Rüfət Göyüşov
na yaxın olmaqla başlanğıcını oradan götürür. Faktorinq' xüsusi
müqavilə növü kimi, yüz ilə yaxındır ki, bazar iqtisadiyyatı
ölkələrinin qanunvericiliklərində nəzərdə tutulmuşdur.
Bu müqavilənin təsərrüfat təyinatını AR MM-in 655.1-ci
maddəsində verilən anlayış əsasında təhlil etmək olar. Həmin anlayışa
görə, faktorinq pul tələbinin güzəşt edilməsi müqabilində
maliyyələşdirmədir. Faktorinq müqaviləsinə görə bir tərəf (faktor)
üçüncü şəxs (borclu) barəsində müştərinin (kreditorun) üçüncü şəxsə
mal verməsindən, işlər görməsindən və ya xidmətlər göstərməsindən
irəli gələn pul tələbinin hesabına digər tərəfə (müştəriyə) pul vəsaiti
verir və ya verməyi öhdəsinə götürür, müştəri isə bu pul tələbini
faktora güzəşt edir və ya güzəşt etməyi öhdəsinə götürür.
Rus müəlliflərindən D.A.Medvedevə görə faktorinq müqaviləsi
bir tərəfin digər iştirakçını ödəniş hüquq və tələblərində ifadə olunan
kreditləşmə üsuludur-. Belə bir fikir yürütməyə əsas verən amili
faktorinq müqaviləsinin Rusiya Mülki Məcəlləsinin borc və kredit
münasibətlərini tənzimləyən normalar sırasında yer alması ilə izah
etmək olar.
Bizim Mülki Məcəlləmizdə faktorinq müqaviləsi alqı-satqı
müqaviləsini tənzimləyən 29-cu fəslin 7-ci paraqrafında
yerləşdirilmişdir. Bu yanaşmanı faktorinq müqaviləsinin təbiətinə
mü-
' Faktorinq termini ingilis dilindən götürülmüşdür və agentliyin müxtəlif anlamı
mənasım ifadə edir. Beynəlxalq təcrübədə faktorinq ilə yanaşı, ona yaxın olan və fransız
dilindən götürülmüş
forfait
anlayışından da istifadə edilir. Sonuncu əsasən veksel üzrə
hüquqların maliyyə agentinə (forfaitə, yəni veksel alana) keçməsini ifadə edir (bax.
Шмитгофф К. Експорт: право и практика международной торговли. М., 1993,
с.231-237; Гражданское право: Учебник / Под. ред. А.П.Сергеева, Ю.К.Толстого.
Том 2. М.: Проспект, 2003, С.507).
- Гражданское право: Учебник / Под. ред. А.П.Сергеева, Ю.К.Толстого. Том
2. М.: Проспект, 2003, с.508.
58
I fəsil. Alqı-satqı müqaviləsi
nasibətdə daha doğru saymaq olar. Belə ki, AR MM-in 655.1-ci
maddəsində faktorinq müqaviləsinə verilən anlayışdan da görünür ki,
mahiyyət etibarı ilə faktorinq müqaviləsi həmin məcəllənin 29-cu
fəslinin 6-ci paraqrafmda nəzərdə tutulan tələblərin və hüquqların
alqı-satqısı münasibətlərinə yaxındır. Bu yaxınlıq AR MM-in 656-cı
maddəsi ilə də müəyyən olunur. Həmin normaya görə, əgər Mülki
Məcəllənin faktorinq münasibətlərini tənzimləyən 29-cu fəslinin 7-ci
paraqrafmın müddəalarından ayrı qayda irəli gəlmirsə, faktorinq
müqaviləsinə tələblərin alqı- satqısı və verilməsi haqqında müddəalar
tətbiq edilir.
