərilərə (müqavilə ərazisi və müqavilə müştəriləri) satmaqda
tapşıran konsessionerə müstəsna satış hüququ (inhisar hüququ) verir.
Bu müqavilənin qüvvədə olduğu müddətdə tapşıranın eyni və ya
oxşar malları satmaq məqsədi ilə birbaşa və ya üçüncü şəxslər
vasitəsi ilə konsessionerin müştərilərinə müraciət etməsi qadağandır
(bax. AR MM, mad.804). Göstərilən normalar konsessionerin
müqavilə münasibətləri çərçivəsində müqavilə ilə razılaşdırılmış
ərazilərdə və müqavilə ilə razılaşdırılmış müştərilər üçün tapşıranın
kontrakt mallarını almaqda üstünlük hüququnu müəyyən edir.
Satın almaqda üstünlük hüququ əqdlərin forması ilə əlaqədar
qanunvericiliyin müəyyən etdiyi tələblər çərçivəsində həyata
keçirilməlidir. Əqd yazılı formadadırsa, o zaman satın almaqda
üstünlük hüququ barədə razılaşma da yazılı formada olmalıdır. Və
yaxud əqd notariat qaydasında təsdiqlənibsə, o zaman satın almaqda
üstünlük hüququ da notariat qaydasında təsdiqlənməlidir. Göstərilən
tələblər AR MM-in 659.2-ci maddəsində əksini tapmışdır. Həmin
normaya əsasən, satın almaqda üstünlük hüququ və müqaviləyə
əsaslanan digər üstünlük hüquqları yalnız nəzərdə tutduqları əqdin
etibarhğı üçün tələb edilən formada qeydə alınmış olduqda etibarlıdır.
Mülki qanunvericilikdə satın almaqda üstünlük hüquqlarının
həyata keçirilməsini məhdudlaşdıran şərtlər nəzərdə tutulmuşdur. AR
MM-in 659.3-cü maddəsinin tələblərinə əsasən, başqasına verilməsi
normativ hüquqi aktlarda nəzərdə tutulmuş
54
Dostları ilə paylaş: |