I fəsil. Alqı-satqı müqaviləsi
rada göndərmənin predmeti kimi, tələblərə və hüquqlara aid satıcının
sərəncamında olan bütün sənədlər və həmin tələblərdən və
hüquqlardan istifadə üçün zəruri olan bütün məlumatlar çıxış edir. Bu
tip məlumatlar sırasında sənədsiz qiymətli kağızlarla əlaqədar AR
MM-in 996.2-ci maddəsində göstərilən, təsbit edilmiş hüququ
təsdiqləyən sənəd də çıxış edə bilər.
Mülki hüquq doktrinasında hüquqların satılması, bağışlanması və
ümumiyyətlə, onlara mülkiyyət hüquqlarının ötürülməsinin nəzərdə
tutulan digər hüquqi hərəkətlər hüquqların və tələblərin güzəşti
kontekstində nəzərdən keçirilir. Tarixən hüququn sessiyası kimi
qəbul olunan bu qayda bizim qanunvericilikdə hüquqların güzəşti
kimi təqdim olunur. Belə olan halda hüquqların və tələblərin satılması
zamanı satıcı alıcıya hüquqların və tələblərin güzəşti qaydalarını
müəyyən edən AR MM-in 193.3-cü maddəsinin tələblərinə uyğun
olaraq satılan hüququn və tələbin güzəşti barədə lazımınca
təsdiqlənmiş sənədi də əldə edənə verməlidir.
Qiymətli kağızlarla əlaqədar hüquqların alqı-satqısı ilə əlaqədar
qanunverici daha maraqlı qaydalar müəyyən edir. Bildiyimiz kimi,
qiymətli kağız müəyyənləşdirilmiş formaya riayət olunmaqla hər
hansı hüququ təsdiqləyən elə bir sənəddir ki, həmin hüquq bu sənəd
olmadan nə həyata keçirilə, nə də başqa şəxsə verilə bilər. Qiymətli
kağızlar üzrə mülkiyyət hüququnun başqasına keçməsi üçün,
özgəninkiləşdirən qiymətli kağızı əldə edənə verməlidir, məhz bu
andan mülkiyyət əldə edənə keçmiş sayılır (bax. AR MM, mad. 183)
və yaxud orderli qiymətli kağız üzrə tələbin güzəşti həmin qiymətli
kağız üzrə indossament yolu ilə həyata keçirilir. Oxşar qaydalar digər
normalarda da əksini tapır. Belə ki, AR MM-in 1078-21.2 və
1078-21.5-ci maddələrində göstərildiyi kimi, adlı və adsız sənədli
qiymətli kağız üzrə hüquqlar onun sertifikatının yeni sahibinə
verilməsi ilə ötürülür.
Hüquqların alqı-satqısı zamanı onların göndərilməsi (sessiyası)
hüququn mövcudluğunu təsdiq edən sənədlər təqdim edil
49
Rüfət Göyüşov
mədən hesabdan hesaba köçürülməklə də mümkündür. Belə ki, AR
MM-in 1078-21.3 və 1078-21.4-cü maddəsində müəyyən olunmuş
qaydaya görə, adlı və adsız sənədsiz qiymətli kağızlar üzrə hüquqlar
qiymətli kağızların sahibinin "depo" hesabından yeni sahibin "depo"
hesabına köçürülməsi yolu ilə ötürülür.
Nəzərə alsaq ki, hüquqlar və tələblər qeyri-maddi nemətlərdir,
odur ki, onlara toxunmaq, onları hiss etmək mümkün deyildir.
Müəyyən sənədlərlə təsbit olunmasına baxmayaraq hər zaman
alqı-satqmın predmeti olacaq hüquqların və tələblərin real olaraq
mövcud olmaması təhlükəsi vardır. Bununla əlaqədar olaraq
qanunverici satıcının üzərinə hüququn və ya tələbin həqiqətən
mövcud olması ilə əlaqədar məsuliyyət qoyur (bax. AR MM,
mad.654.1). Qiymətli kağızın satıcısı belə bir məsuliyyət də daşıyır
ki, həmin qiymətli kağızın etibarsızlığına səbəb ola biləcək hansısa
icraata başlanılmayacaqdır.