Faktorinq müqaviləsinə verilən anlayışdan çıxış edərək deyə
bilərik ki, pul tələbinin güzəşti müqabilində maliyyələşdirmə
münasibətləri qarşılıqlı və əvəzli xarakterlidir. Həm faktorun, həm
də müştərinin müqavilədən irəli gələn qarşılıqlı hüquq və vəzifələri
vardır. Əvəzlidir ona görə ki, müştəri üçüncü şəxsə qarşı olan
tələblərini faktora güzəştə gedir, faktor isə bunun əvəzində müştərini
maliyyələşdirir. Faktorinq müqaviləsi üzrə güzəşt edilən tələblərə
əvəz kimi, pul vəsaitləri ilə yanaşı, müştəri üçün mühasibat uçotunun
aparılması, habelə müştəriyə güzəşt predmeti olan pul tələbləri ilə
bağlı digər maliyyə xidmətlərinin göstərilməsi də daxil ola bilər (bax.
AR MM, mad.655.4).
Faktorinq müqaviləsi həm real, həm də konsensual müqavilə
kimi qəbul edilə bilər. Tərifdən də görünür ki, faktor pul vəsaiti verir
və müştəri isə üçüncü şəxsə qarşı tələbləri güzəşt edir, bu halda
müqavilə realdır. İkinci halda faktor pul vəsaitini verməyi, müştəri isə
üçüncü şəxsə qarşı tələblərini faktora güzəşt etməyi öhdəsinə götürür,
bu halda isə müqavilə konsensualdır, yəni tərəflər arasında hüquq və
vəzifələrin yaranması üçün tərəflərin razılığa gəlməsi kifayətdir.
Adi halda faktorinq müqaviləsinin əsas məqsədi, pul tələbinin
güzəşti müqabilində faktordan pul vəsaitini almaqdır. Bununla
bərabər, qanunvericilikdə pul tələbinin güzəştinin xüsusi
59
Rüfət Göyüşov
halı da nəzərdə tutulmuşdur. Belə ki, AR MM-in 655.3-cü maddəsinə
əsasən, müştəri faktor qarşısında öhdəliyinin icrasım təmin etmək
məqsədi ilə də borcluya olan pul tələbini faktora güzəşt edə bilər.
Müqavilənin elementləri. Pul tələbinin güzəşti müqabilində
maliyyələşdirmə münasibətləri ticarət vasitəçiliyindən və maliyyə
xidmətlərinin inkişafının nəticəsi olaraq formalaşmışdır. Buna görə
də faktorinq müqaviləsi üzrə əlaqələrin strukturu komissiya
müqaviləsinin sxemi üzrə qurulmuşdur. Müqavilənin bağlanması
zamanı əsas (daxili) və törəmə (xarici) olmaqla iki qrup münasibətlər
yaranır. Daxili münasibətlər müqavilənin iştirakçıları arasında
yaranır: maliyyə agenti olan faktor və müştəri. Maliyyə agenti -
müqavilənin xüsusi subyektidir. O, kommersiya təşkilatı olmaqla
peşəkar surətdə faktorinq xidmətləri göstərir'. AR MM-in 655.6-cı
maddəsində qeyd olunur ki, faktorinq müqavilələrini faktor kimi
banklar və digər kredit təşkilatları, habelə bu cür fəaliyyəti həyata
keçirməyə icazəsi olan başqa kommersiya təşkilatları bağlaya
bilərlər.
Bu müqavilə üzrə müştəri qismində mülki dövriyyənin istənilən
şəxsi çıxış edə bilər. Lakin təcrübədə əksər hallarda müştəri kimi
kommersiya təşkilatları çıxış edir.
Faktorinq müqaviləsi üzrə xarici münasibətlər faktor ilə
müştərinin borclusu arasında yaranır. Bu münasibətlər faktorinq
müqaviləsinin predmetinə daxil olmasa da onunla bilavasitə
əlaqədədir.
Müqavilənin predmeti kimi pul vəsaitlərinin alınması
müqabilində güzəşt edilən pul tələbi çıxış edir. Müqavilənin predmeti
qismində çıxış edən tələb mütləq pul formasında olmalıdır-. Digər
əmlak tələbinin güzəşti halında (məsələn, əşyanın verilməsi
‘ Гражданское право: Учебник / Под. ред. А.П.Сергеева, Ю.К.Толстого. Том
2. М.: Проспект, 2003, с. 509.
- Yenə orada, səh. 510.
60
Dostları ilə paylaş: |