1.8.
Satın almaqda üstünlük hüquqları
Satın almaqda üstünlük hüquqları mülki dövriyyə iştirakçılarının
subyektiv hüquqlarına aid olan səlahiyyətlərdən biridir. Bu səlahiyyət
qanunvericiliklə müəyyən olunmuş hədlər çərçivəsində həyata
keçirilə bilər. Satın almaqda üstünlük hüquqları müəyyən şərtlər
daxilində subyektiv hüquqların ayrılmaz tərkib elementi olmaqla
bərabər, bu hüququn realizəsi zamanı müəyyən olunmuş hədlər
çərçivəsindən kənara çıxılması sui-istifadə hallarının yaranmasına
səbəb ola bilər. İlk növbədə qeyd olunmalıdır ki, satınalmaqda
üstünlük hüquqları iki əsasda (qanun və müqavilə) yarana bilər. AR
MM-in 659.1-ci maddəsində nəzərdə tutulduğu kimi, satın almaqda
üstünlük hüququ və hər hansı əşyaya və ya hər hansı hüquqa digər
üstünlük hüquqları qanuna görə və ya müqa
vilə əsasında əmələ gələ bilər.
50
I fəsil. Alqı-satqı müqaviləsi
Əgər hər hansı əşyaya və ya hüquqa üstünlük hüquqları tərəflər
arasında müqavilədə nəzərdə tutulub tutulmamasından asılı
olmayaraq bilavasitə normalarda əksini tapırsa, bir sözlə, qanundan
irəli gəlirsə, o zaman, bu hüquq qanun əsasında yaranan satın
almaqda üstünlük hüququdur. Qanun əsasında yaranan satın almaqda
üstünlük hüquqlarının dairəsi kifayət qədər genişdir. Bura:
-AR MM-in 85.3-cü maddəsində göstərilən komandit ortaq- lığın
maya qoyanlarının digər iştirakçının payım öz paylarının miqdarına
mütənasib surətdə satın almaqda üçüncü şəxslər qarşısında üstünlük
hüququ;
-
AR MM-in 93.3-cü maddəsində qeyd olunan məhdud
məsuliyyətli cəmiyyətin iştirakçıları öz payını özgəninkiləşdirmək
istəyən iştirakçının payını (onun bir hissəsini) öz paylarının
miqdarına mütənasib surətdə satın almaqda üstünlük hüququ;
-
AR MM-in 101.1-ci maddəsində əksini tapan qapalı səhmdar
cəmiyyətinin səhmdarlarının həmin cəmiyyətin digər səhmdarlarının
satdıqları səhmləri əldə etməkdə üstünlük hüququ;
-
AR MM-in 218.1-ci maddəsində müəyyən olunan ümumi paylı
mülkiyyət hüququndakı pay üçüncü şəxsə satılarkən paylı
mülkiyyətin qalan mülkiyyətçilərinin satılan payı, açıq hərracdan
satış halı istisna olmaqla, satıldığı qiymətə və digər bərabər şərtlər
əsasında almaqda üstünlük hüququ;
-
AR MM-in 254-cü maddəsində göstərilən tikintiyə vərəsəlik
hüququ olan şəxsin torpaq sahəsini satın almaqda üstünlük hüququnu
və ya torpaq sahəsinin mülkiyyətçisinin tikintiyə vərəsəlik hüququnu
satın almaqda üstünlük hüququ;
-
AR MM-in 699.3-cü maddəsində nəzərdə tutulan kirayəyə
verilən əşyanın yaşayış otağı olduğu təqdirdə və kirayəçiyə
verildikdən sonra kirayəyə verən tərəfindən onun ailəsinə mənsub
olmayan hər hansı üçüncü şəxsə satılırsa, kirayəçinin satın almaqda
üstünlük hüququ;
51
Dostları ilə paylaş: |